النادي الفرنسي يرفع العرض الى 10 ملايين يورو

المشكلة ما فيه وقت لاستقطاب لاعب في حجم ادواردو
لو كان العرض مبكرا وافقت الإدارة

ما شاء الله

ولا واحد منكم يريد اللاعب

قولو آمين

جعلها غصّه في حلوق المندسين

انت جايبه استثمار ولا عشان قيمته الفنيه !!!
بعدين انت الهلال مو النصر او الاتحاد عشان تفرط في ثروه فنية
مدام ماتوفر البديل اللي يغطي مكان السوبر .. فبلاش نبيع محنا محتاجين كاش
وجه السعد راصد مبلغ وقدره للعويس ماتفرق معانا ..

جيب بديل بنفس مستواه او افضل ويبيعه النادي اما ابيعه واتوهق مالقى بديل هذي المشكلة..
اتوقع لو كان رئيس نادي في بالي كان باعه من العام علشان الفلوس وطز بالفريق وجمهوره..
وجه السعد غيييييييير الله يوفقه ويوفق زعيم نصف الارض

إقتباس الرسالة الأصلية كتبت بواسطة hilalicanada ما شاء الله ولا واحد منكم يريد اللاعب قولو آمين جعلها غصّه في حلوق المندسين

يا حبي لك يا هلالي كندا ...... دايم داعس ومطفي النور .....كلا عندك مندس .
اهدى ونا اخوك خذنا بحلمك وسعه صدرك ... شرفني مرووورك وتعليقك .
بس ما قلت لي متى بترجع طولت بكندا .؟

إقتباس الرسالة الأصلية كتبت بواسطة alzaeem only جيب بديل بنفس مستواه او افضل ويبيعه النادي اما ابيعه واتوهق مالقى بديل هذي المشكلة.. اتوقع لو كان رئيس نادي في بالي كان باعه من العام علشان الفلوس وطز بالفريق وجمهوره.. وجه السعد غيييييييير الله يوفقه ويوفق زعيم نصف الارض

شوف ونا خوك بحكم خبرتي المتواضعه بالتقييم .... ارى انه لاعب مهاري سوبر .... بس كثير الاصابه
والفائدة منه موخرا اصبحت اقل من اول ما جاء للهلال .
شريته ب 5،5 مليون ولعب معك وافادك بعض الشي واصيب وطاب واصيب وطاب ..... الخ
جاك مبلغ 3 مليون ما اقول مكسب حنا محنا في سوق بيع وشراء انا اقول مبلغ جيد يجيب لك مثل ادواردو
اوفضل .... انا اتكلم عن 8،5 مليون يورو يعني ما يقارب 37 مليون ريال .
واعيد واكرر هو مجرد راي طرحته للنقاش والاستفاده من تعليقاتكم الرائعه .

المشكله العرض ممتاز ومغري ورائع جدا ويحسب للادارة انها جلبت لاعب بهذي القيمه الفنيه لدرجه ان ناي اروبي يتقدم بعرض له في حاله شبه نادره في ملاعبينا ودورينا لكن في عدة اعتبارات حالت دون اتمام الصفقه :
1/ التوقيت الخاطيء فالمنافسات قد بدات والتعاقدات انتهت ولن تجد لاعب حر حاليا الا اذا كان غير مرغوب فيه او معطوب
2/ من المخاطره بيع عقده وحتى الان لم نتعرف على مستوى بقيه اللاعب الاجانب فلا ندري هل يعوضون غياب ادواردو او نعاني منهم وزاد الطين بله عدم وصول بطاقه الفيس وايقاف ميلسي مما حجب عنا رؤيه مستوى هذين اللاعبين للاسف
3/ مستوى ليو الغير مشجع اطلاقاً فلو ابدى ولو قليلاً من اللمحات التي تدل على انه لاعب يمكن ان يصنع فارق او يعول عليه النادي لهان الامر لكن حتى الان اللاعب لم يقدم اي شي يذكر عكس ادواردو الذي حقق بطوله من اول مشاركه وهي السوبر

اقوووووول اللهم وفق زعيمنا الاسيوي في هذا الموسم واجعل هذا الموسم موسم خير على هذا الكيان اللهم امين

صعب تحصل لاعب بقيمة ادواردو لاعب تتوقعه منه كل شي اتوقع الموسم اللي راح لولا الاصابه لا صاار هداف الدوري

لاعب خطير على كل الانديه ليه ابيع عقدهـ

الاداره عارفه وفاهمه خلاص جاهم عرض مغري بس بحثو عن بديل وماحصلو مايمنع ينتظرون لعل وعسى يرتفع سعره الصيف القادم ونلقى بديل افضل واحب اتحمد بالسلامه للاعب الهلال السابق ماجد المرشدي على سلامته من الحادث ماتشوف شر يابطل

يااخوان اهم شيء اللاعب نفسه..
هل ابدى رغبه وحماسه للعب للهلال؟..بعد عرض نيس الفرنسي؟
اهم شيء براءيي اخذ رغبة اللاعب...البرازيليين نفسيات..لازم تكون نفسيته مرتاحه علشان يعطي ويفيد...

والله صعب الحكم على مستوى ادواردو مع المدرب الجديد

لان مشكلة ادواردو انه نفس مسعود اوزيل, اذا ما صنع ولا سجل ما يسوي شئ في المبارة مثل التحركات او الركض بالكورة هنا وهناك

فترة الانتقالات الاوروبية بقي فيها اسبوع وانا اشوف فيه كثر نجوم متوفرين لكن هل الادارة كان عندها استعداد ؟ في فترة توقف ممتازة لو فكروا بالبيع

لكن انا تعجبني حماسة ادواردو مع الفريق وفي المباريات الودية لاحظت انه كثير التحركات خاصة امام الفريق التركي الثاني عجبني توظيف المدرب له

لكن الاهم انه يكون معنا في الملعب بعيد عن العيادة الطبية