روق جزاك الله خير و اقرا عالهادي وخلك من الانفعالات


بيالة شاهي سكر وسط وتعال نشوف شالسالفة

تقول مستوى الهلال يرفع الضغط .... اقول لك حقيقة مافيها مجال للشك

لكن هل مستوى الهلال متخبط لدرجة انك تسب الادارة والمدرب وتقلب المدرج فوق تحت!!!

هل لاحظت الاتي ....الهلال عنده فرص ضايعة بالهبل اغلب المباريات...

الهلال فارض سيطرته على المباراة ... وللامانة تضيع منه مباريات سهلة بسبب استهتار الاعبين بالفرص المتاحة

ينقصنا مهاجم يترجم الفرص الضائعة .... ومحور دفاعي صلب عنده القدرة على تمرير الكور الطويلة الساقطة خلف المهاجمين


اما بالنسبة لدونيس..

المدرب قاعد يشتغل الموسم هذا ويكفي انه اعاد القوة للاظهرة اللي كان الهلال يعاني من ضعف واضح فيهم

بتقول عنده تخبطات واضحة اقول لك احيانا .. لكن كل انسان يخطئ


تقول وين الميدا وعطيف عن مباراة الامس ؟؟

الميدا على ما اذكر طلع مصاب المباراة اللي راحت فمن الطبيعي اراحته

عطيف ... يمكن المدرب بكل بساطة يبغى يريحه للمباراة المهمة مع الاهلي


الادارة وما ادراك ما الادارة ... انا اعذر الادارة لسبب بسيط

الفريق ينافس على كل البطولات بالرغم من الوضع المادي السيئ

ناصر الشمراني !!! ...... ايام سامي اتفقنا ان الهلال لا يقف عند لاعب معين ... وتمت اقالته بالرغم من الارقام الجميلة اللي حققها ....

اذا لماذا نهاجم الادارة اذا اتخذت نفس الاجراء مع ناصر ... فالاجراء التاديبي من المفروض ان يكون خالي من المجاملة ((( ملاحظة ... اتمنى عودة ناصر لهجوم الهلال ... فالاعب لا يختلف عليه اثنان))). ولكن ليس على حساب الكيان والانضباط


اخيرا ...

اتوقع فوز الهلال بالدوري .. واتوقع الخروج الاسيوي

اتمنى ان ينجح الهلال فالجبهتين ولكن الاوضاع لا تنبأ بخير مع نوعية بعض الاعبين

فالنهاية

ارجوا انك تكمل بيالة الشاهي

وتروق

ولو خسر الهلال الدوري وخرج من اسيا ما تنفجر وتتحول لمدفع يوجهك الاعلام الهدام كيف يشاء لهدم ما حققه ناديك حتى هذه اللحظة

والعبرة ناخذها من ((الذيب)) اللي يوم راح جا دونيس