أتفق معك أخي الوشاح الا في نقطة

إقتباس اذا لم يتم اعادة النظر في ابعاد ديقاو فلازالت الامور بيد الادارة فاذا لم يؤمن الدفاع فلا فائدة من باقي الخطوط

غير صحيح ان الامور في يد الادارة اللاعب و قع و انتهى مع ادارة الشارقة .......... علما بان الاستفادة منه الموسم الماضي لم تتجاوز 60 % للاسباب انضباطية و كذلك اصابة الصفاق لم يتعرض لها لعب وعاد بنفس الجودة و الكفاءة

اتفق معااااك في كل شيء الا في موضوع ديغاو لان ديغاو خلاص اتوقع انه انتقل او قريب من نادي الشارقه
هوساوي وجحفلي والحافظ راح يسدون الدفاع بس اهم شيء يركد جحفلي

انا اشوف ان مركز المحور المهجومي اهم مركز يحتاج لاعب اجنبي

واتفق معاك وبشده في موضوع العابد وسالم

جحفلي ضعيف لايعتبر مصدر ثقه.. ..لكن مثل هؤلاء اللاعبين.. لاينكشفون الا في المباريات الصعبة

الزعييم بدون قلب دفاع مع اسامه مشكله لانه لاقدر الله اصيب اسامه وقع الفريق في مشكله كبيرة لان الاحتياط غير جيدين وسلامتكم

الهلال بدون الفرج وسالم الدوسري

بخير .....

الله يعطيكم العافية وبالتوفيق للزعيم الملكي

حياك اخوي وضعت يدك على الجرح ، واعتقد الاداره من المعطيات السابقه والتعاقدات انها في نفس اتجاه الكلام اللي قاعد تقوله ، الدوسري والعابد والفرج لابد يكونون للطواريء فقط ، والدكه مكانهم المُستحق ، الرويلي في نص شوط كان بطل المباراه تحركات وشعلة نشاط ولعب بالعقل قبل القدم ، صراحه انجنيت يوم شفت لعب الرويلي ، لاعب انيق ولمسات جباره ولو كان مشارك خلف ليو وادواردو كان شفت العمايل في الشوط الاول ، العابد والدوسري كان قاطعين الطريق على ادواردو و ليو ، كان جهد ادواردو هو الفارق يعود للخلف مكان الاثنين ويتقدم بالكره لانهم لم يقومو بايصال الكره له ولا ل ليو
لذلك العابد والدوسري في وجهة نضري هم فيروس كورونا في وسط الملعب بقتلهم لزملائهم وقتل مجهود زملائهم مستحييييييل يظهر ليو او ادواردو حتى بنص المستوى والكورونا خلفهم نقطه نهاية السطر .

إقتباس الرسالة الأصلية كتبت بواسطة المجهر جحفلي ضعيف لايعتبر مصدر ثقه.. ..لكن مثل هؤلاء اللاعبين.. لاينكشفون الا في المباريات الصعبة

بدليل ان السومه ترك جحفلي لأنه سهل وضغط على كواك وسجل هدفين من أخطاءة تسببت بخسارة بطولتين وبدليل أن ديقاو في مباراة الاهلي في هدف معتز ينبرش واللاعب لم يسدد لاسمح له بالمرور ...
للأسف اسم جحفلي من كثر ما يحاول الصفر إلصاق اي غلط فيه لأنه قضى على شي اسمه نصر أصبح يضايق (بعض) الهلاليين!

إقتباس الرسالة الأصلية كتبت بواسطة زعيم القنص وجود سالم والعابد والفرج في التشكيلة راح يبرد اللعب ويخرب مستويات الاعبين الجدد مثل ادواردو والمهاجم البرازيلي والرويلي جميعا نعلم أن سبب خروجنا الموسم الماضي كان احد افراد الرباعي (عزوز فرج عابد وسالم) ... كان خروجنا باستهتار ولامبالاة من احد الأفراد الي هو العابد ... يوم تسبب علينا بفاول استراتيجي في اللحظة الجحفلية وتجحفلنا في آسيا بسبب هالرباعي الفلة هذي لقطة سالم تحرق الدم ... بكل برود ولامبالاة ... والله لانرفع سقف طموحنا دام هالجيل موجود سالم والعابد على الفرج على عزوز شوف قتالية سالم لنا في آسيا ... هل يستحق تمثيل الـ 11 لاعب في الفريق https://www.youtube.com/watch?v=BsABNMIxtYc ولايختلف عنه خويه العابد كوبي بيس نسخة سالم ... خطأ استراتيجي تهور احنا كنا حاطين يدنا على قلبنا في الدقايق الأخيرة ... نبغى الحكم يصفر قبل لايرتكب فينا الفرج أو سالم أو العابد مصيبة ... لكن استطاع العابد اللحاق في اللحظات الجحفلية من كرة ميتة عمل فاول استراتيجي في مكان حساس على الفريق في وقت حساس ... كانت النتيجة خروج مرير كالعادة مع هالرباعي + عدم الوصول لنهائي كأس آسيا للمرة الثانية على التوالي + اكلنا أحلى جحفلة فاول أحد أعضاء الرباعي الآسيوي(عابد عزوز الفرج وسالم) ... الوقت حساس في الدقيقة 92.26 وصلنا لنهائي آسيا لولا الجحفلة الي صارت لنا في الدقيقة 92.26!!! https://www.youtube.com/watch?v=UzgG76uMn2U هذا الموسم راح تكون بإذن الله للعناصر الأجنبية كلمتها ... وراح يظهر وجه الهلال الحقيقي ... نتمنى أن نشاهد هالرباعي خارج قائمة الـ 11 لاعب ... الهلال عام 2017 اصدر قرارات صعبة اسهمت في تغيير 90% من جلد الفريق هلال 2017 يريد أن يحقق المجد الذي الجميع ينتظره ... الطموح عالي ... العمل عالي ... حتى الآن يمشي صح يلعب صح ... ولسه المشوار طويل وصعب العناصر المحلية (عابد سالم الفرج عزوز) ... مناسبين فقط للطوارئ ... أما معظم الأوقات فخروجهم عن قائمة الـ11 لاعب أفضل لمصلحة الفريق ... لأن اثبتت التجارب معهم أنهم مناسبين للطوارئ فقط

وش رايك بهدف سالم في النصر . ووش رايك بهدف العابد بالاهلي ؟ وإذا كنت تتمنى ينتقلون لأي فريق ! طبعا غير فريقك

لو نهدا شوي بس وعطي فرصه للادارة تتفنس ضغط غير طبيعي ومن قبل حتى يبدا الموسم 19 لاعب تم استبعادهم وخمسه لاعبين من ضمنهم حارس تم جلبه ولاعبين اجانب والعمل على قدم وساق منظر الهلال تغير بشكل كبير وصار فيه خط وسط ثقيل قبل الدفاع بالخيبري رجع اسامه هوساوي بانطلاقاته الي الامام وخطواته الواسعه وكوراته الطويله يختصر فيها المسافات والوقت وينوع ويريح صناع اللعب والرويلي صناعه بنكهه شلهوبيه .. الحارس ابدى بعض اللمحات الجيده وبالنسبه للاعبين الثلاثي الي ذكرتهم اتفق معك وانا قلت الثلاثي هذا مب راي بس وبراي اغلب النقاد وبتقرير عن ملخص سنوي لما انجزوه مع الهلال يعد امر مخجل لا على مستوى الصناعه ولا التهديف ويجمعهم قاسم مشترك الا وهو كثره الكروت الملونه لدرجه ان احد لاعبينا وبدون ذكر اسمه تكرر ايقافه بالكروت في بطوله اسيا ثلاث مرات واوقعت عليه الادارة عقوبه والاخر تم ايقافه ست مباريات لتهجمه على الحكم واخر يتم عقوبته بالانفرادي او الاولمبي لعدم انضباطتيه ولعلكم عرفتم الثلاثي المقصود ..

المدرب اذا بيلعب الاربعه الفرج والدواسر والعابد
فقول الصفقات عليها السلام
وحرام

واللي قاعد اشوفه المهاجم الجديد بطي
والفريق لازال يعاني من عدم صناعة اللعب ابداً

واللي ما اعجبني اكثر تنسيق الصاعدين والابقاء على عزوز وسالم

لا زلت عند رأيي تقييم عمل الاداره ليست هذا الموسم انما الموسم القادم 2018 وهي تكون السنه الثالثه للاداره
اول سنه اتت الاداره فوقها ديون هائله وراتب متأخره
فحاولت التعاقد وتماسك الفريق وتسديد الرواتب وبعض الديون مستحقة الدفع
وخرجنا ببطولتين ومنافسين ع كل البطولات

هذا الموسم الثانيه لها
بدت في تخليص الديون المتراكمه واعداد فريق المستقبل وتخليص النادي من بعض اللاعبين المنتهين
ومشكلة الكم الهائل من لاعبي الاولمبي الصاعدين اجبارياً
فتعاقدت مع لاعبيين دوليين وخلصت النادي من بعض الاعباء الماليه بسبب لاعبين غير مفيدين
فكانت تواجه ملفات صعبه بل اشد من اول سنه له لانه يصارع ع اكثر من مللف وكل ملف يقولك الزود عندي
ومع ذلك يبلي بلاء حسن

السنه التي نستطيع القول يا وجه السعد ليس لديك عذر هيا الثالثه

اما هالموسم الجديد فلست من الذين يطالبون بجميع البطولات تكفيني بطولة الدوري او اسيا واحد منهم فقط
اتمنى ان يحصد كل البطولات
ولكن لا زلت اقول هنالك اعباء اخرى ونقص بالفريق