|
بالمنتدى المنتقدون أكثر من الحضور أمس ثقافة الجمهور الهلالي الواعي في خطر كبير جدا أصبح كثير من الجمهور همه الأكبر (ما أبي أحد يطقطق علينا) أكثر من همه هو مصلحة ناديه وبطولاته ومستقبله ثلاث بطولات في موسم واحد والجمهور (قامط) وساكت والكيبورد شغال انتقاد بالمدرب واللاعبين والادارة أجزم لو أنه أي فريق آخر حقق بطولة واحدة من الثلاثة لتغنى بها حتى الآن نكاية بغيره وبثاَ للحماس في روح لاعبيه لكن لا أقول الا (أحسن الله عزانا في جمهورنا الحالي) |
اعتقد انك فاهم النقد غلط يعني لاننا حققنا ثلاث بطولات ولدينا فرصة لتحقيق ثلاث اخرى ونسمح بأخطاء تافهه تفقدنا تلك البطولات عشان تكون مشجع مثقف وفق تشخيصك انت فقط المشجع المثقف والواعي هو من ينقد نقد هادف وبناء في حال الفوز لتدارك الاخطاء ومعالجتها قبل ان تحدث خسارة وكذلك بعد الهزيمة لتصحيح المسار والعودة لطريق الانتصارات بعيد عن الطقطقة والخوف من الجماهير الاخرى كما تزعم فالهلال لولا اخطاء المدرب خاصة ي الدور الثاني لابتعدنا بالصدارة بمالايقل عن فارق عشر نقاط والامر ليس حظ او تفوق للفرق المنافسة بقدراتها وانما بتشكيلة غريبة او تغييرات اغرب من الغريبة لذلك تجد هناك من ينتقد لاننا نختلف عن الاخرين فالعصافير ليست فوق الشجرة وانما في ايدينا فلماذا يصطادها الاخرون وهي في حوزتنا |
المنتقدون اكثر من الحضور ياحبيبي الهلال مو حكر على الرياض جماهير الهلال ليست فالرياض فقط حتى تقول المنتقدون اكثر من الحضور ثلاث الرباع المملكة ويمكن الخليج يشجعون الهلال فلا تلوم من لا يحضر .... |
وليه مايحضر المطبلين لدونيس إذا عاجبهم تدريبه وتخبيصه |
العزوف عن الحضور سببه المستويات الباهته اللي يقدمها الفريق بقيادة الداهية الجماهير واعية وعارفة التخبطات اللي تصير والثلاث البطولات اللي حققها الزعيم نتيجة عزم اللعيبة وهيبة الزعيم وبعدين عشنا وشفنا الهلاليين امثالك اللي يتهجمون على ثقافة اكبر قاعدة جماهيرية اسيويه اسلوب فيصل بن تركي تعال شجع وانت ساكت يوصل الفريق للثامن صدقني زعامة الهلال متمثلة في ثقافة جماهيره |
مرحبا فيكم جميعا أشكركم على تعليقاتكم لكن اختصر حديثي في التالي : 1 : الجمهور يستطيع التأثير لا التغيير 2 : الجمهور هو سر ومفتاح الحماس والبطولات نعم, احضر وساند واترك الأمور الفنية لأهلها, أما أن تحلل وتنتقد نقد حاد وتطالب باقالة المدرب وتقول نقدي هادف!! هذا هو العجب دورتموند كم بطولة حقق في السنوات الأخيرة ؟ ومع ذلك قاعدته الجماهيرة لم تتأثر, لأن الحضور كان عشقا للفريق ..ليس الحضور من اجل حسابات الفوز والخسارة جمهور الإتحاد يضرب به المثل أيضا , آخر خمس سنوات حصيلتهم فضيحة مقارنة بتاريخ ناديهم ومع ذلك جمهوره لا يتوانى عن الحضور لدعم ناديه رغم تغير الظروف والمدربين والرؤساء واللاعبين مقصدي هو : العشق هو من يجبرك على الحضور , لكن البحث عن الفوز هو من يحكم عدد الحضور المتفاوت من مباراة لأخرى شكرا |
عاتب جمهور الرياض لسنا من سكان الرياض ببساطة احيانا نسافر ونحضر لكن صعبة نسافر في كل مباراه والمسافة بعيدة |
ماسالت نفسك ليه الجمهور مايحضر!؟! لعلمك الجمهور اغلبه ياعزيزي مايعرف المنتدى هذا ولايدري باللي يكتب هنا . جمهور الهلال ذواق ويعرف ان دونيس قاعد يعك ولاعاد شافو الهلال اللي يعرفونه الان هلال بلا روح مع دونيس يحضرون يشوفون خشة دونيس والا يشوفون الهلال يتجحفل كالعاده!! |
أجيك من مكة على شان أشوف تخبيص دنيفيس أتعب نفسي على شان مدرب جبااااااااااااان ذبحنا ريجي وقتل أحلامنا لأنه جبان ولعب أمام سدني بمهاجم واحد إلى بداية الشوط الثاني وأشرك القحطاني رحل عنا ريجي وفرحنا كثيرا وجاء دنيفيس وذبحنا مرة أخرى ياعااااااالم متى تفهمون أن الهلال نادي هجومي منذ أن تأسس الهلال لا يعرف يدافع الهلال لا يعرف يدافع الهلال لا يعرف يدافع سامي الجابر على أنه أول مره يدرب في حياته إلا أن الهلال كان هجوميا لا يررررررررحم نفوز بالأربعات والخمسات ناصر الشمراني هداف الدوري 2014 وأفضل لاعب أسيوي 2014 يتم ركنه لأجل ميييييييين لأجل الميت دماغيا يوسف السالم |
لو ان لاعبين الخويا هم من يمثل الهلال كان نقول الله لايعيد ايام المقالب الي شربناهاا |
جمهور الزعيم جمهور واعي ياكبر تهمتك للجمهور مقياسك للوعي مقياس خاطئ جمهور الزعيم واعي وشف نقدهم للسباك دونيس وتخبطاته في مباراة الشباب يعجبك جمهور الاتحاد لان جمهوره ييعشقه حتى وهو ينهزم هذاك الاتحاد جمهور الزعيم غير جمهور الزعيم يعشق الهلال بسبب بطولاته وانتصاراته نعشقه لانه يسعدنا بانتصا راته لواننا نعشق الخسا رة ولايهمنا النتصار كان ما شجعنا الهلال واجد الفرق اللي تجيب الهم والغم جمهور الهلال جمهور واعي والدليل انه لا يمدح من لا يستحق وï»» يطبل للفاشلين والنعم فيك ياجمهور الزعيم |
والله دونيس مدري ايش وضعه اقدر اسميه مدرب ابو شوط احيانا يبدع الفريق في الشوط الاول ويكون ماشي صح وبالشوط الثاني يرجع يدافع ويفرغ الوسط بطريقه عجيبه ويسلم الخصم اللعب ويخلي لاعبينا تحت الضغط لاخر دقيقه وبالاخير تجي على روسنا !!! واحيانا العكس يدخل بخطه عقيمه الشوط الاول ويترك الخصم يمخمخ علينا وفي الشوط الثاني يغير الخطه ويبدع فريقنا بس بعد فوات الاوان نفس ماصار مع الاتحاد !!! زبدة الكلام يادونيس ياابو شوط لو اعرف اكتب يوناني كتبتها لك << الزعيم طول تاريخه ماكان فريق دفاعي الزعيم وسيلته الوحيده للدفاع هي الهجوووووم يسجل ويعزز ويهاجم طول المباراه ويخلي الخطط الدفاعيه للي يقابلونه >> وبالنسبه للي ينتقدون وجه السعد اعتقد عنده خبره كافيه ويعرف يتصرف وجايب لك كل البطولات اللي دخلها ولاتنسى الفئات السنيه بعد يعني مو محتاج يجي واحد من الجمهور يعلمه شغله واحتمال يكون مندس الصمت مطلوب الفتره الحاليه اخر الموسم بيطلع يقول كل شي . # تصدقون وحشتني حركة ناصر لما يسجل ويكلم زمان عنها والله |
ياحبيبي معليش الثلاث بطوووولات كلها ماتسوي شي عند بطولة الدووووري الدووووووري اهم من البطولات الثلاث لا نلعب علي انفسنا الدوووري هو المقياس الحقيقي اذا ماخذت الدوري لاتقولي اخذت بطووووووله |
للاسف اكثر من ينتقد هم جمهور الرياض ، وبالاخير انظر للمدرجات في مباراة الشباب ، فقط الفين مشجع ، في مدينه يوجد بها على الاقل ثلاثة ملايين هلالي، وتجد اكثر من ينتقد فوق انه ما يحضر ، ايضل غير مشترك باي باقه من الباقات الاستثماريه اللي تعود بالدخل للنادي كموبايلي وغيرها، . |
وين الجمهور اللي تتكلم عنهم ؟ اغلب اللي بالمنتدى مدربين محترفين ..!! وفوق انهم مدربين كل طلباتهم أوامر الى درجة اني قرأت احد التعليقات يعاتب الادارة و يقول : ليه نحضر وانتم مطنشين طلباتنا :s2: |
| الوقت المعتمد في المنتدى بتوقيت جرينتش +3.
الوقت الان » 07:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd