ابقول كلمه حسبي الله على من حرمنا ناصر ومن حارب ناصر ومن يصفي حساباته على حساب الكيان والجمهور
اذا فعلا فيه احد يحارب ناصر لانه حرمنا من هدااف مميز وافضل مهاجم سعودي
ناصر عنده طموح وقدم معنا باسيا مستويات كبيره واتحدى اي شخص ينكر هالشي وبينه وبين الادله والارقام !؟؟
بكاس ولي العهد تخيلو الميدا مهاجم بدال نااصر راح ناخذ الكاس تحلمممممممممممممون مليون مرهه
عيب ومليون عيب الاداره تترك المدرب او تتخاذل بموضوع ناصر

اللي يقول الكيان وناصر غير منضبط
اقول خل هالكلام لك واشبع فيه ترانا كبار
ماحنا بزارين ونعرف نفرق بين الانضباط والحقد
ناصر منضبط غصب عليكم وحرام وعيب تلفيق التهم والكذب

هذه مشكلة ازلية في جمهور الهلال اي انتقاد انت مندس ودخيل

هذا هو نفس تفكير الادارة

انا قصدي ان ناصر لازم يلعب امام الاهلي لانه دايم يبدع من كان مع الشباب والموسم انتهى والميدا مصاب وياسر لايستطيع لعب 90 دقيقة

انا لا الوم بعض الردود لان ردودهم تدل على اعمارهم

إقتباس الرسالة الأصلية كتبت بواسطة الازرق العنيد اللي يقول ان ناصر غير منضبط يكتب من وين جاب الكلام ذا و لا يردد مثل البغبغاء نائب الرئيس صرح رسمي قبل يومين ان ناصر منضبط تماما و لا عليه اي ملاحظات و قرار استبعاده فني بحت من المدرب ولد بلدنا اهم الف مليون مره من هذا المدرب الاجنبي اللي جاي همه يخم فلوس و رايح. جاي الاغريقي يعلمنا كورة ، خله يروح يدرب فريق درجة ثانية اوروبي اذا قدر. باختصار ناصر مشكلته انه جابه سامي و ... ادونيس معاه افضل لاعبي الدوري، و غطوا عليه كثير لكن قربت شيلته هالحقود العنيد

بغض النظر عن موافقتنا من عدمه لما حصل مع ناصر وطرق معالجته
اولا اتوقع انك تتابع مثلنا المباريات وتشاهد اعتراض ناصر على تغييره أكثر من مره وهذا أمام العالم الي لهم عقول يسمى عدم انضباط
ثانيا ك مدرب من حقه يستبعد اي لاعب لا يوافق طريقته باللعب وهذا قرار فني من المدرب
ثالثا ولد بلدنا اهم مليون مره من الأجنبي أجل يلغون العالم نظام الاحتراف ويدورون عيال بلدهم والفلوس كل منسوبي النادي ياخذون فلوس والمدرب الأجنبي موجود بجميع أندية ومنتخبات العالم (احس ان الموضوع هنا ليس له دخل بالهلال)
رابعا احساسك(المظلومية وفكر المؤامره) أن الموضوع علشان سامي جابه أجل ليه يلعب (كريري والسالم وكواك وديقاو) وليه المفرج باقي ولا احساسك يفصل بمزاجك وما يوافق هواك
لو الإدارة ضد ناصر وش المشكلة ما تبيع عقده او تنهيه او لا تجدد له كما حصل مع اسامه والفريدي او تبعده عن الفريق وتحوله الأولمبي مثل ما حصل مع القرني والعابد
اخيرا دونيس معه أفضل اللاعبين إذن هو من اختار استمرارهم معه فهو مدرب جيد والا تم اعارتهم أو خلافه كما فعل مع البيشي والحمد والفضل والشامخ والعليوي والمسلم والحافظ والدعيع (الذي ربما ابعده المدرب لأن سامي صعده واشركه)
اطرح مثل هذا لأنك تكتب ما تراه فطبيعي تسمع ما يرى الآخرون أما إذا كان الموضوع دوافعه غير معلنه فهذا موضوع اخر

ناصر يعاني من ضغوط نفسية والوقت هذا وقت احتراف
يعني انسى كل شي في الملعب والمدرب اجنبي لا يقدر هذه الأمور
وانا معه ناصر زودها حبتين .. مش عاجبك الوضع مع السلامة
الله يحفظ الهلال

إقتباس الرسالة الأصلية كتبت بواسطة مين غيرك زعيم فعلا الباب يسع جمل لكن المهم لاتصيح اذا ناصر اشترى ماتبقى من عقده واشركه جروس اساسي امامك الموسم القادم تقول ان الهلال لايقف على أحد ماختلفنا لكن انت الان امام أمر واقع وهو شح في المواهب في الكرة السعودية حتى منتخبك ماهو محصل مهاجم وانتم جالسين تتشرطوا ماشاء الله عليكم وكأن البديل واقف على باب النادي وينتظر اشارتكم ماقلنا ان ناصر يشوف نفسه على الفريق ناصر اكثر من مرة ذكر أنه جاهز لخدمة الفريق ومستعد لتقريب وجهات النظر مع المدرب لكن ابعاده بهذه الطريقة وعدم احتواه مشكلته تضع الف علامة استفهام خلف الأسباب الحقيقية التي تحتفظ الادارة بها ولاتريد ايضاحها مرة اسباب انضباطية ومرة فنية ووووو الخ........ احترموا عقولنا

ناصر كان في الشباب ولعب قدامك 20 مرة .. ولا قدم ولا اخر

إقتباس الرسالة الأصلية كتبت بواسطة Tough.Enough ناصر كان في الشباب ولعب قدامك 20 مرة .. ولا قدم ولا اخر

خلاص بيعوه وجددوا للسالم 20 سنة

كل واحد يقول اللي يبي
لكن مقولةان ناصر غيرمنضبط هذا اتهام لا يليق فقد سمعت نائب الرئيس النمر في اكشن يادوري متين في يومين ان ناصر منضبط تماما
فاللي يقول ان ناصر غير منضبط يعني ان نائب الرئيس يكذب حشاه ان يكذب وهو رجول خلوق ومحتر م وش يحده على الكذب
كون الواحد لا يعجبه لاعب لا يحق له اتهامه

واحد من اعضاء المنتدى كتب عدة مراة يتهم ناصر بكلام طويل
واحد الاعضاء قام بانتقاد لاعب ثاني نقد فني فرد عليه الاول بالطلب منه ان يشجع الفريق ويترك نقد اللاعبين فانطبق عليه قول الشاعر
لا تنهى عن خلق وتأتي مثله .......عار عليك اذا فعلت عظيم

إقتباس الرسالة الأصلية كتبت بواسطة أزرق 1 واحد من اعضاء المنتدى كتب عدة مراة يتهم ناصر بكلام طويل واحد الاعضاء قام بانتقاد لاعب ثاني نقد فني فرد عليه الاول بالطلب منه ان يشجع الفريق ويترك نقد اللاعبين فانطبق عليه قول الشاعر لا تنهى عن خلق وتأتي مثله .......عار عليك اذا فعلت عظيم

ياخوي هي حرب ممنهجة على ناصر اشعلها الإعلام الأصفر و المريسيل بتويتر وبعض الجماهير أصبح يحركهم المريسيل كيفما اتفق

ناصر فاشل 12 مباراه متوقف بدايه الموسم لا ويبغى يلعب اساسي ابعدو ناصر حتى لايخرب الاعبين هذا ماوراه الا المشاكل مع ريجي ومع دونيس واي مدرب ياتي سيفتعل المشاكل معه اذا مايلعبه انتبهو من دلال الاعبين المتغطرسين ناصر لن يخدم الهلال اكثر من الشلهوب وياسر ومع هذا هم في الاحتياط واخلاقهم ممتازه

اهم شيء عند دونيس انه ما يجرح عزة نفسه
حتى لو يلعب بدون مهاجم نهائيا

روني بالأمس وهو النجم الكبير والخبير غضب غضباً شديداً عندما
قام لويس فان غال بإستبداله ..
ما هي ردة فعل لويس فان غال وهو المعروف بالصرامة ..؟؟
لقد قال للصحفيين بعد نهاية المباراة ( روني لاعب كبير و غضبه عند الإستبدال
ينم عن حبه وعشقه وحماسه ورغبته لخدمة فريقه ،، هو لاعب كبير وردة فعله
غير مستغربه ) بل إنه إمتدحه على ذلك ..!
موقفان متشابهان من اللاعبين .. وقمة التناقض في ردة فعل كل مدرب ..
علماً بأن الهلال لا يقارن بالمانيو .. و دونيس نكرة في عالم التدريب إذا ما قورن
بالعالمي فان غال ..

صورة مع التحية لمن يهاجم الزلزال ..

..