السلام عليكم ورحمة الله وبركاتة
انا اشوف على العناصر اللي جاية للهلال من محليين لازم تكون التشكيلة الموسم الجاي كالتالي :

الثنيان
زوري . اسامة هوساوي . جحفلي . الشهراني
الخيبري . . عطيف
ادواردو . . عموري . او من امريكا الجنوبية
ريفاس . . الشمراني

والاستغناء عن عزوز والقرني والسالم مخالصات مالية . .
وبتكون دكة الاحتياط : العابد . سالم . الفرج . ياسر . البريك . فيصل درويش
نوعا ما بتكون دكة الاحتياط كويسة وان شاءالله بنشوف هلال جميل مع المدرب الحماسي بتوفيق لزعيمنا

هناك اربع امور
التشكيلة والتكتيك والانضباط والروح
ليست الاسماء وحدها تصنع الفارق فهذه البرازيل غادرت كوبا امريكا وهذا ليستر الانجليزي حقق الدوري بميزانية ولاعبين لايساوون عقد لاعب واحد في مانشستر سيتي او تشيلسي وهذا اتليتكو مدريد يقارع عملاقي اوروبا وليس اسبانيا فقط
عموري اراه صعب جداً ولن يفرط فيه العين
ادواردو بعد الاصابة اصبح عزوز جديد يخاف من الاحتكاكات وياليت نستفيد من العرض الصيني
ريفاس ليس بعيد عن ادواردو فقد انحدر مستواه مع الاتحاد رغم انها نفس التشكيلة والتكتيك ونفس المدرب

وش رايك بهالتشكيله

عبدالله مونس

تركي مهدرس ...عبدالله الرشيد وسعد القحطاني ..خالد الشقحاء

وليدناصر وجيار مهدرس

خليل ابو ربعه ورشيد الرشيد

جمال رحيل وزكريا قتديل

إقتباس الرسالة الأصلية كتبت بواسطة زمن نواف تشكيلتك أخوي (12) لاعب يعني يا ريفاس يلعب والزلزال يكون إحتياط أو العكس .. عموري صعب تجيبه لتكاليفه الباهظة .. أهم شيء من وجهة نظري اللياقة ثم اللياقة .. لابد للاعبين تكون لديهم لياقة عالية ويقدروا يعطونك طوال وقت المباراة .. وثاني شيء عودة الروح للاعبين وإحساسهم بالمسئولية وإنهم يمثلون كيان كبير .. وثالث شيء الإنضباط في السلوك والإخلاق وفي الحضور والإنصراف للتمارين .. ورابع شيء إحترام ضوابط المدرّب وتوجيهاته من قبل اللاعبين..

لا التشكيلة بالعدد مضبوطة ( 11 لاعب )
بس هو قال ( عموري أو لاعب من أمريكا الجنوبية ) ..
بس ليش الأجانب ثلاثة ..؟؟

..

إقتباس الرسالة الأصلية كتبت بواسطة جحفل117 وش رايك بهالتشكيله عبدالله مونس تركي مهدرس ...عبدالله الرشيد وسعد القحطاني ..خالد الشقحاء وليدناصر وجيار مهدرس خليل ابو ربعه ورشيد الرشيد جمال رحيل وزكريا قتديل

حبيت امازح كاتب الموضوع ....هؤلاء نجوم عرعر في السبعينات والله لو كانوا في الممتاز لكانوا افضل من كل النجوم الذين شاهدنهم على مدى متابعتي للدوري من اكثر من 40 سنه واخص اللسته في الامام

إقتباس الرسالة الأصلية كتبت بواسطة جحفل117 حبيت امازح كاتب الموضوع ....هؤلاء نجوم عرعر في السبعينات والله لو كانوا في الممتاز لكانوا افضل من كل النجوم الذين شاهدنهم على مدى متابعتي للدوري من اكثر من 40 سنه واخص اللسته في الامام

إذا كانوا بهالنجومية .. ليه ما صعدوا بفريقهم من دوري
المناطق والأرياف .. إلى الدرجة الثانية والأولى ثم للممتاز ،،؟؟
شفنا شايع النفيسه وش سوا مع الكوكب ..


تقديري لك ولأهل الشمال ..

إقتباس الرسالة الأصلية كتبت بواسطة عبدالعزيز الثنيان إذا كانوا بهالنجومية .. ليه ما صعدوا بفريقهم من دوري المناطق والأرياف .. إلى الدرجة الثانية والأولى ثم للممتاز ،،؟؟ شفنا شايع النفيسه وش سوا مع الكوكب .. تقديري لك ولأهل الشمال ..

ذكريات ....والله يااخي كانوا مواهب لم ارى مثيلا لها للان وللاسف كانوا بمنطقه مهمشه ملاعب ترابيه ولا مدربين لكن كانت منافسات شرسه بين اندية بدنه والعروبه والقلعه والتضامن والمسيره

جبار مهدرس تصدق انه كان يتحرك بالكره من منتصف الملعب والكره لاتنزل عن جسمه كان طويل القامه ويتحكم بالكره بشكل لاتتصوره وكاد ياخذ الجنسيه الكويتيه ليلعب مع جاسم يعقوب والدخيل

زكريا قنديل كان جناح ايمن لاعب يمر من المدافعين من الجهه اليمنى حتى يصل المنطقه من الطرف ثم يضع الكره لرجله اليسرى ويسجل
خليل ابو ربعه ركب له كره وهو منطلق بالعمق يشتهر بالباك ورد ويسجل من مسافات ( خال رايق يالملعب رحمه الله )
رشيد الرشيد صاحب رجل قويه يسجل من مسافات بعيده
عبدالله مونس كان حارس ماشاء الله من المستحيل تسجل فيه هدف

( الان ارى العنزي وعبدالمجيد الرويلي شوف الاشادات بهم وهؤلاء ولايجون ربع مستوى اولئك اللاعبين ...وللعلم يتركون الكره في سن مبكره في ال20 وبحد اقصى 23 سنه ويترك الكره )

اتفق معاك بس انا تكلمت على العناصر الموجودة بالفريق
ويعني مدرب حماسي اتوقع هو المطلوب الأن . .

التشكيلة فيها خطا الشهراني الظهير الأيسر وضعته ظهير ايمن وناصر ماراح يلعب إلا إذا كان مهاجم وحيد
اتمنى البريك بدل الشهراني الذي يلعب بمركزه الأساسي الأيسر
الأجانب يجب أن يكون اجنبي لكل خط مدافع ومحور وصانع لعب ورأس حربة ويمكن الموسم المقبل إن يكون هناك محور هجومي ورأس حربة وصانع لعب ومدافع ويكتفى بالمحاور الدفاعيه المحلية
أما موسم قلبي دفاع وموسم مهاحم2ين اجانب فقد جربناها سابقا ولم نحصل على نتيجه اتمنى ان يتعض المسؤول الهلالي من أخطأ الماضي

الله يعطيكم العافية وبالتوفيق للزعيم الملكي

اناودي يجيبون

تشابي الونسو ومودريتش وموراتا

وكذا امورنا طيبه

وش رايك مش تشكيلتي اطيب من تشكيلتك ؟؟؟

تشكيله فيها زوري ظهير ايسر اساسي ما تنفع

نضعف فريقنا كثيرا إذا لعبنا الشهراني ظهير ايمن ونخسر البريك

إذا مُصِرّين على الزوري بالهلال لازم يلعبونه جناح لانه لايفقه في التغطيه الدفاعية واتكالي من الدرجه الاولى

إقتباس الرسالة الأصلية كتبت بواسطة hilalicanada تشكيله فيها زوري ظهير ايسر اساسي ما تنفع نضعف فريقنا كثيرا إذا لعبنا الشهراني ظهير ايمن ونخسر البريك إذا مُصِرّين على الزوري بالهلال لازم يلعبونه جناح لانه لايفقه في التغطيه الدفاعية واتكالي من الدرجه الاولى

كل واحد وفكرته او الرأي اللي يشوفه مناسب لكن :
( الزوري ) هذا عمر الغامدي الثاني مظلوووم وهو افضل لاعب بالفريق واي خطاء لازم يذكر الزوري فيه .

من وجهة نظري الزوري وبعدين اضع التشكيله .
وتقبل تحياتي