|
اعتقد ان الاجتماع قد فشل بامتياز وبوادره الاتي : العجز التام عن اقالة الفاشل دونيس صاحب الشرط الجزائي المقدر بمليون يورو ( حسبي الله على من وافق عليه) تعاقد الاهلي مع مهاجم القادسية ماجد النجراني رغم حاجة الهلال له اكثر من الاهلي تعاقد الاهلي مع عسيري والمولد والنخلي رغم حاجة الهلال لهم اكثر من الاهلي بل حتى لم يكلف نفسه سمو الرئيس بالدخول في سير المفاوضات ورفع الصفقة على الاهلي بعيدا عن هبات اعضاء الشرف التي تاتي حسب ارتفاع مؤشر (الكرم) لديهم فالهلال بحاجة الي رئيس كاش يدفع بلا حساب من اجل العشق الهلالي فالرئيس اعلنها على الهواء : انا لا استطيع ان ادفع للهلال ! |
إقتباس:
أولاً : لك كل الحق بأن تشك بهلاليتي لمجرد أنني إنتقدت عمل الإدارة !! ثانياً : بالنسبة لإنتقالات اللاعبين من الإتحاد للأهلي .. بإمكانك الرجوع لتغريدات ( رئيس الأهلي الزويهري .. رئيس المركز الإعلامي بالأهلي الأحمدي .. الأمير فهد بن خالد وأخيراً الفراج ) لكي تتأكد من إنتهاء إنتقالات اللاعبين .. ثالثاً : الأندية الأخرى منافسة لفريقنا .. إذا لم نقارن عملنا معهم فلن نستطيع التغلب عليهم .. تقديري لك .. |
موضوعك هذا تقليل من لعيبه الهلال وتصغير لاعضاء شرف الهلال وتبلي عليهم ومستحيل فيه عاقل يكون هذا طرحه الا انه موهلالي الحين النادي مضطر لتنسيق 18 لاعب من الالولمبي عشان النظام الجديد ومن غير لعيبتنا المعارين الحمد ويونس والحافظ والدعيع وعندنا لعيبه ممتازين ينتضرون فرصتهم وتجي انت تطالب بلعيبه من برى النادي وين تبينا نوديهم لو جو فوق السطح مثلا الا المحاور طبعا اللي ماجبت لهم طاري في موضوعك واما اعضاء الشرف فالنادي غرقان لشوشته بالديون ومطلوب توفير 60مليون لسداد الديون هالموسم فقط من غير توفير ميزانيه الموسم القادم وتجي انت تصغرهم عشان ماتعاقدو مع لعيبه محليين ؟؟؟؟ يعني بالله عليك الاولى سداد الديون وجلب لاعبين اجانب على مستوى في الموسم المقبل ولا تعاقدات مع لعيبه محليين ؟؟؟!!! والادهى والامر ان لعيبه الهلال اللي ينتضرون فرصتهم افضل من اللي تتكلم عنهم وجالس تهاجم اعضاء الشرف عشانهم وتبينا نصدق انك هلالي ؟؟؟؟ وخاصه قبل مباراه مهمه في دوري اسيا وبالنهايه احب اقولك وين معرفك الثاني من زمان ماشفناه |
ياجماعه والله العظيم عندنا منجم مواهب بالاولمبي يعني لو صعدنا خمسه منهم او سته واضفت عليهم ادواردو وثلاثة اجانب فئة سوبر ستار ونضيفهم للاسماء المقنعه في الفريق الاول الحالي مع مدرب ( فاااههههمممم )راح يكون عندنا فريق جاهز بعدين تمخمخ على السوق المحلي وتضم اللاعبين المميزين وتسد الخانات اللي تحتاجها وتقوييييي دكة البدلاء ان شاء الله كل هذا يصير بصراحه بصراحه بصراحه انا متفائل جدا بالمرحله القادمه والموسم الجديد بإذن الله بيكون لنا مواعيد مع الفرح |
إقتباس:
ممكن تعطيني تشكيلة هلالية ( بدون تعاقدات جديدة ) تقدر تنافس فيها محلياً و قارياً ..؟؟ وبالنسبة لمعرفي الثاني ي الذكي اللي تسوي نفسك فاهم الكفت أتحداك ثم أتحداك تقوله .. مسوي نفسك نبيه وإنت والله من جنبها ههههههههه أنتظر ردك على السؤالين ولاتتهرب .. ههههههههههه .. |
إقتباس:
كلنا نعرف ان التصاريح من حق اي شخص لكننا نعرف انها ليست اجراء نهائي او دليل على انتقال رسمي ل اللاعبين فهناك من يستخدمها للحرب على المنافس او الضغط على لاعبين رفضوا التجديد او رفعوا طلباتهم المالية .. اذا لم يتم التوقيع والتسجيل رسميا لدى لجنة الاحتراف فكل المواعيد وهم (الكلام ماعليه جمرك) . النصر مثال .. ادارتهم وبعض اعضاء الادارة واعلامييهم صرحوا بأنهم تعاقدوا مع مدرب التعاون .. في النهاية المدرب رجع لناديه وادارة التعاون الان تؤكد على بقاء المدرب موسم آخر . بالنسبة لمقارنة عملنا مع المنافسين : لنفرض جدلا ان الاهلي تعاقد مع من ذكرت ..احتياجات الزعيم تختلف تماما عن احتياجات الاهلي .. الغالبية ان لم يكن الجميع يرى اننا(بالاضافة الى هوساوي ان صدقت اخبار التعاقد معه) نحتاج حارس و محور و صانع لعب و راس حربه .. فما حاجتنا بفهد المولد وعسيري و غيرهم حتى نقارن فريقنا بالاهلي ؟؟.. نهاية الكلام .. كل ما يحدث كلام في كلام ومثل ماقلت لك : لن يتم تسجيل اي لاعب رسميا الا بعد التأكد من مديونيات الاندية في الايام القادمة . ومن هنا الى ذلك الوقت سنسمع اخبار انتقالات نصف المحترفين بين الاندية ..!! من يقرأ ما بين السطور يكتشف ان مثل هالموضوع يخلط الحابل بالنابل ليوحي للجماهير بأن الادارة مقصره ولم تبذل جهدا في اصلاح الخلل وانها تتلكأ وتضيع الوقت .. وهذا لا يرضي من يحكم عقله ويرى ان الادارة بذلت جهودا مشكورة و طلبت الاجتماع في وقت حساس جدا وجمعت خلال ايام مالا يستطيع جمعه غيرها في سنوات .. ولم يتبقى الا ان نترجم ثقتنا بالادارة بأن ننتظر ونرى نتائج هذه التحركات في فترة الانتقالات القادمة . |
إقتباس:
أنا قصدت إننا نتحرك مثل ماتحرك الأهلي فقط .. وكل فريق بطبيعة الحال يتعاقد مع لاعبين حسب إحتياجاته .. تقديري لك .. .. |
إقتباس:
واعضاء الشرف هؤلاء من اصحاب اللي كلمتهم شيك ، ولم يلتزموا بشيء الا ودفعوه ، لكن هناك بعض الاعضاء ممن وعد الاداره وتنصل ، فقط حضر للشو ، اما الاعمده الداعمه للهلال ، مثل الامير الوليد بن طلال ، فيصل بن سلطان ، واحمد بن سلطان ، والشهيل ، وغيرهم ، هؤلاء طوال تاريخ الهلال وهم يدعمون ويلتزمون بكلمتهم ، ولاحظ هذا الاجتماع اضيق من الاجتماع السابق ، لان هناك من حضر وهو دخيل على ثقافة اعضاء شرف الهلال، ووعد بمبالغ من بداية الموسم ولم يدفعها ، ولن يدفعها والعلم عند الله ،لذلك لم توجه لهم الدعوه اصلا ، وانكشفوا امام الاداره واعضاء الشرف ، واصبح هذا درس للاداره ، وسترى في اي اجتماع حاسم وفيه دعم ووقفة رجال لن تراهم ، فقط ستراهم بالافراح ووقت البطولات والترزز . |
إقتباس:
الاهلي تعاقد مع المولد وفتاح عسيري وهذولي وش افادو الاتحاد فيه مع العلم ان خانتهم بالهلال مومحتاجينها في الهلال عندنا وسط واطراف ناريه بس تنتظر فرصتها وعلى سبيل المثال حمد الحمد و السواط وعبدالكريم القحطاني وكعبي اطلق الف مره من المولد وفتاح ولاتبينا ننسقهم ونوديهم اعارات ونجيب المولد وفتاح فندت كلامك وسالتك بالله الاولى تسديد ديون النادي الثقيله وجلب لاعبين اجانب الموسم المقبل ولا تعاقدات مع محلييين وانت تهربت وش يعني هذا ؟؟؟ يعني انها تصغر من اعضاء الشرف وتهاجمهم فقط يعني ماكذبت ولاتبليت عليك ولازلت ابي رد منك على نقطه اعضاء الشرف اللي تهربت منها وش اولى تسديد الديون واللاعبين الاجانب ولا الغرق بالديون واما معرفك الثاني فكل شي بوقته حلو وبالدليل القاطع واخيرا شفني رديت على كل نقاطك بشكل مفصل وماتهربت مثلك فانت اللي لاتتهرب كالعاده |
إقتباس:
بالنسبة للتعاقدات .. الديون ماهي عذر .. شغل مخك شوي .. تقدر تتعاقد مع اللاعبين .. وإذا بغيت تسجلهم تسدد الديون .. ماهي صناعة صاروخ .. وأعضاء الشرف على كلامك ماهم مقصرين .. يعني بيسددون الديون .. وعلى فكرة .. إنت كيف حكمت إني أقصد عبدالفتاح و المولد ..ذكاءك ورجاحة عقلك خانتك هههههههه المولد فاشل حاله حال سالم الدوسري ( حركة بدون بركة ) .. وبالنسبة للمعرف الثاني الخاص بي لا تتهرب وإذا كان فيك ذرة رجولة إسدحه الحين .. وإلا تلايص ولا عاد تهايط وتقول كلام مانت قده ،،، بس حلوه الترقيعه ( كل شي بوقته حلو وبالدليل القاطع ) هههههههههه يقول أحد فلاسفة اليونان ( الغبي والأبله تعرفه من منطقه ولا يوجد على رأسه علم أو منارة ) !! ... |
إقتباس:
كيف التعاقدات مهي عذر والنادي عاجز عن تسديد الديون وماخذ قرض وفوق القرض متطلبات هالموسم فقط 60 مليون ديون يعني لو فيه فلوس ماكان اخذو قرض ولا صار مطلوب 60 مليون وتعهدو بالسداد وهذي فتره الاولى فيها السداد ونهايه موسم وفيه الموسم القادم تكاليف كثيره رواتب واجانب والنادي يمر بازمه ماليه خانقه والاعضاء مايقصرون صح بس ماعندهم الاستطاعه بدفع مبالغ خياليه وغير ضروريه وان جينا للخانات المطلوبه فالمحاور فقط وانت ماذكرت هالشي واما المولد وفتاح فانت اللذي ذكرتهم وقلت الاهلي تعاقد معهم ووتمدح فعل الاهلي والحين تجيني تقول المولد حركه بدون بركه وان عبدالفتاح مو مقصودك وهذا نص كلامك لنا مثال حي نشاهده الآن .. فريق الأهلي حقق بطولة الدوري وفي غمرة أفراحهم يفاجئون الجميع بالتعاقد مع النجراني وعبدالفتاح عسيري والمولد .. وعلى وشك التوقيع مع النخلي !! كيف تكون مفاجئه مفرحه وهم مومالين عينك وحركه بدون بركه :s2: الله لايبلانا بس صدقت ان الابله والغبي تعرفه من منطقه ولايوجد على راسه علم او مناره الله لايبلانا بس |
للتوضيح عبدالرحمن بن مساعد وعد بحل جزء من الديون وحلها سابقاً دفع شرط الجزائي لريجي ودفع عقد دونيس وجاب عقد خورافي لشراء نيفيز بواقع 48 مليون اعتقد الرجل ماقصر والاجتماع اللي بينه وبين وجه السعد ماندري وش سار عليه بس اكيد انهم تفاهمو وضع معين يا انه بيدفع شي او انه جايب له عقود استثماريه ابن مساعد رجل محب وعاشق للهلال وليت بقيه اعضا الشرف مثله |
إضافة على ما طرحت عندي سؤال مهم لمن يدير دفة النادي وأعلم كامل العلم أنه من الصعوبة الإجابة عليه س هل بالإمكان الإفصاح عمليا بشفافية عن تفاصيل ميزانية النادي وعن الخطط المستقبلية في الخمس السنوات القادمة للوصول بالنادي لمصاف الأندية المتقدمة ؟ |
إقتباس:
وإذا على العشق والحب للنادي .. أحب أذكرك إن العشق والحب فقط ماهو كافي لقيادة دفة النادي .. وإلا كان ممدوح بن عبدالرحمن أعظم رئيس نادي بالعالم !! تقديري لك .. .. |
| الوقت المعتمد في المنتدى بتوقيت جرينتش +3.
الوقت الان » 12:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd