الغرامة مدفوعة من قبل لا يكتب التغريدة ..
أسلوب رخيص بمحاربة الهلال .. في كل موسم يعيدون هالأسطوانة ..
الهلال مدعوم .. الهلال يفوز بصافرة حكم ..
الهلال ياخذون لعيبته للمنتخب يجهزونهم .. الهلال (ما) ياخذون لاعبينه للمنتخب عشان مايتعبون..
ولكن الحقيقة .. و التاريخ لا يكذب .. الهلال يعتبر أكثر نادي تعرض لعقوبات .. سواءاً على مستوى النادي أو اللاعبين
يطري على بالي حالات .. مثل:
يوسف الثنيان ( مرتين ) .. الكاتو .. عبدالله الجمعان .. سامي الجابر .. طارق التايب .. خالد عزيز .. خميس العويران .. صالح النعيمة .. وكلهم تعرضوا للإيقاف ..
خالد عزيز تم ايقافه ستة أشهر لتأخره عن معكسر المنتخب
خميس العويران تم شطبه نهائياً .. و بعد إعادته انتقل للإتحاد ( موعود بالعفو إذا انتقل )
يوسف الثنيان ايقافه سنتين وحرمانه من تمثيل المنتخب في كأس العالم 94
صالح النعيمة لحد الآن مشطوب من مزاولة أي عمل رياضي ( شالوا الشطب ؟ .. الله أعلم )
بسبب اعتراضه على إلغاء هدف خميس ( الصحيح و الحكم المهنا في مباراة النصر والهلال )
وقائمة والله إنها ماتحضرني الآن يبي لي أتذكر من كثرها ..
أما بالنسبة على مستوى النادي نفسه ..
ما أنسى نقل مباراتي الهلال و الإتحاد كلها لجدة .. بسبب إن جماهير الوحدة رمت التايب بقارورة و التايب التفت و ( تفل ) بالهواء
ولا أنسى لعب الهلال أكثر من مباراة بدون جمهور ..
ولا أنسى تصريح نواف بن فيصل ( إذا لعب الهلال بالدوليين أبستقيل ) و حرمانه الهلال اللعب بالدوليين في أكثر من بطولة آسيوية
ولا أنسى بطولة نيشيمورا المسلوبة و اجزم إن وراها ناس أكبر من سالفة مراهنات .. و إيقاف ناصر الشمراني محلياً و آسيوياً في البطولة اللي تلتها و لعب الهلال بدون جمهور و استفزاز ديقاو و ايقافه ذهاب واياب ..
ويجي قليل عقل .. ويقول لك الهلال محابى ..
الهلال بالأرقام أكثر نادي سعودي تعرض للعقوبات و أتحدى نادي يجيب لي عقوبات بحجم العقوبات اللي تعرض لها الهلال
نقل مباريات .. لعب بدون جمهور .. شطب لاعبين .. إيقاف لاعبين طويل المدى