|
نجوميّه لاتنفع بلا إحترام. لو كنت مدرب ولديك نجم كبير خصوصاً في خانة الهجوم .. وهذا النجم لنفترض (كما يقولون) أنه غير منضبط ولايحترمك هل ستصبر على مايبدر منه ولن تعاقبه كل حين ؟ وهل ستشركه في المباريات على حساب المنضبطين ؟ هل ستقول هذا نجم ودفعت فيه الملايين سأشركه وأتغاضى عمّا يبدر منه.. فمهاراته وتسجيله للأهداف ستنسيني سلوكه وعدم إحترامه؟! فالنتائج الجيدة وإرضاء الجمهور أولى من قوة شخصيتي وفرض الإنضباط والإحترام.. وهل سيؤثر ذلك على غيره من اللاعبين النجوم أمثاله ؟ وإن سادت بينهم ثقافة (أسوي اللي أبغيه ماراح يحاسبوني) كيف ستسيطر عليهم؟ ولو كنت رئيس النادي هل ستتدخل في قرارات المدرب ؟ أم ستتركه يدير ما أوكل له وتقوم بدورك أنت؟ أسئله كثيره لابد أن نجاوب أنفسنا عليها قبل الهجوم على دونيس والأمير نواف بن سعد في مايخص النجم ناصر الشمراني, وإن صحّ مايقال عنه فيجب أن نقول له قف ياناصر, ولابد عليك أن تحترم قرارات المدرب ولك في النجم الأول للهلال ياسر القحطاني خير مثال عن رضاه لملازمته للدكه وإن لم يكن في داخله شديد الرضى لكنه إحترم القرار ولم نرى منه كجمهور سوى الروح وبث الحماس ومؤازرة زملائه اللاعبين! قبل الختام فشخصية دونيس تمثلني وإن كان لي تحفظ على بعض تغييراته وقرائة الخصم في المباريات.. ختاماً ندعوا الله بالتوفيق لمعشوقنا الزعيم بحسم لقب الدوري والظفر بكأس الملك. |
يخصم من الراتب ولا ياخذ مكافئة الفوز؟ تضمن يلعب بروح الهلال وقتها؟ لاعب حواري فكره = لعبوني ولا بخرب مكانه خارج النادي بهذا الفكر ولا حسافه عليه. |
فقط نريد توضيح من المدرب ماذا يقصد بإبعاد ناصر فنيا. سؤال دائما يتهرب منه الجميع مع اني اتمني ان تحصل لناصر فقط فرصة حتى يخرص الجميع او العكس |
ياجماعه اتمنى اللي عنده علم اكيد بإبعاد ناصر الشمراني يوضح لنا هل هو خلاف مع مدرب فقط ؟؟؟؟؟؟ولماذا تحياتي شكرا على الطرح |
المقصود بابعاده فنيا ان مستواه الفني اقل من الميدا والسالم وياسر القحطاني والحقيقه لو نرجع لمباريات ناصر الي لعبها بشكل اساسي او بديل نلاحظ هذا الشي وهو عدم قتاليته للكره ويلعب على الواقف لايساند الفريق في حالة الدفاع واذا استلم الكوره خارج المنطقه تفقد منه بسهوله واستهتار وفوق هذا ايضا تصرفات مالها داعي ادت لايقافه كذا مره في اوقات حسم وكذلك شحنه للفريق بالعبارات الي مالها داعي والي يقول ناصر حسم بطولة ولي العهد لو نظرنا للاهداف الي سجلها ناصر هذا الموسم كامله راح تلاحظ انها اهداف جاته على طبق من ذهب واي لاعب عادي راح يسجلها وقارن اهداف ناصر وقتاليته باول موسم ونصف له وراح تشوف الفرق كيف كان يلعب بروح وحماس وفعاليه وكان له اهداف كثيره يكسبها من خارج المنطقه اما بالتسجيل واتاحه الفرص للتسجيل او صناعه الاهداف لزملائه للاسف ناصر هو من يعادي نفسه لانه لايعترف ان مستواه الحالي اقل بكثير من زملائه فرغم ان الميدا ليس بذاك المستوى العالي ولكنه ع الاقل يقاتل يحافظ ع كورته ويصنع الفرص ويتحرك وكذلك السالم الي كان بالدكه لسنوات طويله ولكن يلعب بروح وقتالية اول خطوه اذا ناصر حب يرجع يلعب اساسي لازم يصارح نفسه ويقتنع بان مستواه الحالي سيء وان لديه اكثر من هذا المستوى ليقدمه والخطوه الثانيه يسعى لتصحيح نفسه بان يركز بالتمارين ويستعيد لياقته وينقص وزنه الزائد ويتمرن بجديه وقتاليه والخطوه الثالثه ان يحترم مدرب الفريق وادارته والجماهير بعدم التمرد والاساءه للفريق ولزملائّ بهذه التصرفات لان الفريق لم يقف يتوقف يوما على لاعب او مدرب هناك اساطير كرويه لعبت في هذا النادي ولم نسمع يوما عن لاعب تمرد على مدربه ولو كان سيئا فانه يتقبل قرارات المدرب ويحترمها ويجتهد ليستعيد مستواه ومركزه كاساسي في الفريق |
اوافقك تماماً في ماذكرت اخي الكاتبانا مع المدرب والاداره في فرض الانضباط ع جميع اللاعبين مهما كان اسمه فاسم اللاعب ليس باكبر من اسم الهلال بالنسبه اللي يقول خليه يلعب واخصم عليه من راتبه لاعب يتقاضى تقريبا قريب المليون ريال شهرياً يعني لو خصمت عليه نصف راتبه بتعتقدون واح ياثر اللاعب للاسف لاعب بالفكر هذا راح يفكر ويقول العب بفلوسي واسوي اللي ابيه ولا تحاسبوني دام خصمتو علي اللي خلاه يسوي سواته الاول اكيد راح يسوي هالحركات ... فكونا من سالف ناصر من لم يقدر مهنته وشعار النادي الذي يمثله لا يستحق اللعب بقي لنا مباريات تعد ع الاصباع اليد فلا بد من توحيد كلمتنا ودعم فريقنا في ماتبقى يارب توفيقك للزعيم |
عطوني دليل وااحد ان المدرب يهمه الانضباط واللعب وقبل هالدليل عطوني احصائيات الميدا فترات الميدا كان سيئ واضاع ضربات جزاء لنا وحظي بدعم كبير من المدرب المدرب يجااااامل ويعادي ويحارب وانتم تقوولون انضباط لااتوقع بقاء دونيس الموسم القادم |
بالنسبه للي يقولون إخصموا من راتبه ويلعب ما أوافقهم يعني لو طلعلي كل شوي لاعب ماهو إنضباطي ولايحترم لا مدرب ولاغيره أستلمه خصميات طول السنه ويلعب!! وين الإداره وين مدير الكره وين المدرب وقبل كل شي لازم من الإنضباط ومن ناحية إستبعاده والسبب, أعتقد إنه إنضباطي لان أي مدرب يكون عنده مثل ناصر ماراح يخليه حبيس الدكه وناصر نعرفه نجم كبير إن لم يسجل فهو إرباك وتشتيت للمدافعين والله إني أحبه في الله ناصر ولاعب يعجبني لكن لو يترك حركات المبزره وإنتم فاكرينه مع مدرب الشباب يوم سجل هدف وجا يحتفل مثل اللي يقول شفت كيف انا!! إلعب ياعمي وإنضبط وإحترم أي قرار يصدر من النادي ولاتنجرف برا الملعب وخل عنك إستفزاز الأنديه الأخرى مثل سالفة جده كذا وغيرها.. تراك تلعب لنادي كبير في آسيا :alzaeem: ياخي الشلهوب زميلك تعلم منه وإقتدي به! :ba: |
كان نجما كبيرا ولكنه من طينة من سبقوه خالد عزيز وشلته نفسيته شينه حتى مع زملاءه فلا يحترمهم ,, فكيف سيحترمونه وهو يتعالى عليهم أبعاده أفضل من عودته بهذا الإسلوب لماذا لا يحل مكانه أحد أبطال الأولمبي مثلا علما أن دكة الإحتياطي ليست عيبا فلاعبين على مستوى عالمي جلسوا في دكة الإحتياط اللاعب الجيد هو من يفرض نفسه بالإنضباط خارج الملعب قبل داخل الملعب فمن لا يملك ضبط نفسه خارج الملعب ,,, فلن ينضبط داخل الملعب |
في عالم نجوم كرة القدم هناك حالات مماثلة لناصرالشمراني فهوليس أول ولاآخرلاعب يعترض على تغييره من المدرب أوجلوسه إحتياطيا فلماذا نرى بعين واحدة وننتقد ناصردون سواه مع أن مصلحة الفريق أهم من كل شيء اللاعب يوسف الثنيان لاعب إستثنائي ومهاري لايختلف عليه إثنان إلاأنه كان في مسيرته الرياضية كثيرالمشاكل سواء قي الهلال وهذا مايهمنا اوفي المنتخب ولكن إدارات الهلال الحكيمة والنموذجية إستطاعت إحتواء يوسف والإستفادة من نجوميته وكان هذا في المواسم الأولى ليوسف الثنيان وبعد أن لمعت نجوميته فقد فعلت إدارات الهلال كل مافي وسعها لتقبل مشاكل يوسف وتجاوزها وحل الخلاف مع المدرب وطبعا أثمرهذا الإحتواء في نجومية مطلقة ليوسف تمتع بها وأمتع داخل المستطيل الأخضر وجاءت نتائج صبروحكمة إدارات الهلال في المواسم الأخيرة ليوسف الذي كان قدوة للجيمع ولكن في إدارة الهلال الحالية هناك وقفة نفس تجاه ناصرأولنقل عدم حماس وإهتمام بموضوعه وربما والله أعلم لكون من أتى به للهلال هوسامي الجابروالذي لايجد قبولا من الإدارة الحالية |
فكر وعقلية الحواري ليس لها مكان بنادينا وانا أؤيد مايقوم به المدرب مهما كلّف الامر |
إقتباس:
وتبغى تعرف الاسباب روح اقرا اخبار الهلال ليوم الجمعه تلاقي السبب ولا تدري شوف صوره الخبر http://uploads.tapatalk-cdn.com/2016...b6171b2b1e.jpg اول مره اشوف لاعب وينتمي للهلال والمدرب يقوله العب وهو يرفض... روحوا يا جمهور الاعب الواحد وترجوه يلعب بالنسبه لي لا اسم فوق الهلال والكيان ما يبغى يلعب؟ ياليت يطردوه اذا في وقت نحتاج خدماته وهو يسوي فيها نذاله ويساوم عالهلال |
إقتباس:
لو كنت مدرب ولدي نجم كبير في خانة الهجوم وركنته على الرف طول الموسم فأنا لا استحق ان اكون مدرب ولا سباك حتى |
من كثر مواضيع ناصر احس ان المقصود مارادونا يارجل حاليا مافيه لاعب بالمملكه كاملة يمكن ان يؤثر غيابه وحتى الأجانب يمكن السومه فقط من يفرق علشان كذا فكونا من مواضيع لا تقدم ولا تؤخر فقط أساليب لزعزعة الفريق يرددها اخصام الهلال وتتلقفها بعض الجماهير إذا كان هناك مصلحه للهلال من لعب ناصر سيلعب وان كان غير ذلك فالادارة والمدرب أقرب واحرص |
الحق يقال الخانه اولى بها الميدا رغم سلبياته =============== |
| الوقت المعتمد في المنتدى بتوقيت جرينتش +3.
الوقت الان » 04:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd