إقتباس:
مقياس النجاح والفشل عندهم هو النصر وانا اراهن لو كان سامي حقق الاسيوية كانوا سيطالبوا باقالته من أجل النصر وهذا دونيس ماعندهم مشكلة يخسر من الاهلي والاتحاد والتعاون ويتعادل مع القادسية اهم شيء يفوز على النصر هذا هو مقياس النجاح لديهم أخسر كل شيء اهم شيء النصر لا نناقشه في عمل سامي يقلك خسر من النصر تناقشه في عمل دونيس يقلك فاز على النصر! والله محد أعطى النصر فوق حجمه الا هذه النوعية من المشجعين هذه هي عقلية جمهور الديربي |
إقتباس:
والحين يقيلون الزفت بعد خراب مالطا |
إقتباس:
|
إقتباس:
|
بعد خراب مالطا تقيل المدرب !! من نص الموسم وحنا نتكلم غير مناسب للهلال لا ينفع لنادي كبير لكن محد سمع من الإدارة صاحبة النظرة الثاقبة والمميزة التي أبقت عليه لنهاية الموسم والآن تقيله قبل مباراة من نهاية عقده وتخسر أمور كثيرة خسرت ثقة الجمهور فيك وبإدارتك + خسارة بطولات كانت بمتناول اليد + خسارة أموال بدفع الشرط الجزائي بنهاية الموسم وعقده ينتهي بعد هذه المباراة !!! عجزت أفهم هذه الإدارة وطريقة تفكيرها قرار متأخر جدا جدا حتى ولو استلم شخص المهمة بعد دونيس بالإياب لن يفعل شيء يذكر الدور الأكبر على اللاعبين ولو إني مستبعد يقدمون التأهل للجماهير هاردلكم مقدما موسم للنسيان |
حسب مانشر في تويتر تمت إقالة المدرب ولكن ننتظر بيان رسمي من المركز الاعلامي |
الله لا يرده ها السباك ياكثر مشاكل الهلال ونا مامليت معك معك يالازرق وياليت سامي يرجع للهلال كله من الحساد لابارك الله فيهم واحد مايحب سامي والثاني فازع له ويخادعون الجمهور كل سنه مدرب سباك واموال تصرف وبعضها يقسم بين اطراف اللعبه القذره الي محد اكتشفها لحد الان يالله فرج من عندك جيبو سامي الجابر وعطوه موسمين راح ينفض لكم الفريق ويكونه والله يعينه ابو عبدالله وعلى الجميع التزام الصمت |
سامي كان أغلب الجمهور الهلالي ضد تعيينه مدرب في البداية ... لسبب منطقي وهو إن سامي بدون خبرة تدريبيه رغم اننا واثقين في تاريخه وتفكيره وعاصر عمالقة في التدريب وأثبت وجوده في لحظات تاريخية سواءا مع المنتخب أو مع الهلال في مباراة الإياب أمام الغرافة كان الهلال متأخر 4 - 0 وجيريتس إستسلم وجلس على الدكّة .. وكل هذا موثق وموجود على اليوتيوب حاليا ... جيريتس فقد الأمل ... سامي الجابر يدخل أرض الملعب بين الأشواط الإضافية ويتأخر في الخروج وهو مجتمع باللاعبين ... ثم بقي على الخط يوجه ... الهلال يخطف كورة ويبدأ هجمه مرتدة ... سامي يركض بجانب الخط مع الشلهوب وويلهامسون ويطلب المساندة والتقدم من اللاعبين ... النتيجة هدف .. من ثم طالب بالهدف الثاني لإنهاء المباراة .. وبالفعل حصل الهلال على الهدف الثاني والتأهل سامي بعد نصف الموسم التدريبي له تغير الفريق بشكل كبير ... وبدأ بالصعود بقوة في المستوى .. تم دك المجموعة الآسيوية والتاهل لدور ال16 بمستويات خرافية ... خسر الدوري بفارق نقطتين .. وبمعدل نقطي عالي يساوي عدد نقاط الأهلي بطل هذا الموسم ب 63 نقطة والكل يعلم الظلم التحكيمي اللي حدث في ذاك الموسم سامي حقق 63 نقطة في موسم صعب جدا وفي أول موسم تدريبي له وتحت ضغط إعلامي وشرفي وجماهيري كبير بفارق كبير عن دونيس وكل المدربين اللي دربوا الهلال في آخر خمس مواسم ولما الجمهور أصبح مع سامي ويطالب ببقاءه .. أقالته الإدارة وجابت لنا المهايطي ريجي اللي لقى فريق جاهز ومتعوب عليه يا ناس شوفوا بس حماس اللاعبين وهم يسجلون هدف واثنين وثلاثة واربعه وخمسه مع سامي .. ما يوقفون حماس .. مافيه الا شخل بالفريق المقابل ... مع سامي لو باقي عشر دقايق توقع ان الهلال يضيف هدف وأربعة أهداف بعد شوفوا أهداف ناصر ونيفيز وياسر وبقية اللاعبين .. حماس مجنون وكلهم يروحون عند سامي إذا هذا متدرب وفي أول موسم قدم لك صورة جميلة وتبديلاته وبداياته في المباريات تكون مقنعة من ناحية التشكيلة .. كيف لو اعطيته فرصته ببداية موسم يرفع فيه من مستوى الفريق ؟ كان الهلال مرعب مع سامي حتى لو ما تحقق لقب ... يكفي انه في أول موسم تدريبي استلم فريق ورفعه فوووق وجلد الفرق بدرازن من الأهداف وعلى راسها الفقر والاتحاد والشباب أما اللي يبي يكذب ويقول دفاع الهلال كان وقت سامي الجابر سلطان الدعيع والمسلم ... أقول له راجع معلوماتك ... دفاع الهلال كان ديقاو والكوري الجنوبي كواك ... ولكن اصيب الكوري ولعب الدعيع بديل له ... وسامي هو اول من ضبط دفاع الهلال من سنين طوويله وفي نفس الوقت بنى قوّة هجومية كاسحة خصوصا في المرتدات وبدون مهاجم أجنبي سامي استعاد نيفيز .. استقطب ناصر .. واستقطب ديقاو والكوري كواك وأبقى على هرماش في المحور سامي كان عارف ان مشكلة الهلال في صانع ألعاب .. وفي مدافعين وفي منطقة المحور ... والكلام هذا في أول موسم كمتدرب سامي جهّز للهلال فريق هجومي قوي وصل إلى نهائي آسيا وخسر بمعجزة ... ولا بالله عليكم فيه مدرب روماني هجومي بحت ؟؟ ... ريجيكامب لقى فريق جاهز مجنون هجوميا ... كل اللي سواه هو انه أبعد المحور وجاب ولد عمه بينتيلي ... بينتلي اللي غادر الهلال بإنتقال حر إلى فريق صهيوني .. ما لقى أحد يتعاقد معه أي واحد يبي يناقشني في سامي الجابر يكلمني في بطولات النفس الطويل ... الدوري ودوري أبطال آسيا ... 63 نقطة دوري رغم الظلم ... وبنى فريق اكتسح آسيا حتى المباراة النهائية اللي خسر فيها فريق سامي بعجزة وظلم تحكيمي البعض تجيهم حساسية من كلمة هلال سامي ... رغم ان الهلال قبله كان يسمى هلال جيريتس .. بس مزمار الحي لا يطرب وعقدة الخواجه موجودة عندهم |
بالنسبة لي شخصيا .. أتمنى مغادرة الإدارة الحالية ... والمدرب .. ويحضر رئيس قوي ويتعاقد مع سامي الجابر بعقد لمدة ثلاث سنوات وبقاء ناصر الشمراني وإعطاء الصلاحيات الفنية كلها لسامي مانبي شيء الموسم القادم .. نبي فقط التأهل الآسيوي ... وتعالوا حاسبوه في موسمه الثاني مع الفريق أي مدرب محترم يبين شغله على الفريق بعد مضي نصف الموسم ... وتقدر تلاحظ عمله من خلال كيف كان الفريق وقت إستلمه ومستوى الفريق بعد ست شهور من استلامه الفريق ... |
الأخ شاهــيــن تسلم ما كتبت ذكرت الحقيقة !!!! مقارنتنا بسامي لأنه أول سنة تدريب ومع ذلك حقق بناء فريق وغير كذا على حسب إحصائية أفضل مدرب خلال خمس سنوات كان سامي مقارنة بمدربين لهم باع وسنوات طويلة لا أعتقد أن سامي سيعود فهو اتخذ قرار لبداية خط تدريبي وهو مشترك بدورة تدريبية متقدمة تستمر 10 أشهر لذلك الأفضل أن يحضروا مدرب لاتيني وأهم من ذلك تكوين لجنة فنية متخصصة يكون منها الخبير الأرجنتيني روميو ومعه الحسيني والبطي والخراشي التمياط والحبشي والسلومي وغيرهم من الأسماء وما ذكرته ليس للحصر بل للمثال فقط وتكون لها اجتماعات دورية ويوضع لها نظام عمل يوضح المهام المكلفةوتكون رافد لكل إدارة بالرأي والمشورة أما تجمع أعضاء شرف أو مجلس إدارة ليسوا متخصصين فنيين ويتناقشون باختيار مدرب أو مناقشة مدرب حالي فهذا عمل غير احترافي أبداً وفيه تقزيم للهلال |
الوقت المعتمد في المنتدى بتوقيت جرينتش +3.
الوقت الان » 02:11 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd