| إقتباس | | | | |
الرسالة الأصلية كتبت بواسطة ثائرالهميجان | | | | | | | |
الأجانب للأسف قد لا يكون لهم تأثير كبير وان كان ليو أفضل السيئين! هل يقبل مسيري الهلال هذا المستوى ؟ كارثة أن يكون لدينا 3 محترفين اجانب بالوسط لا يوجد منهم صانع لعب!
المحليين ثبت بما لا يدع مجالا للشك عدم فائدة درويش ثم وان كان بشكل اقل الواكد ثم السواط
وكلنا رأينا الشاب البقعاوي وكيف قدم مستوى أفضل من درويش رغم مشاركته آخر ربع ساعه !
ومن مكاسب المباراة ايضا رؤية المدرب ل عطيف فهو تقريبا لا يبرز بالتمارين ولكن المباريات يقدم مستوى جيد
اليوم كسبنا المهاجم مجاهد المنيع واتمنى من الإدارة والمدرب الاستمرار بمنحه فرصة المشاركة وتوجيهه فنحن بحاجة للمهاجمين ولا يوجد من يغري للتعاقد معه على الأقل محليا
الحراسة لا المعيوف ولا الواكد مقنعين اتمنى إعادة شراحيلي ومنح الثنيان المزيد من فرص المشاركة وربما تصعيد ابو ملحه
وللجميع كامل الاحترام | | | | | |
| إقتباس | | | | |
الرسالة الأصلية كتبت بواسطة ثائرالهميجان | | | | | | | |
]اتقبل النقد والاختلاف بكل رحابة صدر ... اطرح ما تراه مخالفا ولك التقدير والاحترام | | | | | |
- نقطة الـ10 لاعبين وعدم استفادة المدرب من مباراة الغرافة هي رأي ولن أناقشه. (لأني أكتشفت أن النقاشات بالرأي قد تحدث وقد لا تحدث .. وأن حدثت للأسف حسبت على المخالف رغم أنها رأي لم تخضع لأي معايير).
- الأجانب حقيقة تعبت (بتكلم عن نفسي) وحنا نقول الفرصة .. بهذه المباراة تحديداً ما ادري على أي أساس بنيت هذا الكلام .. كلنا شفنا المباراة وكلنا شفنا المستوى المذهل (كأول مشاركة فعليه) لميليسي وبغض النظر عن ما قدم اعجب أم لم يعجب أجاد أو ما اجاد .. أنا أبصم بالعشرة أنه ما قدم ذاك المستوى اللي يخليك تصفه بالسيء باعتبار أن ليو أفضل السيئين.
- ليو جاء كمهاجم وكل مهاجم له ستايل خاص فيه .. هل تستطيع أن تشبه (بكون بدورينا) أداء حمزه إدريس بأداء سيرجيو .. أو أداء سامي بأداء المهلل .. وحاليا هل تستطيع أن تقارن ناصر بالسهلاوي .. ما اقصده كل مهاجم له ستايل خاص فيه .. ويوسف العربي الثقيل اللي فيه ومافيه شفنها يبدع مع غرناطة ويصبح أعظم هدافيه بـ35 هدف "ولاحظ بالدوري الأسباني" .. وشف مستوى الآن مع لخويا.
- ألفيس .. "اعذرني على هذا التحدي" لكن فعلاً كل الجمااااهير كلها كانت تنتظر على أحر من الجمر حضور بطاقته لمشاهدة اللاعب (الفلته) بالملاعب السعودية وكلنا صفقنا بحراااااره للإدارة بصفقة ألفيس .. وش تغير حتى الآن اللاعب لم يقدم المستوى المنتظر منه وش الأسباب .. هل لأنه سيء أو خدعنا بشبيه من شاهدنا .. أو يحاول بكل الطرق كسب ثقة الجماهير سريعا لكن الظروف والحظ والاستعجال لم تخدمه .. (أول مباراة له مع الاتفاق .. هنا بالمنتدى الكل لام المدرب عشانه ما بدأ فيه من أول المباراة،، وش صار وش تغير .. تحتاج الجماهير تدعمه تحتاج تصبر عليه)) .. فإذا الاسطورة زيدان في كل مرحلة احترافيه له وهي في أوروبا "بيئة نفس بيئته" كان يطالب على الأقل 3 أشهر مع لعب مبارايات متواصله حتى يدخل جو الفريق فما بالك بمن هم أقل منه .. نعم فيه لاعبين ما يحتاجون هذا الوقت للتأقلم ونعم مهب كل اللاعبين مثل رادوي وطارق التايب وديقاو وكواك!!
- فيصل درويش نعم اتفق معك بعد "موسمين" اخذ اكثر من فرصه وللاسف لم يثبت نفسه كثر خيره،، نعطي الفرصة لاعب من الاولمبي فهو الأحق بهذه الفرصة.
- السواط ينطبق عليه ما ينطبق على الأجانب .. الفرصة العادلة ثم بعدها الحكم .. ومثله شراحيلي بالدفاع .. بعدها إذا منحو الفرصة وماقدروا يثبتون وجوده على المدرب .. يكون لمطلب ابعادهم أو إعارتهم منطق .. مثلهم مثل الحمد سابقا والقرني وغيرهم ..
- بسألك غير الهدف وش شفت من المنيع حتى تعتبره مكسب !! نعم هدف جميل جدا ..ومثله البقعاوي وكلهم معجبني من زمان لكن اللي أقصده ليش حكم (وعين الرضا عن كل عيب كليلة .. ولكن عين السخط تبدي المساويا) !! ... ((وتراني أقصد بهذه المباراة يعني حكم من المباراة فقط، يعني انسى انك تعرفه من ايام الأولمبي))
- على مستوانا حنا كلنا لعبنا بالحواري .. ياخي لو الواحد طلع لحاره ثاني ولعب مع مجموعة غير المجموعة اللي يلعب معه كل يوم تلخبط وتصافقت رجليه كل ماجته كوره وكنه أول مره يلعب كوره وهو بس طلع من حارته ومجموعته لحاره ثانية ومجموعة جديدة.
- عودة خالد شراحيلي !!؟؟ .. ليته يقدر مطلب الجماهير ويصدق بعودته .. لكن توقع شخصي إذا خالد عزيز رجع أو برز بمكان ثاني بتشوف خالد شراحيلي !!!؟؟؟..
- اخيراً اخوي ثائر تأكد أني احترم طرحك كثير وكل إنسان له وجهة نظر .. لكن فعلا اعتقد أنك هنا قسوت برأيك ولم توفق بحكم مستعجل .. فعلاً استغربته هو"معسكر 6 أيام ومباراة". ومن حق دياز اللي يعتمد على العطاء قبل الأسم أن يقيم مثل هذا المعسكر ويتعرف على لاعبينه عن قرب ونعم هو قبلنا كان يتمنى وجود كل اللاعبين دون استثناء لكن لو ما حصل يعني نجلس بالبيت !!؟؟
-
احسبها عليّ هـــذه:
هـــلال (كندينو) 88-89م شاهدته في معسكر الدوحة مع دياز.