أستاذي الزعيم الملكي عاشق النمر والذئب.السلام عليكم يشرفني المشاركة بموضوعك الرائع.وكلامك وملاحظاتك في محلها . والكل شاهد احمد عيد والشال المعلق على كتفيه .والفرحة العارمة التي ظهرت على محياه .واكثر الزعماء قالوا من حق احمد عيد يفرح بفوز ناديه.احبائي أنا معكم أنه من حقه أن يفرح بس عندما يمثل نفسه فقط.بمعنى يا أستاذ احمد عيد أنت رئيس الإتحاد يعني المفروض كل الفرق عندك سواسية .وجاي تسلم كأس الدوري للمتصدر يعني تسلم الكأس وتبارك وكفى مو تبكي وتحط الشال؟؟؟!!!.

وين الشبهات يوم اخذك الاتحاد رايح جاي
وين الشبهات يوم اخذك الاهلي رايح جاي
قال احمد عيد قال قم بس قم الله يالدنيا جمهور الزعيم صار مثل جمهور الفقر

ايش العقليات هذي ليه مو من حقه يشجع وثاني شي الأهلي استحق بصراحه الدوري بلا شبهات هذي العقليات هي اللي نكبت جمهور الجار

الا فضيحة وبكل المقاييس ..
وهنا يثبت اتحاد عيد انه ساعد الاهلي للعودة للدوري بعد حرمان 32 سنه ,,
جيبوا لي رئيس اتحاد محلي لبس شال بطل دوري محلي ..
والله لو انا مااعرف الدوري السعودي كان قلت الاهلي محقق بطولة خارجية باسم الوطن..
نقطة سوداء في نحر المنافسه الشريفة..
وماقالها عبث رئيس الهلال (( نبي دوري بلا شبهات ))

فيه معرفات هلالية تتدعي انها هلالية ههههههههههههههههههههههههههههههه
هذا الدوري مثل عام الدفع الرباعي ويد دلهوب مليان شبهات والدليل بلنتيات خياليه واسالوا الرائد والا كيف جاء بلنتي هجر اخر 5 دقايق ههه
دوري فاسد لكن حسبنا الله ونعم الوكيل

اوافقك الراي....... موضوعك رائع رائع وفي الصميم سلمت اناملك
لو عبدالله بن مساعد لبس شعار الهلال في السوبر اوكاس الملك
لصار الاعلام يرغي ويزبد الى اليوم ويكون عبدالله بن مساعد
انطرد من ثاني يوم
ومانقول الا معك الله ياهلال

السلام ورحمة آللــْـّہ وبركاته ..

بالنسبه لموضوع لبس احمد عيد شال الاهلي .. انا من وجهة نظري مافيها شي حتى لو بكى من اجل الاهلي برضه مافيها شي في النهايه .. ( هو حارس قديم لنادي الاهلي واهلاويه وكلنا نعرف هالشيء ) بالاضافه انت ماتتكلم عن بطوله عاديه ، هذه بطوله استعصت على نادي الاهلي بشكل قوي جدا فماعليه ملامه هو بشر وانسان وماقدر يمسك نفسه ، لكن شف والله العظيم وانا احلف بالله العظيم .. لو ان عبدالله بن مساعد بكا في الملعب عشان الهلال ولبس شال الهلال انا اراهنك .. راح تشوف نقد اعلامي قوووووووووي جدا .. خاصه من الاعلاميين الاصيفر .. لذلك .. دايم الدعوه فيها محاسبات ومسالات .. من حقي كهلالي ايضا اني اقول يااحمد عيد مو من حقك تلبس شال النادي اللي هو غريمي التقليدي في هذا الموسم ؟!

إقتباس الرسالة الأصلية كتبت بواسطة عبدالعزيز الثنيان والله يالعنيد إن ردودك دايماً هي الأفضل والأقرب لي .. لكن في هذي فاسمح لي أقول لك إن الدوري ضاع مننا بتخبطات دونيس وتخبيصه في مباريات ضاعت مننا وحنا الأقرب لنقاطها .. هبوط مستويات بعض اللاعبين أو دلعهم بمعنى أصح .. فترة علاج الإصابات اللي عليها أكثر من علامة إستفهام .. وحرمان الفريق من عناصر مهمة في أوقات حرجة .. الضعف الإداري ( وإنتم شفتوا الأهلي قبل كيال وبعده ) .. تقبل رأيي .. مع تقديري وإحترامي لآرائك دائماً .. كل التوفيق للزعيم .. ..

اخوي عبدالعزيز

انا معك في كل ما قلته وان الهلال ضيع الدوري بسبب الهلال في المقام الاول و خصوصا السنة ذي عندما اخذنا الاتحاد رايح جاي و بعد تعادلنا مع القادسية ذكرت ان الدوري طار مننا

لكن في المقابل لا ننسى ما حدث لنا امام الفتح من ظلم جهور و تلك النقاط كانت كفيلة بانفرادنا بالصدارة بفارق كبير من النقاط تحبط الاهلي نوعا ما و تخفض من طموحات اللحاق بنا.

ايام دوري الفتح ، الكل كان ضد الهلال بشكل خيالي ، و كان التحكيم يتغاضى عن الفتح بشكل مو طبيعي

الطامة الكبرى ما حدث لنا مع دوري النصر الاول و الظلم البواح و محاباة النصر و دفعه باي طريقة بشكل مخجل

و ارجع اقول انا معك في كل نقطة ذكرتها اننا السبب الاول في خسارتنا للدوري و السنة ذي تفاجأت بسكوت الادارة عن هذا المدرب بطريقة غريبة .

الجيل الموحود حاليا جيل لن يقدم كثيرا للزعيم . لاعبون يضيعون هجمات حاسمة و نراه يضحك و يبتسم و مأن الامر حصة ترفيهية

و اشكرك على رايك فيما اكتب و تقبل تحياتي

العنيد

ياخي لاتلومونه

34 سنه غياب وحرمان
وهو الفريق الافضل بالدوري

ومن اربع سنوات

ويستاهلون

مبروك لكل اهلاوي

مبارك للاهلي استحق الدوري بكل جدارة

وفكر المؤامرة والكلام الفاضي ليس هو فكر الهلاليين

اتفق معك في موسم 2013 2014 عندما كان الفرق بين الهلال والنصر نقطتين وتم تجيير البطولة للنصر

لكن في موسم الفتح الفرق بينهم مايقارب 9 نقاط
والعام الماضي كانت المنافسة بين الاهلي والنصر

السلام عليكم ورحمة الله وبركاته

بغض النظر عن بكاء عيد وارتداءه للشال الأهلاوي - طبعا هو تصرف غير مقبول إطلاقا ولو كان الهلال بطل الدوري وإرتدى رئيس الإتحاد الشال الهلال لعلقت المشانق .

على العموم بعيدا عن العاطفة ، عندما تخسر من الإتحاد ثالث الترتيب رايح جاي وتخسر من المتصدر رايح جاي وتتعادل من الشباب المنهار ، وتخسر من رابع الدوري وتتعادل مع الفتح رغم الأخطاء التحكيمة الفادحة في المباراة - ولنستبعدها - وتتعادل مع القادسية الذي يصارع على الهبوط - هنا المشكلة ويجب الإقرار بأنك لاتستحق الدوري

إستعراض العضلات على الفيصلي والوحدة والخليج وهجر ونجران والذي كاد ان يعادلك وامام المذكورين أعلاه نعامه ...

هنا نقول انك لاتستحق بأي شكل من الأِشكال الدوري - الفريق البطل هو الذي لايخسر ويقاتل على البطولة .

لنبتعد عن العواطف ونجعل لغة العقل الحكم ... نعم الدوري هذه السنة في موضوع الشبهات لايقارن اطلاقا بالموسمين الماضيين

الأهلي يستحق البطولة وبجدارة ، الأفضل فنيا ، الأفضل إداريا ، الأفضل عطاء ، فريق مستقر

مافعله عيد استفزاز لكل رياضي شريف اما جماهير تويتر فان مثل هذه التصرفات لاتاثر فيهم كل همهم جلد الذات وشتم الاداره والمدرب والاعبين اصحو المثاليه جريمه نكراء في هذا العصر

مبروك للاهلي وطبيعي جداً ان يفرحون فكل شخص له ميوله
الاهلي اخذنا رايح جاي هذا العام وكان الامر بأيدينا وضيعها دونيس
لدي قناعة ان التحكيم قد يساعد مع ظروف اخرى لتحقيق لقب لكنه لايكفي وحده والدليل ان الهلال في اغلب بطولاته يقف التحكيم ضده لكن لان هناك عمل ونجوم وارادة وتوفيق من الله قبل وبعد نحقق البطولة
ست نقاط امام الاهلي وحده كانت كفيلة ان نبتعد بالصدارة بعيداً عن اي اخطاء تحكيمية
شاهدت تتويج ليستر بالدوري الانجليزي وشاهدت فرح وضحك ومشاركة اعضاء الاتحاد الانجليزي للنادي وكأنهم من انصاره وهذا طبيعي في يوم التكريم
وستشاهد الليلة تكريم بطل الدوري الاسباني وكيف يتفاعل الجميع مع البطل بدون الحساسية المفرطة التي لدينا