ان كان الجمهور انتقد فهو نقد من محبه وحنا مقدرين كل عمل للاداره

لكن لما تشوف لاعب يلعب بتعالي وكأنه متفضل ع الفريق ما عليه بننتقده الين يتعدل حاله من يوم قالوا انه افضل لاعب محلي والاخ شاف نفسه

نرفزه تعالي فلسفه ضياع ( الفرج باختصار) اذا هذا مستواه كارثه اذا الادارة جددت له الا اذا عقده مشروط على مستواه يمكن يرجع الفرج المقاتل

يعطيك العافية

من وين ابدأ ؟؟؟

من البداية.... ما في شي في الدنيا اسمه (محور هدم) يقالها معول هدم يا خوك... البناء بس اللي يكون له محور !!
بعدين كل شوي الجمهور, الجمهور, الجمهور....
شكلك صاير زي الاعلام المصري: السيسي كويس و الشعب هو اللي مش كويس

ما في شي اقوله اكثر
الله يعطيك العافية

اتفق معك ان البعض ينطبق عليه ماذكرت وايضا أن الحضور ليس بحجم الهلال والعشم بجماهير الزعيم أكثر وبيض الله وجه من حضر ... أما الانتقاد فهو حق مشروع وقد لا يوفق صاحبه ولكن السب والشتم والخروج عن النص مرفوض .

الله يعطيكم العافية وبالتوفيق للزعيم الملكي

فكرتك واضحه وصحيحه واتفق معك في دعم الفريق بقوه ان كان تبون بطولات وترك اعلام الخصوم وما يقولون عن فريقنا لانهم لاشك يتمنون خسارته

موضوع رائع لاهنت ويجب الشكر الجزيل لمن حظر
من جمهور الرياض ومن فوزنا بأكثرية الجماهير ï»·ول
اسبوع من الدوري واللوم لمن لم يحضر لان جمهور
الزعيم لايقارن بجمهور باالأكثريه وياليتي قريب من الرياض
والعشم فيهم باالمباريات الجايه والله يوفق زعيمنا الغالي

العلاقة بين أي نادي وجمهوره كالعلاقة بين أي منتج وزبائنه

الحضور في المقاهي أضعاف الملعب .. والسبب واضح
الملعب تدخله كنك داخل معتقل .. منعوا الشعارات اللي كانت تزين الملاعب بحجة التعصب ..
تدخل الملعب تفتيش كنك تبي تدخل أمريكا بعد أحداث سبتمبر ..
حر ولا فيه أي وسائل للتبريد .. لا رش رذاذ ماء ولا حتى ملاعب مغلقة ولا حتى مكيفات صحراوية تحرك الجو ..
مافيه نقاط بيع مواد غذائية في الملعب .. الا .. مكان أشبه ببوفيه على طريق سريع .. ماتدري تشتري منه والا تشتري صحتك وتمشي
الببسي حار .. الماء حار .. زحمة ..
تبي تشيل عيالك للملعب .. اللي جنبك يلعّن .. واللي قدامك يلعّن .. واللي وراك يلعّن .. وسبهم مهب سب أوادم .. سب مشفّر ..
فوق هذا كله .. لمن تدري إن مشوارك للملعب بتدفع فيه دراهم و تبي تجلس بالحر و لعنة الجدف و بالأخير دراهم الجمهور تروح لمخابي اللاعبين اللي بالأساس يعتبرونك إمّعة وجودك في الملعب بس علشان توسع صدروهم .. لا والله معصي ..

على وقت يوسف و سامي و الجيل الذهبي .. كنت أضرب مشوار لمباريات بقريح .. و ضد فرق ضعيفة ..
ولا كنا نفوت مباراة مصيرية .. بالملعب حاضرين حاضرين ..
الطريق السريع المتجه للرياض و قت المباراة كانت فيه السيارات كلها شعارات الهلال و أعلام الهلال ,,
كان فيه رجال بالملعب .. رجال تبكي حرقة وقت الخسارة .. حتى وقت تسجيل الأهداف و الفوز تلقاهم يبكون من الفرحة ..

تخيل أجي للملعب اللي بالأساس محجرين لك فيه .. و سالم يعلك علك و يحسب رجليه .. و سلمان يتفنن و تنقطع ويسجلون فيك .. ويتفنن ثانية و يضغطونك .. ويتفنن ثالثة و كأنه يقول للجمهور " اللي مهوب عاجبووووه لا يناااظر "

لا ياخوي .. فكني .. راح أحضر مباريات الهلال في ديرتي ووقت فراغي ..
حبي للهلال غير مشروط .. بس أنا ما أحب هالجيل .. ولا لي خلق أشوف أشكالهم يمطرسون و أنا ذابحني الحر بالملعب

مع كامل الاحترام لك .. العنوان في وادي
والموضوع في وادي آخر

موضوع مهم وفي الصميم من ناحية الدعم والتشجيع لكل اللاعبين ماعدا المتخاذلين والمتعالين
اما الحضور في الملعب يارجل فطيرة لوزين وعصير ربيع حار في مباريات والمباريات الكبيره تجيك اكثر من شركه ويقولك المويه والعصير حاره تبي والا بكيفك !!!!!
دعم الاداره مطلوب ودعم الجهاز الفني مطلوب بكل السبل والوسائل ....
ودعم الجهاز الاداري مطلوب في العلن والمحاسبه في الخفاء ودعم الجهاز الطبي في العلن والمحاسبه في بوبا ...!!!!!

اللهم وفق هلالنا في كل وقت ومكان

طبل ياطبل طبل والله ماتشوفون ولابطوله بهالاداره الي مخليه مجموعة طقها والحقها على اساس اللاعبين الدواسر وسلمان والعابد اذا ما انقلعوا من الفريق والله ثم والله لن نحقق اي بطوله لو جابو ميسي ورونالدو

وجه السعد عمل كل شي لهلالنا تبقى علينا رد الجميل

الجمهور الهلالي هذاك اول يوم كان فيه مشجعين بحضرون قبل المباراه بساعات .....الان ماترجي وراء اهل هالشورتات تشجيع يخاف على روحه من الحر ومايبغى يعرق وان جاء فاتح الجوال ولا هو لم المباراه ....يعجبني جمهور الاتحاد هذا هو الفريق اللي يستحق البطولات

وجه السعد ماقصر الله يسعده اعطى الهلال كل مايملك ولن ننسى ماقدمه والان الكره في ملعب الجمهور ( جيدين انتقادات فقط بالمنتدى)