أسعد الله صباحكم وكل أوقاتكم ..
عندي إستفسار بسيط لو تكرمتوا ..
وش رايكم بلاعب النصر ( أدريان ) خصوصاً ومدربهم
رفض وجود اللاعب مع الفريق وطلب تسريحه مع زميله ( مايقا ) ..
أنا برأيي إن أدريان لاعب كبير جداً .. ويملك قدم قوية جداً .. وفوق هذا
يعتبر من لاعبي الوسط الهدافين ..
وعلى قولتهم ( وجه تعرفه .. ولا وجه تنكره ) ..
رجاء خاص ي زعماء .. أبغى اللي يبدي رأيه يكون طرحه وإنتقاده منطقي
ومقنع .. ما أبغى أحد يقول ( رجيع أندية ) و .... و .......
لاعبين كثار لعبوا مع كذا نادي سعودي وسجلوا نجاح كبير ..
على سبيل المثال لا الحصر ( بهجا .. سيرجيو .. كماتشو ) هذا عدا بعض
اللاعبين السعوديين ..
أنا ودي بلاعب أفضل بس والله أخاف من المقالب أو عدم التأقلم على أجواء
السعودية .. أو عدم الراحة النفسية و ......و ....... الخ
علشان كذا أحب ألعب ع المضمون ( على قولتهم ) ونجيب لاعب متعود على
أجواءنا وفاهم طريقتنا وعارفنا وعارفينه ..



: : : : : : : : : : : : : : : : : : : : : : : : : : : : : : : : : : : :

تقبل الله صالح أعمالكم .. وكل عام وإنتم بخير وصحة ..

: : : : : : : : : : : : : : : : : : : : : : : : : : : : : : : : : : : :

لاعب ممتاز لكنه لم يصنع الفارق معهم

الي صنع الفارق معهم هو الدفع الرباعي ويد دلهوم

يعني اشوفه اقل من مستوى ويلهامسون ونيفيز وادواردو

والهلال من كبار آسيا ولابد ان يشتري لاعبين ذو موهبه وشخصية قيادية يقودون الفريق للحصول على البطولة

إقتباس الرسالة الأصلية كتبت بواسطة hilalicanada لاعب ممتاز لكنه لم يصنع الفارق معهم الي صنع الفارق معهم هو الدفع الرباعي ويد دلهوم يعني اشوفه اقل من مستوى ويلهامسون ونيفيز وادواردو والهلال من كبار آسيا ولابد ان يشتري لاعبين ذو موهبه وشخصية قيادية يقودون الفريق للحصول على البطولة

هلابك ي الغالي ..
رأيك جميل جداً ( لاعب كبير لكنه لم يصنع الفارق معهم ) ..
اللي أشوفه أنا إنه أفضل لاعب نصراوي ومن أفضل المحترفين بالسنوات الأخيرة ..
إذا لعب أي فريق أمام النصر .. أدريان هو مفتاح النصر ..
صدقني عنده فنيات وممكن يسحب بفريق كامل .. وعنده حلول لكن
يبغاله فريق أفضل من النصر علشان يطلع كل اللي عنده ..

شرفني مرورك

..

أشوف مستواه عادي جدًا ما كان له بصمة واضحة مع النصر
وبالنسبة لوجه تعرفه ولا وجه تنكره
دائمًا ما كنت أطالب بلاعبين عرب كونهم بالغالب ينجحون
ولك ب حديد وبوشروان والمطوع والسومة والبلوشي وغيرهم من الجيل الحالي
خير مثال بس للأسف توجُهنا ب العادة للأجانب ونادر م نتوفق

عمومًا الله يكتب ما فيه الخير, والله يعطيك العافية : )

إقتباس الرسالة الأصلية كتبت بواسطة عـبـدالـمـلـك أشوف مستواه عادي جدًا ما كان له بصمة واضحة مع النصر وبالنسبة لوجه تعرفه ولا وجه تنكره دائمًا ما كنت أطالب بلاعبين عرب كونهم بالغالب ينجحون ولك ب حديد وبوشروان والمطوع والسومة والبلوشي وغيرهم من الجيل الحالي خير مثال بس للأسف توجُهنا ب العادة للأجانب ونادر م نتوفق عمومًا الله يكتب ما فيه الخير, والله يعطيك العافية : )

وأنا والله معاك أتمنى اللاعبين العرب وطالبت فيهم ولكن ..
( زامر الحي .. لا يطرب ) ي صديقي ..!
ربيعنا يحبون اللي عيونه زرقاء !!

مرورك أسعدني ..

..

مو مهم الاعب يكون لعب مع اي نادي في السعوديه هو في الأخير لاعب محترف
الأهم هل نحتاجه بنظري لا ادريان عندما تعاقد معه النصر كان مستواه ممتاز وفارق
عن باقي لاعبي النصر اول موسم كان خطير ع المرمى يسجل وفي التسديد والصناعه
والا كان احتاج فريقهم لدفعين رباعي مو دفع واحد
وبعد كذا نزل مستواه وكنت الاحظ تغيير الخانه اصبح يلعب وسط ايمن فأصبح مستواه
عادي وهذي الخانه الي نحتاج فيها لاعب الوسط الأيمن ويصنع للمهاجم ويساند ويسجل
اذكر ادريان كان يلعب في الطرف الأيسر وكان مؤثر بلاوفرات ودخول خلف المهاجم والتسديد
واعتقد هذا السبب بلاضافه الى ان فريقه ما يساعده كلهم محاور كل اعتمادهم عليه يشيل
الفريق في خانه ما قدم فيها مع تاخر المستحقات الماليه هذا يشتت الأجانب ويصعب عليك
محاسبتهم .
وبتوفيق لعملاق اسيا وزعيمها الهلال الملكي.

الهلال بحاجة مهاجم من نوعية ريفاس والسومة مهاجم ما يعرف بربسة ألميدا السومة مهارات معدومة
لكنه يتعامل مع الكورة بذكاء ويخلص لك مباراة
الهلال يحتاج زي كذا وريفاس ممتاز مع مهاجم ثاني
وصانع لعب

انا مستغرب ان النصر كيف متحمله حقيقه ...!!
كنت دائما اسئل زميل لي نصراوي عن سر التمسك به !!
مااشوف فيه اي ميزه واضحه ...!
لكن لعله يظهر في اوقات بلعب طيب او بكور جميله تساعد فريق النصر على تجاوز الفرق بفضله ..
لكن انا حقيقة لا ارى تلك الميز .. او القدرات ؟

لماذا لايأخذون من لاعبين أجانب الامارات ؟؟او الكويت او عمان او قطر تم تجريبهم في الملاعب الخليجية .... خاصه الملاعب الكويتيه تشبه تقريبا لعب السعوديين

هو كان في بدايته مع النصر جيد ومتمكن من الكره
يتحرك كثيرا وتسديداته فعاله .. (كان شايل الفريق)
لكن مؤخرا هبوط كبير في المستوى هبط معه نصف مستوى النصر.
التعاقد معه يعتبر مغامرة

هو افضل لاعب في النصر و لكن مستواه عادي جدا بحكم انه افضل السيئين بين لاعبي الفريق.

حاجة الفريق هي من يحدد انتقال اي لاعب بناء على ضعف وقوة مركزه لذا اتمنى التعاقد مع رأس حربة قوي وهداف ثم صانع لعب الكرة الثابته عنده هدف ...

مافيه كلام
لاعب يتحرك وشويت
صحيح هبط مستواه لانه اكثر اللي معه ماش

بس مشكلته مالها خانه عندنا
واعتقد لو راح نادي ثاني بتشوفه مستواه غير

الاعب قد تشبع من اجواءنا واعتقد انه لن يضيف شئ جديد وقد يلف عليه اللوبي بحكم معرفتهم فيه ويسبب لنا صداع نحن في غنى عنه في هذا الزمن وجهه ماتعرفه افصل من وجهه تعرفه

لاعب عادي ومزاجي والنصر متمسك فيه لانهم ماهم قادرين يعطونه حقوقه نفس سالفه المدافع البحريني