|
قالوها ( الرمح من اول ركزه ) .. هلال يعرف علته ( الاعمى ) .. مع ذلك ( شلة الهدوء والدعم ) يقتلون الهلال ...!! بسم الله الرحمن الرحيم كرة القدم ليست معقدة لدرجة كبيره حتى انك لاتفرق بين الجيد والرديء وتعالج الامور بوقتها حتى لو احتاج الامر الى ( تطيير رؤوس ) فوز الهلال بالسوبر بداية الموسم فضحه النصر بمركزه ( الثامن ) فوز الهلال بكأس ولس العهد جاءت بروح تحضر في مباراه واحده في موسم ( كامل ) فلا داعي للتغني والتطبيل ،،،، هذا الجيل بوابة لرجوع النصر والاهلي لمعجزاتهم حينما تلعب بخمس مدافعين وتترك مدرب يخترع ويتخبط ويعاقب ويشطب على ( كيفه ) طبيعي تخسر الدوري ..!! حينما تشاهد لاعبين مثل سالم والعابد والسالم وطيب الذكر عزوز يعكون كروياً واساسين طبيعي تخسر الدوري ..!! حينما تفرد الادارة عضلاتها على الجمهور فقط وترك الفريق يضيع وهي تتفرج دون عمل طبيعي تخسر الدوري ..! قلناها وقالوها قبلنا ( الرمح من اول ركزه ) ويأتيك من يقول انتظروا وانتظروا وادعموا وطال الدعم والانتظار والنتيجة يعود الاهلي بعد غياب 35 سنه من بوابة الهلال كما عاد النصر انظر الى اجانب الاهلي واجانب الاهلي وانظر للفرق ( صورة مع التحية للادارة ) دونيس يتخبط من اول الموسم ومن ينتقده يعتبر مندس او لايعرف مصلحه الكيان ( وهل مصلحه الكيان التخبيص والتخبط والنتائج ) دونيس يقولون عنه منضبط ويعطي كل لاعب حقه ولا اعرف اين الانضباط عن عزوز وسالم وضياعهم في الملعب دونيس يعاقب الهلال في آسيا باستبعاد شراحيلي والدوري بابعاد ناصر دونيس يعتقد ان كرة القدم احضر تمارين وتحجز مكانك اساسي دون النظر عن عطاء اللاعب في الملعب دونيس ماذا قدم وجوه صاعده للهلال والاولمبي يتصدر دوري كاس فيصل ..؟؟ دونيس يستبعد ناصر ويلعب بالسالم ويترك ياسر احتياط ويلعب بشراحيلي المدافع ويقتل موهبة الحافظ دونيس يحول الهلال الى اظهره واجنحه وهو فريق عرفه التاريخ هجوميا ويلعب من العمق دونيس تناقض في تناقض ( والادارة تتفرج ) فهد المفرج مادوره في الفريق اذا الفريق كل مباراة حاسمة ( بدون روح ) الهلال يحتاج فكر وعمل وعدم مكابرة ومجاملة ( وفكونا من الواسطات ) الهلال علته معروفه وكل موسم لانجد الحلول رغم علمنا بالمرض اصغر مشجع يعرف ماذا يحتاج الهلال وصناع القرار يكررون الاخطاء من 2012 ( ابسط مثال ) المدربين ( كمبواريه ، هاشيك ، دول ، ريجي وغيرهم ) يتخبطون وبالنهاية يتم اقالتهم في النهاية ( والجمهور على حق ) والسؤال لماذا يكون رأي الجمهور هو الصحيح في النهاية وفي كل مره ..!! سؤال للقائمين على الهلال الحديث كثير ويطول لكن في الختام نتمنى ان يخجل من يطالب بالهدوء والصبر ( وماهو وقته ) ولاينسون اننا في وقت حصاد النتائج ( انقذوا ما تبقى من الهلال ) |
يارجل سبق وقلتها من تم التعاقد معه تجيب مدرب من الدوري القبرصي وتسلمه زعيم القارة ؟ |
احسنت اخي الغالي كلامك هذا قلناه بالأول وزعلو علينا قالو ماتعرفون كورة... والان مثل ما قلت كلام الجمهور بالنهاية هو الصحيح. كل فوز تحقق يكون بمجهود لاعبين فقط. فلو ان فكر المدرب كان حاضرا لشاهدنا انتصارات بالاربعة والخمسة ..مدرب يدرب فريق كالهلال يلعب ليسجل هدف ويتراجع؟؟؟ تذكرو كلامي هذه السنة انسو اي بطولة إلا بمجهود لاعبين فقط.. اما مدرب فوالله انه لا يفقه فقط عناد لضرر الفريق |
والله لو تتكلم من هنا لبكرى ماعندك احد والمهازل راح تستمر ولاراح يتغير شي دام هالاداره مستمره ولو فيه شمس بانت من امس |
الأدوات في الهلال متوسطة المستوى وبطولتين قصيرة نفس هذي امكانياتهم. تحية لقلمك |
ادارات غريبه لازم اجيب مدرب اوروبي علشان اقول جبت مدرب كبير والواضح ان المدربين الاوربيين مايجون علشان يحققون لك بطوله همه الاول والاخير المال والمشكله عاد جابو لنا مدرب يعتبر من اردى المدربين السي في حقه ضعيف ورفعه الهلال بتحقيق ثلاث بطولات جب لي مدربين من امريكا الجنوبيه واذا ما افلح الاول بيفلح الثاني مدربين امريكا الجنوبيه اغلبهم جريئين ويلعبون بالطريقه الهجوميه اللي تنفع للهلال |
طرحك اكثر من رائع والكثير من الهلاليين يشاطرونك الرأي لكنك لم تذكر الفلته الميدا المدافع الخامس للاهلي مصر عيه دونيس ماادري وش عاجبه فيه والكوري هذا ماهضمته من زمان لا هو ولا الجحفلي |
لو كنت صاحب قرار 1/ تكليف خالد المليحي أو حسن الناقور بمنصب نائب الرئيس 2/ تكليف طارق التويجري مدير عام كرة القدم 3/ تقديم الشكر والتقدير والاحترام للشلهوب وياسر وكريري وابيع عقود المسلم والسالم والقرني ودرويش وناصر 4/ إشراك حسين القحطاني وعبدالعزيز الشريد بالمحور مع عطيف وعبدالكريم بصناعة اللعب ومجاهد المنيع وخلف البقعاوي وعبدالعزيز الجمعان بالهجوم بمباريات الدوري المتبقيه ويبقى الأجانب لمباريات الكأس والآسيوية 5/ نهاية الموسم التعاقد مع لياندرو صانع لعب تشنبوك بدلا من ادواردو ودومبيا بدل الميدا ويكون الآسيوي يوسف ناصر الكويت أو يوسف عبدالله الرفاع الشرقي محليا علي لاجامي ظهير ايمن الخليج وبكر ابراهيم احد ومطلق سهو الباطن هجوم |
والله كلامك كله تمام ليت قومي يسمعون إقتباس:
واكبر دليل على فشلهم انهم راحوا وماعاد رجعوا للخليج هذا يدل على ان اختيارات المدربين كل مالها في انحدار مخيف يعني كل مدرب اخس من اللي قبله ماصرنا نأكل بالاربع والخمس خسائر الا بتواجد هالمدربين الفشله لذلك رسالة لادارة الهلال اذا ما تقدرون على مدرب بقيمة الهلال لا تتعبون حالكم وتخسرون النادي نبي مدرب وطني عادي يتعلم علينا بس يحس وعنده ذمه وضمير ماراح نقول سامي مراعاة لشعور البعض اللي يصفونه بالمتدرب المتدرب اللي حقق ارقام عجز عنها ريجي ودول واليوناني اساطرة التدريب يعطيك العافية |
إقتباس:
الهلالين زعلانيين وقافله معهم عشانه برى التشكيله وانت تبي تبيع عقده :s2: تدرون ليه يقول هالكلام؟ لانه ببساطه مو هلالي (مندس غبي:d ) |
حقك لكن صدقني دونيس نفسه بإدارة حقيقة و لا تدار من أعضاء الشرف و مدير فريق حقيقي مو فهد الفرج يجيب كل البطولات .. مثل ما ذكرت هم مجموعة بسيطة من أعضاء الشرف هم المتحكمين فعليا بالنادي من رئيسه الى تعيين المدربين و اقالتهم و ابقاء من يريدون من الإداريين الفاشلين (فهد المفرج) و أشباه اللاعبين .. هذا اللي ضيع الهلال و بصراحة هذا حقهم انا لو ادعم الهلال بظ¥ظ مليون او ظ،ظظ مليون في السنة أكيد بأثر على قرارات الادارة و بتكفل بمصاريف احضار و اقالة المدربين او اللاعبين .. الحل هو تخصيص الأندية عشان نساهم في بناء فريقنا بدون ان يتحكم فيه مجموعة لا تتعدى الظ¥ أشخاص و هم مشكورين بالتأكيد على تحمل المصاريف لكن الهلال يستحق ان يكون لنا جميعا |
لافض فوك صدقت والله لكن اداره ضعيفه لم تحرك ساكنا الهلال منذ سنوات يعاني والآن بدأت تظهر الكوارث مدرب سباك رئيس النادي ضعيف وغير قادر على تحمل المسؤوليه واتخاذ القرارات الصارمه مدير كره ههههههه منتهي لم ينجح كلاعب كيف سينجح مدير كره في الهلال بعض اللعيبه منتهين.. بالعقل هل عبدالعزيز الدوسري يلعب اساسي في الهلال هههههههه هل السالم رأس حربه للهلال ههههههههههه اقسم اشياء مضحكه.. |
| الوقت المعتمد في المنتدى بتوقيت جرينتش +3.
الوقت الان » 06:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd