للاسف جمهورنا صاير غالبيته اطفال اي شي ارحل سلامات الحين مدرب جايب ثلاث بطولات ورئيس من تولى الرئاسه بطولتين يعني لازم الهلال يجيب كل البطولات ولايعتبر فاشل ياناس ارحمو عقولنا شوي وخلو الاداره والمدرب يشتغلون وانتم اشغلتوهم شوي غير تشكيله وشوي لعب فلان وشوي لاتعاقب فلان خلاص يمشي المدرب ونحط اقتراحات الجمهور قبل كل مباراه وخلاص نرتاح من الصياح والنياح بعدين اختلف جمهور الهلال اول كانو ياقفون ضد اي لاعب يلف ويدور والحين ضد معاقبة الشمراني الي مزاجه مزاج لاعب حواري يا العب على كيفي او اخرب واثير الجمهور وشراحيلي اسحب على الفريق ورحلته ومباراه مهمه ويقولون ليش يتعاقب الا خلهم يتأدبون لو يطير 10 بطولات مايهم اهم شي يحترم ناديه وادارته ومدربه وجمهوره والفنيله الي هو لابسها غير كذا مافيه دلع ..

إقتباس الرسالة الأصلية كتبت بواسطة ازرق هلالي1 حقيقه استغرب من البعض في منتدى الهلال طرح مواضيع غريبه ومخجل ان تطرح في منتدى الهلال وتصدر من هلاليين وكل الدافع انتصار للاعب واتخاذ حدث بدون تفصيل واقناع العاطفه هي من تكتب والسطحيه تتجلى في المطالبات الشاطحه هذا الطرح لا يمثل السواد الأكبر من جمهور الهلال العقلاني والواقعي ومخجل ان تصل الجراءه بلبعض لكي يلفت الانتباه او ضناً ان هذا من حبه للهلال شوفوني وان تشجيعه يعطيه الحق ان يطرح حماقة أفكاره بدون تفكير واحترام لإجماع الهلاليين الاغلبيه منهم ع ان افضل من يقود الهلال في المرحله القادم هذه الاداره ولا زلنا مستبشرين خير ومتفائلين فيها وبوادر عملها من البدايه واضحه بتنضيم والاهتمام بكل ألعاب النادي ونشاطاته وحتى من خدمو النادي سابقاً نرى الإنجازات والمنافسه في كل الفئات السنيه بمتابعه واهتمام من الاداره وهذا أساس العمل الصحيح الاحترافي للمستقبل وضعت افضل الإداريين والفنيين ووفرت كل الاحتياجات لهم ودعمتهم بلماده والتحفيز فلحضور لم يقتصر ع الفريق الاول والبحث عن الفلاشات والتصاريح والتغريدات بل عمل يتحدث سيجني الهلال ثماره قريباً وضعت افضل الكفاءات مثل عبداللطيف الحسيني والاداري الخبير منصور الاحمدي والا كان بالإمكان وضعهم في الفريق الاول ولكن الاداره تعمل لمستقبل الهلال وليس كبعض جمهوره لا تتعدى رؤيتهم لاعب لم يشركه المدرب او مباراه خسرناها فأين انت من خمس سنوات عن الدوري وأين انت من عشر سنوات عن اسيا وكأنك بطرحك كل سنه تحققها والاداره أتت وهدمت كل ذلك مما اثار حفيضتك فنجد لك العذر لن اتحدث عن باقي ألعاب النادي حتى لا اطيل فلمتابعين كل يوم يَرَوْن لعبه عادت للبطولات والمنافسه ولا اضنك تتابع فهناك فئه من الجمهور تضن ان الهلال كم لاعب ومدرب يتحلطمون عليهم مباراه مباراه وهذا تقييمهم للعمل وان عمل الاداره ان ترضيهم وتكون مايطلبه الجمهور حتى تكون افضل اداره اذا كانت ادارة الهلال تعمل من اجل ذلك فلتذهب غير مأسوف عليها لا نريد اداره تخضع للمطبطبين ع الاعبين ولمن ساهمو في ابتعاد الهلال في الفترات السابقه عن البطولات المهمه واهتزت هيبة الهلال بسبب سماع الإدارات لصوتهم ورضوخ لمطالب اضرت بلهلال الكيان من اجل ارضاء الصوات تدعم الأفراد . ماهي مطالبكم دائماً تتمحور ع الفرد ولا تهتم بلمجموعه والانضباط واحترام الكيان وجمهوره مطالب وقتيه وليست استراتيجيه تكذبون وتكذبون وتضنون ان ماتبنون عليه مطالبكم ومواضيعكم ينسينا الحقيقه والحق 1- أليس شراحيلي من سحب ع الهلال في اخر تمرين التمرين الرئيسي للمباراه مهمه قبل مغادرة الفريق بدون عذر اي نوعيه من الاعبين أسالك باالله بدون عاطفه ومن يصر ع طرح هذا الموضوع واعتباره خطاء من الاداره والمدرب لو انت عندك مباراه مهمه نهائي حواري ماراح نقول نهائي اسيوي وخوياك الي بلفريق ماكدين عليك تحضر فيه تمرين مهم قبل المباراه تسحب عليهم ايش تضن يخليك تسحب عليهم ؟؟!!! فما بالك عندك نصف نهائي اسيوي وتسحب اي اهتمام هذا وأنتم مهتمين مره بمشاركته وطيب وباقي الاعبين ماهو من حقهم انهم اذا نفس الشي حصل منهم يعاملون بالمثل خلاص كل لاعب يسوي الي يبي ونخصم هذا احترافكم كذا فاهمينه كلها تندرج تحت الطبطبه ع الاعبين اخجلو عيب احد يسوق علينا ويشرع هذه التصرفات تحت بند الاحتراف . اتوقع مورينيو او بيب افضل مدربي العالمي اذا لاعب سحب ع تمرين يقولون ياهوه ياشيخ عادي الله يحييك تعال شوف الخطه ولا يهمك اهم شي انك جيت ولو شكراً ع حضورك بس بنخصم عليك هذا الاحتراف اهم شي انت بخير والجمهور مبسوط ، أتحداكم اذا ماقضبوه الباب لآخر الموسم أصلاً ماراح لاعب يسوي كذا بس تخيلو. 2- الي يفهم كوره لا يزعجنا كل شوي الاداره واضح انه ما تناقش والاداره لازم تدخل يعني ايش أدرب الفريق هي احسن وتحط التشكيله وتمسك اليد وتقوله دورنا الحين . الاداره اكيد تناقش المدرب أصغر واحد في جمهور الهلال اكيد بيناقش المدرب بس في الأخير القرار قرار المدرب وقناعاته هو مسؤل عنها ماجابته عن عشان تبلش في كل مباراه وكل تغيير وكل لاعب وكل تكتيك هي تناقشه اثناء الموسم وتحاسب عن قناعاته اخر الموسم وعلى أهدافه اخر الموسم اما اذا اقالته والفريق ينافس ويحقق بطولات وفي عز المنافسه فهي مغامره واذا فشلت فلكل راح يحملها المسؤليه ويعتبر تصرفها احمق فليس حل اي مشكله اقيل مدرب . 2- بالنسبه لناصر لاعب مهم وهداف الفريق بس هل هذا كافي لأي لاعب وفي اي فريق في العالم انه مايتحرم قرار المدرب ان الوم ناصر ع تصرفات فلفريق بحاجته والجمهور يطالب به ولم يهتم لذلك تصرفاته تدل ع ذلك وكأنه يبحث عن الأبعاد في اهم وقت في الموسم اذا مالعب زعل واذا لعب وغيره المدرب زعل وسبب مشكله وبلبله يا اعترض وراح لغرفة الملابس وطنش زملاءه في الاحتياط وماحترمهم او جلس يسوي حركات ويهدونه ليه سلامات الكوره له او الملعب حقهم ماحد يغيره وزاد في هالحركات لاقي جمهور طبطبه والاداره ع خطاء من اول حركه مفروض مارقعت له حماس لاعب وحبه للفوز وهالخرابيط كان امحطوه بخصم وإنذار من اول حركه وتدريبات انفراديه واعلنو للجمهور اذا أعاد نفس التصرفات ابعاد لأولمبي وخصم جامد ورفع للجنة الاحتراف كان يمكن ما خسرناه الحين كل واحد يبي يبعد عن الفريق يشاكس ويختلق مشاكل هذا عمله محترف ياخذ مقابل اذا مايحترم عمله وينفذ المطلوب منه يتحاسب ع كل تصرف مافيه محترف تجيبه وتدفع فيه مبالغ ويسوي هالحركات ومطلوب نسكت ونطبطب عليه ونقول احتراف اخصمو ولعبوه لا يزعل اجل كل لاعب بيعترض ويسوي نفس الحركات نسويلهم جدول بدور عشان مانزعل الجمهور الي يحب الاحتراف الحقيقي ، او بس حسب الحاجه تتغير اراءنا وحسب الاعب . وبتوفيق لعملاق اسيا وزعيمها الملكي .

اسمع إذ ماعندك استعداد تتحمل اخطاء وعثرات فريقك لاتشجع ولا تتابع كورة اجل تطالب بإقالة دونيس ورئيس النادي والله العظيم جمهور غريب يبون الزراعه والحصاد بنفس اليوم كلوب اللي احسن من دونيس اول ماجاء لليفربول قال 4 سنين لاتطالبوني بأي بطولة اليكس فيرغسون قعد 4 سنين مع مانشستر بدون بطولات وانتم لو المدرب يخسر ثلاث مباريات رحتو تطالبون بشنقه دونيس عمله اكثر من ممتاز بس الوقت هذا محتاج بعض الاصوات تختفي لأن مضرتها اكثر من نفعها على الهلال وانت احد هالاصوات

إقتباس الرسالة الأصلية كتبت بواسطة هلالي تشلساوي سابق اشكر مداخلاتكم انتم اصحاب الاثر والتأثير وصوت الجماهير الفاعل تحيه لكم وتحيه لارئكم المختلفه وهي وجهات نظر تحترم وتقدر وكلها ايجابيه لماذا يرحل اذا لم تستطع ان تفرض النظام وتحاسب المخطئ فقط فانت ظالم وغير جدير بالثقه لماذا يعاقب الهلال افضل مهاجم سعودي ناصر اخطاء اخصم عليه دون ايقاف في الملعب الجماهير هي من سوف تحاسبه على مستواه سلبا اوايجابا وتحياتي

يالاخو ماخذينها شماعه افضل مهاجم اسيوي انت صادق ...قبل اسيوع توجوا السهلاوي افضل مهاجم خليجي يذمتك هل انت مقتنع بالسهلاوي ...احيانا الاعلام له دور واللجان التي تختار ماعندك احد بعضهم داخلين على الكوره غلط
والله اللاعب خيبه لكل ماتعنيه الكبمه من معنى .....هي معقوله نقول هالكلام وهو بينفع الهلال والله لو فيه نفع اول واحد يطالب فيه انا ..لكن جربناه من جاء كم بطوله خضناها ولا ينفع وفيه انانيه عجيبه لتسجيل الاهداف اسميه اذا تعرف هالكلمه (بحوم) كلمه نجديه

معاقبة اللاعب بالايقاف هذا يعني معاقبة الكيان
معاقبة اللاعب المحترف بالخصم من رواتبه وامتيازاته
فشل الاداره باحتواء الازمه يعتبر سقوط ذريع ومريع
البطولات التي يتغني بها البعض
ليس منها دوري ولا اسيوي يعني تحصيل حاصل
ليست طموووح
الادارات الراقيه
في حال الفشل تعلن الرحيل وهذي شجاعه واحترام

تحياتي للجميع

ولو رحل وجا رأيس غيره بتجي هنا بعد سنة وتقول للرأيس الجديد أرحل .....شغل العاطفة ذا فكونا منه
كمثال الفرج أمس مع مستواه السئ أمس نسينا له كل ابداعاته طول الموسم فقط مباراة وحده مسحت كل ماسواه للهلال ....ومع هذا لو حصل وجاب أهداف راح تنسى مستواه السئ

جمهور أغلبه عاطفي للأسف .....مدرب جاب ثلاث بطولات ورأيس نادي ماشي صح فقط عشان مباراه نسينا كل شئ

الهلال راح يتاهل وكل هالمواضيع للنسيان

الاهلي يبي الدوري باي طريقة وهذا المدرب هو سيلتهم اوقف الدرب قبل فوات الااون.

بعض الجمهور ودك تحط ع جبهته (مشجع للتقبيل صعب يفهم ولا يقتنع مامنه فائده) لازم توضح عيوبه عشان
ماتغش احد.
وبتوفيق لعملاق اسيا وزعيمها الهلال الملكي.

إقتباس الرسالة الأصلية كتبت بواسطة wdrago ههههههههههههههههه سامي ذابحكم لا وتبون جهاز فني قدير وإنت ماتملك تدفع للمدرب الشرط الجزائي علشان تقلعه وتدفع رواتب لعيبتك وتسدد ديونك إلا بقرض ربوي تدرى إنتو أنغريتوا ب ال 3 بطولات

سامي ذابحك انت اللي تفكر فيه
انا عندي انتهى دوره بعد اقالته
انتم من اشغل العالم به قبل واثناء وبعد وكأن الهلال بيتوقف عليه او على غيره
لازلت عند رأيي وان لم يعجبك فسامي لايصلح مدرب ولعلي اضيف كلمة للهلال حتى اذا تبغى تستنجد فيه لنادي آخر والا العبارة الصحيحة انه لايصلح مدرب

الله يعطيكم العافية وبالتوفيق للزعيم الملكي

المدرب ليس عيبه ان شراحيلي وسرحانه بالملعب دخلت فيه اهداف ولاعب غير مبالي

وليس عيبه ان الشمراني ياالعب ولا اخرب

حنا ضد المدرب لعدم قراءته الجيده للمباريات ولعناده الزايد باسلوب لعبه الي هو 3-5-2

والتدوير الفاشل الي لخبط حساباته

لان الفريق تحميل الاعداد القوي حصد بطولتين وكان بسبب اسيا ومعروف ان راح يكون هناك ارتداد سلبي

ولان تدويره للاعبين سيء والحتياط عنده سيء

انكشف الفريق

زد عليه مزاجية الفرج وسالم وفشل ياسر والشلهوب

عواجيز

يعني بكره نادي الهلال بيصير نادي عجزه


ايه نسيت حط عبدالعزيز الدوسري


مسي زمانه ههههههههه

إقتباس الرسالة الأصلية كتبت بواسطة عذب السجايا سامي ذابحك انت اللي تفكر فيه انا عندي انتهى دوره بعد اقالته انتم من اشغل العالم به قبل واثناء وبعد وكأن الهلال بيتوقف عليه او على غيره لازلت عند رأيي وان لم يعجبك فسامي لايصلح مدرب ولعلي اضيف كلمة للهلال حتى اذا تبغى تستنجد فيه لنادي آخر والا العبارة الصحيحة انه لايصلح مدرب

سامي قل عندي انا لايصلح مدرب

اما بالنسبه لمن يفقه كرة القدم وبشاهدة خبراء
كرة القدم يضل سامي اسطورة كرة القدم العربيه
والسعوديه

ومدرب عالي ومن فئة الكبار

والدليل نجاحه بقيادة الهلال

ولكن اصطدم بفريق ينافسه بالدفع الرياعي

والناس تفهم كوره

مبروك للاهلي هاردك للهلال
🌹🌹🌹🌹

الهلال لعب في الشوط الاول لعب عالمي ضغط على الدفاع والوسط والهجوم نفس الطريقه لعب فيها اعتقد قبل سنه بل نهائي وفاز بالكأس
نفس الطريقه تطبق مع الفرق المحترفه ضغط على صاحب الكوره الشوط الثاني ليه تغيرت لعبه الكوره
انا مو زعلان على الخساره الشوط الاول لعب عالي هو بطوله بحد ذاتها المستوى في الشوط الثاني انعكس
والهلال يتطلب يبقى على هذا مستوى الشوط 1