نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   عط الخباز خبزه !!! (http://vb.alhilal.com/showthread.php?t=1208612)

مش فاهم 10/04/2016 07:38 AM

عط الخباز خبزه !!!
 
السلام عليكم
اسعد الله صباحكم


مدخل :
أولا وقبل كل شي انتمائي فقط للهلال ليس لأي شخصيه
صحيح نمتدح كل من يخدم هذا الكيان ونقدّم له الدعم الكامل ولكن هذا لا يعني انه أولى من الهلال.



من خلال المتابعة ف تويتر والموقع اصبح الجمهور منقسم
بعد كل مباراه ... ناس تمدح وناس تذم وناس مايعجبها العجب

ما الوم اي مشجع لانه بالنهاية شخص عاشق لهذا الكيان ويتمنى الأفضل له دائما.


لكن من الطبيعي ان الادارة ماراح تعجب الكل ... لان الواقع يقولك ان اللاعب السعودي يلعب فقط موسم واحد ف المستطيل الأخضر لخدمه ناديه وبعد هذاالموسم يبدع شغل الطقطقه واهم شي يحاول يتفنن لاجل يكون له مقطع تسحيب والا كوبري والا مهارة ومايهم فاز الفريق او خسر
( طبعا مو كل اللاعبين لكن للأسف الأغلبية )


نجي لدونيس .... مدرب مره تمدحونه ومره تسبونه ؟؟

اخر كلام !!

يقولون عط الخباز خبزه لو يأكل نصه


دونيس جعل الهلال لا يتأثر باي نقص
دونيس جدد الثقه باغلب اللاعبين
دونيس هو من قال لا التفت للأسماء يهمني م يقدمه اللاعب بالملعب

وش اللي بقى ... ياخي المدرب م بقى الا ينزل ويسجل أهداف ..
شغل التفنن والطقطقه ضيع الهلال
شغل التسحيب وقتل الكور ضيع الهلال


جمهورنا العزيز - خل الاداره تشتغل شغلها
وخل الموسم ينتهي
وبعدها يحق لك اما ان تمدح او تنتقد

شغل التطبيل للاعبين ماينفع
اللاعبين يتحملون كامل المسؤليه ف كل مباراه

نقطة نهاية السطر :
أنا بس ابي الروح والحماس والقتالية اللي بالشلهوب تتوزع ع اللاعبين


دمتم بود .

روحي الوجله 10/04/2016 07:57 AM

يارجل لاترفع ضغطنا اي مدرب مثل هالعجوز السباك ادونسيك هذ فاشل وربي فريق
حواري ماخليه يدربه ابو تدوير الموسم انتهى ومباريات الحسم انتهت وانت تدور
باللاعبين طفش ناصر طفش عطيف كل مباراة يطلعه وكنه لاعب كبير السن
ويبقي على كبار السن مثل الشلهوب وكريري وغيرهم كفايه مثاليه الان وقت
الصراحه جمهور الهلال لن يدس راسه بالرمال

Abu Mish3L 10/04/2016 11:54 AM

كلامك على متمه

لكن استحلفك بالله


وش تستشف من لقطة رئيسنا وهو يقضم اظافر اصابعه؟


وش تستشف من المفرج اللي جالس كل شوي يتلفت للمدرب ويسولف عليه

وكلنا نعرف انه بالمعسكرات هاه ياشباب وش تبون تتععشون وش تبون غدا

هل المفرج ولا رئيس النادي قربوا من وجهات النظر بين المدرب وبين ناصر؟

ولا عاجبهم الوضع ويبون يطفشون ناصر وهو ملتزم بالتمارين وهو اخطر مهاجم عندنا والدليل انه هداف الدوري وهداف اسيا؟


ياخي المدرب جاب لنا العله الميدا وغصب يخليه ينجح ولو على حساب النادي باسم الانضباطيه المزعومه الي ماشفناها لا على نواف العابد ولا على سالم الدوسري الي كلنا نعرف اخلاقياتهم برا النادي كيف

attac 10/04/2016 12:14 PM

ايش رايك نشيل كل لاعبي الهلال ونخلي المدرب

عشان مدربك يعيد لنا هلالنا

ياسر القحطاني وناصر ضحية مدرب مريض بالحقد

اللي ما يفهم كورة مستحيل يضع الفرج محور دفاعي وهو سبب كل الاهداف لكن مدربك ما يفهم

مدربك الا يعلم تغييرات ويبين انه تكتيكي مع ان الفريق مسيطر وماشي كويس

وللاسف شوط المدرب دائما يفشل دونيس

واي شيء يحصل داخل الملعب هو بسبب دونيس

وبفهم ايش يسوي بتمرين الهلال وهو لم يعالج مشاكل اهدار الفرص
واي فرص تتحدث ولعبنا بطيء وان وصلنا للمرمى نصل بعد رجوع الفريق المنافس لمرماه

اللعب السريع فقدناه وكنا نراه مع سامي
اللعب من لمسه

هذا كله تخصص المدرب ولم نشاهدة في هلالنا

عبدالكريم ع ج 10/04/2016 12:18 PM

تعطي الخبرخبازه إذا لم يوجد خبازغيره
كيف جعل دونيس الهلال لايتأثربأي نقص
والعابد مارجع إلاقريب وادواردوا غيب من زمان
ونفس الشيء ديقاو وزد عليهم سالم الدوسري
غيرتغييب اللاعبين بحجة إنضباط وغيره وهم ركائزأساسية
ثم هل حقق الهلال المبتغى وإبتعد بالصدارة بفارق مريح
دونيس لاينظرلما يقدمه اللاعب داخل الملعب بل ينظرلمن يواظب على التمارين فقط
وأكبردليل سلمان الفرج ضامنها أساسي ومعظم تعادلات وخسائرالهلال كرات مقطوعة منه
أما مسألة دونيس ينزل الملعب يسجل نقول لا الله لايعافيه
لكن إستحواذ وتملك ملعب دون جدوى لاينفع في كرة القدم بل الذي ينفع صناعة وتسجيل الأهداف
نعم الهلال يصل لمرمى الخصم ولكنه وصول هش سهل إحتواءه والوقوف أمامه
الإدارة التي تتواجد على كراسي الإحتياط في كل مباراة دون أن تستطيع ولولمرة واحدة مناقشة المدرب؟؟؟
أي بحث عن أسباب ضياع الدوري هوضياع للوقت وتنكرللحقيقة فدونيس فقط هومن أضاع الهلال

لقد ذكرنا وذكرغيرنا من الربع الأول من دوري جميل أن الهلال مع دونيس لايطمئن وقابل للسقوط
ونحن الأن في الربع الأخيرمن الدوري هانحن نرى ويرى الجميع كيف أن دونيس لايزال يتخبط
ولم تكن مفاجأة لنا أن يتعثرالهلال بل كنا متوقعين ذلك وحذرنا منه في هذا المنتدى مرارا وتكرارا
ولم نطالب مثل غيرنا من جماهيرالأندية بإقالة المدرب بل طالبنا بالجلوس معه ومناقشته على أخطاءه
ولكن إدارة الهلال رمت بأصوات وآراء الجماهيرعرض الحائط وتركت دونيس يلت ويعجن
وضياع 18 نقطة على الهلال مؤشرواضح وقوي على ضياع هذا المدرب في دوري جميل

wdrago 10/04/2016 12:26 PM

واضح من معرفك انك مو فاهم وش الطبخة

هلاليه زي القمر 10/04/2016 01:51 PM

لايجي احد ويمدح في المدرب المدرب فاشل مع مرتبة الشرف او بمعنى اكثر هو يتعمد يخبص الفريق

مو معقولة اللي يسويه من بداية الموسم وهو يكرر اخطائه اللي هو ثور يتعلم من التكرار فما بالك بمدرب

قالها بيومي انه ما ينفع يدرب فريق كبير وصدق بكلامه

مين غيرك زعيم 10/04/2016 01:56 PM

مدربك يحارب هداف الفريق ويلعب السالم اللي يسحب رجوله بالملعب وبالنهاية تقول ليش الفرص تضيع؟؟!!


شر البلية مايضحك

مجنون الزعيم(9) 10/04/2016 03:14 PM

الانضباط اللي بيخلي يوسف السالم والميدا اساسي
على حساب الشمراني مانبي الانضباط !
يوسف الثنيان من اللاعبين المعروفين من اول بعقويتهم وعدم الانضباطيه التامه
لكنه يؤدي بالملعب ونجم واسطوره اصبح في الملاعب السعوديه
المدرب الى الان لم يثبت على تشكيله واحده 3 مباريات ورى بعض .؟؟
لايعرف يقرا اي مباره وشاهدنا كم مباره تغييراته تجيب العيد بنفسه

mxo 10/04/2016 03:55 PM

الانضباطية عند مدربنا
مجرد كلام فارغ
لأن الزلزال منضبط
ملتزم بالتمارين والمعسكرات
خلاص ما نبي مهاجم اجنبي وعندنا هداف آسيا
ليش تجيب عاهه وتفرضه بالقوة علينا
يبي يفرض الميدأ بالغصب وهو من جنب القده

ناصر صبر كثير بالدكه
لكن هالمدرب زودها كثير
الموسم انتهى وهداف آسيا مركون
خلوه يولي ويأخذ الميدأ معاه

زعيم القنص 10/04/2016 05:14 PM

للأسف بعض الجماهير "جماهير عاطفية" تتأثر بنتايج المباريات ... وعصبية مرة مرة مرة

أزعجونا كل شوي ناصر وناصر ناصر وناصر ... ناصر جاب لنا البطولة الوحيدة ناصر وناصر

يعني وين نودي يوسف السالم ؟؟ ... وش نسوي في ألميدا !!

ليه النرفزة ؟؟؟ ليه ؟..

ببساطة ... عطو الخباز خبزة ... والحكم على نضوج الخبز نهاية الموسم الله يجزاكم خير مو الحين وقته ... عشان لايحترق الخبز كله !!

ارحموا هذا الضعيف دونيس الي مخلينه مسكين شماعة لأي خطأ يحصل في الفريق ... كل هذا عشانه اختلف مع حبيبكم ناصر

دونيس ماعليك منهم ولا يهمونك استمر بخططك ولا تلعب ناصر ... وراح تحقق الدوري وآسيا من دون ناصر ... الإنضباط انضباط

ثائرالهميجان 10/04/2016 05:53 PM

الإدارة ومدير الفريق هم من سمح لكل ناقد وحاقد أن يجد ما يؤيد وجهة نظره .
لست مؤيد لإقالة اي مدرب ولكن هناك أخطأ إذا دونيس لا يراها أثناء المباراة فبالتاكيد سيراها عند مشاهدة إعادة المباراة وإذا لم يراها فبالتاكيد سيراها مدير الفريق وإذا لم يراها سيراها رئيس النادي وإذا لم يروها جميعا فالله يخلف علينا خير
الإصرار على قتل الفريق والشهراني بتكليفه بالظهير الأيمن وهو خمس مواسم لم يصنع كرة خطرة من جهة اليمين وجلوس الظهير الأيمن الوحيد البريك بالاحتياط وهو الذي صنع في نصف موسم سبعة أهداف وسجل ثلاثة !
إذا كان الزوري والشهراني مميزين بالانضباط فليلعب كل منهما شوط على طول وبمركزهما الذي يجيدانه الظهير الأيسر أو يستفيد من الشهراني بالمحور فهو لاعب مجهود وربما ينجح.
إشراك درويش أربع مباريات كبديل بالظهير الأيمن وتسبب بأربعة أهداف! وش المطلوب أكثر وبالمناسبة لا يلام درويش لأن مركزه الأساسي لاعب أطراف.
إشراك الفرج بالمحور وكريري قلب دفاع وتسببهما بأهداف كثيرة ولازال التجريب مستمر !
السالم ممكن يكون أي شي الا ان يكون لاعب كرة قدم ولدينا ياسر وعزوز يستطيعون اللعب كمهاجم ثاني ولا يشركهم بهذا المركز .
عبدالكريم صانع اللعب الوحيد مع الشلهوب ومع ذلك يبعد نهائيا عن المشاركة عدا مباراة ودية تم اختراع مركز جديد له (الظهير الايمن ).
ليس لدي أدنى مشكلة في فرض النظام والانضباط على الجميع ولكن انت لديك أفضل ظهير أيمن بالدوري البريك ويجلس احتياط وتجرب درويش لاعب الأطراف والشهراني الظهير الأيسر بمركزه!
وإذا فرضا المدرب أخطأ مره او مرتين وين دور الجالس على يمينه وهو طوال المباراة (يسولف) معه ويتفرج.
انا مع من يريد إصلاح الوضع القائم حتى وإن دس السم بالعسل أو حاول شق الصف فأنت من منحه هذا فتحمل نتاج أخطائك

أزرق 1 10/04/2016 07:29 PM

أعط الخباز خبزك لو اكل نصه
بارك الله فيك اخوي مش فاهم هل هذا المثل ينطبق على دونيس المثل يقول اعط الخباز يعني الخباز الفاهم
نبيك تثبت ان دونيس مدرب اكتب لنا سيرته التد ريبية قبل ان يأتي للهلال أذا كان لم يدرب فرق قوية ولم يتحصل على بطولات
فهو مثلك مش فاهم

خلف نت 10/04/2016 08:17 PM

الله يعطيكم العافية وبالتوفيق للزعيم الملكي

DAWADMI 10/04/2016 08:25 PM

إقتباس:

الرسالة الأصلية كتبت بواسطة attac (مشاركة 22160327)
ياسر القحطاني وناصر ضحية مدرب مريض بالحقد

اللي ما يفهم كورة مستحيل يضع الفرج محور دفاعي وهو سبب كل الاهداف لكن مدربك ما يفهم

مدربك الا يعلم تغييرات ويبين انه تكتيكي مع ان الفريق مسيطر وماشي كويس

صح لسانك

والله يعطيك العافية


الوقت المعتمد في المنتدى بتوقيت جرينتش +3.
الوقت الان » 08:37 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd