|
خدعونااااا مع الاسف .. الاعلام الهلالي .. لم ينجح أحد ..!! اثبتت حادثة خالد شراحيلي بما لا يدع مجالا للشك ان اغلب الصحفيين وكتاب المنتديات الذين كنا نعتبرهم من الثقاة بعيدون كل البعد عن ما يحدث في دهاليز النادي ، وان 90% مما يكتب هنا وهناك ماهو الا محاولة انتصار لوجهات نظر (جلها) مبني على احكام شخصية بعيدة عن الواقع وتعتبر وجهات نظر هي اقرب للخطأ من الصواب وذلك لغياب المعلومة الصحيحة عن من يتبناها . والنتيجة كما نرى اليوم .. الكثير ممن كان يلوم المدرب والادارة على ايقاف شراحيلي ضد الاهلي الاماراتي انقلب رأيه 180 درجة بعد بيان الادارة واتضاح الحقيقة . السؤال الذي يطرح نفسه هنا : هل نثق بهذا الاعلام الذي بنى حكمه على (وكالة يقولون) وحرض الجماهير بطريقة مباشرة او غير كباشرة على المدرب والادارة طوال الفترة الماضية وهو الذي لم يبحث ويتحرى عن الأسباب الحقيقية لايقاف اللاعب ؟ السؤال الأهم : ياترى .. كم هي القناعات الخاطئة الاخرى التي تبناها الاعلام وطرحها على أنها امور حقيقية وجند لها المقالات والمواضيع . والتي كانت السبب بشكل مباشر في اثارة الرأي العام الهلالي وخلقت البلبلة حول عمل الادارة او الجهاز الفني واللاعبين وقسمت الجماهير الى مؤيد ومعارض ؟ |
يعني شراحيلي لاعب مظلوم ؟؟؟ قصصه كثيره ..يصلح يألف كتب فيها ..! |
إقتباس:
من يقول انه مظلوم ؟؟؟ النادي والجمهور هو المظلوم مادام شراحيلي قصصه كثيرة ويصلح يألف كتب فيها .. ليه كثير من الصحفيين وكتاب المنتديات كانوا يعذرون له ويلومون المدرب والادارة على ايقافه ضد الجزيرة الاماراتي ؟ |
نعم كلامك صحيح ياغالي دايما يضع اللوم ع المدرب وناسيين لاعبينهم ( المحترفين )!!! حسب ماعرفت من عضو قريب من الاداره يقول ان دونيس طالب اكثر من مره اعلان عقوبات اللاعبين وماذا فعل كل واحد منهم لان الرجل تعب من تحمل اخطاء اللاعبين والجماهير تلصق اخطاءء اللاعبين فيه وكانت الاداره لا تريد الشوشره ع النادي خصوصا انه فيه اكثر من قرار فعشان كذا مايعلن اتضحلي بالنهايه ان دونيس تحمل مالا يتحمله احد الصقت فيه جميع اخطاء اللاعبين ومع ذلك رجل احب الهلال ويريد العمل اكثر بدليل عدم الرد ع نادي الجزيزه ع عرضهم منتظر موقف الهلال معه كنت دايم اقول للجماهير العاطفيه اتركو الاداره تعمل هيا الاقرب من اي شخص منا بالنادي احيانا تكون فيه امور ماينفع الكشف عنها بلاش ضغوط ع الفريق ، ضغوطكم راح تسبب انفجار سلبي للفريق لكن لا حياة لمن تنادي واتهموني اني مطبل ومازال الضغط مستمر شكرا لك اخوي ع المقاله |
حنا لو نقدم الدعم لإدارة النادي .. جزانا الله خير ياخي هم الاقرب للاعبين مهب لازم كل ما جيت اعاقب افضح اللاعب وش مسوي ... لكن إذا عاقبت ابي الجميع يعرف اني كإدارة حريص على النجاح أكثر من الجمهور |
ياغالي لم يخدعو الا العاطفيين من جمهور الهلال ومن ينضرون لنتيجة مباراه او بطوله نضره قاصره لا تتعدى الموسم لا تنضر للكيان ومستقبله ومستقبل اجيال تخدمه تعي معنا الانضباط واحترام الجمهور والكيان لذلك راينا اختلاف معنا عندما قلنا ان الانضباط نهج واساس تبنى عليه الكيانات الكبيره وهذه نضرة من يعطون حقه ويضعونه في مكانه الطبيعي كعملاق اسيا وزعيمها ببطولاته وعلامه استثنائيه في الكوره السعوديه قلناها سابقاً وأكدنا عليها حتى لو نخسر بطوله لن يكون اي فرد سبب في تحقيقها ومن لا ينضبط ويحترم الكيان وجمهوره بتصرفاته والتزامه واحترامه لمى هو مطلوب منه كلاعب محترف لن نحمل الاخرين مسؤلية تصرفاته ونخترع له الاعذار ونطبطب عليه فهذا ماضيع الكثير من الاعبين ودهور الكثير من الانديه الهلال لا يتوقف ع اي لاعب هذا تاريخ الهلال الذي نعرفه ومن يرى غير ذلك الباب يفوت جمل. وبتوفيق لعملاق اسيا وزعيمها الهلال الملكي. |
ياصديقي خالد شراحيلي كان يقدم افضل المستويات بداية الموسم .. والجميع يشهد حتى مدرب المنتخب . انا من الذين تتحدث عنهم فضلت تأجيل العقوبه لان الفريق كان على بعد خطوة من النهائي الحلم . وكان الخبر حسب ادارة الهلال انه تأخر على التمارين وقرر دونيس ابعاده .! خطأ مثل التأخير على التمارين وفي مباراة حساسة كان من الممكن الجلوس مع اللاعب او الخصم او تأجيل العقوبه اما الان فالقضية اخرى .. اللاعب باع سمعته قبل ناديه |
باقي تبي ترقع للمدرب ! ابعد مباراه ورجع بعدها اساسي ولا كن شي صار وهذا لب الموضوع اين انضباط دونيس عن 9 مخالفات الموضوع يدين المدرب والاداره ياعزيزي موب في صالححهم ترا سهل الموضوع وضح مخالفات اللاعب وعاقبه |
إقتباس:
ماخفي كان اعظم .. المصيبه انه ما احد جاب خبر عن اللي يصير داخل الغرف لا من قريب ولا بعيد . شكرا لك . |
إقتباس:
فعلا الادارة الاقرب ولهم مبرراتهم عن عدم الاعلان عن الاسباب .. لكن كيف كل هالمخالفات تصير من شراحيلي والصحفيين الهلاليين والمتمصدرين بالمنتديات نايمين على اذانهم ولا ايدوا الادارة يوم عاقبوه المرة الاولى ولا لاموا اللاعب الا بعدما جاب العيد ..!! |
إقتباس:
الاختلاف بالرأي وارد .. لكن انك تلوم المدرب على تصرف وانت ماتعرف خلفيات ذاك التصرف فهذي المصيبة .. او انك تعرف الاسباب والخلفيات لكن كرهك للمدرب خلاك تطنش الاسباب .. |
إقتباس:
لا احد يلومك ﻷن تأجيل العقوبه هو التصرف المنطقي في الحالات الطبيعية .. لكن في حالة شراحيلي المفروض انهم عجلوا العقوبة وغلضوها لأن تساهلهم معه خلاه يجيب العيد . |
إقتباس:
الله يرضى عليك انا ما ارقع للمدرب بالعكس انا الوم المدرب والوم الادارة معه و اقول وين الكتاب الهلاليين بدل ما يرقعون ل اللاعب ويلومون المدرب على معاقبته مباراة واحده ليه ما فضحوا تصرفاته امام الرأي العام الهلالي حتى ينجبر المدرب على ابعاده من بدري قبل يجيب العيد . |
إقتباس:
لان وقتها يالغالي ما احد كان يدري ان شراحيلي مبزوط الى ذا الدرجه وقتها الكلام اللي اعلنته الاداره ماجاب طاري الا لمخالفه وحده وكان الاعتراض ليه ماتخصمون بدل ابعاده لان الجميع بما فيهم الكتاب ماكانوا يدرون عن شي لان المخالفات كلها داخل النادي و ادارة نواف بن سعد تتكتم وبما انه رجع اساسي بعد المباراه اكيد كلنا فهمنا انه اول خطا له . المدرب مبعد ناصر على اسباب ماتذكر ما احد بيتخيل ذا التساهل مع شراحيلي بس الرجال طلع مررررره فالها تخيل 9 مخالفات في موسم !! يعني من بداية الموسم وهو مخربهااا حتى الهواه مايسوون كذا فيه اشياء ماهي واضحة وسياسة التكتم مع الجمهور ماتنفع لكن الله يكتب اللي فيه الخير لهلالنا |
حبيبي اوافقك في مجال الانتصار لوجهات النظر وهذا ديدننا جميعا لكن اختلف معك في قضية شراحيلي بل تعاملت معها الصحافة الزرقاء باحترافية لإن الهلاليون لا ينشرون غسيلهم أمام الملأ كبقية الأندية مثلهم مثل صحافة الأهلي حاليا حيث تعمل بمنهجية الزعيم السابقة. |
| الوقت المعتمد في المنتدى بتوقيت جرينتش +3.
الوقت الان » 01:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd