|
افعلها يا وجه السعد بسم الله الرحمن الرحيم السلام عليكم وجه السعد دونيس خبص وخبص والتدوير اللي يقول طلع تخبيص اذا الموسم على نهايته وباقي يدور متى بيثبت على تشكيله الغ عقده وحاول تجيب الذيب يجيبلك الدوري ان شاء الله بناصر وياسر ويعطي الميدا اجازه. لكن هل بيوافق الذيب بعد ما سوو فيه اعضاء الشرف واقالوه هل بينعدل وضع الزعيم زعيم من الزعماء مر من هنا ... |
صعب الحين التخبيص ،،، بصراحة موب لصالح الهلال خلوا الوضع الان على ماهو علية افضل ،،، بشرط تدخل الادارة في كل صغيرة وكبيرة في تخبطات دونيس ، لان اليوم خرب ام الدنيا في المنطقة الخلفية ، بعد ماكان الفريق أوكي الدوري للاسف كل الدلائل تقول الاهلي ،،، والحمدلله على كل حال |
طيب اذا المدرب يخبص وبيضيع عليك الدوري واسيا وش الفايده من بقائه |
يبقى الوضع على ما هو عليه وعلى المتضرر مراجعة القضاء |
������ المتضرر جمهور الهلال يعني نردد يا ليل ما اطولك |
بيحاسبونه نهاية الموسمهذب مقولة الادرات وفي الاخير نطير الطيور بارزاقها ويقال وبس |
الحمد لله موقفي ثابت في تقيم هالرجل والحمد لله ماني مع الخيل ياشقرا و قد نبهت اكثر من مره ان دونيس ماينفع لكن دام موجودين اصحاب الهتافات وقولهم الداهيه و الماكر و ال ول ول .... ماراح يسلم الهلال الغريب ان الاداره قاعده تدفع فلوس بدون فايده ياخي ادفع لكن استفيد احسن من ان تدفع و تخسر والله حرام تياقو يمشي مع احترامي حتى ادواردو والله الحظ مساعده يارجال الهلال تحت قاعده مسوسه و اللاعبين ماعاد فيهم روح حب الفريق ارجع اقول يا اداره الحل الحين هو البت بشكل سري مع مدرب له ثقله و عدم الغاء عقد دونيس ابدا الا بعد التأهل للدور الثاني من دوري ابطال اسيا لان لو تم الغاءه فالجديد ماراح يقدر يغير شي على الاقل ممكن تتاهل لو ذا موجود بحكم معرفته بالفريق الله المستعان |
صحيح دونيس يتحمل جزء من المباراة لكن الجزء الاكبر احمله اللاعبين |
لاوالله خلنا على دونيس وفكنا من سامي نعم ننتقد دونيس لكن على الاقل مدرب له تاريخ وحقق معنا عدة بطولات ويحتاج فقط مناقشة في بعض قناعاته ونهاية الموسم ياليت يجيبون جهاز فني مميز يقود الهلال اما نضيع موسم جديد علشان نكتشف سامي كمدرب فيكفينا موسم النسيان اللي ماقصروا معه دعموه بالمال والاعلام والوقت فهو الوحيد الذي اخذ فرصته قبل معسكر الصيف واعطي ميزانية مفتوحة في اضعف دوري مر في تاريخ الرياضة السعودية ليصنعوا منه مدرب لكنه فشل وزيادة على الفشل رفض يستقيل لتتم اقالته ويحصل على الشرط الجزائي |
ياليت فعلا يرجع سامي ويستمر للموسم القادم ع الاقل نشوف فريق يقدم مستوى وممتع حتى المرتدات في الهلال كانت ولا اجمل منها هذي احصائيه لثلاث مواسم بالدوري سامي .. لعب 26 فاز 20 تعادل 3 خسر 3 له 60 عليه 24 نقاط 63 ريجي .. لعب 26 فاز 16 تعادل 6 خسر 4 له 46 عليه 17 نقاط 54 دونيس ..لعب 22 فاز 15 تعادل 3 خسر 4 له 44 عليه 17 نقاط 48 دونيس حتى وان فاز بمبارياته القادمه جميعا راح يوصل لنقطه 60 وعليه انه يسجل 16 هدف ليعادل الرقم التهديفي في عهد سامي لغة الارقام تنصف سامي سنة اولى تدريب واللقب معروف كيف راح للنصر حول العشر نقاط كلها غش وتدليس واخرتها الفرق بيننا وبينهم نقطتين وفي الاخير تم ابعاده وتنازل عن الشرط الجزائي للهلال بينما ريجي اخذ قروشه وطار وبيلحقه السيد دونيس يعطيك العافية |
إذا ما لهم في الذيب رجعة ترى هناك الثعلب الأرجنتيني خورخي سامباولي مدرب تشيلي السابق ممكن التفاوض معه للموسم القادم ويتابع الهلال من الآن لنهاية الموسم ليكون مثل جريتس لما تابع الفريق من نصف الموسم لأخره وجهز نفسه ورأينا فريق مرعب !!! |
العجيب انا نتكلم في مصلحة الهلال ويجي من يقول غلط مشكله اذا المدرب بتخبيصه قاعد يضيع نقاط وش الفايده من بقائه الموسم قرب ينتهي ولم يثبت على تشكيله دليل على تخبيصه ما هو تدوير والذيب موجود ما يحتاج تجيب احد يتعرف على اللاعبين لو كان الدفع الرباعي مع النصر مستمر الموسم هذا ما راح ياخذ الدوري الا النصر بعد امر الله |
اشكر كل من شاركني ويا ليت الاداره تتحرك سريعا الهلال حتى وهو يفوز يفوز بشق الانفس وين الهلال المرعب مع الذيب |
اعجب حقيقه من اللي معارض رجعت الذيب والارقام لصالحه مقابل ريجي ودونيس لولا الله ثم الدفع الرباعي كان حقق الدوري ودونيس بدون دفع رباعي مخبص مخبص مخبص |
كنت من المدافعين عن المدرب دونيس حتى اقتنعت في تخبيصه في مباراة امس عندما انزل فيصل درويش ونقل الشهراني في الجهه المقابله بعدها بدقايق جاء الهدف وعن طريق جهة فيصل مدرب غبي :ranting::ranting::ranting: |
| الوقت المعتمد في المنتدى بتوقيت جرينتش +3.
الوقت الان » 07:39 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd