|
ارحمونا من هؤلاء قهر وغبنه تضيع منا بطولة الدوري هالسنه في ظل انخفاض مستوى الفرق لماذا السكوت على وجود مدرب قاعد يخبّص في المباريات لاعبين بمواصفات ( دبّ ) مثل ياسر القحطاني وسالم الدوسري وش نرجي منهم لابد من التخلص منهم ببيعهم وجلب لاعبين شباب يقدّرون حضور الجمهور وموازرته ايضا هناك لاعبين مزاجيين يلعب مباراه أو ثنتين ويغيب عشر مثل العابد خلاص مانبيه ارحمونا كل سنه نقبل على البطوله وفي الاخير نفقدها بسهوله مباراتنا امس قدام الاهلي متقدمين عليهم ولو استمر اللاعبين على نفس الأداء كان اكلناهم برباعيه لكن بعد استراحة الشوط الاول حدث تراخي وتهاون كبير جعلنا نتلقى هدفين في دقائق بسبب لاعبي المزاج وتراخيهم لابد من استبدال هؤلاء بخير منهم اللعب احتراف تنفعني اقدرك واعطيك حقك وزياده تخذلني أو تلعب بمزاجك انا برضو اختار غيرك بمزاجي الخوف آسيا تضيع مننا |
من اختارهم من جعلهم يعبثون بالهلال من اوصل الهلال كله بكبره الى هذا المستوي انه الداهيه المدرب لو |
إقتباس:
وماجعلهم يتمادون عدم وجود المحاسبه واطمئنانهم الى مراكزهم |
صدقت لاعبين تسمين فقط ماقصرت ياياسر بس لاتصير لزقه مغير تصارخ وتطامر على الكابتنيه وانت ماعندك إلا الضعوي اقل شي اهتم بنفسك مثل الشلهوب عاد سلومي يبي له مدرب صارم يكده كد لين يحذف 12 كيلو الله يعين على آسيا عاد المدرب يحوس ويدوس وش عليه راتبه وماشي واذا راح جاه عقد ثاني |
أفا ياذا العلم حتى العابد مانبيه ليش يأخي .. العابد لعلمك كلن تتقاطر سعابيله علشان يجيبونه لفرقهم هو وسالم بعد إللي يسوون كل لاعبينهم وأولهم الطحالب والإتهادية والفقراوية .. مشكلتنا يأخي في هالإدارة الجلدة .. إللي ماهي تقدر تتخلص من هالدونيس إللي أبلشنا وحرق دمنا الله يحرقه .. اللاعبين يحتاجون لمدرب كفؤ يعرف كيف يوظفهم صح .. أجل سلمان الفرج تحطه محور وهو مايعرف يلعب في هالمركز ودمره وخلا الجماهير تغبن سلمان .. الإدارة ماعندك أحد بخيلة بمعنى الكلمة وأستغرب وصولهم لرئاسة النادي وتزكيتهم من أعضاء الشرف .. ترى كلها أربعة مليون الشرط الجزائي وينقلع هالدونيس وباقي شلّته .. يأخي تشققت حلوقنا وحنًا نطالب بمحور حقيقي يربط الوسط بقلوب الدفاع لكن ماعندك أحد أذن من طين وأذن من عجين .. باجندوح كان متاح باخشوين كان متاح حتى الخيبري كان متاح .. لكن خلها على الله .. أتمنى حالياً إذا أردنا كأس سلمان للمرة الثانية وكأس السوبر للمرة الثانية والدخول في المعترك الآسيوي وبقوة .. إسناد مهمة التدريب وعاجلاً وليس آجلاً للخبير الذكي بأمور الزعيم (سامي الجابر).. أتمنى ذلك .. |
الله يعطيكم العافية وبالتوفيق للزعيم الملكي |
إقتباس:
ليت كل لاعبينا مثل روح وذكاء واخلاص الشلهوب مشكور يالغالي |
ابشرك بعد بينفخهم زود مسوي لهم عشاء بمناسبة ضياع الدوري مبسوووط الكوتش من قده |
| الوقت المعتمد في المنتدى بتوقيت جرينتش +3.
الوقت الان » 09:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd