|
شباب أحد يوضح لنا موضوع تشفير؟!؟ ؟! السلام عليكم مساكم الله بالخير يااخوان مثل ماسمعنا موضوع تشفير بيكون على الاثنين قادم ويش الحل وبعدين ليه رسفير خاص كافي خساير |
التشفير فقط على القنوات بتقنية HD من يوم الاثنين القادم، واللي يبي يشوفها على الـHD يحتاج يشتري جهاز خاص بقنوات mbc وهو GOBX يبدأ سعره من مبلغ 199ريال. لكن قنوات MBC PRO SPORTS 1,2,3 & 4 وبتقنية SD وهي التقنية العادية للبث راح تستمر مفتوحة على نفس القمر عربسات ونفس التردد 12341 أفقي 27500 ومن الموسم القادم راح يبدأ المشاهدة مقابل الاشتراك وعن طريق نفس الجهاز .. |
رأي شخصي .. سبق وصارت حملة على تشفير الدوري .. ووصل الهاشتاق للترند .. والكثير أعلن مقاطعة الاشتراك .. لذلك أعتقد حضور المباراة ومساندة الفريق من الملعب أفضل من انجاح فكرة الاشتراك .. خصوصا على أيش اشترك مع احترامي الشديد عشان اشوف الباطن والوحده أو الفتح والخليج أو التعاون والرائد أو النصر والفيصلي أو أشوف تحليلات الياباني عبدالجواد أو الدعيع وهو يوافق الشنيف حتى بكحته .. أو بتوقعات محللين يقوم من النوم ويجي يحلل .. أو برامج تجيب النوم .. اتفهم لما قنوات bein sport تشفر وتطالب المال مقابل المشاهدة .. فانت تدفع لمشاهدة الدوري الاسباني، الانجليزي، الايطالي، الألماني، الهولندي، دوري أبطال أوروبا، دوري أبطال آسيا، دوري أبطال أفريقيا، كأس العالم للأندية، كأس العالم للمنتخبات، بطولة القارات، كأس الأمم الافريقية، كأس الأمم الاسيوية، كأس الأمم الأوروبية، الأولمبيات، بطولات ورياضات مختلفه، السيارات، الطائرة، السلة، اليد، كرة الماء، تنس طاوله، تنس أرضي، والدراجات وجميع البطولات العالمية لدرجتي الناشئين والشباب والرياضات النسائية .. كل هذا فقط 1100 ريال سنوياً وبمبلغ 1500ريال مع مجموعة قنوات أفلام اجنبيه، أفلام وثائقية .. يعني أدفع على مجموعة متكاملة.. لكن أدفع للـmbc مقابل مشاهدة دوري ما تهمني فيه إلا مباريات فريقي ومجموعها بالسنة تقريبا من 30 إلى 34 مباراة في حال تأهل لنهائيات كأس الملك وكأس ولي العهد (ومنها من 17 إلى 20 مباراة راح تكون على أرضه) .. مع أخراج مستفز واستوديوهات برامج تجيب النوم والحكه لذلك دعونا نعيد أمواج المدرجات |
إقتباس:
+1 عين العقل بس هذا سكان الرياض او الغربية او حتى الشرقية الملاعب عندكم لكن احنا الجنوب والله صعب كل مباراة نيجي لين الملعب عن نفسي احضر اذا الهلال بيلعب بجدة لانه قريب واقدر اتحرك بالسيارة اتمنى الهلال يرجع لمستواه المعهود والله لو بالامارات اقطع تذاكر وانا واثق فيه والمتعه حاضره ،،لكن زي الان لا والله :cry: |
إقتباس:
بعض الناس يقول كانت art وقبلها orbit باشتراك ومحتكره الدوري .. وهذا كلام مغلوط .. كان فيه أكثر من 90 مباراة مفروضه على هذه القنوات منها الديربيات والكلاسيكو تنقل على القنوات المفتوحه .. وغير كذا كانت هذه القنوات عندها دوريات عالمية تنقلها غير الدوري السعودي .. يعني تدفع لشي يستاهل .. وعلى العكس كنا طوال الاسبوع عايشين معهم بأجواء مباريات .. خميس وجمعة الدوري السعودي وكأس الاتحاد الاوربي (سابقاً) .. سبت وأحد الدوري الانجليزي والاسباني .. اثنين الدوري الانجليزي .. الثلاثاء والاربعاء دوري أبطال أوروبا للاندية ... وبالنسبة لك أخوي الكاسر وبقية الأخوة اللي خارج الرياض .. حنا بالرياض بعد راح نحرم من الهلال لما يلعب خارج الرياض .. لكن المقترح .. محل كوفي شوب (منها تشوف المباراة ومنها تغير جو البيت شوي) .. المهم ما تسوقها علينا الـmbc وتدفعنا عشان شي فعلاً ما يسوى مع احترامي الشديد للفرق السعودية |
كلام رائع وكبيــــــــــــــــــــــــــــر:alzaeem: |
انشهد انك قلت اللي في الخاطر رحم الله من جابك |
ولا ادفع ريال اتسمع لها بالرادو |
مشكورين على الردود للأسف أصحاب الكافيات والدوانيه شاهي وقهوه رفعت الاسعار أقل طلب با30 ريال ومباريات قويه 55 ريال الحمد لله على كل واحترام رايكم |
Adel.Alsuliman الله يصلح قلبك على اساس حضور الملعب مفروش بالورود بالرياض مثلا الملز واستاد الملك فهد كله خنادق غير تعقيد العسكر .. اضافه تكون محظوظ اذا سيارتك ماصار لها شي .. يقفله بالتويتر فيه روابط لو تشفر ابوها ... وبلاش حضور ملعب ودفع قروش ... |
والله يافي مباريات اتحدى احد يقدر يتابعها واصلا من الظلم انك تهدر 90 دقيقه من وقتك في مشاهده هذا الغثاء وسماع صراخ وعويل ما يمسى بمبعلق المبارة .. استديو تحليلي مضحك مع مقدم ومحليلين يصلحون يحللون في البلايستيشن وفوق هالغثا كله تبونه بفلوس ههههه قولو غيرها انا الي يقول شين وقوي عين من جد يارجل فيه شي اسمه الاون لين وطز في ابو ابو ابو تشفيركم وحتى دوري بلس ينقل والرادو ينقل يعني شفرو بايدكم ورجلكم وشرهك على الي يدفع قرش في زباله الام بي سي |
مشكورين على الردود بصراحه حفريات تكفي الى ماتوصل الى ملعب |
الحين من زينهم ومن زين قنواتهم عشان يشفرونها اخرتها انتابع خشة عبدالجواد وطقته محللين الغفله وصياح وزعيق فارس عوض ومن هم على شاكلته اللي يكرهونك حتى بسماع المباراة يعطيك العافية |
إقتباس:
|
حسنا الله ونعم الوكيل فيهم اللي بالرياض لو ما تشتركون افضل واوفر ودعم لناديكم في حال المباراه خارج ارض الهلال تقدرون تتابعون المباراه في كوفي او مقهى اونس واوفر |
| الوقت المعتمد في المنتدى بتوقيت جرينتش +3.
الوقت الان » 11:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd