حبيبي اكلمك عن قبرص تروح تجيب شرق القاره المهم المدرب هل تقارن بينه وبين جرتتس او كوزمين او سامي

مدرب لايعرف كيف يقراء خصمه او يسير المبارة حسب الظروف مالديه فقط خطه جامده غير مرنه وتقليعات

عجيبه غربيه تدل علي عبث وعجز عن تقديم شي اجل سالم ظهير

نتكلم بمنطق يازعماااااااء
حتى لو المدرب سيئ
لكن الهلال لا يمتلك البديل المتواجدون اشباه لاعبين هذي الحقيقه

الله لا يفتح له ولا يوفقه ............. اللي سواه في الهلال ما يسويه مدرب مبتدئ

حبيبي أهم ادوات الفريق هي اللاعبين، إذا لاعبين من 5 سنوات مايحققون الدوري واذا بمباريات الحسم يختفون أو يسحبون رجولهم بكل تخاذل وانت بكرامه، ما تلوم فيها مدرب يستلم فريق مدة موسم واحد.

من الغباء أنك تجرب نفس الطريقة بكل مرة وتنتظر نتائج مختلفة

هذا اللي حاصل مع الهلال نفس اسماء اللاعبين من 5 سنوات ومازال الهلال مكانك راوح بل حتى هوية الفريق اختفت
أول إذا الهلال واجه أي خصم، كانت هيبة الهلال تحضر قبل اللاعبين بأرض الملعب، ونشوف الخصوم ماتتجرأ تضغط أو تحاول تهجم على الهلال زي مانشوفه اليوم، صار الهلال شوارع للأندية الصغيرة قبل الكبيرة مع الاحترام للكل.

النجوم اللي على ورق وبأرض الملعب مافيه مردود انتهت موضتها، الآن نحتاج نجم بأرض الملعب يقدم ويتعب مانبي نشوف نجوم مطبل لهم من شريحة من الجماهير أو مسوق له إعلامياً،

الهلال أكبر من كل المتخاذلين سواءً إداريين أو لاعبين..

في النهاية الهلال يحتاج لغربلة لأول مره بتاريخه من حراسة المرمى إلى رأس الحربا.. غير ذلك بيستمر العك الكروي والفلسفة الزايدة من أشباه اللاعبين..

الحمدلله على اقاله هذا المدرب
ماعمري مريت بشد عصبي وخوف عالهلال الا مع هذا المدرب

الدوري القبرصي اللي تستحقره يا أقوى دوري بالخليج ولا بالعرب مع العلم أن منتخبنا داج خليجياً فما بالك عربياً،
عنده نادي أسمه أبويل نيقوسيا القبرصي وهو يؤدي بشكل جيد جيداً في دوري الابطال اللي تلعب فيه كبار أندية اوروبا
فلذلك حرام نقارن الدوري السعودي بدوريات شرق أسيا المفروض نقارن الدوري السعودي بالدوريات الخليجيه فقط.
خل هياطنا بينا مثل ما قلت لك..

أوكيه دونيس، هو سبب ضياع الدوري هذا الموسم
تقدر تقولي بكل شجاعه من السبب في ضياع الدوري وبطولة آسيا المواسم الأربعة الماضية ؟!
نحتاج للوعي فقط علشان نفهم أن مشكلة الهلال ليست في " مدرب " الي كل موسم يكون كبش الفداء لعيون لاعبي الحواري..

الله لايرده ولايبارك فيه بعد ماخرب واساء للكيان
اتمنى ان يلحقه نوافﻻبن سعد
نبي ادارة صاحبة قرار ومقتدرة ماديا

تن تكليف عبداللطيف الحسيني لقيادة دفة الهلال في الاياب

بصراحة ..
بديت أصدق إن دونيس يضع التغييرات قبل المباراة بيوم ..
تغييراته دايماً خارج التوقعات ولا تتماشى مع أحداث المباراة !!
سبحان الله .. يتسلط على أفضل لاعب في المباراة ويغيره !!

الحمد لله على فرقاه ..
ومباراة الإياب إن شاء الله تتغير الصورة الهزيلة اللي
كان عليها الفريق ..
من تتوقعون بيدرب الهلال بالإياب ..
( الحسيني ) .. أم ( سيبيريا ) ..؟

الله يزينها ..

..

تيسير الجاسم ، المسيليم، لم يحققوا الدوري الا بعد تسع سنوات ، رغم تواجد فيكتور سيمنس معهم ، وخالد بدره ، في وقت ما ، والحوسني ، وكثير من الادوات ، ولكن بعد كل هذه ابسنوات ساهموا بشكل كبير في تحقيق الدوري ، هذا الموسم ، لذلك يجب ان نعلم ان الهلال عنده ادوات ، وهناك لاعبين محليين ، ممكن تسندهم باجانب سوبر ستار، فلاحظ الهلال الان لديه نجوم محليين ، ولاعبين محليين مميزين ، بغض النظر عن الانضباط ، الذي يحتاج لخبير نفسي و خبرة كبيره من قبل الاداري للتعامل مع النجم غير المنضبط ، : فالان عندك :
شراحيلي ، الثنيان ، في الحراسه ، على مستوى حراس المملكه حاليا هم بعد العويس ،

جحفلي ، مدافع مميز يلعب بروح وقتاليه ، اذا انضم هوساوي ، مع بقاءكواك او ديقاو ، لن تكون عندك مشكله بالدفاع باذن الله ،

الاظهره ، الزوري والشهراني الافضل على مستوى المملكه ، البريك افضل نجم صاعد بالظهير ،

المحور الدفاعي ، عبدالله عطيف ، واحتياطه كريري اعتقد ،

الوسط ، العابد ، والفرج ، من افضل لاعبي الوسط بالمملكه ،

الهجوم يكفي ان عندك الان ناصر الشمراني ،

اذا الان هناك ثمانيه نجوم ، على مستوى المملكه بالهلال، محليين ،

فقط ينقصنا الاجانب، حال بقاء ادواردو ، اللاعب المميز ، يتبقى خانتين ، من خلال جلب مهاجم سوبر ستار يسجل من انصاف الفرص ، مكمل لناصر الشمراني ، وجلب محور دفاعي مثل رادوي يلعب محور ثاني ومحور دفاعي ، ويجيد الفاولات ، بكذا ستجد احتياًطك ، كالتالي :

البريك ، شراحيلي خالد ، الشلهوب ، كعبي ، سالم الدوسري ، كريري ، ياسر القحطاني ،
وايضا نجوم الالومبي ، العمار ، السواط، حسين القحطاني ، وغيرهم من النجوم ، بذلك يكون هناك فريق قوي جدا يجمع بين الخبره وحيوية الشباب ،
مع توفق الفريق بجهاز فني مميز، شرط يكون اعلى منه مدير فني ، بامكانيات سامي الجابر ، او الشنيف ، او فيصل ابو ثنين، من يحضر المدرب وهو يعلم ان هذا الشخص هو مديره ومرجعه الاول والاخير ، وله حق مناقشته اي وقت ، ونقده ، من خلال استعانته ، ببعض الاشخاص الفنين ، يجتمع معهم المدير الفني ، قبل مناقشة المدرب ، بذلك نضمن ان لا يحدث مثل ماحدث مع ناصر الشمراني من ابعاد وعقوبه. ،فحتى لو تجاوز اللاعب على المدرب ، يرفع المدرب شكواه للمدير الفني ، ويحقق مع اللاعب والمدرب، ويجتمع معهما بعد اصدار اي عقوبه ، ويبلغ الاثنان ، وان مثل هذه التصرفات مرفوضه ، وفي حال تكراراها يلعم اللاعب العقوبه والخطوه الاخرى. ، وكذلك المدرب يفهم ان الخلافات الشخصيه لا تدخل ولا تؤثر على العمل ، فالمدرب تم جلبه باموال النادي وكذلك اللاعب ، فالكل يعلم ان الضرر سيقع النادي اولا واخيرا لانها امواله ، ومبارياته ، وبطولاته ، فخساره لاعب او خطاء مدرب، تكلف النادي اموال واستثمارات اكثر من المبالغ التي تخصم على المدرب او اللاعب ، .