الف مبروك الفوز الزعيم الهلال وثلاث نقاط الصعبه

وانا ابي افهم المشكلة الهلال وين

هل هو من الاداره
او من جهاز طبي
او من جهاز فني
او من المدرب

او المشكله يجب تغيير ناصر الشمراني بشتويه

واصعاد لاعب من الاولمبي وناصر يكون بدكه

او مشكله من دورادو صاير مهاجم مستواه نازل

او مشكله تياجو ألفيش البطيئ ثقيل

او لازم نجيب مدافع بشتويه

عربي واللي يرحم والديك يا زعيم

مشكلة الهلال في تركيبته الحالية .. و عدم استفادته الاستفادة الكاملة من اللاعب الأجنبي ..
باقي الأمور تحتاج توفيق من الله أولاً .. والتركيز على التفاصيل الدقيقة البسيطة لتقديم فريق ممتع و يفوز بنفس الوقت ..
أخيراً .. مشكلة الهلال الحالية إن منافسيه على الدوري يملكون لاعبين بنفس المستوى .. تقاربت المستويات .. والفرق الصغيرة صارت تلعب بانضباط تكتيكي أفضل و بثقة أعلى ..
خلاصة الكلام .. الهلال يحتاج لأدوات أفضل علشان يتصدى لأي تكتيك يقابله ..
يحتاج للاعبين محترفين في تسديد الكرات الثابتة .. والإستفادة من الفاولات ..
ويحتاج للاعب يمتاز بالكرات الرأسية .. يعني واحد ما يوفر بالكرات الهوائية في حالة اعتماد الفريق على الكور العرضية ..
ويحتاج لاعبين في الوسط عندهم قوة بدنية و قوة و دقة في التسديد البعيد ..
يحتاج لمدافعين سريعين .. ومدافعين طوال قامة .. و مدافعين يجيدون تخليص الكور العالية و مدافعين آخرين يجيدون تخليص الكرات الأرضية ..

إذا تنوع عندك نوعية اللاعبين .. يمدي المدرب يحط التكتيك اللي يبي .. وتغييراته يصير لها معنى حسب سير المباراة ..

لكن الآن .. جميع لاعبي الهلال نسخ لصق من بعض .. مهاريين .. قصار قامة .. ضعاف البنية .. مايجيدون التسديد .. ولا فيه مختص كرات ثابتة غير الرويلي .. ولا فيه مختص كرات رأسية .. و الدفاع بطيء و ضعيف في الكرات الهوائية ولا تستفيد منه بالركنيات ..

قبل كان عندك ديقاو و كواك .. سجلو من ركنيات و من كرات عرضية ..

بس يغيرون بعض الأجانب لو ماتسمح الميزانية مهب لازم كلهم .. يجيبون كويس ورخيص ..

مثل لاعب الفيصلي الجناح الأيمن .. لاعب خرافي ..
مهاجم الرائد .. مهاجم قوي و سريع
وأمثلة كثيرة .. على لاعبين ممتازين و أسعارهم معقولة و نجحو .. مايمنع تفاوض أنديتهم و تجيبهم بالشتوية تكمل بهم الدور الثاني