|
ويقول اشجع الزعييم من ثلاثين سنة شكلك ماشجعت الزعييم ولا دقيقة عموما لا اشوفك توطوط في المنتدي |
هناك فرق بين العشق والتشجيع وبين التعصب لفريق انا اشجع الهلال من ايام ريفيلينو فعلا خيب ضني فترة من الفترات وابتعدت لأني كنت متعصب للهلال عدت بعد سنه أكثر هدوءا واتزانا الى ان اتى موسم 2014 وعدت للتعصب بسبب الحرب على الهلال ومباراة سيدني الان اشجع بلا تعصب فاز الهلال قلت الحمدلله انهزم سأقول الحمدلله لكن العشق والانتماء صعب تركه مهما حصل ومباراة الاتحاد هي مباراة من 26 مباراة في الدوري لن تقدم ولن تؤخر علي انا عندي الضغط والسكر لكن لن اسمح لأي شيء مهما كان حبي له بأن ينغص علي حياتي فأنا الان اشجع بهدوء لا انفعال وقت هزيمة او غضب الله يوفقك |
انا يا اخي الكريم لي اربعين سنة مشجعا للزعيم .. ولا زم علينا نكملها والله يعين .. صحيح انه هلالنا احرق دمنا في السنوات الاخيرة لكن المسالة انه عشق ابدي ولا يمكن تركه ابدا .. نتفائل على قدر الامل وشكرا لكم جميعا ايها الزعماء .. |
اتضح لي انك من جماهير الفوز فقط من جماهير الفرح جمهور الهلال الحقيقي مع الهلال في الشده قبل الرخاء الهلال لايقف على مشجع او لاعب يروح واحد غيره ملايين ✋🏽 |
اشباه جمهور حساسين ان كان في الخسائر شئ مفيد فهو نفض اشكالكم من تشجيع النادي الهلال لو ينزل درجة ثالثة راح نشجعة و نستمر نشجعة |
شوف جمهور الاتحاد يندق بالخمسه و لاحد فيهم اعتزل شوف جمهور الاهلي اكثر من 30 سنة بلا دوري و لا احد اعتزل شوف جمهور النصر و حال ناديهم و لا احد اعتزل نزعل على الهلال و لكن نستمر باذن الله في تشجيعه |
استغرب هالكلام من مشجع له 30 سنه على قولته عموما الهلال ما يوقف على أحد خصوصا جمهور الفوز فقط الزعيم باقي وحبه يتوارث جيل بعد جيل عموما تقدر تشجع الباطن ترى هاليومين يفوز |
هذا كلام عام لا اخص به احد ,, اي واحد ما يحب الهلال الا في حالة الفوز واذا خسر سب الفريق والادارة واللاعبين وترك الهلال سنة او سنتين ولا يجي الملعب هذا لا يستحق ان يسمى هلالي المشكلة ان بعض الناس تسمي الهلاليين جمهور فوز,مع انها عبارة انا ضدها لاسباب كثيرة لكن والله ماعليهم شرهه من بعض الناس,, مع انهم قله بالنسبة لموضوع انا اترك التشجيع ومن هالكلام,, هذي كذبه دايم اسمعها اللي يقوها نادراً يلتزم فيها خاصة انه يكون في الغالب قرار مستعجل وفي لحظة غضب يعني لك يا اخي 30 سنة مكوش على البطولات في السعودية وآسياء ونادي القرن أجل لو انك نصرواي وللا اهلاوي وش كان سويت عجيب |
الله يــحــفــظــك ويــوفـــقــك فــي حــيــاتـــك الــقــادمــــة . لــكــن اتــمــنــى مــا نــشــوفــك تــكــتــب مــوضــوع مــن بــعــد مــوضــوعـــك هــذا . والا تـنـتــقــد الإداره والا الـلاعـــب الــفــلانــــي ومــن الـكـلام هـــذا . |
حاولت وحاولت وحاولت من ايام تولي عبدالله بن مساعد رئاسة النادي لكني اعترف فشلت في تركه او حتى متابعة اخباره كل اللي قدرت عليه اني ما عاد اتابع المباريات الحاسمه مباشر اذا فاز شفت الاعاده واذا خسر تكون للنسيان |
الحمدلله انا اتخذت القرار منذ مبطي مجرد اني بين فترة وفترة ادخلةاشوف النتايج وش الجديد وخلافه فعلا تعبنا لدرجة المرض |
أتمنى تراجع نفسك اخي الكريم وأنا اعرف انها فورة غضب لكن ان شاء الله أنها أزمه وتعدي |
فريق ياخذه الاهلي والاتحاد رايح جاي سنتين ورى بعض لايستحق حرق الاعصاب ولسه الثقل ورى |
السلام عليكم اذا صحتك لا تستحمل او عندك ضغط وسكر من الافضل الابتعاد عن الكورة انا اتمنى ان تصل رساله هذا الشخص المحب للاعبين نحن نتعب ونمرض عشان الهلال والاعب يضحك في المبارة ويمزح وكان عادي ياااااخي حسو فينا حرااااام |
انحرمنا من من متابعة الزعيم بسبب التعصب أما انتمائي لفريقي مايتغير السبب الثاني اللي ينرفزك ينهزم الفريق ببروود غريب وبدون روح هذي الغبنه وماشفنا الروح الا لما كان سامي موجود |
وانا اكثر من ثلاثين سنه في عشق الزعيم الملكي العالمي اسلوب انهزامي للاسف وكأنك بالمركز الثامن باختصااااااااااار ..... الهلال هو الهلال معه في السراء والضراء تغير مدربين ولاعبين وادارات وبقى الهلال</B> |
الله يعطيكم العافيه القادم افضل ان شاء الله تعالى |
الهلال اصبح فريق هش وضعيف للاسف لمن يصتدم بالفرق الكبار والله زمن الاهلي والاتحاد ياخذنا رايح جاي رايح جاي <!-- / message --> ارحموا عزيز قوم ذل هذا ليس الهلال ابدا ارجوا منكم كجماهير وقفه صادقه مع المهزله والوضع السيء للحال الي وصل اليه الفريق كفايه مجاملات على حساب الزعيم اعطوا الفرصه لشباب النادي للابداع الموجودين عديمين روح الا من رحم ربي المادة طغت عليهم وقتلت الطموح لديهم كجماهير لن نرضى ابدا على هذا الوضع ولابد من تغيير جذري لااشباه الاعبين والمحترفين الاجانب الي والله الزعيم كبير عليهم وانتم تعرفونهم زين .؟ متى ماارادوا عودة هيبة الفريق ؟ والا انسوا البطولات ؟ <!-- controls -->http://vb.alhilal.com/images/misc/progress.gif |
من زمان الهلال وغيرة من الفرق الكبار في العالم يمر بأوقات سيئة وقد تطول لسنيين ليس بالشيء الجديد ولكن الكبير يظل كبير مهما حصل .. عموما اتمنى من كل محبي الزعيم عدم الاستعجال والاستسلام مبكرا بعد هزيمه اتت ليس من ضعف الفريق ولكن من اسباب اخرى ساذجه .. لاتستعجلون عليكم بالصبر .. مجرد توقع شخصي الهلال هذه السنه اذا تم صلاح بعض الاشياء مثل ( الاداري ومنطقة الدفاع والحراسه ) سيكون فريق مرعب مع هذا المدرب وسيحصد جميع البطولات ..... |
الزعيم زعيم من عرفناه لاكن الايدي الي تعبث فيه حرمت جمهور الهلال من الهلال الكبير. صح الكورة فوز وخسارة ونتقبل بس اذا عندك فريق نفس الهلال وكل يوم والثاني نتهزا من الفرق خساير ورا بعض اذا فزنا فزنا علي الخليج معناه في شي غلط وكبير ياناس ياجمهور الهلال فوز علي الخليج مو طموح الهلال ياجمهور الهلال فريقكم وراه ناس تخرب او ماتفهم. وين رجلات الهلال يجون ينفضون العالم الموجودة الي دمرت الهلال.... الحقو علي هلالكم لا ننزل التاسع او الثامن والله الي قاعد يصير مهزله مهزله مهزله وهذا كلام من محبي الهلال. لاكن الدلوخ مثل الي فوق كاتب اعتزال والله انك مع الخيل ياشقرا ولا تدري ايش الكورة تروح تاكل فصفص وترجع هههههههههههه |
ابي اقولك الكوره فوز وخساره واذا تبي تترك التشجيع برحتك الهلال ماايوووقف على اي احد والزعيم بطل لوو خسار بطوله |
على فكرة هذا الموضوع اضهر كثير من المعرفات المندسه والواضح اهدافها لكل لبيب..وفضحت نفسها بكتاباتها.. |
شكرا على تشجيعك فالسنوات الماضية ...s13s لكن مع احترامي لك موضوعك لا يقدم و لا ياخر .. بل حتى انه يضر المشجعين الهلاليين .. :ap: الله يستر عليك و اتمنى تحذف موضوعك و تقفل الباب وراك .. اسف على التزبيد اخوي ..:s5s: |
ودنا نترك الكوره والتشجيع .. بس مانقدر .. ياليت لنا قدره |
احد يترك حبيبه هذا الهلال مهما يصير والله لن تتركه كلنا مثلك مع اول هزة نقول خلاص لكن لو يلعب مبارة ودية مع عيال حارتنا اشجعه واحبه وارجع غصب عني مو بيدنا انه العشق راجع امورك وتعود من ابليس هذا الهلال الهلال |
إقتباس:
|
التشجيع حرية شخصية ولك مطلق الحرية في الاستمرار من عدمه لكن المأخذ هو موضوع كهذا لافائدة منه الا الشوشرة والتأثير السلبي على جماهير الزعيم اتمنى لك التوفيق واأؤكد لك الزعيم كيان عظيم لايقتصر ع لاعب ولا على آلاف المشجعين لأن جمهور المملكة قسمين هلاليين وضد الهلال وكيان بهذه العظمة لايمكن ان يكون خارج دائرة المجد |
إقتباس:
عليك بالدوري الإنقليزي علي كيفك...ترا هالسالفه عرفته من اخواننا الفقراويه قبل كم سنه لين ترجع الأمور كويسه..وجع القلب كثران هالأيام والمبزره توهم طالعين ويحللون واجد وكلن يبي يمدح علي عماهااا لا واذا قلت الشي الواضح الصريح اللي تطلب فيه الخير لناديك نطوا بحلقك.... ريح يا الغالي وجيل سالم الدوسري فت عليه د.... |
ما هو فوز ولا خسارة تخلينا نترك تشجيع فريقنا ، فالحلوه حنا معاك وبالمره يكبر غلاك جمهورك حنا معاك وراسنا دوم عالي ، نحن مع الزعيم حتى الموت |
إقتباس:
|
إقتباس:
فهو ليس بحاجة لك وأمثالك لماذا لا تقارن كيف كان جمهور الهلال مع الهلال وليس مع الخذلان |
لا تعتزل , ولا تحرق دمك .. خليك من بعيد تابع ملخصات وكاسه الشاي عندك وامورك طيبة لا ترهق حالك ولا شئ . .. مافي رجال بالملعب , بكل بساطة . |
الى متى تضييع الفرص الى متى الاصرار على التشكيلة الخطأ |
ان شاء الله يتشفر الدوري قريب جدا و نفتك من مشاهدة هالدوري ظلموا الزعيم كثيرا اخر خمس سنوات قصدا و عنوة الادلة كثيرة على تواطئ الكثير من المسئولين في ابعاد الهلال عن الدوري و للاسف فيه اشخاص من الادارات السابقة عملوا ضد الهلال لاجل لا احد يوصل لانجازاتهم صدقني يا اخوي ما الومك في قرارك لان الهلال و من داخل الهلال هم السبب الاول فيما حصل اخر خمس سنوات احمد عيد و طقته والله لم و لن يتجرأوا على ظلم الهلال جهارا نهارا لولا تخاذل و تواطئ من داخل الهلال فريق كل سنة واضح مشاكله ايش و للاسف ياتوا بلاعبين اي كلام الغرض من احظارهم الاستفادة من عمولات السمسرة لا اكثر انا مثلك بس بطريقة اني ما اشاهد مباريات الهلال مثل اول على الرغم من شوقي للمشاهدة ولكن صابني احباط و عدم اكتراث افرح اذا فاز الهلال بس مو زي اول و لا ازعل مثل اول لاني واثق ان مافي احد من اللاعبين راح يزعل مثل لاعبين الهلال اول العنيد |
هذا الموضوع اثبت لي عدة امور: اولا...ان اغلب جمهور الهلال طيبين النيه لذا صدقوا صاحب الموضوع ..فمن يترك التشجيع اذا افترضناه جدلا..يتركه بكل هدوء لا ان يطرح موضوعا وكانه يريد الشوشره لا اقل ولا اكثر ثانيا ان هذا الموضوع اثبت ايضا ان فيه جماهير كثيره من الاندية الاخرى قالطين عندنا بالمنتدى ! ثالثا وهو الاهم بنظري ان يتمسك فعلا صاحب الموضوع بكلامه فلا نراه هنا يكتب موضوع من هنا او هناك...لانني كنت اشك في شيء واصبحت الان شبه متاكد منه.. |
إقتباس:
المهم.. هم ما قد فازوا بالبطولة ابد. كان فريقنا متقدم طوال المباراة بفارق حلو.. زي ما تقول الدقيقة 75 و النتيجة 4-1.. تخيل قلبوا النتيجة في الربع الاخير من المباراة و تقدموا علينا و المباراة بقي فيها اقل من 30 ثانية. المهم فيها ال 30 ثانية سجلنا و فزنا... كان شي خيالي بالنسبة لنا بس جماهير سياتل كانوا في خيبة كبيييرة. المهم رحت لمنتداهم و القى واحد كاتب زيك انه يعتزل تشجيع الفريق بعد عشرات السنوات من التشجيع لأنه يوم سجلوا فريقنا عليهم في آخر الوقت رمى الريموت على التلفزيون و انكسرت الشاشة و اللي خلاه يعتزل التشجيع أن بنته ام 5 سنوات شافته و خافت و صارت تصيح... يقول الكورة خلته شخص ثاني... و لا يبغى هالصورة قدام عياله.. السنة اللي بعدها بالضبط سياتل فازوا بأول بطولة للدوري الأمريكي!!!!!!! لا يأس مع الحياة... لكن لا تستثمر طاقتك و صحتك و حياتك في التشجيع.. اعتبرها أحد مرفهات الحياة.. فاز فريقك افرح.. ما فاز قل الحمدلله ، و الله يعوض!! اعرف أنها صعبة بس الواحد يستطيع أنه يتحكم في كم يعطي التجشيع من عواطفه سواءاً الحزن أو الغضب أو الفرح... |
الهلال لن يعود واغلب لاعبيه يساومونه الهلال لن يعود والسماسرة ينخرون فيه الهلال لن يعود وصفقاته اجانبه تتم عن طريق سيديهات ومقاطع فيديو الهلال لن يعووووووود الا في حالة واحده الاعتماد على مراحله السنيه ودعمهم بأجانب على مستوى عالي. الهلال منذ قدوم شبيه الريح ونواف بن سعد فقد هيبته. ايعقل ان يفوز الاتفاق على الهلال مستوى ونتيجه. وكذلك الاتحاد. الهلال اصبح مثل الاسد الجريح حتى الضباع تتجرأ عليه. لو كان ترك التشجيع باليد لتركناه من بعد سدني ولكن ماباليد حيله. |
موفق اخوووي وصحتك أبدى من اي شي ثاني |
انا اعتقد انك لن تترك الهلال وحب الهلال بعد هذا العمر اصبح جزء من يومك والخساره مو معناتها خلاص انتهي كل شي سيعود الهلال ويفرحك كما كان يفعل من قبل |
إقتباس:
آه بس فتحت الجروح وذكرتني بالبطولة اللي راحت علينا قدام سيدني صدقني اعلنتها لجميع اصحابي الغير مشتركين معي في الميول منهم الاهلاوين والنصرواي قلت باذن الله هذه بطولتنا وبعدها اعلن اعتزالي التشجيع لان الهلال ختم على كل البطولات وأتى بالشي الذي تعيبىون عليه سنين مع انه اول فريق تأهل لكأس العالم الا انهم جحودين لان البطولة لم تلعب لكن بما انه حصل عليها وللمرة الثانية ومن الملعب ومن امام اعينهم سيكون بهذة الحالة افضل وقت للإعتزال وتوقعت توقع قاطع ان يعتزل معي اثنين من اللاعبين القحطاني والشلهوب .. وكنت شبه ضامن البطولة لكن حدث مالم يكن في الحسبان وغير كل الخطط والاماني .. ولم استطع ان اعتزل التشجيع وربما مثلي حدث للشلهوب وياسر ولكن نقول الحمدلله على كل حال .. وانا الآن لست مثل زمان اصبحت اتابع مباريات الهلال من غير استمتاع بل على اعصابي وبتوتر شديد والبركة بطريقة لعب اللاعبين ان لم نقل اشباه اللاعبين ياخي اذا تابعت لعب الاتحاد تحس بفرق كبير رغم فارق الامكانيات الشاسع لصالح لاعبين الهلال الا ان روح لاعبي الاتحاد تبرد كبد من يتابعهم ويشجعهم غصه في الحلق وانا اتكلم هذا الكلام .. الله يعين ويتعدل الوضع عاجلا غير اجل يارب |
451 هالطريقه جابها كوزمين ومشو عليها اللي بعده كلهم وخلاص مانعرف نلعب بغيرها وراح يجي دياز ويلعب بنفس الخطه وراح نستمر في الضياع والتخبط الهلال هجومي هذا اللي عرفناه عن الهلال الزعيم جالس يقتل بهالطريقه |
اعتزل يامشجع مادراعنك الهلال الهلال القوي ما يحب البربسه |
اقول طير بس قال ايه اعلن اعتزالي ....انا اشجع من كنت بالمتوسط والان متقاعد يعني فوق 40 سنه وانتظر مباريات الزعيم ع احر من الجمر يرجع الشهراني يمين والزوري يسار ونتعاقد مع قلب بدل ميلسي وراس حربه فتاك ونرجع نفتك بالفرق |
على فكرة منذ اقرار الدوري الممتازعام 97 هجري لم يغب الهلال عن لفوز ببطولة الدوري ثلاثة سنوات متتابعة فما بالكم بست سنوات وتقولون ليش نزعل واننا مندسين لعلمك فقط هذا تاريخ ما يرحم وهذا ماضي الهلال للي ما يعرفه من صغار السن وما نراه الأن ماهو الا هلال القهر والغبن في زمن المفرج والإدارة الغير محترفة |
شعبية الهلال في خطر وزعامته في خطر هذي مشكلة لما يكون رئيس ناديك اقل بكثير من ان يرأسه الله يعينا عليك يانواف بن سعد |
الهلال عشق وحب لن تستطيع ترك " حُبه " قد تستطيع الامتناع عن المشاهدة تدريجيا حفاظا على الصحة ولكن الحب للزعيم يبقى صحيح أن اللاعبين بعيدين كل البعد عن الاحساس بالجمهور ولكن باعتقادي الطاقم الإداري كاملا بحاجة للتغيير وضخ دماء جديدة وفكر جديد نحتاج إلى إداريين صارمين ، ومدرب يجيد اخراج مالدى اللاعبين قبل وضع الخطط الهلال يحتاج إلى أبناءه البرره المخلصين من اللاعبين المميزين ... الجابر والنعيمة والتمياط وأبو اثنين والأحمد والدعيع والثنيان كل في مركز معين المدرب والمستشار ومدرب للمهارة والكرات الثابته والوسط وثالث للهجوم ورابع للمحاور وخامس للحراسة ، والإداري الصارم كذلك لدينا كفاءات مميزه جدا .. لا داعي لجلب أجانب في هذه المراكز بمبالغ مبالغ فيها وشروط جزائية عالية جدا .. والمقابل حضور روح عالية جدا لدى اللاعبين وإخلاص وتفاني واحتكاك بجيل الهلال الذهبي بالتوفيق للزعيم الأزرق |
نريد طاقم عمل إداري مميز يعمل بموضوعية بعيدا عن العاطفة من الرئيس إلى آخر عضو إداري |
بدا ينكشف منهو دخيل على الزعيم بمننداه وهذا الدليل كيف يسب ريس الهلال يهذا الشكل |
الله معك وياليت تعتزل الكتابة بالمنتدى ايظاً. |
بصراحه الزعيم نادي كبير ليس في حاجه مشجعين وقت الفرح حب الزعيم في قلوبنا فاز أو خسر |
اكيد صحتك أهم الهلال إن شاء الله أنه بخير ومرحله وتعدي بإذن الله وتشوف الهلال اللي يسر القلب بإذن الله |
شجعة الزعيم من عام 1400هجري ولان اتنزال عن حب هذا الكيان بتوفيق للجميع الزعماء الملكيين |
ما الحب الا للحبيب الاولي ... حاولت اعتزل التشجيع ومع اول اختبار امام الفتح شجعت بقوه مع ان المستوى سيء جدا لكن هذا الهلال قدرنا ... شكرا لكم جميعا لكرم اخلاقكم .. لم ولن نستطيع ترك الهلال وان حاولنا بلحظه غضب ان الهلال لا يعني لنا شي الهلال يعني لنا اشياء .. ارجوكم يا مسؤولين الهلال .. الهلال ارث كبير ... شاهدوا نتائج لجنه التوثيق .. وشاهدوا العمل الكبير اللي قام عليه رجال كبار الله يرحم من توفى منهم .. |
استغرب من ناس "يعتزلون تشجيع الهلال" شي غريب .. |
اعتزالك اخي عاشق تشجيع الزعيم مثل زعل الحبيب على حبيبه.. مهما زعلت تبقى من داخلك تعشقه و ماتكرهه مثل ماتفضلت هي لحظه زعل وكلنا وقتها قلنا الي قلناه لكن حاول في كل مباراة تكون هادي لاجل نفسك قبل الكره ان فاز الزعيم قلنا مبروك و ان خسر قلنا العوض بالجايات لانها كره فيها فوز وخساره .. لكن يبقى الزعيم كذلك مشجعيه عندهم غيره لايمتلكها اي نادي لدى مشجعيه تحياتي |
اذا البعض اعتزل تشجيع فريقه بهذه الطريقة عند كل خسارة اجل ايش نقول عن جماهير الريتس التي تردد دائما على مسامعنا ( معك نمضي دائما ياليفربول ) وهذا ابلغ رد لحب وعشق الفريقبمعنى انهم مع فريقهم يمضون تحت اي ظرف سواءٍ عند الفوز او الخسارة وفي السراء والضراء . لذلك اخي العزيز إن كنت صادقا في حب وعشق الزعيم أُطالبك بسحب كلامك وتقديم الاعتذار لجمهور الزعيم على مافعلت او ان تنسحب بهدوء افضل لك دون إبلاغنا في إعتزالك لان تشجيع الزعيم وعشقه والإنتماء اليه ليس مجال للمزايدة ابدا والزعيم غني عنك وعن امثالك مع أحترامي الشديد لك . |
الشباب اللي يحضرون في وقت اصغر انتكاسه ويملؤون الموقع ضجيجا وبكائيات وقت الإنجازات لانرى لهم حضور اكثر من مليون اشارة استفهام وتعجب |
حرية شخصية وأستغرب فتح موضوع بهذا الخصوص من حقك ترك التشجيع أو تغيير فريقك أو متابعة الدوري الاوروبي |
الله يعطيك العافية وبالتوفيق للهلال الزعيم الملكي |
الان ايقنت تماما اهمية ميلسي وبوناتيني وكيف تم انتشال الفريق من ايام الضياع مع وجود الداهية دياز اطالب ببقاء بوناتيني مع انه ماراح يقبل اي عرض بعد تسلط وهجوم كارهين الهلال عليه واستطاعوا ايعاده عن الزعيم رغم انه اكثر واحد ساهم في علاج جراح الزعيم وانتهت معه ايام النكبات ناصر والميدا خاتمه .. كل من طالب بعودة ناصر مندس ويريدنا ان نعود لذلك المستنقع من الهزايم والمشاكل خربين وبوناتيني واحد اساسي وواحد احنياط وبس |
| الوقت المعتمد في المنتدى بتوقيت جرينتش +3.
الوقت الان » 07:13 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd