ازعجتونا بالشمراني . الكيان فوق الجميع
 

بغض النظر عن صحة قرار استبعاد الشمراني او عدمه ولكن ردود فعل الجماهير المبحطة وكأن الفريق بدونه لاشي هذا تقزيم للكيان . الهلال فريق كبير فريق الكيان وليس فريق اللاعب الواحد اذ غاب ناصر هناك 11 غيره سيمثلون الفريق

في نهائي الدوري عام 96م غاب الثنيان لتراكم البطاقات والكل يعرف من هو الثنيان وحضر سامي وقتها وحسم النهائي بهدفين بموسم كان سيئ له ولكنه ظهر بالوقت المناسب

ماحد ينكر موهبه الشمراني ولكن للاسف هذا اللاعب يلعب لنفسه وليس للكيان ما ان يجلس عالدكه او يخرجه المدرب الا تجده يتذمر ويسبب شوشره بالفريق

تمشكل مع برودوم مع دونيس مع ريجي كل هذا بسبب وضعه احتياط او لاخراجه من الملعب

القحطاني والشلهوب بتاريخهم الكبير مع الهلال لم يفعلوا مافعله وتقبلوا وضعهم بالاحتياط وفضلوا مصلحة الكيان على مصالحهم الشخصيه والا لتباكوا بالاعلام وتشكوا وتذمروا


المأخذ الوحيد ليس على دونيس انما على الاداره اذ انها شالت ناصر الشمراني من حساباتها مفروض تعلن ذلك رسميا من بدري حتى لاتكون هناك شوشره وانتظار لعودته


عالعموم المباراه الحاسمه امام الاهلي عالابواب ومن الخطأ كثره الرغي بموضوع الشمراني دعم الفريق هو المطلب دعم المتواجدين هو المطلب لن نستطيع ان نغير قرار الاداره والمدرب بهذا الوقت

متفائل بأذن الله بهلال البطولات وبنجومه المتواجدين ولاعزاء لجمهور اللاعبين

الثنيان عندما يغيب كان هناك سعد مبارك - سامي الجابر - عبدالله الجمعان - يوسف الحيائي - حسين العلي وغيرهم
كل واحد يقول الزود عندي ومن أخطاء الإدارة الحالية عدم وجود مهاجمين بالفريق باستثناء الشمراني
ياسر يعطيك 15 دقيقة والسالم لا تعليق والميدا أناني ومصاب
العلة معروفة من زمان والمكابرة واللعب بطريقة دفاعية وعدم وجود هداف حاسم هي من جعلت الجماهير تطالب بناصر

لا تلومهم الله يلوم من يلومهم

هه اذا فليرحل دونيس لانه السبب الرئيسي في التخبطات
الشمراني مهاجم يخلص الهجمه والهلال ماعنده مهاجم غيره بنفس الامكانيات هذي
وبتشوف ان كلامي صح يوم الاحد


الهلال يحتاج لمهاجم مثل الشمراني في هذا التوقيت بالذات لانه توقيت حسم
اما العناد والمكابره لن تجلب الا مزيدا من الخسائر

اصلا تدريبيا ومنطقيا لاعب مالعب مباراه رسميه قريب شهرين تزج فيه بمباراه حاسمه زي كذا ؟

حتى لو سافر مع الفريق مستحيل يكون بالفورمه مع هذا الغياب عن جو المباريات

انا عني ما ابي الشمراني يلعب لانه لو لعب ماراح يقدم اي شي بحكم انه اصلا مبعد والقحطاني نفس الشي

لكن محتاجين اجابه وحده المدرب ليش جالس يحارب اي لاعب يلعب بجديه واللي يسحبون رجولهم في الملعب تحصلهم اساسيين

هذا غير تغيير المراكز لاضعاف الفريق واخر اختراعاته الشلهوب محور الشلهوب ما يعرف يدافع اصلا ترجعه محور يعني اذا الفرج مافي نسلم المحور للشلهوب

حاولت احسن النوايا اتجاه المدرب ما قدرت شكل فيه مكافئه في طريقها له اكبر من عقده لكن الله يرد كيد الخائنين يارب

يعطيك العافية

تجربه دونيس مرت بمحطات بالنهايه المدرب محقق 3 بطولات صحيح بدا يتخبط ولكن الاداره صعب تقيله الا بنهايه الموسم عشان يكون التقييم شامل

صحيح كلامك
لدرجة ان الشمراني لو ما لعب في كاس ولي العهد كان حققنا الكاس وهو من سجل وصنع

حدث العاقل بما يعقل

لو السومة ما لعب في مباراة السبت هل سيردد جمهور الاهلي مثل ترديدك وهو الهداف والمؤثر

ادوارد اصيب وفقدنا 14نقطة باي عقل ومنطق نقول على لاعب مؤثر ان الفريق لا يقف على لاعب

امدحوا المدرب قد ما تقدرون لكن لاتقولون حقق ثلاث بطولات بطولتين بالحظ والثالثه اندية الدرجه الاولى والثانيه نشبت بحلوقنا

الشوط الوحيد اللي قدمنا فيه مستوى ونتيجة الشوط الاول لنهائي الكأس وارجع شوف الاهداف اللي جات عن طريق الشمراني

سجل هدفين وصنع الثالث لانه لاعب يلعب بحماس وتركيز غير تغيير الخطه الخونفشارية للمدرب وتكثييف الوسط

ومتى ما كان وسط الهلال قوي شفنا النتيجة والمستوى وهذا قبل الرجوع لخطة المدرب اللي كادت تضيع علينا البطولة

يعطيك العافية

وصحيح كلامك الشمراني هو الهلال لو انتقل بنقفل النادي والا نشجع الفريق اللي ينتقل له

ماحد قال مهو نجم ولكنه راعي مشاكل يبيله معامله خاصه ودلال وهذا يسبب مشاكل لباقي اللاعبين والمتضرر الفريق

بالنهايه الحظ ماشفناه لا مع سامي ولا ريجي لو ماخذنا منه الا حظه هههههه يكفي

من مصلحة الهلال وخاصة في الأيام القادمة استبعاد الشمراني تمهيداً للمخالصة معه نهائياً إن شاء الله

ان شاء الله لن أراه مرة أخرى بتشيرت الهلال

بغض النظر عن اي لاعب كان انت عندك لاعب بمستوى الشمراني او افضل منه عشان تبعده انت الان عندك مباريات حسم

اترك الخلافات وادخل بكل اسلحتك اقسم بالله ان اكثر الفرحين بابعاده محبي الاهلي وخليه يطلع من الهلال اول ناس بيرحبون فيه

بعدين اي مشاكل افتعلها الاعب اعترض على تغييراته وهذا شي طبيعي عند كل لاعب يشوف انه قادر يعطي في الملعب

اذا فيه لاعبين يستحقون العقاب فهم اللي يلعبون كل مباراة اساسيين غير منضبطين بالملعب لا احساس ولا مسؤليه

نجي لحظ الداهيه حظه في البطولات اللي من كم مباراة اترك الدوري للمدربين الكبار لان بمستوياته يحلم يحقق شي

ايه نحب ناصر ونبي ناصر ونشجع ناصر وبنفس الوقت هلالييييين ونحب الكيااان وناصر
الخطا خطا واحنا ماراح نقول لدونيس الغفله انك صح وهو جايب العيد
اللي يحب الكيان ياخي يكون مع االحق وينصف نجومه ويحاسب المدرب على قرار اتخذه
لايصب بمصلحة الفريق بالنهاية

الثنيان يسد عنه هؤلاء والله ماعندك سالفه بغدين ذولا مهاجمين والثنيان صانع العاب

الشمراني لو لياقة القحطاني مثل اول والله مايطقها بالملغب ولا شوط

يااخي انتم ازعجتونا بناصر وازعجتونا بسامي ....سامي اول شئ يعلمنا الملايين اللي دخلت النادي من الوليد وع بن فهد واحمد بن سلطان ومن رجال الاعمال اللي كل يوم جايبين واحد وين راحت ولا تقول ماله دخل ترى معه مفتاح الخزنه واخرتها يسلمون هو وابن مساعد النادي مديون