|
وين جمهور الهلال بالسبعينات والثمانينات مساء الخير للجميع الان ارى بالمنتدى جماهير مايرضيها العجب ولا الصيام .....مهما عملت الاداره واعضاء الشرف يجيك عضو ينتقد وينتقد ...يااخوان والله الامير نواف ماقصر عمل كل شئ للهلال الله يوفقه ويسعده باقي مساندتكم في زمن مضى كنا لاننتقد اللاعبين كلهم عندنا سوا الا اللاعب المهاري كنا نطرب لتسحيباته مثلا لاستلم الكوره منصوربشير او الرحمه اوعادل عبدالرحيم ثم جانا الفيلسوف الثنيان هل تعلمون ان بقية اللاعبين الدفاع والوسط ماعندهم مهاره عاليه لكن لاننتقدهم فقط التشجيع بالملعب والحضورالمكثف يجعل اللاعب يقدم كل ماعنده للهلال ترى اللاعب ماعنده مشكله يلعب باي مركز ويبدع فقط شجعوهم ....اتذكر العمده يلعب احيانا سنتر واحيانا محور والحبشي فهد يلعب احيانا ظهير ايسر او ايمن او محور حسب حاجة الفريق ....عبدالله الجربوع رغم قصرقامته لعب راس حربه وهو وسط وجبنا بطوله ...منصور بشير والرحمه وسعد مبارك يلعبون في الخانتين في الجناح .....ولا سمعنا احد من الجماهير يتذمر ....ونجد اللاعب مبدع في المباراه والسبب الحضور الجماهيري والمؤازره انتم فقط احضروا للملعب للمؤازره وشوفوا الابداع حتى لو هوساوي حطوه راس حربه ايش المشكله ...اتذكر مباراه للمنتخب مع الصين المدرب البرازيلي مانيلي وضع المدافع النيفاوي راس حربه اوهم الصينيين واعطاه رقم 9 رقم ماجد فمسكوه الصينيين وسجل ماجد هدفين الشوط الاول واكتشفوا اللعبه بالشوط الثاني وكلبشوا ماجد وهزمونا (الخلاصه من قلبه على الهلال يحضر ويؤازر مع هالتعاقدات الكبيره وراح ان شاء الله تفرحون بغض النظر عن مستويات اللاعبين او عمل المدرب ....بتشجيعكم نغطي كل العيوب ) |
زمان اول تحول اخي العزيز جمهور الهلال رغم انه الأكبر في المملكة ومن الأكبر في اسيا الا اننا تحولنا من جمهور عاشق وداعم الى جمهور بطولات وانجازات ... جمهور فووووووز فقط لذلك مع اول خسارة وإخفاق تركنا الزعيم وحيداً كما حدث الموسم الماضي !!!! |
يالغالي والله انا صرت اشوف عينه من الجماهير احزن الله يذكر ايام زمان بالخير يوم كان الهلال عشق لنا فقط مانهتم في اللاعبين الاساطير اللي مستحيل تكررهم الكرة السعودية ياكثر ماكنا نسمع اغاني سعدون جابر في البطولات ياكثر عشقنا وحبنا له ..الحين الجماهير اصبحت خلف لاعبين ولا ادارات وصار فيهم مثل ماصار في اغلب جماهير الانديه الاخرى من لم يختلط دمه بعشق الهلال سيكون وبال واذى وشر على هالكيان اللهم وفق الزعيم يارب |
الله يرحمنا و إياهم برحمته الواسعه .. جمهور السبعينات و الثمانينات أعمارهم الان تتراوح مابين 55-90 سنة تقريبا .. يعني اكيد مشاغل الحياة عندهم اهم من الكورة و لعبها و مثل ما تفضلت حضرتك زمان اللعب كان بأسلوب اخر واحد حارس و 4-2-4 و الكورة كانت اكبر شكلا و اثقل وزناً .. حتى عند الخسارة كانوا يشجعون لانها هواية للجماهير و للاعبين .. اما الان فهذا زمن الاحتراف بكل شيء حتى الجماهير و لو تلاحظ رؤساء روابط الهلال في اخر 15 سنة يشجعون اندية أخرى و تم استقطابهم بمبالغ مادية أمثال العنزي (الشهير بكلمة يا شبااااب و أصبحت يا هلااااال) و بعده الحقوي النصراوي و من بعده البطاط و اخرهم الموجود حاليا لا يحضرني اسمه لكن هو ذكر انه كان مساعد لعاطي الموركي الوحداوي !! |
الله يعطيكم العافية وبالتوفيق للزعيم الملكي |
تصرفات ابن مساعد هي من جعلت الجمهور يتجرأ ويتطاول على رئيس النادي وعمرها ما صارت لا قبله ولا بعده |
إقتباس:
وكانت خسائر الهلال الكوارثية في ذلك الوقت ( الخماسيات ) سبباً في إستقالة ابن مساعد وتعتبر هذه الإستقالة هي الأولى بتاريخ الهلال بعد مطالبات جماهيرية وتجمهر أمام مقر النادي .. .. |
المشكله بعض جمهور الزعييم الاسيوي يطير مع العجه اذا سمع اشاعه عن الزعييم من صحفي اوغيره ويبداء الادارة سيئة اللاعبين سيئين وخذ على هشاكله لا لو خسر الفريق مباراة قالو الادارة السبب المدرب السبب ما يخلون احد الا اجلدوه اما العقلاء من جمهور الزعييم ينتقد الادارة او المدرب او اللاعبين انتقاد لتوضيح والتصحيح لا واول واحد تجدة في الملعب يشجع الكيان وليس اللاعبين وهذه النوعيه هي مايحتاجها الزعييم الاسيوي اما البربسه والهياط من بعض الجماهير اقول لهم الزعييم بغنى عنكم وسلامتكم |
كلامك صحيح لكن إقتباس:
ملاحظة مباراة الصين رقم ماجد اعطي لعبدالله عبد ربه وليس النيفاوي و الهزيمة اتت لان المنتخب الصيني افضل لا لانهم مسكوا ماجد و الدليل انهم هزمونا مرة اخرى ب 0/2 . |
إقتباس:
|
إقتباس:
( اوه اعنية سعدون المشهوره العب ياسلطان سجل النا هدف جمهورك اليوم ملى الدنيا وهتف العب وحاور لفهودي ناول ) |
إقتباس:
اما عاد الجماهير من هكالوقت اعمارها في التسعين لالالا يابعدي جماهير هكالوقت الان اعمارهم من 55 الى حدود 70 الى 75 والله يرحم المتوفي منهم فقدنا الكثير منهم بسن صغيره بسبب الحوادث الله يكفينا شرهالسيارات ...الان لاطلعت الصور اتفرج عليها اغلبهم نوفي وهوصغير لم يتزوج بسبب الحوادث رحمة الله عليهم |
إقتباس:
|
إقتباس:
نعم نتوسم به الخير وهو حريص على مصالح الزعيم .. ولكنه يحتاج إلى الكثير من الوقت والحظ والجهد والتوفيق لكي يصل إلى مستوى من سبقوه في رئاسة الزعيم .. أتمنى من كل قلبي أن يكون ( وجه سعد ) آخر .. ولكن إلى الآن لايوجد ( وجه سعد ) إلا الأمير الراحل ( عبدالله بن سعد ) رحمة الله عليه .. .. |
الله يعطيكم العافية وبالتوفيق للزعيم الملكي |
كلامك على متمه اخوي وصحيح تماما والأمير نواف ما قصر بالعكس جملها وزيادة وانا مع كلامك في الحبشي والعمدة والرحمة والجربوع والعشيوي وغيرهم كثير صراحة اثلجت صدري بمقالك هذا بس بقي نقطة لا علاقة لها بالادارة النقطة اخوي هي نوعية اللاعبين تحتاج تغيير تدريجي بما يناسب الكيان الهلالي العابد هو ومجاوله وخماخمه وقلايده وصبغة شعره يستحق الهلال ولا الفرج وتخاذله وسلومي وبروده ولا مبالته نحن تقبل رأس وجه السعد لكن نرحم انفسنا على لعيبة من هذه النوعية اجل شراحيلي حارس للهلال راعي منشطات وقلة ادب |
موجودين *_* لكن مستوى الفريق مايشجع |
إقتباس:
|
إقتباس:
|
كلامك جيد والاهم هو الوقوف مع الفريق وعدم سماع لكتاب الاندية المنافسة ولازال الزعيم ولله الحمد بخير خلفه رجال اقوياء والله يوفقه في كل البطولات القادمة |
على طاري الفترات الماضية يالشيبان ما كان فيه اعلام ولا انترنت وثلاث ارباع المباريات ما تنقل وان نقلت نقلوها من القناة الاولى لثانيه والعكس وتضيع نص المبارة ماشفتها واذا شاف احدكم لاعب كورة قدم لو من فريق منافس سلموا عليه ومدحوه وجاملوه واعزموه الان الوضع تغير جدا ممكن اعلامي واحد يستطيع ان يقلب الموازنه اذا استغل بعض الجماهير العاطفية او جماهير الفوز فقط الان اصبح ابدى الرأي بسهوله عبر النت وهذا سبب ضغط على بعض اللاعبين والمشكلة لا تعرف نواياه ولا تعرف حقيقة ميوله ولا تعرف كم عمره وهذا لا يعني ان نمنعهم من التفكير والتخطيط حتى لو اصبحوا كلهم مدربين وكلهم رؤسا انديه وكلهم محللين ولكن يجب ان يكون في طرح منطقي لا يوجد فيه انتقاص من احد وتقبل راي الطرف الاخر اهم من كل شيء مشكلتنا اننا وصلنا لمرحله ان البعض اقتنع انه راية هو افضل راي بالعالم وان الناس ليس لديها افكار مثله هذا اللي جعل البعض يصدر احكام كثيرة على اللاعبين ويستمر بدل من متابعة الهلال يقوم متابعة اخطاء اللاعب الذي اصدر عليه الحكم مسبقا ليثبت ان لديه مخ يفكر وللاسف ان الحكماء يعلمون ان مثل هؤلاء الاشخاص حاقد كاره لا فكر فيه |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 12:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd