مولد نجم هلالي
 

السلام عليكم ورحمة الله ولركاته

والله يالربع ماودي اطول عليكم ولاني براعي كتابه لكن لي فتره ماشفت موهبه حقيقيه بالهلال تم تصعيدها من درجة الشباب او الاولمبي ، كلهم لاعبين كويسين ويتطورون بالتمارين بس لاعب من اول ماتشوفه تقول هذل فلته بصراحه ماشفت.

امس ماتفرجت المباراه الي بين الهلال والغرافه لاني خارج المملكه المهم يوم رجعت البيت قلت خل اشوف الملخص ابو 15 دقيقه الي باليوتيوب وانا متكي واتفرج عالملخص لاني عارف النتيجه طبعا شوي الا واشوف ذاك اللاعب الي ماشاء الله تبارك الله يجري بالملعب تقال اسد وانا الي اتعدل بجلستي قلت من ذا ؟ ياولد ذا جسمه جسم محترف لكن الهلال خلاص مايقدر يجيب احد ومحترفينه كاملين ،، وشوي الا ذا اللاعب تجيه الكوره ويملخها بالباب ذيك الملخه والله يالربع يالجريه حقته والثقه الي عنده وطريقة الشوته تقلك هذا اللاعب مووووهبه.

طبعا اللاعب طلع اسمه مجاهد المنيع ،، والعود من اول ركزه يالربع مافيها كلام

بسم الله ماشاء الله تبارك الله ،، اذا هالاعب سلم من الاصابات والغرور فله مستقبل مشرق

هذا ما احببت ان اشاركم به وشكرا لكل من اعطاني القليل من وقته وبالتوفيق للجميع

انا أتابعه من زمان ليس بالفلته لكن يحتاج فرصته ولو بالإعارة

ياليت لو فيه احد من الاخوان متابع للاعب يزودنا بمعلومات عنه
شكرا

للاسف جيل اليوم من اول مدحه صابه غرور ومات كرويا

مادامه ملخها بالباب هكالملخه اجل مامثله ...صبرا اخي لاتحكم من الان

الحكم سابق لاوانه على اللاعب
من الدقائق اللي شفتها للاعب يتضح انه غير مهاري بصراحه..لكنه لايتفلسف امام المرمى اتمنى اعطائه الفرصه لكي نجكم عليه..

مشاركه نجوم الاولمبي في الفريق الاول مطلب جماهيري

ومن الملاحظ محاربه ومحاوله إقصاء ابناء النادي صغار الهلال

وامس واحد كاتب موضوع ان السواط من اللاعبين الغير مفيدين مثل فيصل درويش !

*لابد على جميع الهلاليين حماية مواهب النادي من المندسين الحاقدين على الهلال

بعض الاعبين في الفريق الاولمبي افضل من الموجودين حاليا في الفريق الاول
ولكن اين المدرب الذكي الذي يصعد مثل هؤلاء الاعبين ويصقل موهبتهم ، وانشاءالله يكون السيد دياز احد الاذكياء

ماشاء الله تبارك الله ،، واحنا نبي لاعب مايشوف الا الباب وبدون فلسفه

شكرا لك اخي الكريم

السلام عليكم ..
يا ابن الحلال اصبر عليه مانبي نطيره فوق ترى اللي شفنا منه في المباراة (الهدف) بس .. لا نستبق الأحداث ..

وبالتوفيق والسداد لك وللأعضاء ولزعيم نصف الأرض ،،،

ما ضيعنا الا الامثال مثل العود من اول ركزة والكتاب من عنوانة والكلام الفاضي الي ماله اي لزمة

انا اشوف يعطى فرصة لاني من مؤيدين اللاعب الوطني وبالذات من صغر السن

اللاعب موهبه قادمه اتمنى عدم الاستعجال عليه

حقيقة جميع اللاعبين الذين شاركوا للمرة الأولى كانوا مبشرين
ومتحمسين ولكن من المبكر الحكم عليهم ولايعني عدم دعمهم ومساندتهم وتحفيزهم
اتمنى لهم التوفيق ويكونون اضافة للزعيم
شكرا ابوحليم اسلوب راقي وعفوي
عساك عالقوة