سلام عليكم

على طول خليكم فموضوعنا

من زمان وحنا ندور على حارس من بعد طيب الذكر محمد الدعيع

من 2009 الى 2016 ، سبع سنوات ولم نجد ضالتنا في مركز الحراسه جبنا اكثر من 10 حراس ومفيه اي فائده

والان نسمع ان الاداره تبي المعيوف ~

لو تجيبوا اي حارس في السعوديه مابيفلح في مركز الحراسه ، بالاصل مافيه حارس يعتمد عليه في المملكه

كان هناك اساطير امثال عيال الدعيع وغيرهم ولكن الان للاسف ، حتى العويس اللي يمدحونه هاليومين
صدقوني انه مقلب كبير مثله مثل السديري ..

الحارس نص الفريق ، اي نعم ~ لكن حارس عن حق وحقيقه مو زي الموجودين حالياً

طالبتوا بالثنيان لما كان متوهج مع التعاون والان هو مع الهلال وماشفناه يحرس ولو نص موسم كامل

عندنا حراس ممتازين وشباب وبيخدموا الفريق لسنين طويله

"الثنيان - الواكد - الحيدري" ماحنا بحاجه غيرهم ،، صقل هالمواهب يعطونا حراس ممتازين لعشر سنين جايه

برأيي اي حارس من هالثلاثه لو كان اساسي الموسم الجاي بيتألق تالق غير طبيعي خصوصاً ان قدامه افضل المدافعين ، هوساوي وديقاو ،

مشكلتنا الحقيقيه " كانت " في الوسط وتم حلها والحمدلله بالتعاقدات الجديده " والان " مشكلتنا في الهجوم
ماعندك احد ؟ ياسر ونعرفه ويوسف السالم نو كومنت ،، ناصر الشمراني نسمع هاليومين انه شغال على نفسه
وعازم بقوه على العوده ونقول ان شاء الله خير ، يعني ناصر لحاله معك ؟ ليش تنسيق يونس العليوي ؟ فريقنا بحاجه لمهاجمين شباب وخاصه من نوع يونس العليوي ، لاعب قصير ومراوغ ~
لازم من الابقاء على العليوي وجلب مهاجم لاتيني بجانب ناصر الشمراني
خصوصاً اننا كلنا نعرف ان مدربنا يلعب باثنين مهاجمين طوال الوقت ~

وتذكروا هالمقوله

" خير وسيله للدفاع هي الهجوم "

هذا ماعندي
والسلام عليكم

اخوكم ابراهيم

الهلال يحتاج لحارس خبير احتياط للثنيان وينافسه لخطف الخانه ، والمعيوف خيار جيد، وصدقني البديل الجيد هو من يجلب لك الدوري ، والاهلي عندما تراخى المسيليم ، لعب بداله المعيوف ، وعاد بقوة المسيليم وانتزع الخانه ، رغم تالق المعيوف ، لذلك اراه خيار جيد، اما الهجوم ، فالعليوي المدرب لايرغب فيه ، واعتقد ان المهاجم الاجنبي اضافه الى الشمراني، وياسر القحطاني، كفايه ، وكما قلت ناصر مشتغل على نفسه ، وايضا ياسر الموسم هذا مشتغل على نفسه قبل الجميع ، ماشاء الله بداء مبكرا باداء تمارين في وقت الاجازه وقبل عودة اللاعبين ، واذكر الموسم الماضي قلت ان على ياسر انقاص وزنه حتى يصنع الفارق وبوزنه هذا لن يذهب بعيدا، ولكن هالموسم غير ماشاء الله ، ولاحظ انه استطاع انقاص وزنه ، لذلك اتوقع ان يصنع الفارق مع الشمراني بالهجوم .

البقعاوي مهاجم الاولمبي هداف الفريق وصاحب بنيه جسمانيه قويه وصغير بالعمر لو يعتمدون عليه ويعطونه فرصه مثل اللي اخذها عزوز راح يثبت نفسه ومع شوية اهتمام وتوجيه ومع الاحتكاك واكتساب الخبره بإذن الله بيصير عندنا ماكينة تهديف

كلامك ثلاث ارباعه صح لكن بخصوص ياسر ..ياسر ان شاءالله يشتغل على نفسه شوي ويبدع الموهبه لاتموت .....لكن بالهجوم محتاجين اجنبي نهاز فرص وطويل قامه الهد عنده 100..100....ومهاجم صاعد + الشمراني
ولاعب وسط رجله طرشا بجانب ديقاو وادواردو ويكتمل الهلال

مع احترامي لموضوعك اخوي

ممكن فعلا الهلال ليس بحاجه لحراس من خارج النادي

ولكن الهلال بحاجه لمدرب حراس لفريق بحجم الهلال

اي عليه ان يناسب الهلال ويكون مكمل للخطوط الخلفيه

فثلا الهلال دائما يهاجم عنده مشكلة مرتدات

يجب ان يكون الحارس ممتاز في الانفرادات ومدرب الحراس يكون مبدع في تعليم الحراس الانفرادات

مثل اخر الهلال يعاني من الكرات العرضية السريعه

يجب ان يكون الحارس متقن لتصدي لها ومدرب حراس مبدع بتدريبها

لكن اجلب مدرب حراس عالمي يصلح يدرب اي حارس باي مستوى ما يصلح الكلام هذا

الدعيع الاثنين كلهم وخصوصا محمد خضع لمعسكرات طويله مع مدربين عالميين في المنتخب السعودي

على وقت كان المنتخب اهم من اي نادي يلعبون الدوري وكل لاعبي المنتخب معسكرات طويله بالاشهر

وهذا سبب بروز محمد الدعيع وعدم وجود خليفه له

الهلال كان لديه الحارس سلطان الشمري حارس ممتاز وصغير بالسن وله فترة في النادي
تنسقه وتجيب المعيوف اللي في آخر عمره الكروي ؟؟؟؟
المعيوف خرج من الهلال قبل 9 سنوات مجاناً والآن تعيده بالملايين
أرجو ألا يتكرر مع سلطان الشمري ونرجع نفاوضه من جديد حارس جيد وكان حارس لمنتخب الشباب
مثلما تفضل أحد الأخوان الهلال بحاجة إلى مدرب حراس ونتمنى يكون المدرب الجديد على مستوى التطلعات مع الأخذ بعين الاعتبار ادخال الكابتن محمد الدعيع في دورات تدريبية والاستفادة منه في قطاع الناشئين والشباب بداية ومن ثم الفريق الأول بعد أن يكتسب الخبرة الكافية في التدريب إضافة إلى خبرته الكروية

المفروض التعاقد مع العويس

واذا لم نستطيع شرائه الان نفاوضه بعد دخول ال 6 شهور الاخيره من عقده

وبالنسبه لمعيوف إذا بيجيبونه خلوه يكمل عقده بالكامل مع الاهلي (3 شهور) ثم ينتقل للهلال كلاعب حر

فالاهلي لدية سيوله مالية كبيره ومن غير الحكمه اننا نقلص ديونه بطلب مخالصه (3 مليون ريال) يتنازل عنها المعيوف للاهلي

وإذا ساعدنا الاهلي في تقليص ديونه بيحاشرنا وممكن يسبقنا في المستقبل في التعاقدات مع لاعبين ممتازين من اندية اخرى

آه يا السبيعي
فرطنا فيه وهو من أفضل الحراس السعوديين

لو تجيب مدرب حراس عالمي ماينفع مع بعض حراسنا لان الاساس عندهم خطاء ومايتعلمون ابداً
لكن ياليت يكون الاعتماد الان على فهد الثنيان صدقوني راح يبدع لو يأخذ الفرصه كامله واتمنى مايكون
( احمد ضاري ) ثاني .

المشكلة ليست بمدرب الحراس يا اخوان
كل مدرب جديد يحضر معه طاقمه بما فيهم مدرب الحراس
معقولة كل هالمدربين فاشلين
لا
الخلل كان بشراحيلي (لاعب غير منضبط)
والخلل كان بالسديري (لاعب ما عنده ثقة بنفسه ومرتبك)
حراسة تلعب بالواسطة
الثنيان مبدع وما اخذ فرصة
ليش ؟!
فهد الشمري مبدع ولم يجدد معه وذهب للرائد
حاليا
يتم الاستغناء عن حارس الاولمبي سلطان الشمري
ليش ؟!
تخبط واضح
اللي فاهم شئ
يفهمنا

وشكرا

مازلت اعتقد ان مدرب الحراس في الفترة الماضية
ليس بالكفاءة المطلوبة
اتمنى ان يكون مدرب الحراس
هذا الموسم يلبي الطموح الملكي
وفق الله الزعيم للتربع على جميع منصات التتويج