الموسم الماضي راح بخيره وشره وكانت هناك ظروف تكالبت على الكابتن ناصر منعته من الظهور بالشكل اللائق .
والآن موسم جديد وخطوات تصحيحية من الإدارة وجهود جبارة وتعاقدات مع نجوم جدد يجب على كل هلالي الوقوف مع الكيان ودعم نجومه وسترون ما يسركم من وجه السعد بحول الله

يااخي مين قالك يبي يروح او تولف من راسك

ناصر لاعب كبير وهداف .. وناصر من اللاعبين الى تستفيد منه داخل 18
لكن اذا الخبر صحيح ان الاتحاد عارض شراء ناصر فالواجب الاستفادة من هذا العرض
باعطائهم خالد شراحيلي وناصر واخذ عبدالرحمن الغامدي وباجندوح
واذا الدعوة فقط مال اذا كانت البيعة مربحه الله يوفقه انا افضل بيع اللاعب
بعد خمس سنوات من لعبه لناديه لانه يمل ويبحث عن نادي جديد

ناصر هداف موهوب صانع لعب مميز لم يحصل على افضل لاعب في آسيا من فراغ ولم يحقق هداف الدوري خمس مرات الا وهو هداف مميز دونيس خلاه يخرج من طوره باشراكه لمهاجم عقيم مثل الميداء وابقائه على دكة الاحتياط

هناك إدارة أقرب منا وبالتأكيد إذا رأت أن الاستفادة من ناصر غير موجوده فهي ستتخلص منه وإذا رأت عكس ذلك فسيبقى.
انا اثق أن هناك أمور من اللاعبين لا نعلمها ولا تعلن هي الفيصل في بقاء لاعب من عدمه . مثلا انا كنت اتابع عبدالكريم مع منتخبنا الأولمبي وكنت اتوقع انه بمجرد التحاقه بالتمارين سوف يكون أساسيا ولكن لم يمنح الفرصة سوى باللعب شوط بمباراة ودية والظهير الأيمن ثم إعارته قبل ان يراه المدرب . بمعنى أن هناك تقييم من إدارة الكرة ترى فيه تعديل جوانب معينه أدت لاعارته.
أما ناصر فمطلوب منه العمل بالملعب واحترام قرارات المدرب والإدارة وعندها الجمهور هو من سيدافع عنه لكن موسم كامل من إيقاف آسيوي إلى إيقاف محلي إلى لعب مباريات كثيرة اي كلام فلن يستطيع تمثيل الفريق ولو يلعب ناصر جميع مبارياته كما لعب مباراة القادسية راح يكون المهاجم الأول رغم الجميع ولكن ...
الله يوفق الهلال ويكون موسم مميز وبالذات آسيويا ويكون الأجانب علامة فارقة بصناعة اللعب والهجوم .

الشمراني نجم وإن غلبت عليه المزاجيه لكنه حماسي ويلعب بروح معنوية عالية دائما ودونيس هو من قصم ظهره وظهر الهلال بعنجهيته.
اتمنى الشمراني يبقى هلاليا وما يروح

لن يذهب الهلال محتاج مهاجمين

انا مع اي قرار يتخذه الامير نواف بن سعد
حتى لو يشوته من النادي مع شوشو
نعم احب ناصر كلاعب
لكن
مزاجيته ممكن تدمر الفريق برمته

ناصر لاعب كبير
والموسم الماضي كان تحت ضغط دونيس
والآن حان الوقت ليفجر م في داخله هذا الموسم
واثبات انه لاعب سوبر ستار

التنظير ... الحماس ... نجوميته السابقة ... دونيس ..... كلها راحت لكن

الميدان يا حميدان .. الموسم على الابواب .. وهات اللي عندك يا الزلزال

هلا عبدالعزيز .... يابعدي شئ من لاشئ ....يعني اذا كان الكور متمكن خلاص ماعندنا مشكله مثل بيليه

لافيه لاعبين يلعبون للفريق وبيليه لاحظه يسجل ويصنع

فلاته تشعر بلمسات لاعب ...الشمراني باصه وهو اقل مهاره في اللعبه دائما خطا ....لا فلاته كنتروله ممتاز وكان بالمنتخب ويمكن الان مع المنتخب
والله يالحبيب ماني ضد الشمراني لكن لاعب والله ماهو ذاك الزود لولا لياقته وسرعته ماينفع ولا يلعب قلول
تذكر سيرجيو الخال هذاك كان مسكت في اللعب
اما الشمراني والله مايخدم المجموعه اطلاقا

إقتباس الرسالة الأصلية كتبت بواسطة جحفل117 هلا عبدالعزيز .... يابعدي شئ من لاشئ ....يعني اذا كان الكور متمكن خلاص ماعندنا مشكله مثل بيليه لافيه لاعبين يلعبون للفريق وبيليه لاحظه يسجل ويصنع فلاته تشعر بلمسات لاعب ...الشمراني باصه وهو اقل مهاره في اللعبه دائما خطا ....لا فلاته كنتروله ممتاز وكان بالمنتخب ويمكن الان مع المنتخب والله يالحبيب ماني ضد الشمراني لكن لاعب والله ماهو ذاك الزود لولا لياقته وسرعته ماينفع ولا يلعب قلول تذكر سيرجيو الخال هذاك كان مسكت في اللعب اما الشمراني والله مايخدم المجموعه اطلاقا

هلابك ي الغالي ..

فيه فرق بين مايناول صح يعني يناول بس كراته مقطوعه ..
وبين ( أناني ) ومايحب إلا نفسه ..
الأولى أنا معاك فيها لكن الثانية لا ..
قليل عندنا اللي يوصلون الكورة صح .. أغلب باصات ربيعنا لك عليها ..

تبقى وجهات نظر .. إحترامي لك ..

..

ناصر ما يسجل الا في الفرق الصغيرة ولا يسجل في الفرق الكبيرة

ردوا وقالوا ناصر سجل في السد والعين والاتحاد والاهلي

رد وقال ناصر ما يسجل في الفرق الصغيرة والدليل ما سجل في سدني واهم شيء عنده يجيب الهداف

هذا ماهو حوار هذا طقطقه ووناسه واستعباط

ناصر الهداف التاريخي لدوري ابطال اسيا اقوى بطولة عندنا والهداف التاريخي لدوري المحترفين ايضا اقوى بطولة عندنا

ويجي من يقول ناصر مزاجي هههههههههههههههههههههههههههههههههههههههههههههههههههه


وينتقده اللاعب المزاجي مستخيل يوصل فريقه لنهائي بطولة قارية ومستحيل يجيبهداف الدوري خمس مرات

مشكلتكم الاعلام الأصفر لاعب في عقولكم دمروا ياسر بجمهور الهلال ويحاولون تدمير ناصر بجمهور الهلال

هيهات هيهات هيهات ناصر بتكئ على ارقام اكبر منكم جميعا وحمااااس لا يمكن ايقافة ابدا

ناصر هداف بالفطرة
ما عنده فلسفة
يخلص على طول
عتبي على ناصر
هي العصبية الزايدة
الحماس مطلوب
لكن كل شئ اذا زاد عن حده
انقلب ضده
ناصر اتوقف في آسيا والدوري وابعد عن المنتخب
كثرة كروته واعتراضاته على التبديل
كل هالاشياء اثرت على ناصر وعطاءه
اللاعب لازم يكون ذكي
ابعد نفسك عن الاستفزازات
احرث الملعب اذا اعطيت الفرصة من المدرب
سوف اضرب مثال يا اخوان
لو كان ناصر بالدكه والميدأ اساسي
ولم يسجل الميدأ واشرك ناصر فحرث الملعب وصنع هدف او سجل
وتكررت العملية
صدقوني
سيضغط على الادارة والجمهور والمدرب
وسيشركه رغما عنه
لكنه يعصب ويفقد تركيزه ويتعارك مع المدرب
وهذا ما افقده بريقه
اتمنى ان تصل رسالتي هذه للكابتن ناصر
نتمنى ان نرى بريق الزلازل
كما عهدناه في الملاعب

وشكرا