اهلاً وسهلاً .. أعذرني الإيجابيات ماراح اركز عليها لأنها على اسمها إيجابيات .. واللي أشوفه أنك شملت أغلب الإيجابيات ..

بالنسبة للسلبيات:

1- المباراة ودية وهي تعتبر أول مباراة للمدرب في إعداد الفريق ومن حق كل الحراس أن يشاهدهم مثل ما شاهد المعيوف .. وبعده أكيد المدرب راح يحدد الأساسي والاحتياطي بعد الاستعانة برأي مدرب الحراس.

2- من الطبيعي أنه يوجد لاعبين ما يقدمون شيء فهذا هو الهدف الحقيقي من المباراة الوقوف على مستويات اللاعبين .. والمجموعة كبيرة وكل فترة وفترة راح نشوف اسم جديد حتى تعمل تصفية كاملة وتستقر أسماء المجموعة كاملة الأساسية والاحتياطية ..

3- ألفيس احس أنه مازال يعيش تحت ضغوطات كبيرة .. حسب ما شاهدنا في محطاته السابقة كلنا نتفق أنه لاعب كبير .. توقع شخصي .. تسجيل اللاعب لهدف راح يهديه ويخليه يركز أكثر من في مشاركاته مع الفريق ويبعد عنه الضغوط .. كانك تلاحظه معيش نفسه تحت ضغط كبير وده يسوي كل شي وعشان كذا مضيع حتى الآن كل شي ..

4- ما اتفق معك في كل ما طرحت في هذه النقطة .. والحقيقة كنت انتظر منك انك تعاتب ياسر مالها داعي النرفزه عشان خطأ لم يحتسب مع بداية الشوط الثاني وفي منتصف الملعب .. نعم ضربة الجزاء غير حقيقية لكن مايستدعي الأمر للنرفزه خصوصا وانت القائد .. وبالنسبة لمدير الكرة وش يسوي يصارخ على الحكم مثلاً

5- مازلنا ننظر لدياز على انه غوستافو .. ونحاسبه على طريقته .. المدرب أقام المعسكر يبي يعرف الفريق وهذا من حقه .. وعلى فكره ما راح يستقر دياز مع الفريق ويفرض اسلوبه ويطبق بحذافيره إلا ممكن من بعد الجولة الـ10 ... بس نقطة بعد ما خربوا الخيبري جدا عايمه وماهي واضحة !!؟؟

6- السواط يحتاج إعارة إذا ما يملك القدرة على امتلاك الشراسة في القتال على فرصته اللي جالس يمنحها له المدرب .. ومع ذلك اشوف أنه مجرد وقت وراح يظهر بإمكانياته بصناعة اللعب.

7- حديثنا عن إمكانيات ميليسي وعدم التطرق لإدواردو لا يعني أنه كان سيء بالمباراة بالعكس إدواردو الآن يلعب بالمكان اللي جاء بالأساس له وهو صناعة اللعب .. كل اللي يحتاجه الوقت وجلوس المدرب معه حتى يطلع من مود الهداف وكونه لاعب خطورته فقط داخل الصندوق.

8- فيصل درويش اشوف اخذ من الفرص مايكفي ومازال مهو قادر يثبت نفسه ولا كاحتياطي أول ومنح الفرصة له الموسمين اللي راحو أشوف أنه كافي وفعلاً لاعب عادي .. ومنح باقي الفرصة للاعب من الاولمبي أولى.
مع احترامي وتقديري لحماسه وحبه للشعار لأني أشوف لو روح فيصل درويش وروح ياسر الشهراني توزعت على الفريق كان ما عشنا كل اجواء الشد والجذب بين الجماهير والإدارة .. وكان كل فريق عرف مكانه الطبيعي