هع طلع موب رايح الا بعد الاياب !!
ياليل ما اطولك شكلهم حالفين مانتأهل

من قال ان سالم ظهير أيمن !!

يا رجل سالم اكثر لاعب انفرد و كان نجم المباراه يوم لعب جناح يمين ، و لكن العابد و ادواردو و الزوري كانوا في عالم آآخر و ليسوا بالمباراة و لا أنسى قوة االحارس الأوزبكي

جميع الي طلع لحد الآن اشاعات و لا فيه شي رسمي

لو اعضاء الشرف يصملون مثل ماصملوا باقالة سامي
كان الان ننافس معنا 7 اسيويات !!

انا ماني مع سامي يوم درب الهلال
لكن استغرب قوة اعضاء الشرف يوم اجتمعوا على اقالة سامي

والان الكلب اليوناني لعب بالهلال من بداية الدوري ولا حس ولا خبر للاعضاء

دونيس >>>>>>>>>>>> آوت


الزلزال>>>>>>>>>>>>>>> إن


هرمنا من اجل هذه اللحظة التاريخية

لو تجيب إدارة الهلال " غوارديولا ولا أنشلوتي ولا يورغن كلوب ولا مورينهو " راح يتم المطالبة بإقالتهم والسبب معروف لكل من يفهم بكرة القدم

تجيب مدرب أجنبي محترف قضى عمره يدرس دورات تدريبية ويدرب فرق اوروبية ويقابل خصوم أردى واحد فيهم ياخذ أندية آسيا رايح جاي، وتحطه على " لاعبين جايبينهم سماسرة الحواري " ؟؟

معليش المدربين يحتاجون أدوات وأدوات المدرب المحترف هي لاعبين محترفين لاتجيب مدرب محترف على لاعبين هواة وتطالبه بالبطولات وخصوصاً بطولة آسيا.

إذا لاعبين ماعندهم ابجديات الكنترول ولا يقدرون يكملون سلسلة تمريرات صحيحة حتى الوصول لمرمى الخصم إلا تلقى واحد يتفلسف ويروح يسحب كيف تبي المدرب ينفذ تكتيكاته على لاعبين يحتاجون يتعلمون اساسيات كورة ؟!

معليش يا أخواني الصحه أولى وحرام أضيعها على لاعب ضامن فلوسه ورصيده بالملايين وجالس يضيع وقته بالطقطقه والاستعراض والقصات..

كلن عقله براسه ويعرف خلاصه، تبي تجيب مدرب أوروبي لازم توفر له لاعبين جاهزين غير كذا لا تفكر أو تحلم بفريق مستواه ثابت ويقدم المأمول.

بالعكس اخوي الرقيب هذه شجاعة تحسب لك ونحييك عليها واعترافك بهذا الشيء نابع من قلب مشجع مخلص يهمه الكيان بغض النظر عن اي شيء اخر
تحياتي لك اخوي وبالتوفيق لهلالنا في القادم بإذن الله

اسمحلي اللي ينفخ دونيس انه اوربي تراه جاي من الدوري القبرصي الزعيم هو يصنع المدربين والتاريح شاهد

الله يصلحك، انا ما نفخت بدونيس ولا جبت طاريه، وترى قبرص عندها لاعبين محترفين وأطلق من اللي يجي من الحاره مايعرف ألا " القم كبري " وأنتهى دور الاسطورة بالمباراة بعد ما سمع صراخ كم معجب تطبيلاً للكبري اللي جاب بطولة.

الهلال من خمس سنوات وهو ضايع اختلفوا الخصوم اللي تنافس الهلال على الدوري والهلال مكانك راوح والسبب معروف لا تقولي مدرب لآن المدربين تغيروا وعلى كثرتهم ماعاد نذكر أسماؤهم..

بعدين لو سمحت لا تقارن الدوري القبرصي بالسعودي لآن دوريات شرق القارة الآسيوية أطلق وأكثر إحترافاً من دوريك خل هياطنا على الخليج.

أنا لو مكان دونيس وأشوف خط الوسط يسابق الهجوم للصندوق ويسحب بالدفاع واحد واحد علشان يسجل هدف وينسى دوره في خط الوسط أللي هو إيصال الكرة للمهاجم، بسوي اللي سواه دونيس وبفكر بالشرط الجزائي لابوها كورة اللي كل أساسيات الكرة منعدمه عند هاللاعبين والمصيبه يطلق اسم " إحتراف " على كرتنا السعوديةز

المقياس الحقيقي لقوة الأندية السعودية هو المنتخب، منتخبنا مافيه أمل ينافس قطر ولا الامارات فنياً ومهارياً فما بالك بـ اليابان واستراليا وكوريا،

اللاعب عندنا همه مقدم العقد ورصيده آخر الشهر، غير ذلك اطلب الله..

دونيس ماهو جاي يأسس لك فريق لأن التأسيس يبدأ من القاعده اللي هي الاكاديمية والفئات السنية،، أما تجيب مدرب اوروبي علشان يأسس لك فريق من رأس الهرم اللي هو الفريق الأول !! انقلبت المفاهيم وهذا اللي صاير

تبي تبني فريق لازم تركز على الفئات السنية، خمس سنوات فريقنا مكانك راوح والسبب مش مدرب بل خامة لاعبين وفكر إداري اللي مكبل فقط بالشؤون المالية وابتعد عن دورة الرئيسي.

والله تصريحه امس يدل على انه باقي
لانه يقول سوف نعمل على استعادة ادواردو للموسم القادم