اووكي اخذنا الاتحاد والأهلي رايح جاي وخسرنا مباريات سهله ..
والأهلي كان مستواهم ممكن نقول الأفضل لكن مو معناها نتغاضى عن هالدعم وهالبلنتييات اللي كل ماتعسرت مباراة لهم جاك الحكم وصفر لهم بلنتيات صح او خيااال !!! ومنها اذكر مباراة الفتح والرائد الدور الأول ..
انتو احسبوها براسكم كم بلنتي اعطوهم هالموسم .. بغض النظر عن ان احنا فرطنا او او .. لكن والله ثم والله لو الهلال اللي جاته هالبلنتيات وربي مايعدونها وراح يقولون ان الهلال مدعوم ومدعووم والخ الخ حتى وان فزنا بالدوري راح يحطونها براس التحكيم ..
ياشيييخ لاتسووون لي فيها مثاليه وبالمقابل هناك بلنتيات لنا كثيره ماتحسب .. ماشاءالله الأهلي بس هو اللي بسرعة البرق تنشاف لهم البلنتيات !!!
نعمم كان فيه دعم ودعم للأهلي حتى عقوباتهم شووفوها كيف مخفضه من جد دوري مليء بالشبهات وشبهاااات !!

ماهو خلاص بانت كل موسم نافس مع الهلال بالدوري على طوول التحكيم واللجان راح يكملون لك ويسهلوون أمورك .. اهم شي يالهلال عسـّر عليه كل شي !!
من جد طفح الكيل ربي يعطي كل شخص بهالاتحاد السعودي وكل ظالم فيه يعطيهم على قد نيتهم

عادي جدا والحكم ابراهيم النفيسة سواها من قبل ولبس فنيلة الفقر عادي جدا
الآن دموع أحمد أمطرت في الملعب والشال حق ناديه يلبسه عادي
اللي قاهرني إنهم شنوا حملة على عبدالله بن مساعد يوم فاز الأهلي
بكأس ولي العهد العام الماضي عنوانها ليش ما ابتسم

اسعد الله صباح الجميع بالخيرات
تعقيبا على ما كتب وبالمختصر الله يبارك للاهلي يستحق
اما زعيمنا فقد غيب منا وفينا
والقادم اجمل ان شاء الله 🌹🌹

عزيزي كن على ثقة ان كل من ينتمي للوسط الرياضي لديه ميول وانتماء وهذا من ابسط حقوقه ونحن لا نريد ان نسلب مشاعر الآخرين ونوجهها حسب اهوائنا
المهم ان تكون النزاهه والشرف عنوان لعمله
احمد عيد انسان قبل ان يكون مسئول وانتمائه للأهلي من حقه ومن حقه ان يفرح
احمدعيد لم يقل للهلالين اتركوا دونيس يتعلم الحلاقه في رؤسكم لم يقل لهم اتركو مزاجيه اصحاب المزاج واشباه اللاعبين تتحكم بكم حتى طارت الكؤوس والبطولات وقبل ذلك كله هيبة الزعيم
احمد عيد لم يدفع للاهلي قيمة مدرب ذكي يعرف كيف يصطاد الخصوم ولم يتكفل بعقد السومه وغيره من المبدعين في الاهلي
فهل نحاسبه على قلبه ؟؟؟! قلوبنا مادامت تتنفس الحياه يحق لها ان تعشق كما تريد
الرسول صلى الله علية وسلم كان يقول اللهم هذا جهدي فيما املك فلا تلمني فيما لا املك ويقصد به قلبه
مبروك لكل اهلاوي فريق يستحق ان يطلق عليه لقب بطل ومن يمثلونه رجال وابطال والهلال هذا الموسم لم يقدم ما يشفع له في الحصول على اي بطوله وحتى لو قد حصل على احداها فبهذا المستوى وبهذه الوجوه لن يفرح بها أي هلالي غيور يقدر قيمة الهلال ويدرك أي ثقل يمثله الزعيم على مستوى اسيا وليس الدوري السعودي فقط.

من حقه الشخصي والرجل عاشق أهلاوي معروف وليس أمر للتو نكتشفه ولا اعتقد ان الرجل له يد في حصول الاهلي على الدوري فأحمد عيد رجل وطني بإمتياز وحريص على سمعة ونزاهة الكرة السعودية ..

وللأمانة الأهلي فريق محترم جداً وحصل على الدوري بإستحقاق تام ومبروك للأهلاويين .. ومن جد وجد

والمستقبل للزعيم بإذن الله

اسمح لنا يالحبيب بها المداخلة

اتفق معك ان فيه خنبقة في الثلاث مواسم السابقة وأثرت على مسار الدوري (دفع رباعي)
لكن هذا العام الهلال هو من تسبب على نفسه

عزيزي اللي ماياكل بيده مايشبع

خسارتنا بطولة الدوري لم تكن بسبب احتفالية أحمد عيد
وخروجنا من كأس الملك ليس بسبب لبس أحمد عيد الشال
ودموع أحمد عيد ليست السبب باجتيازنا الأدوار التمهيدية لدوري اسيا بشق الأنفس وبهذا المستوى الهزيل


المشكلة في الهلال مزدوجة فنية وإدارية
لا مدرب مقنع ولا إدارة عارفة شغلها ولا حتى أشباه اللاعبين اللي كل يوم طالع واحد منهم بمصيبة

وبرأيي الشخصي الهلال بحاجة الى غربلة شاملة بعد مباراتنا مع الفريق الاوزبكي

قبل ان نتحدث عن أحمد عيد وحكامه

من سلب الدوري من الهلال هو اليوناني المفلس في المقام الاول
وهو من أهداه للأهلي بسذاجة وغباء منقطع النظير الأهلي تعثر من فرق صغيرة ونجران الهابط لدوري ركاء هزمه وبعقلية المفلس ضاع علينا اسهل دوري ووزع النقاط المجانية على الفرق مابين تعادلات وخسائر رايح جاي

إقتباس الرسالة الأصلية كتبت بواسطة عبدالعزيز الثنيان ملك أسبانيا مدريدي صميم .. ويحضر مباريات مدريد من زمان .. ويشجع ويتفاعل مع المباريات .. ومع ذلك مالقينا أحد يشكك ويدخل في الذمم وبواطن الأمور .. إنها ثقافة الفكر يا أخوان .. إذا إهتميت بفريقك وإشتغلت عليه صح .. والله ماراح يهمك عيد ولا العقيل ولا رئيس لجنة الإنضباط .. ولا غيرهم حتى لو يحضرون مباريات فرقهم المفضلة ويجلسون مع رابطة المشجعين .. والله لو يسوون تيفو .. داقينهم داقينهم لأن فريقنا وقتها محضر صح .. ومستعد صح .. شماعة التحكيم .. و نظرية المؤامرة .. ماهي لنا ي شباب .. تقديري لك .... ..

إقتباس الرسالة الأصلية كتبت بواسطة عذب السجايا مبروك للاهلي وطبيعي جداً ان يفرحون فكل شخص له ميوله الاهلي اخذنا رايح جاي هذا العام وكان الامر بأيدينا وضيعها دونيس لدي قناعة ان التحكيم قد يساعد مع ظروف اخرى لتحقيق لقب لكنه لايكفي وحده والدليل ان الهلال في اغلب بطولاته يقف التحكيم ضده لكن لان هناك عمل ونجوم وارادة وتوفيق من الله قبل وبعد نحقق البطولة ست نقاط امام الاهلي وحده كانت كفيلة ان نبتعد بالصدارة بعيداً عن اي اخطاء تحكيمية شاهدت تتويج ليستر بالدوري الانجليزي وشاهدت فرح وضحك ومشاركة اعضاء الاتحاد الانجليزي للنادي وكأنهم من انصاره وهذا طبيعي في يوم التكريم وستشاهد الليلة تكريم بطل الدوري الاسباني وكيف يتفاعل الجميع مع البطل بدون الحساسية المفرطة التي لدينا

مع احترامي لك لايوجد مقارنه بين مايحدث في اوربا ومايحدث عندنا الي يحدث عندنا تعصب واستهتار بالمنافسين من متى شاهدة عيد يرقص مع المنافسين الاخرين وهل بكاء عندما حقق الهلال السوبر مثلا عن اي مثاليه تتكلمون عندما كان الهلال مشارك في اسيا تم اختيار 6 من لاعبيه ليلعبون مباراه وديه في لندن ولم يتم تفريغهم للاستعداد مع الهلال والقصص كثيره والاحتقان الرياضي في اعلى مستوياته مع عيد هل شاهدت في اوربا رئيس نادي يتهم لاعب من النادي المنافس بالمخدرات والاعب منظم للمنتخب .............. لك الله ياهلال

لا حول ولا قوة إلا بالله .. وما تعرفون إلا المؤامرات !!!

أولاً من حق أحمد عيد يفرح ويتشقق من الفرح لأنه لاعب أهلاوي سابق وهذا فريقه .. مثل لو أي واحد بيكون بمكانه ولاعب نادي ثاني ..
ثانياً خل عنك المؤامرات والجو البليسي اللي أنت وغيرك عايشه .. اللي ما ياكل بيده ما يشبع .. كم مره جتك فرصة تنفرد بصدارة الدوري وبفارق نقاطي كبير وكبير جدا مع بداية الدور الثاني ومع ذلك ضيعها مدربك ولاعبينك وشدخل جو المؤامرة اللي معيش نفسك فيه.
ثالثاً .. محد ظلمك وبنفس الوقت ماراح احد ينفعك .. انت اللي سلمت الدوري بنفسك .. اذكر كان بإمكانا نضمن الدوري بعد كأس ولي العهد مباشرة .. وبدينا بتفريط النقاط لين ما تمكن من الصدارة الأهلي.
رابعا .. أحمد عيد ماضيع لك بلنتي قدام الأهلي ولا الشباب الدور الآول .. وما ضيع عليك نقطتين قدام الفتح والقادسية وغيرة .. ولا ضيع عليك النقاط قدام الاتحاد والاهلي رايح جاي ولا قدام الشباب والتعاون الدور الثاني.
اخيراً .. ما كنا كذا وبعمرنا ما كنا كذا وعشان كذا تزعمنا بالملعب الجميع بعدد الانتصارات والبطولات .. لكن للاسف من بعد تويتر صار وضعنا ونقدنا غير .. حاسبوا انفسكم قبل تحاسبون أي أحد .. من اللي فرض شراحيلي على الفريق إلا حنا كجماهير لين ما جت الطامة منه وبعد ما طاح الفاس بالرأس صدقنا الإدارة وصرنا نطالب بابعاده عن الفريق وعرض عقده للبيع ... للاسف حنا كجماهير تغيرنا كثير وصرنا نقدس الاشخاص على حساب الكيان .. وإذا طحنا نتهم الجميع إلا فريقنا ولاعبينا .. يعني ياخي معجبك مستوى اللاعبين !!!...

والله من ورى القصد

المفترض ان يكون هناك حيادية من قبله وان ينظر لجميع الأندية سواسية وان لا يفرق بينهم وان يكون عادلا في كل شيئ وان يتحرم كل الأندية بلا استثناء، وهو وضع من اجل حفظ النظام وتحقيق العدل بين الأندية.

المشكلة الاكبر في فريقنا هو من فرط الدوري لا تقولي مرداسي ولا ضربات جزاء

الهلال ينقصه الكثير والكثير والكثير

هجوم ومحور ودفاع وحارس ولاعبين باردين الله يستر ويوفق الهلال


الله يعين ويعين الهلال على لاعبين لا يلعبون بااسم الفريق


شعار الهلال اكبر من كل شيء ويجب على اللاعبين احترام الشعار ولا غير الشعار



كل بطولة يخسرها الهلال سببها الهلال يا يكون مدرب او لاعبين

تحياتي لك اخوي وفكر اول شيء بالفريق قبل تفكر بالتحكيم

والله ياخوك
يحق له يربط ثوبه ويقوم في الملعب يطامر بعد ههههه
يكفي اننا غصبناهم ولزم الشيخ دونيس الا ياخذون الدوري
واللحين تبي تحاسب شخص محروم من 33 سنه ليه حطيت شال
وانت اللي مسلمه له !!
المسكين انصدم بالدوري مايدري كيف اخذوه

تراها اكبر بطوله بتاريخهم وخلت اميرهم العاقل يرتز ويناقز في المدرجات .

كم بلنتي الموسم هذا انحسب للاهلي

هل عندكم احصائية و نريد تعليق لكل بلنتي من حكم ام بي سي برو

هل يستطيع احد ان يعمل مونتاج لنتبين الحقيقة ؟

العنيد

بعض الردود دفاعهم عن احمد غريب
الموضوع ليس مستوى الهلال
الموضوع كيف لمسؤل الاتحاد السعودي الذي يفترض يكون محايد بين جميع الانديه يلبس شعار ناديه السابق في تتويج بطوله محليه
نحن لا نتهم احد
ولكن هو من فتح الباب للجدل والاتهامات