|
بالتوفيق لك اخوي ،،،،،، هذا القرار يرجعلك |
اذا كنت من النوع الذي يتأثر صحياً بالانفعالات فعليك البعد عن كل مايثير انفعالاتك من رياضة او سياسة او سوق اسهم او خلافه اما اذا كنت تقصد خسارة مباراة او بطولة او عدة بطولات تجعلني اتخلى عن الهلال فاعذرني بالقول انت لاتشجع فريق وانما تشجع فوز وبطولة وهذه حلها بسيط ان تشجع الفريق الذي يفوز ابني في كاس العالم في البرازيل كنت اشاهد انا واياه بعض المباريات ويسألني من تشجع فأقول له الفريق الفلاني فيقول وانا مثلك لكن بمجرد مايسجل الفريق الاخر يقول لي بأنه غير رأيه ويشجع الفريق الآخر وحالة ابني هذه شبيهة بحال بعض المشجعين للأسف قد تكون اكبر مني بالعمر وقد اكون اوجدت لك العذر في اول سطر من تعليقي لكن انا انحدث هنا بوجه عام تجاه بعض المواضيع وبعض التعليقات فاذا تخلى الجميع عن عشقه اياً كان هذا العشق فريق او وطن او غيره لمجرد خسارة او نكسة فلن يبقى لمن نحب احد الهلال اكبر من مشجع ومن لاعب ومن مدرب واداري واختزال الهلال في شخص او اختزال تشجيعه في تحقيق بطولة هو اهانة للهلال ولمن اختزله بهذا الشكل نتمنى تحقيق كل البطولات والفوز في كل المباريات لكن هذا امر مستحيل اعود وأقول من كانت حالته الصحية تتأثر بالانفعالات فالرياضة سبب للانفعالات حتى في الفوز والفرح وليس في الهزائم فقط والبعد عن الانفعال مطلب للحفاظ على الصحة |
لن اترك الزعيم مهما حصل وانتم لن تتركوه باذن الله البطوله للزعيم واذكركم يد بيد من اجل الزعيم |
معكم الحق إدارة ترفع الضغط يطلعون روحك حتى يتعاقد مع لاعب أو مدرب وفي الخير لاعبين لا يقدمون ولا يأخذون قمة المهزلة والتلاعب بمشاعر الآخرين ويبون نقف معهم لا والف لا |
تعوذوا من الشيطان وكونوا اهدأ من كذا فكروا بعقلانية في ظروف المباراة وراح تقتنعون باذن الله. |
هناك فرق بين ترك التشجيع والميول وبين ترك التعصب.. اذا كنت من النوع الذي يتاثر ويرتفع عنده الضغط والسكر..فالافضل الابتعاد عن المتابعة( والتعصب) للهلال...فالهلال هذه الايام للاسف ماينغزى به.. اما بالنسبة للميول فلا اعتقد ان هناك شخص يستطيع ترك ميوله وترك كرة القدم بسبب خسائر فريقه وارى بان هذا النوع من الناس لاعلاقة له بالتشجيع بل يميل للفوز ولاي فريق.. يجب ان نتابع كرة القدم من باب التسليه والمتعه والميول بحدود وان زادت عن هذا الحد ستنقلب الى نقمه.. كلنا حزنا لخسارة امس-بل انني اتوقع خسائر قادمه للاسف- الهلال ليس هلال سامي او النعيمه او الثنيان او او....ولكن بالاخير هذا فريقنا نحبه نعشقه نحزن لخسارته ونفرح لفوزه بحدود المعقول..مشاكلتنا كهلاليين اننا دائما كنا الاقوى وبالقمه..منذ عدة سنوات تراخينا ولم نعد بالقمه لا اسيويا ولا محليا وهذا مؤثر جدا علينا لاننا لم نتعود الهزائم والخسائر وان نكون بالمراتب الدنيا...انها ضريبة ان تكون بطلا! |
والله مابي ازيد اجراحك دامك نويت البعد عن الزعيم اقترح عليك اقتراح وش رايك تطلع علي اعلام تقول انا مشجع فلاني اويد اعتزالي تشجيع الهلال؟! يمكن تكسب شهره مثل المرسيل |
الحمدلله إن الهلال مايوقف عليك الفريق ليس بحاجة لجمهور اذا مافاز ترك الفريق انتقد سو اللي تسويه لكن تعتزل التشجيع هذا يدل إن فريقك ماعطاك شي ولا كأنك عشت معه أيام حلوه ؟! الهلال يمرض ولا يموت |
الله يوفقك ويستر عليك وانا لاحقك ومعك وداعاً يا هلال ابعدونا عنك تشجيعك المبزرة عديمي الاحساس نصيحة لمسيري النادي الهلال يحتاج تغيير الرباعي الاجنبي كاملاً باربعة على مستوى عالي بغض النظر عن جنسياتهم وشهرتهم وضخ دماء جديدة مثل السواط والقطام والحيدري والنجراني واليامي مهاجم منتخب الشباب لو اني رئيس اصعده اليوم للفريق الاول واداري محنك مثل الاحمد الاتحاد طلعةاربعة شباب مبدعين والهلال كله عواجيز الرويلي وياسر وماهم قادرين يجارون الشباب حارس ميلان عمره 17 سنه ويلعب ضد اليوفي والهلال للاسف يصير عمره 23 ونقول لسى صغير وبدري عليه |
بعض المعرفات معروفه تشجيعها والفريق اللي تميل له وانت واحد منهم . انصحك تبتعد عن الزعيم لانك بتموت قهر والافضل خلك في فريقك افضل ,, مواضيعك الماضية ومعرفك يدينك يالله يصلحك وتبتعد عن ملاحقة الزعيم نصيحة اخ لك |
طيب اعتزال ليش تنزل موضوع ولا تبي مجموعه يسوون مثلك او تاثر عليهم على العموم الهلال ما خسرك بدالك اجيال واجيال قادمه تشجع الهلال والعبرة في الخواتيم |
انا مشجع من ابام فهد المصيبيح.....اشوفكم انكم استعجلتوا بالقرار هذا النادي محتاجكم انتقدلوا طالبوا وصلوا صوتكم لكن لا تنسحبون اعتقد مشكلة الهلال ادارية بحتة...تغير كل شي رئيس مدرب جلب لاعبين محلين وخارجين لكن في واحد لازق ماتحرك من مكانة يمكن يكون هو السبب لم مسك الاهلي اداريا طارق كيال حقق لهم الدوري ومع المنتخب ماشاء الله تبارك الله نشيل هالنشبة بتزين امورنا ان شاء الله |
https://youtu.be/RUbUpVDoXpA
[/COLOR] |
بصراحه لاعبي هالوقت ما قدروا الشعار اللي لابسينه اهم شي هالملايين اللي اخذوها والمفروض فيه بند بالعقد اذا نزل مستوى اللاعب او انخفض ينخقض من العقد وكذلك من المرتب الشهري الذي يتقاضاه ... زمن الاخلاص ولىّ مع النعيمه والبيشي والمصيبح والهذلول والثنيان والجابر والتيماوي وعيال التمياط والدعيع هذا جيل الدلع والله والملايين. فما ألومهم لاعبين جتهم هالملايين دفعة واحده وصار مليونير طبيعي يبي يتعالى على الكوره عاد اللي يشوفه لا هو ولى لعبه ما رجى خير.. لكن املنا بالله سبحانه |
|
| الوقت المعتمد في المنتدى بتوقيت جرينتش +3.
الوقت الان » 12:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd