|
دونيس شماعة لمن لا شماعة له بسم الله الرحمن الرحيم http://www.super.ae/wp-content/uploa...14-470x225.jpg للاسف كثير من الجماهير الهلالية (مع الخيل ياشقرا) فعندما يفوز ناديها بمستوى رائع يطلع لك كم أعلامي من اعلاميين الاستراحات يقوولون اخيرا دونيس سمع كلامنا!! واذا انهزم طالبو باقالته!! كُتبت مقالات كثيرة عن أرقام دونيس ومع ذالك مازال هؤلاء يوم ينتقدون ويوم يطبلون وكان القضية مرتبطه بالحالة المزاجية او المصلحية ولكن ما يحز بالخاطر هو (دربات) كثير ممن لا يفهمون في كورة القدم الا اسم الهلال فعلى سبيل المثال مباراة الشباب قد تلخص حال هؤلاء .. بدأ الهلال مهاجما ومنضماً وحاصر الشباب حصاراً متقناً ولكن وكالعادة اللاعبين يفشلون في اللمسة الأخيرة .. كلنا رأينا عزوز وكيف بدا يعود لمستواه وهذه تحسب لاصرار دونيس مع العالم ان الجميع كان ضده وهذا دليل ان اغلب الجماهير إما أنها لا تفهم كورة او انها عاطفية لحد كبير , استطاع الشباب ان يسجل هدفا عاديا يتحمل جزأ منه شراحيلي عموما هدف واحد مقبول من نادي كالشباب ومع ذالك نرى كيف ثار كتاب الاستراحات (وتدربى) خلفهم بعض الجماهير العاطفيه والحمقاء .. لماذا اقول حمقاء لان دونيس لا يملك أدوات كافيه ومع ذالك نرى الهلال يبدع في ضل نقص يكاد ان يكون مستمر .. أخيرا لا يوجد مدرب بلا عيوب او بلا أخطاء فمن لا يعمل لا يخطئ, أتمني التوقيع من دونيس لمدة اربع سنوات فهو ضالت الزعيم وان يتفهم جماهير الهلال الوضع المادي للهلال وان يكونوا داعمين بالنقد الإجابي للإدارة والمدرب واللاعبين بعيدا عن التشنج والمطالبة بإقالة المدرب او إلغاء عقد الفرج وسالم والعابد هههههه بعض الجماهير لو تمكن من القرار في الهلال كان الهلال الان زي النصر بالتوفيق |
هههههههههههههههههههههههههههه طيب ضاع الدوري إيش نعمل نعضعض في أصابعنا وناكل أظافرنا ونقول لابارك الله في هالجمهور الغبي إلى مايعرف كورة !!!!!!!!!! |
العضعضه قد تغني عن اكل الاضافر .. ما قصدته ان المشكلة ليست مدرب بل لاعبين ومراكز .. الدوري مابعد ضاع وان شاءالله الدوري هلالي |
إقتباس:
الله يسمع منك أخي عثمان ويتحقق حلم كل هلالي بالدوري هاذي السنة |
انت من جدك مدرب أضاع اسيا قدام الأهلي الاماراتي وسلم لهم المباره وفي الدوري أيضاً اخر ثلث ساعه يسلم المباره للفريق الثاني الفوز الي حققه الهلال بمجهودات الأعبين وابرزهم ادوارد |
العضعضه ماكانت بتحصل لو قدر الله ، وحس جمهور الرياض النايم ، وحضر ، لكن يحضر لك الفين مشجع من ضمنهم جمور الشباب، وجاي تتمسخر بردودك ، في ملعب يتسع لسبعين الف متفرج ، عندما لا تقوم بدورك وتحضر ، لا يحق لك الانتقاد، انا مع استمرار دونيس ، ومع الوقت سينسجم اكثر مع الفريق ، وسترون باذن الله وجوه صاعده بدايه من المعسكر الصيفي ، وسترون مايسركم بحول الله وقوته ، . |
كلنا نعلم منذ عام والهلال يحتاج لمحور + صانع لعب + مهاجم حقيقي يخلص من ارباع الفرص فوق هذا لم نرى الهلال يوماً مكتملاً بالعناصر الموجودة اصلاً كل فترة ايقافات واصابات ابعدت البعض الشلهوب + جحفلي + ادواردو + ديقاو + نواف العابد + سالم الدوسري وغيرهم اصيبوا وغابوا مباريات كثيرة اذكر ان الهلال لعب اكثر من مباراة وهو ناقص خمسة لاعبين اساسيين بعبارة نصف الفريق ومع هذا لم نرى تغيراً كبيراً في الهلال بل كأنه لم ينقص نفس الرتم والاستحواذ والضغط على الخصم الهلال يقدم كرة قدم رائعة وهذا بفضل الله أولاً ثم بسبب دونيس نعم يحدث اخطاء وهذه كرة القدم سواء من المدرب او من اللاعبين وأتحدى أن تأتوا لي بمباراة انهزم فيها الهلال او سجل فيه الا ونجد خلفها اخطاء بدائية من بعض اللاعبين دونيس مدرب يستحق ان يقود الهلال لسنوات طويلة وسيخرج لنا فريقاً مرعباً بكل ماتعنيه الكلمة من معنى احضروا له محور سوبر ستار واحضروا له صانع لعب سوبر ستار ومهاجم ثم حاسبوه بعدها لاتحاسبونه وهو يرق في فريق مهلهل وكلكم تعلمون انه مهلهل وان بعض عناصره لايستحقون اللعب فيه بخصوص صبره على عبدالعزيز الدوسري رغم الضغط الجماهيري عليه تدل على انه يمتلك نظرة ثاقبة فلكنا نعرف من هو عزوز وكيف كان مستواه وان كانت الاصابات اعاقت مسيرته الا ان هذا لايعني ان عزوز سيعود لمستواه وهذا ماشاهدناه في المباريات الاخيرة |
إقتباس:
الهلال حقق اخر ثلاث بطولات رسمية في المملكة واحرم كل فرق المملكة منها حقق كأس الملك وكأس السوبر وكأس ولي العهد وينافس على الدوري وسيتأهل من مجموعات اسيا ان شاء الله فريق ينافس على كل البطولات وتنظر لمدرجاته في الرياض وفي معقله لترى الفضيحة !! كأنه فريق درجة ثانية حضور مخجل للغاية ومحبط فالحين بس يحضرون التدريبات ويصيحون حس ياسالم ! الا حسوا انتم ياعديمي الاحساس |
ياليت نشوف مثلك كثير اخوي بالفعل تاكدت ان غالبية جمهور الهلال ينقاد خلق الاعلام الاصفر المرتزق الي همه تدمير الفريق دونيس داهيه كرويه وعقليه تدريبيه عظيمة لكن كيف تعلم البعير لاياكل الشعير وفعلا اذا ابدع وفاز عذرهم جاهز على طول دونيس تخلى عن قناعاته ههههههههههههه واذا لاعبين فريقك ضيعو درزن اهداف قالو لك دونيس سباك سئلت نصراوي صديق لي قلت بذمتك بذمتك يوم تقابل ربك لو عندك مدرب محقق لك خلال سنه ثلاث بطولات وينافس على الدوري وشبه متأهل لدور الثاني في المجموعه الاسيويه بتطالب با اقالته تدري وش قال قال اكون حمار اذا اطالب با اقالته حماااااااااااااااااااااار وبغض النظر عن بين الطموح بين المشجع الهلالي والنصراوي لكن حدث العاقل بما لايعقل فأن صدق فهو حماااار مدرب هاذي ارقامه كيف اتجراء واطالب با اقالته ناس اصبحوا لعبه بيد اعلام المرتزقه عن نفسي راضي عن العمل الي قدمه دونيس حتى لو ماحقق الدوري واطالب بالتجديد معه 10 سنوات مش 4 |
الحمد لله انه يوجد الكثير من الهلاليين العقلاء والذين يزنون الامور بتعقل كالاخ ياسر بن عثمان صاحب الموضوع والاخ مجازف ايضا.. اصبحت قليل الدخول والمداخلات بالمنتدى لما اراه من مواضيع تموج وتهاجم دونيس بكل صغيره وكبيره وكانهم يريدوننا ان نعود لنقطة الصفر والدوران في فلك المدربين العاهات كريجي ودول وكمبورايه وغيرهم.. دونيس حقق3 بطولات خلال 9 اشهر وقبل دونيس بعام ونصف كنا نتمنى اي بطولة...هل تتذكرون ياهلاليين عندما كاد الهلال ان يضيع ويتوه عن منصات البطولات؟ لاشك ان لدونيس اخطاءه...وخصوصا بمباراة الشباب ومن اهمها تغييره الخاطيء لعطيف..ولكن اللاعبين ايضا اضاعونا قبل دونيس باهدارهم لكم كبير من الفرص كالعاده... لا احد يجي ويقولي الهلال معتاد على تضييع الفرص حتى قبل دونيس...اقول له لا... ارجع للهلال مع ريجي مثلا...كان فريقا عقيما تماما...لا تسنح له الا فرصه او فرصتين بالكاد طوال المباراة...مع دونيس مالايقل عن 6 او 7 فرص حقيقيه بكل مباراة! مشكلتنا اننا نخدع انفسنا باعتقادنا اننا نملك افضل اللاعبين بالدوري وهذا غير صحيح!..ورغم ذلك حق بهم دونيس 3 بطولات.. المصيبه ليست هنا...وليست فيمن يكتب بالمنتدى فهم مشجعين وتتحكم بهم عواطفهم.. مصيبتنا في بعض اعلاميي الهلال الذين يهاجمون دونيس وينتظرون الزله في اي لحظه غير عابئين لمدى التاثير السلبي لو تمت ازاحة دونيس... بصراحه لم اعد اتفاءل باي شيء يخص الهلال خصوصا عندما ارى اعلاميين محسوبين على الهلال لاهم لهم سوى مهاجمة دونيس باي شيء ولاجل اي شيء! |
إقتباس:
بعض اعلاميي الهلال لايختلفون عن بعض اعلاميي النصر فالبيئة واحدة وبعض الاعلاميين مجرد ( مرتزقة ) يهاجم بايعاز ويمدح بايعاز حسب مصلحته لايطالب باقالة دونيس الا انسان بين أمرين : 1 : غلبته عاطفته من حبه للهلال ويريد مدرباً اسطورياً لايهزم فريقه وهذه مستحيلة فالبايرن والبرشا وريال مدريد يهزمون واحيانا بنتائج ثقيلة لم نرهم يهرعون ويطردون المدرب ولم نرهم كل سنة بمدرب وكأن المدربين موديلات سيارات لزوم الكشخة كل سنة نجيب مدرب اصدار جديد 2 : انسان له مصلحة بابعاد المدرب للنيل من الهلال او انتصار لرأيه الداج اعيد واكرر اتمنى التجديد لدونيس سنتين على الأقل وتحقيق مطالبه فيما يخص مراكز الفريق وتدعيمها بلاعبين سوبر ستار وتذليل كل الصعوبات وحينها سترون هلالاً يسر الناظرين |
الاخ فري قود كلامك سليم..وبصراحه انصدمت كثيرا...كنت اعتقد ان اعلاميي الهلال اكثر نضجا وثقافه..للاسف وكما قلت انت انهم من بيئه واحدة مع اعلاميي النصر.. بكل امانه استثني كاتب واحد رائع..بكل ماتحمله الروعه من معنى..كاتب تتاكد فعلا ان لامصلحه له الا الكيان...الكاتب الكبير صالح الهويرني والذي اتابع مقالته الشهيره كل جمعه في ملحق الجزيرة الرياضي.. اما البقيه فاغلبهم وكما قلت انت اما مع الخيل ياشقراء او مصالح ذاتيه...وللاسف يسيئون للهلال ولمصلحته.. |
تسلم اخوي ياسر بن عثمان على هذا الكلام وان دل انما يدل على انسان فاهم وواعي وفاهم كورة قدم وعسا ايادي كتبة هذا الموضوع ماتجيها النار والله يرحم اثنين جابوك اللهم اشفي مرضى المسلمين والمسلمات واشف اللهم حبيبي وأميري الوليد بن خالد بن طلال |
والله أفضل موضوع قرأته في خلال هذي الفترة الصعبه بالفعل دونيس جاء على فريق مهلهل فنياً وإدارياً وبفضل الله ثم بفضل هذا الرجل وصلنا الى نصف نهائي آسيا وحققنا بطولة الملك والسوبر واحنا نتذكر بعد استقالة الامير عبدالرحمن وخروج ريجي ماكنا ننتظر من الهلال شي ولكن جاء دونيس وانتشل الفريق واليوم نتكلم وهو قد حصد كأس ولي العهد وماشي صح في آسيا وكأس الملك والدوري ماهو بعيد اليوم نتكلم والهلال فريق متكامل لايعتمد على اسم بعينه نعم له أخطاء ولا أحد ينكر هذا الشي وقد تكون احياناً أخطاء مستفزه ولكن اذا جينا نقيم الرجل فعلينا تقييمه تقييم شامل ليس بناء على مباراةاو بناء على بطولة كما يفعل قصيري النظر عديمي الخبره أتمنى أن يتم التجديد مع دونيس موسمين قادمين تحياتي |
السلام عليكم اخواني الافاضل لو تمعنا قليلا في النجاحات التي تحققت لقريتس عام 2009/10 كان السبب فيها بعد الله وجود الاجنبي المميز وامامهم بالهجوم لاعب بخامة ياسر القحطاني. كان ذلك سببا في تحطيم الارقام وارهاق الخصوم وامتلاك الفريق للمحور القوي والذي خفف العبء عن الدفاع والحارس. اما اليوم فمنلك خط دفاع مميز وحراسه مميزه واجانب مميزين ولكن ما يعاب على الفريق انه لا يوجد المهاجم المخلص ولا لاعب الارتكاز القوي لذا وجد المنتقدون فرصتهم في وضع اللوم على المدرب وكان المدرب لاعب بلايستيشن!!!! السوال الذي يطرح نفسه: هل نجح قيرتس في اي فريق بعد الهلال وهل اخفق دونيس في جلب البطولات؟ من هو المدرب الذي قدم الى الهلال وجعل منه 26 لاعب جاهز؟ من هو المدرب الذي علم الجميع معنى الانضباط وان كان نجما جماهيريا؟ الم يكن شعار دونيس النادي فوق الجميع؟ لماذا نذهب بعواطفنا خلف تيار الاعلام الفارغ؟! من هو المدرب الذي حارب على كل الجبهات وكسب الرهان في 3 بطولا حتى الان؟ الم يطالب الجمهور الاهلاوي باقالة قروس قبل ان يعود الى الصدار واليوم يرونه اسطوره في عالم التدريب؟ فل نحكم العقل ونرتوي بالصبر والا سنخسر رجلا يعمل بصدق فما يدرينا هل نوفق بعده بمدرب مميز او ان نعود في اخفاقات جديده. اسف على الاطاله ودمتم |
من زرع روح الانانيه لدي اللاعبين ؟؟؟؟؟؟ هل الانضابط كل شي ؟ جاب ضابط وانتهينا |
صديقي ياسر انا ضد تغيير اي مدرب إلا في حالات ضيقة لا تنطبق على دونيس حاليا ولكن انا ضد اختراعات تضعف الفريق وتوجد فرصة للناقد والحاقد للنيل من الهلال وللاسف تتكرر مثل هذه الاخطا بشكل يؤكد اما انه لا يتم الرجوع ومشاهدة المباريات ومناقشة الاخطا التي وقع فيها اللاعبين او يتم ذلك وتستمر المشكلة وهنا المشكلة اكبر مثلا / تكليف الشهراني بالظهير الأيمن وهو خمسة مواسم لم يصنع كرة خطرة من الجهة اليمنى ويقدم مستوى رائعا بالجهة اليسرى ويبقى بالاحتياط لاعب في خمسة أشهر صنع سبعة أهداف وسجل ثلاثة (البريك ) أمر محير والمحير أكثر أن ينزل كبديل درويش ليكلف بالظهير الأيمن أربع مباريات ويتسبب بأربعة أهداف وهو لا يلام لأنه يلعب بغير مركزه عدا هدف الخليج لأنه ليس له دخل بالمركز بل ضعف بمستوى اللاعب . تكليف الفرج بالمحور طبعا يتسبب كل ما لعب بهذا المركز بهدف فلم استطع حفظها . محاولة جعل السالم لاعب كرة قدم وبقاء ياسر وعزوز احتياط وهما يجيدون اللعب كمهاجم ثاني افضل مليون مره من السالم . عدم منح عبدالكريم صانع اللعب الوحيد فرصة المشاركة مع الشلهوب ولو تجربته بمباراة . اللعب بلاعبي وسط جميعهم أيسر إصرار على قتل مستوى الفريق واللاعبين . إذا كان الشهراني والزوري مميزان و( مستحي ) المدرب منهم فليلعب بكل واحد مباراة أو كل واحد شوط ولكن بالجهة اليسرى وقد يستفاد من مجهود الشهراني بتكليفه بالمحور على الأقل سيكون أفضل من الفرج . اتوقع ان مثل هذه الأمور يستطيع أي مدير فريق أو رئيس النادي مناقشة المدرب فيها واقناعه فقط بمجرد إعادة المباراة سيكون كافيا لاقتناع اي انسان عادي وليس مدرب بكارثية ما يحصل وعندها لن نحتاج إلى محاولة إقناع البعض بإيجابية بقاء دونيس |
ههههههههه اخوي انت تصف الناس بامور انت اول من وقع فيها ودربيت رأسك تعال احسب معي دونيس خسر من اهلي الأمارات بالإمارات وتعادل بالرياض وطلعنا من آسيا بعقاب غريب لشراحيلي عاقب الجمهور والنادي بأبعاده مباراة واحدة خسر الفريق تأهل اهلي الإمارات للنهائي عاقب شراحيلي قدام الاتحاد اكلها رباعية هههههه فعلا داهية يحب الانضباط الله يجيرنا من انضباطه اللحين لو عندك موظف مبزوط تخصم عليه وتخليه يداوم ويحضر وهو ما يشوف الدرب ولا تقول له لا تجي ريح في بيتكم وراتبك كامل ولا ينقص ريال ههههه. فعلا داهية عاقب فريقه وطلعه من آسيا تعال احسب معي بالدوري على مين فاز فاز على النصر والنصر هالموسم لو اجيب شيبان استراحتنا بدون حارس فازوا عليه وبطولتين قدام النصر حققها اي فريق يسويها. الداهية دونيس خسر من الاتحاد رايح وجاي برباعية آخر عهدنا فيها أيام الدعيع . وانهزم مرتين منذ سبع سنين ما صارت للزعيم بالدوري قدام الاتحاد خسر من الأهلي وخسر من التعاون وتعادل مع الفتح والقادسية والشباب اللي التعاون معطيه رباعية وفي آسيا تعادل مباراتين وفاز بمبارتين على فرق متهالكة الجزيرة أبو نقطة والأوزبكي المتواضع . بطولة كأس ولي العهد قدام الأهلي ضغط عليه الرئيس تخلى عن ثلاثة سناترة شال الفريق ناصر الله يديمه لنا بآخر الشوط الثاني خبصها الداهية ولولا ستر الله كان علوم لكن الوقت لم يسعفهم آخر مباراة دونيس الداهية ملعب الشلهوب محور تمدح عزوز اوكي امشي معك لكن ما شفت كورته اللي بالسطح وحسنته الوحيدة التمريرة لاعب من كم سنة ضايع شباب الأولمبي اولى بالفرصة التي منحت له تمدحه علشان تمريره ههههه وليتنا طلعنا فايزين حبيبي شفت من اللي يدربيها . يعني دونيسك لم يفز على الفرق الكبيرة سوى الشباب الدور الأول والتعاون لو اعتبرناه كبيرا هذا الموسم أما النصر تراه من فرق المؤخرة هالسنة وكل السنين باسثناء موسمي الدفع الرباعي لا وباقي حدود اربع مباريات والله العالم وش تاليتها اخوي الناس تفهم كورة واللي يبي يغصب الناس على قناعته وفكره مثل ما قالوا عنز لو طارت هو اللي يدربيها جته الفرصة خمس او ست مرات لتوسيع الفارق مو قادر بل العكس منح الأهلي دونيسك فارقا قدره ثلاث نقاط . ودربيها يا مدربي |
^^^^^^^خلص برشلونه راح يقيل انريكي تعادل مباراه وخسر مبارتين ع التوالي وقرب المنافسين منه من عشر نقاط الى نقطه ، هذا منطقك الغريب ياخي لمتى متمسكين بـ فكركم العقيم هذا كل المدربين اللي مرو ع الفريق كلهم سباكين قريتس سباك جورج ليكنز مدرب منتخب بلجيكا سباك ماشالله انتو بس الصاحيين العاقلين الفاهمين كوره غيركم مايفهم انا ما ادعي اني فاهم كوره ،، لكن بالمنطق كل هالمدربين كل واحد له اسمه الكبير ف اوروبا يجون هنا ببركاتكم يسيرو سباكين مانتو راضيين تعترفو ان عندكم لاعبين مهلهلين فنياً وانضباطياً وفكرياً بدليل حال الكره السعوديه حالياً من انديه والى للمنتخب كلهم منتهيين كل هالفرق والمنتخب كلهم مدربين سباكين !؟!؟! كل سنه نفس الازعاج اللي تمارسونه سباك وفاشل واداره مفلسه ونفس المطالبات الغريبه عندك بالهلال مثل الشمراني يا العب يا اخرب ، عندك مثل شراحيلي حارس بمباراة نصف نهائي ببطوله اسيا يحضر اخر التمرين لا وبحاله غير طبيعيه وبالتمرين الختامي للمباراه ، وتقول مدرب !؟!؟ اش ترتجي من لاعبين وهو يضيع الفرص يفتح فمه ويضحك وهو باخر عشر دقايق بالمباراه وهو مطالب بالفوز !؟!؟ قسم بالله ورب الكعبه لو جا جوارديولا ولا مورينهو قسم بالله انكم راح تطلعونه سباك لان مخكم مافيه غير السباكه وجمهور الرياض اخ بس اسوء جمهور في تاريخ الزعيم لا حضور ولا دعم واذا حضر سبب ضغط هذا اذا حضر اصلا وهي حالة نادره تحدث كل خمس سنوات مره لا يجي واحد يفقع قلبي يقول وضع الفريق ماياهل انك تروح ، ياخي ماتبي تروح تحضر تدعم طيب سد حلقك واسكت ماحد ضاربك انك تروح بس فك الناس من شرك وهذا الوضع مو هالسنه شوف حضورك الجماهيري اخر خمس سنوات بالرياض شوف كم جبتو لنا الفشيله الاتحاديين بوضعم المزري المتعنت بيحضرون ولا قالو مستوى مخيس محنا حاضرين ، وانتصرو لكلامهم انهم يقولو احنا محتاجين ملعب كبير ونثبت اننا الجمهور الاول بالمملكه وللان اثبتو كلامهم من فتح ملعب الجوهره انهم رقم واحد للان قسم بالله ان الادارات مدلعينكم ، خل الخصخصه تجيكم وتنقلب الامور استثماريه عشان تعرفون معنى الدلع اللي انتو فيه تذاكر مجانيه يترجونكم تحضرو ولا تحضرو جمهور فوز بس حتى والهلال فايز برضو ماتحضرون ويجيو يفقعو قلبك هنا وبتويتر والله اكتب الموضوع وانا مقهور من شيئين الاول جماهير الرياض وثانيهم من اللاعبين |
اخي الحوت الازرق مع التحيه.. اولاً لا تقهر نفسك على جمهور الرياض.. جمهور اغلبهم ما يعرف اسماء اللاعبين.. تبيهم يحضرون..! ثانياً.. جميع من يطالب باقالة المدرب.. ختى و الفريق منتصر يطالبون باقالته.. فالمساله انهم نفسيات.. لا اقل و لا اكثر.. هل راءيت واحد منهم و اخص من يطالب بالاقاله.. وضع موضوع او رد يوضح فيه الاخطاء الفنيه..!! خالد شراحيلي اخطاء خطاء اخوي الصغير ابو 14 سنه علمني و قال المفروض شراحيلي ما يتحرك على الخط بشكل جانبي المفروض يطلع الى الامام.. و يلقطها يعني حارس دولي و تخطي هذا الخطاء البجيح و الرد منه ادهى و امرّ.. يقول ما شفتها كل هدف يقول ماشفته حتى ان المذيع قالها له قبل يقولها .. كلمه حفظها و بكل هدف يرددها زاوية الرؤيا..!! يعني ماهو عارف كيف يتحرك للكوره فيه حارس بالله عليكم يتحرك على جمب بوسط خط السته.. اي كوره عرضيه بالعالم كله ما تروح لها على جمب الا بعد خطوتين او ثلاث للامام و يجيك هالعالم يدربون روسهم المدرب والمدرب نعم فيه اخطاء و فيه امور مشتركه بين المدرب و اللاعبين لكن نحمل المدرب كل الخساير انا ماعندي مشكله يروح دونيس لكن لن نقبل ان نكون حقل تجارب في ظل الشح المادي الحاصل يعني نجيب مدرب ثاني مايدري وش الطبخه عند اللاعب السعودي الفاشل و يالله شيل و جيب و اقعد على هالحال عشر مواسم.. فلا .. لا دعم لخزينة النادي بالحضور و لا دعم معنوي من الجمهور و في ظل هالشح المادي نطالب باقاله.. فهذا جنون.. قبل تطالبون باقالة المدرب.. انتقدوا لاعبينكم الي حرام عليهم اللعب بنادي قاري زي الزعيم. حارس يستعرض بسناب و تويتر و مزعج اهلنا بالزمان زماني و المكان مكاني و بالاخير ما يعرف ياخذ خطوه للامام.. و لاعب زي الفرج يدور على نفسه و حالف انه ينكبنا و ظهير ايسر يلعب له اكثر من عشر سنوات مايعرف متى يسدد و متى يعكس..! و اتعب و انا انتقد لو بامشي عليهم واحد واحد.. و في الاخير جاي تطالب باقالة المدرب .. احضر و ادفع من جيبك قيمة التذكره ثلاث مباريات فقط مابي كل مباراة احضر ثلاث مباريات و تعال ازعجنا هنا بالاقاله لا تتعب حالك اخوي الحوت خلهم يطالبون بيديهم و رجليهم الاداره فاهمه شغلها زين و هي الاحق بالابقاء و الاقاله دامها تدفع من حر مالها.. اذ حضروا الجمهور ذيك الساعه لهم الحق يطالبون.. عموماً اذا لاعبينا رجااال و يقدرون ناديهم و الكيان يدقون الاهلي بجده حتى لو فازوا بمباراة الشباب الدوري لا نستحقه الا بالفوز و دق الخشوم و هذي تبي رجااااال ماتبي مبزره يضحكون قدام الباب دمتم بود.. |
نعم سباك نمرة وستمارة اللي يرجع الشلهوب محور ويطلع عطيف بعدين جمهور الرياض اللي تطقطقون عليه طلع سامي ويوسف ونواف والنعيمة والتيماوي والتخيفي والمصيبيح جمهور راقي نسيت قصيدة امتع ناظري بهلال نجد واللي اسسه من الرياض لو اجيب لكم أي بزر من الرياض علمكم كورة يا جيوردلا انت وياه على فكرة انا من سكان الغربية لكن الحقيقة تقال شف اندية الغربية والشرقية والشمالية والجنوبية حاليا باستثناء الأهلي واسحب سيفون على الباقي . والله ما عرفت الناس كورة ومتعة إلا ببروز اندية الرياض . نسيت اقول لكم ابن سعيد الله يرحمه دعم اغلب اندية المملكة ذاك الوقت خصوصا اندية الغربية وترأس بعضها ابن سعيد من الرياض . |
دونيس ابخص دونيس ابخص دونيس ابخص |
إقتباس:
وهالمبزرة من الي مفروض يدق خشومهم ؟ الجمهور ولا ادارة تقطيع الاظافر مدرب ضيع نقاط سهلة باخطاء مايقع فيها مدرب حواري فمابالك بمدرب درب في الدوري القبرصي ويجي يبربس في الزعيم |
إقتباس:
اللي يبربس بالزعيم وانا أخوك ماهو دونيس اللي يبربس لاعب يمرر 90 تمريرة منها 80 مقطوعة وخاطئة اللي يبربس لاعب مفهي وفاقد التركيز المرمى امامه وهو على خط الستة ويسددها في المدرجات اللي يبربس بالزعيم لاعب يلعب سنوات في الهلال لا ومحترف ولايعرف يعرض عرضية صحيحة اللي يبربس بالزعيم لاعب مستواه كويس ورز خشميه وسوى نفسه ميسي على غفلة اللي يبربس بالزعيم لاعب بارد وعديم احساس تلاقي الاف الجمهور يغلي وهو يضحك في المباراة بكل برود اللي يبربس بالزعيم حارس ضمن ان ( الزمان زمانه والمكان مكانه ) فاصبحت تدخل فيه الاهداف بابسط صورة اللي يبربس بالزعيم لاعب يرى ان الهلال على هيبته وسطوته وتاريخه يراه مجرد فريق حواري ويتعامل مع مدربه ومع ادارته ونظامه بمنطق وفكر لاعبي الحواري لاعبوني والا بخرب ! هؤلاء اللي يبربسون بالزعيم والشمس لاتغطى بغربال كثير من لاعبينا يفتقدون لأساسيات كرة القدم إي والله يفتقدون لها ياعزيزي لانضحك على انفسنا ،، كفاية ترقيع لأشباه اللاعبين الذي هم وليس غيرهم سبب مهم في خسائر الهلال او تراجع مستواه دونيس جاء لفريق ( محبط + منهار نفسياً + لايوجد له دكة اطلاقاً + كثير من لاعبيه لايرتقون لملاعب الحواري ) ، واشهد بالله انه عمل واجتهد والان نرى فريقاً يحتاج للكثير لكنه بات فريقاً يقدم كرة قدم حقيقية ، اصبح كل لاعب فيه جاهز ليكون بديلاً في اي وقت ، لاتلاحظ عليه نقص ابداً بدليل ان كثير من المباريات لعبها دونيس والفريق يفتقد لخمسة لاعبين من الاساسيين ومع هذا جعل البديل كالأساسي نعم هو يخطئ فهو ليس نبي ، هو مدرب مثله مثل غيره يقع في الخطأ كما يقع فيه اللاعب نترك الذين هم في ارضية الملعب وهم من بيدهم كل شيء بعد الله ونعلق المشنقة لرجل اعاد كثيرا من بريق الهلال بعمله وجهده وفكره احدهم غاضب على دونيس ويلهج لسانه بذكر المدرب العظيم سامي الجابر !! احدهم غاضب على دونيس بحجة انه يلعب بطريقة 5/4/1 وفي ليلتها لم يعلم ان دونيس لعب بطريقة 4/4/2 احدهم غاضب على دونيس لان الذين حوله غاضبين عليه لأي سبب يدفعهم احدهم غاضب على دونيس لأنه سمع ان بعض الجماهير غاضبين على دونيس احدهم غاضب على دونيس لأن دونيس لم يخضع لمزاجية ناصر الشمراني وعنجهيته احدهم غاضب على دونيس لأنه لم يشرك شراحيلي امام الاهلي الاماراتي بينما الاخير حضر بعد انتهاء التدريب وفي حالة يرثى لها ! |
إقتباس:
ثانياً اللاعبين .. اللاعبين لما ادوا و استشعروا بمباراة ولي العهد حشروا الاهلي بنص بابهم اما بالتمرين يادي و يحترق و بالمباراة يخذل الجمهور و الاداره و المدرب فهو ليس كفو بلبس الشعار.. لما تشوف فريقك بمباراة جالس يادي و بمباراة يتبسم و يستهبل فالخلل بعيد كل البعد عن المدرب المدرب وصلك للمرمى بكل الطرق و شوط و نص الشوط و انت تلعب على باب واحد و تضيع و تتبسم فالخلل فيك ي اللاعب.. لكن صدقني المطالبات و رفع الاصوات لن تعطيك نتيجه و الجميع يعرف ان المدرب لا يمكن تغييره بهذه الفتره اذاً الدعم هو المطلوب و على فكره سواء فزت مع الشباب ام تعادلت ان لم تهزم الاهلي فلا دوري نستحقه و الدوري يبي جمهور و يبي مسانده و دعم ما يبي تبديلات مدربين و صياح و اصوات تعلو هنا و هناك الدوري مازال بيد الزعيم ان ارادوه و ان لم يريدوه .. فهم بانفسهم لاعبين الزعيم ولا يستحقون ارتداء الشعار اللاعبين تقول عنهم محترفين اذا طبقوا ما يطلبه المدرب بأي خطه و بأي تشكيل اما يلعبون بنفس الخطه و يبدعون مباراة و يستهترون في اخرى فليسوا محترفيزيهم زي الحواري اذا اردنا الانتقاد فلنفند الانتقاد على الكل و سيوضح مكامن الخلل اين الان المطلوب الدعم فقط .. اما الانتقاد فلن يفيد بشيء كلنا نتمنى الزعيم بكامل عنفوانه و عافيته و نتمنى البطولات و افضل العناصر و افضل المدربين و لكن الوقت ليس وقت مطالبات بل وقت الجمهور نقف معهم و لن يخيبونا.. باذن الله |
طيب أخوي .. إنت تكلمت عن إضاعة اللاعبين للفرص .. أليس من أدوار المدرب بل من صميم عملية إيجاد حلول لهذه المشكلة ،،؟؟ أيضاً .. إنت تكلمت عن أخطاء اللاعبين .. والمدرب ماكانت تغييراته خاطئه ،،؟؟ أرجو أن تكون منصفاً وأنت تحكم .. تبقى وجهة نظرك .. وعلينا إحترامها .. حتى وأن لم نتفق معك .. لك كل الود والتقدير والإحترام .. والقادم أجمل وأحسن بحول الله .. .. |
بالنسبه للاخ king99 تقول جمهور الرياض هو اللي طلع جيل سامي ويوسف والنعيمه وووو ع اساس الجمهور هو اللي كان يدرب هذول اللاعبين مافي اداره جابتهم ولا مدربين اشرفو عليهم ؟!؟! وتقول القصيده اللي تقول متع ناظري بهلال نجد اجل وش تبيه يقول متع ناظري بهلال جده ، مافي بالسعوديه غير هلال واحد ونسبه للرياض عشان مقر الرياض مانسبها نسبه لجمهوره اللي بالرياض يابو نمره واستماره انت ^_* وبعدين لو بنمشي ع كلامك انت سويت مثل الفقراويين بالعالميه ساجين امنا فيها واخرتها محلك سر وانت تقول هذولا اللي طلعو هالجيل ، خلص طلعو هالجيل وبس ويجلسون في استراحاتهم مايحضرون مباريات ولا سارو شيبان مايقدرون يروحون للملعب ؟!؟!؟! ياخي شف معدل حضور اهل الرياض في المبارايات اللي تقام بالرياض اخر خمس سنوات لو تجاوز ال 100الف هذه نعمه لكن بلاك ماوصلو لها مباراه مصيريه باسيا حضوره 12 الف مباراه بالدوري مصيريه حضور 5100 طبعا هذا اجمالي الحضور مع الفريق الاخر ، وين دعمكم يابو دعم مباراة الهلال بجده مع الاتحاد حضرها 61 الف في بدايه الدور الثاني ودونيس اخطاء المباراة اللي راحت ماختلف معاك فيها ،طيب ليش ماتكلمت وقلت للاعبين انهم سباكين مع انهم هم اللي ضيعو الفرص ؟!؟؟؟ مع ان تخبيص دونيس جا اخر نص ساعه بالمباراه وينكم عن اللي اخطو ببدايه المباراه ؟!؟!؟ ع فكره ياللي تقول انك من سكان الغربيه ترا المعرف حق حسابك فضحك انك من الرياض يابو نمره واستماره لما تجي تلف وتدور احبكها صح ^_* |
اخوي عبدالعزيز حياك الله وبياك طيب اذا كانت هذي امكانيات لاعبينك ، ولا لاعبينك هم كذا مزاجهم يدورون جماليه الهدف وش تسوي فيهم اذا كل مره تنبه فيها اللاعبين ، دونيس صرح اكثر من مره قال نعاني من ضياع الفرص ونعمل ع حلها وركز على ( نعمل ) يعني جمع ودونيس لوحده مايسوي شي اذا اللاعبين ما تعاونو معاه وكذلك الاداره . يعني الرجل عارف مكمن الخلل وبيجتهد ويعمل وفق الامكانيات اللي عنده اسالك بالله لنكن منصفين اذا هالنقص اللي حاصل عند دونيس حاصل بالمواسم اللي راحت كيف راح يكون وضع الفريق ؟!؟ انا اشوف الهلال مع دونيس مع نقصه احسه مو ناقص غير لاعب واحد ( ادواردو ) اعطاك 26 لاعب جاهز وخلصنا من لاعبين اشباه لاعببين ، هذا مايحسب له اتفق معاك اتفاق كامل مباراة الشباب اخطاء بالتغييرات وتغيير وعطيف قالك انه كان مصاب طيب قبلها طوال الشوط ونص مسلسل ضياع الفرص مين يتحملها دونيس ولا اللاعبين اذا الشلهوب افضل لاعب عندنا يشوت فاولات ماقدر يجيب فاول واحد من بداية الدوري تلوم المدرب ؟!؟!؟ حتى المباراه الاخيره رفعه وحده من الشلهوب صح مافي !!! لكن هذا مايمنع دونيس اخطاء بنقل الشهراني لليسار ووضع دوريش ظهير مفترض يضع دوريش محور ثابت والشهراني يبقى مكانه ويخرج الشلهوب وينزل ياسر صانع لعب مكانه هذا حال اللاعبين الحاليين مع كل المدربين وحرام نلصق التهم ع دونيس الهلال ناقصه محور دفاعي صلب ولاعب طرف من طينه ويلهامسون وصانع لعب ومهاجم لا يرحم ويكتمل عقد فريق يعطيك خمس سنوات اكتساح لكل شيء |
إقتباس:
بالنسبة لتغيير عطيف كان فني وليس للإصابة ،، والدليل تقرير صادر من ( بوبا ) اليوم بأن غرفة العلاج للهلال لأول مرة ( بلا مصابين ) بإعتبار إن إدواردو و ديجاو إنتهت فترة علاجهم وهم الآن في المراحل التأهيلية .. المدرب حاول أن يخفي بصمة ( غبائه ) بعذر الإصابه وهذي ( مابتمرؤ ) ي عزيزي .. إذا بغيت أسباب تدهور الهلال بأختصار ( مدرب غبي .. لاعبين مستهترين ،، إداري مزهريه لا يحل ولا يربط .. و رئيس على الصامت ) .. هل يعقل بأن ناصر بالمدرج .. والسالم أساسي !!!! يا رجل !! والله تبديلات أشم فيها رائحة ( شرط جزائي ) .. يعطيك العافية .. |
ناصر هو اللي جابه لنفسه مشاكله سابقته مع المدربين وخصوصا مع برودوم قبل يجي الهلال لاعب محترف لازم تحترم كل اللي يطلب منك لو اداره الشباب ماهي شايفه انه ماينفع مافرطت فيه حتى لو بالفلوس لاننا دفعنا بحسن معاذ يفوق اللي اندفع بناصر وماعطونا هو رايك واحترمه ياغالي |
إقتباس:
ههههههههخ وابين لك انت ما تدري وش السالفة الهلال منذ ثلاثين عاما ليومك حسب الاحصائيات اكثر فريق يمرر صح |
إقتباس:
ياخي كلام ممتع وجميل ردود وموضوع يفتح النفس فعلا بمثل هؤلاء الهلاليين يرتقي النادي اكثر واكثر صدقوني لم يعد يهمني هل سنحصل على الدوري ام لا الخوف كل الخوف ان ترضخ ادارة بن سعد لضغوط صبيانيه لا تعي ولا تفقه في علم تدريب كرة القدم شي وتقيل مدرب لن يتكرر |
الحمدلله دام هناك جماهير بهذا الوعي فلا خوف على الهلال .. لي عوده باذن الله |
المدرب ما له دخل جدتي الله يرحمها هي السبب اشغلتونا باللاعبين من يختار اللاعبين من يحدد مراكز اللاعبين من اللي يضع الخطة من اللي يغير التكتيك آخر المباراه من اللي يصر على مهاجم لا يعرف طريق المرمى وعنده سفاح في الهجوم من اللي يصر على محور اغلب كراته مقطوعه وعنده مهندس في الوسط من اللي يصر على اشراك الظهير الايسر كظهير ايمن من اللي اخفى افضل ظهير في صناعة الاهداف ليس المدرب انها جدتي الله يرحمها لذلك انا اعتذر |
^^^^^^^ الله برمحها ياارب لكن تحسسني ان دونيس كانت عنده خيارات في اختيار اللاعبين كان عنده ميسي ورونالدو وبيرلو وكارلوس تيفيز ، وتركهم واختار المجموعه الحاليه !!!! اش تسوي دام هذا اللي موجود عندك ، نفس كلامكم من سنوات يعني معقوله كل هالمدربين مايفهمو ؟؟؟؟ مين المسئول عن التمريرات المقطوعه امكانيات لاعبين ولا امكانيات مدرب ؟؟؟ مين مهندس الوسط ذا ؟؟؟؟ سفاح الهجوم اللي تقول عنه ناصر ضيع نفسه بنفسه يا العب يا اخرب لو فيه خير مارماه البلطان للهلال لانه عارف مشاكله. مع المدربين وخصوصاً برودوم ولا تقولي فلوس لان الهلال دفع في حسن معاذ يفوق اللي اندفع بناصر وما اعطاونا هو ليش برايك ؟؟؟؟ اما البريك انتو اللي اخفيتوه لما دونيس يلعب بخطه ثلاث مدافعين كان متواجد دايماً لان البريك دفاعياً مو ذاك الزود لان مع تقدم البريك الثلاث المدافعين اللي بالخلف يشيلون تقدمه لكن مع خطة 4-4-2 يا انك تثبت البريك وتخسره هجومياً يا انك تقدمه وتسبب ثغره بالدفاع ، خصوصا ان الفريق مافيه محور دفاعي قوي يشيل تقدم الاظهره ومره ثانيه الله يرحم جدتك ويسكنها الجنه |
إقتباس:
الله يرحمها ويرحم اموات المسلمين جميعا شوف يا اخي نعم دونيس عنده خيارات وهو المسؤول الاول والاخير حتى ميسي ورونالدو لم يجتمعوا بفريق واحد نعم ما عندنا ميسي حالنا حال اندية كبيرة في العالم وعدم وجود ميسي لا يعطيه الحق انه يبربس علينا من جاب الميدأ و وصى فيه من اللي يفرضه علينا بالغصب حنا نشوفه اقل من ناصر ومن يراه افضل هو حر شخصيا اشوف ناصر والسالم افضل منه بالنسبة للبريك ما نبي كلام مرسل نبي ادلة باخفاقه دفاعيا اخيرا المحور ببساطة شديدة الفرج اقل مستوى من كريري وعطيف في المحور خصوصا اذا لعب وحيدا وشكرا |
الله يعطيكم العافية وبالتوفيق للزعيم الملكي |
دونيس له أخطاء غريبه ومن يتجاهلها فهو لايعرف كرة القدم، اما إقالة مدرب بسبب خطأ أو خسارة فذلك لا يخدم الفريق. نعم بعض اللاعبون مقصرون، ولكن عند تكرار الأخطاء منهم فهنا يجب أن نلوم المدرب. دونيس له عيوب كما له مميزات، ولكن الاصرار على العيب هو بحد ذاته كارثه. فلسفة تغيير المراكز واللعب ب5 مدافعين أمام فرق تلعب بخطه دفاعيه وعدم تنبيه اللاعبين الانانيين او المستهترين وتغييرات في التشكيله واثناء المبارة باختراعات ليس لها هدف، كل هذه العيوب تجعل أي عقلاني ينتقد العمل. وهذا لا يعني أن ننسى مميزات دونيس، ولكن ببساطه ،، لماذا التعقيد وهي سهله ؟! |
من يحارب دونيس هم الفئه الضاله( طواقي الاسترحات والتواصل الاجتماعي )من جمهور الهلال الذي ابهر اسيا كلها والعالم. سبحان الله لا من خيرهم ولا كفايه شرهم شغلهم محاربه الهلال وهم لا يعلمون قالها لهم الزوري " لما تلعب والجمهور يصارخ عليك فتلعب تاديه واجب وتستلم راتب وتمشي" لكن للاسف بل هم اضل واحد فيكم يالي ترفعون الضغط انت مع لعيبتك msn طردنا دونيس طردوا الشيطان من بتجيبون يدرب الهلال نسيتوا معانه الهلال ثلاث سنوات مع مدربين يجيبون المرض سانتوا سامي حسبي الله عليكم ولم تساندوا الهلال وبدون اي بطوله و حاربتوا دونيس وهو جايب لكم ثلاث بطولات والله ما يبيلكم الا العم معيض وبالخيزرانه يمحطها في ظهوركم الى ان تعرفوا ان الله حق . |
طيب ليش ماتساله وتقول عندك لاعبين على مستوى ومدربهم جبان هل يجلس السباك او يرحل بعدين تعال يالي تقول عبدالعزيز الدوسري بدا يرجع لمستواه يعني ننظره دوري كامل من المستوى السيئ وآخر الدوري اذا فقدناه بدا يرجع لمستواه الدكه تصنع رجال |
رد واحد يلجم كل الحاقدين نقول لهم #دونيس_ابخص نتمنى التجديد لدونيس 10 سنوات قدام عنادا لهم يادونيس ... يحلمووون ... الي في غيرك يفكرووون ... يطلعونك من النادي الهلالي ... والله لو يعاندون ... ؟؟ ووش نقول لهم ؟؟ #دونيس_ابخص |
إقتباس:
واخر الموسم نشوف داهيتكم وين يوصل اذا جددت له الادارة احنا ما نفهم كورة واستمرارة لانهم مطفرين وماعندهم قيمة الشرط الجزائي يسبون ويشتمون بالاعبين وكان المدرب برأه من لعبهم اساسيين اذا لعبهم سيئ فيه دكه تعلمهم كيف يلعبون صح او الابعاد مصيرهم السيد فالح ع الشمراني وشراحيلي قال ايه ابعاد فني والله لو مدرب غيره ان الشمراني حتى الدكه ما يجلس عليها وهذا ابعد الاعب نهائيا عن الفريق واذا ع الاعبين الاجانب هواللي اختارهم بدل لايحضر لنا محور وصانع لعب ابقاء على كواك وجلب حبيب قلبه الميدا وفي كل مؤتمر خذلك مدح فيه وكانه مسجل لنا هاترك في كل مباراة بقاء اليوناني اكبر جريمة في حق الهلال ممكن يكون مدرب متميز لكن اللي يسويه عبث هو متقصده عشان الشرط الجزائي |
ودي اعرف، لو حقق الهلال الدوري وكاس الملك وتاهل لنهائي آسيا ايش حيكون كلامكم وقتها؟ جايب 3 بطولات منافس للحصول على بطوله الدوري ولو ارادو اللاعبين بكل جديه في تحقيقها لحققوها بسهوووله متاهل نصف نهائي كأس الملك المركز الثاني في الاسيويه بفارق نقطه عن المتصدر وبدون اي هزيمه ومع ذلك سبحان الله وقت الغنائم قلتوا اللاعبين ووقت هبوط مستوى وظروف تحكم الوضع الهلالي المرافق للمباراه تقولوا السبب من المدرب والله انكم راعيين منتديات وحدكم تلعبوا بالسوني وتحطو الخطط اللي براسكم بس اقول لجمهور المندس واللي يحاول يعمل شوشره على فريق الهلال بهذا الوقت وقت الحصاد اهدافكم معروفه، وحركاتكم حركات اطفال مكشوفه، ولا تغير شي، هذا اسلوبكم وهذه قمه ما يهمكم، وكل هذا نابع من خوفكم من الزعيم، ونابع من خوفكم من المدرب في حال اتمت جاهزيه كل اللاعبين. وكما يقول المثل، على قدر ( الخوف ) يسمع الصراخ الاداراه اذكى من انها تجري خلف اصوات الاطفال واذكى من تلك الاداراه اللي سمعت لاصوات جماهيرها وقاموا بتغير المدرب 3 مرات واصبح مركزهم الثامن واظني انها نفس الاصوات الان تدس السم بالعسل من اجل تحقيق اهدافهم وهي بطوله تفريق صف الهلال. #دونـــــس_ابــــخــــص 👌 |
إقتباس:
روح شوف مديحه في الحيوان ريجي حسسني انه غوارديلا اخر من اسمعه صاحب الكلام العسل والمنمق تدرون انتم من تذكروني فيه بالولد المدلع ابوه يعاني من ضائقه ماليه الا كل العالم والولد الاجرب كل شويه بابا ابي لعبه لعبه يكسرونها فوق راسك يالرخمه طيرتوا دونيس من الي بيموت يوقع مع فريقكم بالعيبتكم المدلعين والمزاجيين لا ندافع عن دونيس لانه من بقيه اهلنا ولكن مدرب جيد تعامل مع كل ضروف الهلال السيئه وجايب ثلاث بطولات!!!!! واحد يفكر قبل ما يفقع كبودنا بكلامه الي يجيب المرض |
بالفعل اخي الكريم ... كيف لا يفهمون و انت كتبت مواضيعك و فهمتنا !!!! و الي ضد فكرك فهو لا يفهم في كره القدم و بالتأكيد انه مع الخيل ياشقرا ... حتى ولو كان كل جمهور الهلال و بصراحة افضل مبارات شاهدتها في حياتي للهلال ... هي مبارات الشباب الماضيه اعجز عن وصفها .... ابداع لا حدود له ... خصوصا ابعاد الشمراني و اشراك السالم و ايضا الظاهره ع الدوسري بدون دونيس الهلال ولا شيء ... ياليت يا ياسر بعد كل مبارات تكتب موضوع تفهمنا وش الي حاصل علشان ما نصير مع الخيل ياشقرا |
أنا قلت قبل كذا لو دونيس حقق الدوري للملكي ممكن نشفع له رغم خربطته .. ويمكن أن نجعله كفيلوسف لكرة القدم لا يشق له غبار بالرغم من إنه حرق أعصابنا حرق ونشّن فينا وجاب لنا الضغط .. ياترى لو حقق الزعيم الدوري .. ماذا يمكن أن نقول في هذا المدعو (دونيس) إللي جاب لنا المرض من تخبيصاته .. |
اخوي ياسر بن عثمان انت متأكد انك هلالي ولا تبي تسوقها علينا يرحم والدين انت واشباهك لاتتعبون حالكم وتكتبون كلام ماله داعي ع اساس انكم بتقنعون الجمهور بأخطاء هذا المدرب الضايع وتحاولون تبررون هفواته و ياحبيبي والله لو انك هلالي صدق كان ماتقول زي هالكلام وانت تشوف وضع الهلال السيء الي مايسر حال الي يعرف الهلال ويحبه ودونيس اقل مايقال عنه انه ضايع وغبي ومفلس عقلياً وفكرينا وفنياً مدرب ماشيه معه بالبركه اذا ماتزبط معه قال انا اتحمل .. ياعمي وين نصرفها كلمة اتحملها .. لي متى نضحك ع بعض رجاءً لاتسلك وتتعذر وتبرر اخطاء هذا الغبي الهلال بدونه افضل حال |
لهذا المدرب أربع حسنات فقط هي عدد مرات الفوز على النصر في أسوأ حالاته وهي شفيعة بقائه حتى اليوم أما البطولات القصيرة فهي مخدر وهي التى تعمي الهلاليين عن معالجة أخطائهم وتقوية عناصرهم الفنيه العام الذي لم نفز فيه بأي بطوله محلية تصدرنا الدورالثاني ولعبنا على نهائي آسيا وأعتبرنا العالم أبطالا غير متوجين |
انا مدري وش قصة بعض الاطفال الي ازعجنا صراخها وعويلها وكان الهلال مركزه التاسع ؟ مدري وش القصة هاذي الاوقات اوقات حسم والمفروض الكل يوقف مع الفريق والمدرب ومع كل من ينتمي للكيان الي قاعد يصير شي عجيب وغريب عمري ماشفته ولا عمري مر علي انقسام وخصام بين الهلاليين زي ماشوف هالايام اشجع الزعيم من ثلاثين سنه ولا بعد شفت زي كذا يا اخي انت تحب الكيان كرمنا بسكوتك لين ينتهي وقت الحصاد مانبي دعمك نبي تكرمنا بس بسكوتك انا مع المدرب ومازلت مع المدرب الا اخر يوم وحتى لو لم يحقق الدوري فالظغط عليه وعلى الاعبين اصبح لايطاق وقد يطير الدوري بسبب عويل ونياح هؤلاء الاطفال الي مايفقهون من علم كرة القدم اي شيء لكن انا في نهاية المطاف مقتنع بما حققه من بطولات ومن مركز في الدوري وبتأهل اصبح شبه اكيد بأذن الله في بطولة اسياء ونفسي ومنى عيني اشوف وجيهكم اذا حقق دونيس الدوري نفسي مع العلم اني اعرف ان اغلبكم اصبح يتمنى سقوط الهلال في الدوري حتى ينتصر لرأيه الابله الغبي كفو السنتكم ما تفعلونه عبث وغباء لاطائل منه |
إقتباس:
إنت جاي تهاوش أو تنصح ؟؟ .. وين العقلانية بحوارك ؟؟ بما إنك تشجع الهلال من ثلاثين سنة مفروض يكون نقاشك فني وواقعي وتحاول تقنع الطرف الآخر برأيك ووجهة نظرك .. يا عزيزي نقاد وكتاب هلاليين لهم باع طويل في الصحافة والإعلام وأفنوا حياتهم للدفاع عن الزعيم وسخروا أقلامهم من أجل خدمة ورفعة الهلال كل هؤلاء تحدثوا عن أخطاء المدرب دونيس سواء في التكتيك أو في التشكيلة والتغييرات أثناء المباراة .. هل هؤلاء كلهم أطفال ؟؟ هل كل هؤلاء يتمنون خسارة الهلال لكي تنتصر آراءهم وقناعاتهم ،،؟؟ ( صالح السليمان .. الروقي .. التويجري و خلف ملفي وغيرهم ) .. كلهم يخالفونك الرأي فهل تنتقص من هلاليتهم أو فهمهم لكرة القدم ..؟ الإختلاف في وجهات النظر شي وارد في كافة المجالات .. ومن ضمنها مجال الرياضة .. فلا تحاول أن تستصغر و تقلل من شأن من يخالفك في الرأي .. إطرح وجهة نظرك وهو يطرح وجهة نظرة .. والمتلقي له عقل ويحكم .. أما السب والشتم والتقليل فهي حيلة من ليس عنده برهان .. أرجو تقبل وجهة نظري .. ولك كل الحب و التقدير والإحترام .. .. |
المدرب مصمم ما يأخذ الدوري الا بدون ناصر الشمراني المشكلة المدرب هذا ذكي جالس يضغط على ناصر الشمراني في الدكة ثلاث اربع مباريات وبعدها يدخله في مباراة وحدة وشيء طبيعي كثرة الجلوس في الدكة تهبط مستوى اللاعب وكأنه يقول المدرب هي شوفو كيف مستوى ناصر طبعا ناصر الشمراني أعطى المدرب درس في نهائي كاس ولي العهد عشان كذا المدرب انقهر وصار يبعد ناصر في اغلب المباريات |
الله يسترررر لايشمع بنا بس |
أشكرك اخوي على موضوعك المفيد وأتمنى من جميع الجماهير ان تحذوا حذوك وتبتعد عن العاطفة فعلا دونيس مدرب مميز برغم الغيابات تشعر ان الهلال كاأداء مكتمل ومباراة الهلال اﻵخيره مع الشباب كانت على باب واحد لكن اللاعبين هم من اضاعوا الفوز والحارس ايضا يتحمل الهدف بنسبة 100 % اذا وش ذنب المدرب |
الي يضع اللوم على المدرب هم اعلامي الاستراحات وجماهير الفصفص المدرب عنده نواقص في المراكز لايوجد لديه محاور دفاعيه ولاصناع لعب ولا مهاجمين يخلصون الفرص ومع هذا عنده اصابات وايقافات من بداية الموسم لم يلعب مباراه بتشكيله اساسيه منذ اول مباراه ومع هذا مازال يرمم في الخطوط ويدور بين المراكز املاً في سد الخانات . كما ان بعض الاعبين مستوياتهم غير ثابته ولايحافظون على لياقتهم وصحتهم بل ان بعضهم يلعب من اجل تكملت العدد شارد الذهن يجتر مشاكله العائليه معه داخل الملعب والبعض يحتاج الى الشحن والتشجيع بعد كل 10 دقائق وبعض الاعبين لايثقون في قدراتهم يترهلون في اخر المباراه وهذا ناتج من الاحساس بالخوف من ضياع النتيجه مماينتجه عنه كروت و اخطاء بلنتيات وفولات مؤثره واهداف في الاوقات الاخيره من المباراه . بعض الجماهير وبعض الاعلامين للاسف سلبين وخطر يهدد استقرار الهلال فهم لايراعون الحاله الماليه التي يمر بها الهلال ولايساعدون المدرب والاعبين على السير الصحيح وكل مايهمهم هو تنفيذ رغباتهم وامنياتهم فقط وكانهم غير مسئولين عن اي شئ |
|
|
^^^^^^^ نبي المقطع بدل ماتعطينا تصاميم |
إقتباس:
يا اخي انقد وانتقد لا تفكر اني قاعد اقول دونيس بلا عيوب او بدون اخطاء لايوجد عمل في الدنيا لايوجد به اخطاء ومن لايعمل هو الذي لايخطيء لكن الي قاعد اشوفه هو سلب المدرب جميع محاسنه والتركيز على مساوءه وغلطاته القليله لماذا ولصالح من هذا السب والشتم في جميع وسائل التواصل الاجتماعي وضغط المدرب والاعبين في هذا المنحنى الصعب في عمر الدوري ياخي حدث العافل بما لايعقل فان صدق فهو مجنون نحن من اربع سنوات والفريق مهزوز ولا يملك شخصية البطل الهلالي المعروف ومع ذلك انتشل هذا المدرب الفريق واحتكر جميع بطولات الموسم وحققها ومازال ينافس وسوف نتأهل بشكل مريح بأذن الله في اسياء وعلى غير العاده ماهي المشكله لا اعرف مالذي لايرضيكم في هذا المدرب ام انك تتوقع انك تملك ميسي ونيمار والمدرب هو سبب جلوسهم على الدكه ؟ مالذي تغير الم يكن هذا دونيس الذي امتدحتوه وامتدحتوا عمله في نهاية الموسم الماضي وطالبتم بتجديد عقده لماذا اصبح بين عشيه وضحاها سباك هناك حسنتين لهذا المدرب لا تسطيعون انتم با انفسكم ان تجحدوها مدرب يملك الكثير والكثير من الحض ويملك صرامه وشخصية تصنع الاعبين وتجعلهم يعطون مايملكون بغض النظر عن اجادته لنواحي الفنيه التي اجزم انكم لاتفقهونها ومازلت اصر ان فكر هذا المدرب على المستوى الفني عالي وعالي جدا ثم تعال اخبرني هل ترى ان مهاجمة المدرب والتشويش عليه والتهديد با اقالته تجدي نفعا في هذا المنحنى الخطير من عمر الدوري وبطولة الكاس ومباريات اسيا الحاسمه اصدقك القول اعترف ان هناك هلاليين كبار ولهم نظرتهم انتقدو دونيس في هذه المرحله لكن اجزم بان من يهاجم ويشتم ويطالب با اقالة المدرب في هذا الوقت اما احمق مغرر به او جاهل لايعرف مصلحة ناديه انتهى |
المدرب بشر قد يخطي ويصيب وقد يضيع الدوري وو و و و لكن هذا ليسى هو السبب الرئيسي فهناك امور ماليه اجبرة الهلال على لاعبين قليل الامكانيات وهناك ترهل من بعض الاعبين وهنا ضغط جماهير واعلامي وهناك حجود من الجماهير التي لاتحضر المباريات واذا حضرة سببت مشكله مع الاعبين ووو .... يجب الوقوف مع الاداره والمدرب والاعبين ونهايت الموسم يوضح خطأ كل من الاطراف الثلاثه بدون تشنج وتعصب للراي هذا اذا فيه جماهير تعشق الهلال اما جماهير جحا ومع الخيل ياشقراء فان الهلال لايحتاجهم ولايحتاج انتقادهم |
| الوقت المعتمد في المنتدى بتوقيت جرينتش +3.
الوقت الان » 11:27 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd