فئه من الجماهير ترا ان دونيس خبص

وفئه أخرى ترا انه ابخص

لكن عندما اتى الى الأسماء التي في الهلال خاصه في الدكة

نجد كريري 35 سنه + ياسر 33 سنه الشلهوب 36 سنه
و أيضا لاعبين مغمورين مثل
القرني + السالم + درويش + احمد شراحيلي + الثنيان
واهم من هذا كله لاعب فضل نفسه على الهلال

ناصر الشمراني المتعالي على الهلال وجمهوره .. مايشوف الا نفسه .. يا العب أساسي او اخرب

... خالد شراحيلي اللي هزائم الهلال الخمس بسببه

وناتي ثانيا الي فترة التسجيل الشتويه .. التي لم يسجل فيها الهلال ولا لاعب الا الحارس مروان حيدري فئه شباب بسبب الضائقه المالية ..
مع العلم .. ان الهلال من بداية الدور الثاني كان يعاني من نقص حاد في خانه المحور ومعلوم هذا الشي زائد ان ليس لديه صانع لعب أيضا .. أي مامعه فلوس يجيب لعيبه ..

مع ذلك تاهل الهلال الي دور الثمانية ..وحقق بطولتين .. وهذا قليل في حق الهلال

وبالنظر الي تشكيله الأهلي واحتياطه .. والنصر اايضا واحتياطه ..

نجد انها افضل من دكة الهلال بمراحل .. فجميع الأسماء ال 10 اللاعبين الهلالين الذين ذكرتهم .. لو في أي نادي لن يدخلو ضمن قائمه الأساسي او الاحتياطي لاي من هذه الانديه الأهلي او النصر

الأهلي : مدربه له مع الفريق سنتان .. لم يخسر ولا مباراه لمدة 49 مباراه تقريبا ودعم لاعبيه بلاعبين افضل .. وصبر على مدربه في تخبطاته .. ولكن لايخسر الأهلي بسهوله .. فشكل فريقا بعد سنتين قوي بلاعبيه .. رغم تحفظي علي جروس قليلا ..فاصبح احتياطه ينافس اساسيه .. بالرغم من ان وليد باخشوين وهو بالاهلي يلعب احتياط .فالمقهوي وتيسير ياخذوا مكانه غالبا . ولو انه بالهلال سيلعب أساسي وممكن يتحمل الاصابه علشان الهلال مضطر انه يلعبه لديهم دفاع قوي بقيادة 2 هوساوي واحتياط قوي مثل فتيل .. فالاهلي افضل فنيا بالعناصر بكثير

صبر على مدربه وكسب الرهان

النصر لديه فريق قوي عيبه فقط الدفاع فتغير المدربين لديه أطاح به الي المركز التاسع .. وعليه أيضا كما الهلال ديون وضغوط مالية ..

الأهلي صبر على مدربه .. فكسب الرهان
رغم لك خسر بطولتين وخرج من اسيا
النصر اصبح يغير مدربه فاصبح في المركز التاسع او الثامن لايهم

دونيس والتدوير

رغم ان دونيس يقوم بعملية التدوير بين اللاعبين ويريح النصف الاخر .. خوفا من الإصابات والارهاق .. الا ان الفريق عانى كثيرا من الإرهاق والاصابات لكثير من اللاعبين المهمينفي الخارطه الاساسيه ..

عملية التدوير رغم بعض عيوبها في عمليه الانسجام بين اللاعبين وتغير بعض المراكز ..

الا انها صنعت فريقا يصعب هزيمته .. رغم ظروفه الفنيه والمالية السيئه .. والانتقادات الحاده من بعض الجمهور الهلال الكبير التي اثرت على نفسية اللاعبين

فقد تعرض كثير من اللاعبين للسب والشتم .. والاستهزاء به كالفرج رغم انه لاعبهم وكابتن فريقهم بالمستقبل .. رغم انه افضل لاعب بدوري السعودي .. واصوات السخريه من المدرج على سالم الدوسري ونواف العابد .. وصب غضبهم على الميدا .. (الذي أرى ان الهلال يجب ان يجدد معه وليس ادواردو .. الذي لم يصنع .. او يخلق الفرص .. انما ينتظر ان تاتيه الكره لكي يسجل فقط .. هدف بكل مباراه .. فقط فقط ..ولا يفعل غير ذلك ) .. سقوطه كثير لادنى احتكاك بدون ان يكسب خطا لمصلحته .. تحركاته وتمركزه في حضور الميدا فقط ..

1- لايوجد لاعبين في احتياط الهلال يوازي الأساسي . او يوازي احتياط الأهلي او النصر.
2- الضائقه المالية الالتي قصمت ظهر الهلال ولم يستطع ان يسجل بالتسجيل الشتوي
3- الجمهور الغاضب من دونيس لانه يلعب بخطه جديده
4-الاعلام .. الغير متعلم الذي ينساق معه جمهور الهلال .. رغم ان هذا الاعلام يخلق الدعايه على الهلال ليكسب ماديا .. رغم ان اغلب هؤلاء اعلامين لم يلعبوا كره او يمارسوها فقط يمارسوا الكلام .. ولا يعلموا عن حال الخطط الفنيه سوى ان الهلال سلعه .. ويجب الاستفادة منه بطرح وخلق مواضيع عن الهلال تدعم جيوبهم ..

فالهلال وجمهور هدف لاي كان سواء متابعه داعمين دعايات إعلانات برامج تلفزيونيه واذاعيه .. يخلقوا من الهزيمه الواحده ان الهلال ضاع .. وعند فوزه الهلال زعيم وبطل

رغم ذلك حاول دونيس بعملية التدوير ان يجعل من لاعبين الاحتياط لاعبين جاهزين بمشاركاتهم في في المباريات مع الأساسي لكي لايفقد الفريق كثيرا من قوته
عملية التدوير هي ضاره ولكن بالهلال ولأنه لايوجد البديل المناسب والقوي في الاحتياط لابد منها .. والسبب توالي الإصابات على اللاعبين .. ولا يكاد تخلو اية مباراه من الإصابات وامتلاء
غرفة العلاج بهم .. فماذا يفعل .. ؟
التغير بالخطه والتشكيله دائماً .. هذا يصب في مصلحة دونيس المدرب .. جعل الفريق قادرا على تغيير خطته دائما في أي وقت وينسجم معها اللاعبين . والسبب لايوجد البديل الكفؤ كما بالاهلي في احتياط الهلال .. ياسر القحطاني السالم الشلهوب القرني عزوز احمد شراحيلي كريري المنهك عطيف الضعيف لياقيا ديقاو وخروجه عن النص من بعد عرض الجزيره الاماراتي .. ادواردوا وشهرين غرفه علاج .. الميدا اخر شهر ونصف يلعب مصاب ويتحامل
ام ناصر الشمراني يا العب يا اخرب .. انا من الجمهور .. ولي الحق بقول ماريده فيه باحترام .. ولكنه ناصر لم يحترمني انا .. كفردمن الجمهور غره زمانه .. وجمهوره .. وتعالى وتكبر على الهلال .. فاللاعب المحترف يجب عليه .. ان يحترم مدربه او جمهوره .. أولا قبل ان يلعب .. اذا لم يحترمني .. ولم يحترمني بالفعل ارجو ان لا اراه مره أخرى بلباس الهلال .. في الموسم القادم .. ولن ارد .. على من سيقول .. ان دونيس لم يراعي ناصر ويكسبه في صفه او يقلل حدة التوتر بينهم .. خرج مرتين بتبديل ولم يحترم التغيير .. رغم انه لعب أساسي ولم يستغل الفرصه .. وبالتدريبات اخس واحد .. يا العب وما اتبدل .. او اخرب عليكم .. وطز فيكم .. الى انتهاء الموسم وهو مكابر ولم يهتم باي شخص من الجمهور الهلالي او الإدارة او المدرب .. فطز فيك الهلال اكبر منك .

دونيس قيل عنه .. مدرب اعداد وتحضير فقط .. لا ادري من اين أتوا بها .. قالها الاعلام لان الهلال اتى به في فترة صعبه وانتشله واخذ كاس وحصل على الثاني والثالث وتوقف .. طيب ماعندك لاعبين وش اسوي
وقيل عنه انه يخبص .. أيضا قالها الاعلام .. واتبعها الجمهور أيضا لانه يغير الخطه في المباراه كذا مره
قيل عنه ان لا يقرا الخصم .. أخطاء مرتين ثلاث .. طيب .. والباقي .. وبعدين ماعنده لاعبين يصنعوا الفارق ..
قيل يلعب بدون هجوم .. صحيح فلا ياسر او السالم .. يقدروا ان يفعلوا شيئا فعلها امام تراكتور وفاز .. لم يلعب بمحور وفاز .. لايوجد لاعبين بالهلال في الاحتياط بدل المصابين يعملوا الفارق

ما يفعله دونيس الان بالهلال هو اعداد فريق قوي لان ليس لديهم لاعبين .. ويحاول ان يفعل معهم المستحيل .. ورغم ذلك بنظري هو يفعل المستحيل بلاعبين انتم لستم راضين عنهم او عن مستواهم الفني بعيدا عن التكتيكي .

مايفعله دونيس الان بالهلال .. هو صناعه اكثر عدد ممكن من الفرص ..و طبعا اكثر فريق يضيع الهلال .. وباحصائيات الدوري الهلال اكثر صناعه للفرص المحققه واكثر فريق في الفرص الضائعه ..

مايفعله دونيس الان .. بعد ان كان الهلال بالاطراف بلعشر سنوات يشتكي الي افضل اطراف في الدوري السعودي .. الجهة اليمنى تخيل مع دونيس من بعد الدوخي لم نسمع عن وجود مشكله من عام 2005 الي 2015 والهلال باليمنى يشتكي ويقول اه يالدوخي بسنه سكت الهلال والجمهور

مايفعله دونيس بالهلال الان ان لا كبير الا الهلال لايوجد لاعب كبير على الهلال ..وهذه زعامه الهلال منذ الازل .. اذا ذكروا الثنيان ذكروا سامي والدعيع والتمياط .. لايوجد لاعب واحد .. اما الان عندما رفع لاعب خشمه على الهلال قال انت لا شي بدون الهلال ..

مايفعله دونيس بالهلال الان .. ان صنع فريق صعب ان يقهر رغم ان لاعبيه مرهقين .. وذلك بسبب الاعداد القوي لبطوله اسيا ولم يأخذ الفريق راحه منذ 8 سنوات وكثرة الإصابات ولا يوجد اعيد وأكرر لاعبين كفؤ ينافسوا الأساسي .. فانتم مقتنعين ان 10 لاعبين بالهلال سيتغيروا بالسنه القادم منهم من سياتيه خطاب شكر وبعضهم تنسيق وبعضهم بيع والأخر اعاده وجميعهم أسماء كبيرة .. اذا كانوا عشره وأسماء معروفه .. فدونيس ماقصر والله .. جالس يعد فريق قوي بس يبي لاعبين .. يخبص ويغير الخطه كل شوي .. علشان مافيه لاعبين مميزين في الخانه للاعب المرهق ..

دونيس دونيس .. ليس المشكله .. والله المشكله الحقيقيه الماده والديون التي على النادي واللاعبين لايوجد الا 11 أساسي هم الكويسين والباقي تكلمة عدد ..

خالد الشنيف : دائما اخذ برئيه الفني والتكتيكي .. ذكر دونيس من افضل المدربين وذكر الحسنات فيه بشكل موسع .. ولم ينتقده كثيرا الا قليلا .. فالشنيف لاعب كره .. وصاحب نظره .. ومعلوم لدى الكل بنظرته الثاقبه .. بقاء دونيس لابد منه .. وسيعمل الكثير مع لاعبين مميزين .

باقي الإعلاميين .. في كل البرامج التلفزيونيه والاذاعيه وتويتر .. يبحثوا عن مادة دسمه واسمها الهلال .. ودونيس لعب بطريقه جديده لم يفهموها .. فانتقدوه .. للكسب المادي فقط ..لا ينتقدوه بقسوه الا اذا خسر .. ويمدحوه اذا فاز .. طيب امس تمدح واليوم تذم ..

اللاعبين طيب مو هم السبب ... المشكله الاساسيه بالهلال .. ليست دونيس ابدا .. المشكله الاساسيه اللاعبين .. عطني لاعبيين .. اجيب لك بطولة

دونيس صاحب فلسفه وخطط .. وتكتيك .. يقتل أي مدرب يقابله ويخدعه بالخطط الكثيره التي تطبق بكل المباريات .. ممكن تتغير خطته 3 مرات لكي يفاجا الخصم .. ولكن اين اللاعبين ..
لاعب بخطط كثيره وفاز .. وارجع أقول اغلب خسائر الهلال اللاعبين لايوجد بديل مناسب .. الحارس ثانيا وممكن 3 مباريات بالدوري احملها دونيس فقط فقط



جمهور الهلال الحبيب .. ترا أي واحد فينا يقدر يمسك الكي بورد ويكتب اللي يبيه في تويتر .. والمنتدى .. يقزم هذا ويرفع هذا ويصرخ ويشتم ويسب ويلعن .. وينتقد وينتقد .. انتقد وقل اللي تبيه ..

بس ان فئه .. تكتب .. دونيس دونيس دونيس .. وتهاجموا المدرب .. دائما دائما هذا استقصاد .

الهلال يوجد بها إدارة .. وشخصيتها قوية جداً .. فلولا الله ثم الإدارة .. كان تلقى الهلال .. خارج من اسيا .. لان ماعنده لاعبين .. وأيضا المركز الرابع .. بالدوري

المدرب بوجهة نظري قدير .. ولكن يحتاج .. لاعبين .. لاعبين على مستوى عالي .. ومحور اجنبي قوي او محلى .. لان الهلال لايوجد به محور .. عطيف ليس دفاعيا القرني مستحيل
كريري شايب مره وبطي خلاص المفروض اعتزل بس الهلال احتاجه ماعنده فلوس يشتري لاعب ..
الشلهوب يالله حسن الخاتمه 36 سنه .. بطي جدا .. فقط ننتظر منه ان يصنع فرصه واحده فقط وكثر خيره .. ضعيف وصغير .. لاشكل فارق دفاعي .. او يدور حول نفسه بالكوره .. ورفع بالدوري السعودي ركنيه حوالي 500 مره جا منها 5 اهداف. ركزوا ركنيه
يوسف السالم .. تعرفون كلكم ان ها اللاعب ماينغزا فيه
ياسر القحطاني .. 33 سنه .. ولم يعد ياسر 2007 بصراحه .. استغرب انكم تنتظرون تشوفون ياسر 2007 ترا راحت 8 سنوات وانتوا تنتظرون خلاص عاد افيقوا من احلامكم
ناصر الشمراني .. لو اسوي معك ماسوي .. قسم بالله خذلت الهلال وخذلتني وخذلت الجمهور بسبب طيشك وغرورك وتكبر علينا ..

الإعلاميين الهلاليين : لايوجد عاقل منهم سوى لا شي هجوم على الإدارة المدرب اللاعبين .. مو شي عاجبكم .. هذه اول سنه لرئيس والنادي عليه ديون وماعنده لاعبين

كتاب منتدي الهلال أبو كذا مشاركه وتسجيله من زمان : انت يعني ماتطلع الا في النكبات وشغلتك بسب تحطيم و تهزيئ وهذا ماينفع وهذا مايصلح ولازم كذا وكذا وانت فاشلوهذا سباك وهذا لازم احتياط .. لا انت اللي حضرت الملعب ولا انت اللي شاركت ودعمت او كتبت في المنتدى وساهمت . ترى ها الحركات ماتمشي (( ندري وش تبون تسوون ))


أتمنى تغيير ديقاو .. وبيع عقد ادواردوا .. والاستفاده من المبلغ واحضار راس حربه مهاجم صريح .. كريفاس .. والإبقاء على الميدا لكي يسانده .. فوجود الميدا ضروري .. الميدا يظهر كثيرا وقوي وحش باختراقاته .. لكنه يحتاج صانع لعب اجنبي ومهاجم قوي بجانبه .. والبطوله الاسيوبه تحتاج لمثل هذه التشكيله مهاجم اجنبي صريح بجانب الميدا وخلفهم صانع لعب اجنبي مثل كماتشو .. فالهلال ليس به اية مهاجم ..

اما ادواردوا .. لاعب كبير . وقوي .. لكنه ضعيف في الالحامات يسقط من ايه اصطدام يريد فاول لايصنع .. لايستلم الكره كثيرا بالملعب .. يحاول التمركز فقط .. وخلق هدف له ..ايجابيته الوحيده حضوره بالتمركز الصحيح في حضور الميد ..ولكنه ضيع اهداف محققه 13 هدف بالدوري .. لو كان بداله مهاجم قوي صريح لراينا العجب العجاب .. مع الميدا

ديقاو يجب ان يكون بداله صانع لعب اجنبي وليس محور من بعد عرض الجزيرة الاماراتي في الانتقالات الشتويه خلاص انتهيت واصاباتك واجده كلها عضلات

والمحور يجب ان يكون محلي او دعم الهلال واشتري فقط محور او محورين كدعامه للفريق

ان الهلال بمنظوري الان يفعل المستحيل