بسم الله الرحمن الرحيم
السلام عليكم

الساعه الان ثنتين طار النوم من عيني من القهر اللي شفته بالمباراة جالس اطالع كل شوي بالمنتدي لعل يجي خبر يبرد لهيب قلبي بطرد ها المدرب اللي رفع ضغطنا
لا والمشكله يقول ناصر الشمراني ابعاده قرار فني طيب والميدا والسالم والدوسري والفرج بقائهم بالملعب وعكهم تعتبره فني
يا دارة الهلال حسو والله اننا نحترق من القهر
وانت ياسمو الامر لك لقطه بالمباراة تقطم ظفورك يعني انك منقهر
اذا وش يردك من طرد المدرب اذا كان تقصد شرط جزائي نحن مستعدين افتح حساب وصدقني خلال ايام يكون المبلغ متوفر

المدرب ذا اللي مب عاجبك جاب ظ£ بطولات ورى بعض

بعدين كل اللي ذكرت احسن بمليون مره من ناصر الشمراني .. الفرج والميدا بالذات فنيا افضل من المشكلجي ناصر .

ترى يرقعون لناصر ويقولون قرار فني والا هو عقب مباره النصر يوم يتغير يعبس ويكشر وشوي يجلد المدرب لاعب حواري وكلها كم شهر ونبيع عقده ونفتك من مشاكله ..

من عائلة
الحال من بعضه
والله اني منغبن مدري هالادارة هي تشوف الي نشوفه وتحس فيه
بس ما اتوقع ان الشرط الجزائي هو العائق
او انهم ينتظرون من هالمدرب شيء يسويه بعد كل هذه الاخفاقات وصمتها طال ؟!!

ما الومك و الله اللي صار اليوم قهرررر و المصيبه مباراة القادسية كل ماتذكرتها زادت الحموضه و التعاون و و و و

تبي تنام خذ هذه المعلومة لعلها تكون مسكن سريع
الهلال اذا فاز على الاهلي ان شاءالله يأي هو البطل بنسبة أكثر من 99 بالمئة

ماالومك بجد مباراه كان بإمكانا الفوز فيها بكل سهوله لو .. لكن لعيبه تقهر وقمة البرود والاستهتار واللامبالاه والمدرب الذكي ..
بس بجد بغض النظر عن كللل هالاشياء .. انا استغرب حماس لعيبة هالشباب واستبسالهم وقتاليتهم معنا .. ومباريات اللي قبل عاادي لعب أي كلام .. اووكي حقهم المشروع
وربي لدرجة حسيت ادارتهم راح تكافيء اللي هدف علينا وحارسهم !!!
وهناك الاتحاد وبروده مع الأهلي اووكي جاتهم فرص بالمباراه بس وربي لعبهم بااارد .. مو عبيطين احنا يعني مانشووف !!
بجد بوقت المباراه حلفت مليوون مره وربي ان الهلال بطل وكبيررر .. اذا أشياء كثيره تحصل ضده ولجان وتعنت والفرق لعبهم معنا غيرررر .. وبنفس الوقت الهلال الأول بكل شي وبطولات تعديهمم وتعديهم !! الحمدلله يااارب
لكن تعادلنا الليله لو كنا مركزين بكل فرصه كان على الأقل ثلاثه منتهيه لنا !!

الحمدلله على كل حال .. خلاص المباراه الآن من الماضي وربي يزين الحال

إقتباس الرسالة الأصلية كتبت بواسطة نـــظرة ثافبة ياما صحنا وتكلمنا انبحت أصواتنا وحنا نقول هذا مدرب مرحلة وانتهت ولم ينتهي أي مدرب كان بيجي بعد السبااااك ريجي كان راح ينجح لأن الوضع أصبح نفسي بعد نهائي آسيا ضيع آسيا قدام الأهلي الإماراتي وضيع الدوري وعناد مع ناصر والسالم مهاجم ماينغزى به كل هذا على حساب الهلال والإنضباط يلعن ابو الإنضباط اللي يخسرنا بطولات مانبيه بإختصار مدرب سبااااااااااااك

مدرب لايعرف كيف يحافظ على تقدم فريقه ويخرج محور ويفرغ الوسط اقل مايقال عنه بانه مدرب سباك لااكثر

إقتباس الرسالة الأصلية كتبت بواسطة خيال هلاليه ماالومك بجد مباراه كان بإمكانا الفوز فيها بكل سهوله لو .. لكن لعيبه تقهر وقمة البرود والاستهتار واللامبالاه والمدرب الذكي .. بس بجد بغض النظر عن كللل هالاشياء .. انا استغرب حماس لعيبة هالشباب واستبسالهم وقتاليتهم معنا .. ومباريات اللي قبل عاادي لعب أي كلام .. اووكي حقهم المشروع وربي لدرجة حسيت ادارتهم راح تكافيء اللي هدف علينا وحارسهم !!! وهناك الاتحاد وبروده مع الأهلي اووكي جاتهم فرص بالمباراه بس وربي لعبهم بااارد .. مو عبيطين احنا يعني مانشووف !! بجد بوقت المباراه حلفت مليوون مره وربي ان الهلال بطل وكبيررر .. اذا أشياء كثيره تحصل ضده ولجان وتعنت والفرق لعبهم معنا غيرررر .. وبنفس الوقت الهلال الأول بكل شي وبطولات تعديهمم وتعديهم !! الحمدلله يااارب لكن تعادلنا الليله لو كنا مركزين بكل فرصه كان على الأقل ثلاثه منتهيه لنا !! الحمدلله على كل حال .. خلاص المباراه الآن من الماضي وربي يزين الحال

لاتستغربين ولاشي اختي كل الانديه بالنسبه لها الفوز اوالتعادل مع الهلال بحد ذاته بطوله والدليل فرحة العويس الهستيريه اثناء تسجيل هدف التعادل
لكن العتب كل العتب من يمثلون الهلال وهم مجرد مزهريات وكلن يبي هدف لنفسه ولايهمه الكيان

الكل انقهر ولكن لو فكرنا فيها ممكن خيره للهلال لانه بالبدايه لم يتغير الوضع كثير الهلال بكل الحالات فوزه عالاهلي ضروري وبكل الحالات هزيمه الهلال من الاهلي تمنح الاهلي الدوري بغض النظر فاز الهلال او تعادل مع الشباب فوزك عالاهلي سيقرب البطوله وهزيمتك تهديها للاهلي الخيره بانه الفريق انقرص والتعويض لازال موجود وعلنقيض الاهلاويه قد يتخدرون او يشعرون بالافضليه وقرب الدوري لهم مما قد يسبب فتور نوع ماء فالدافعيه للهلال قد تكون اقووى من الاهلي الذي قد يدحل باريحيه نوعا ما ويلعب على التعادل

هاردلك للزعيم ... الجايات افضضل

بصراحه الاهلي افضل وهو الاحق بالدوري

للامانه

ياخي افهوا اقاله مافي اللين يطير الدوري واسيا بعدين يرضوا الجمهور باقالته بعد ايه يامعلم ؟

اذا اداره الهلال عاجه عن محاسبه ومناقشه المدرب حول الوضع المزري وخسارة الهلال الا 18 نقطه امام الاتحاد رايح جاي امام الاهلي التعاون القادسية والشباب .... والقائمة تطول

الهلال اذا بياخذ الدوري مايخسر هالنقاط الا لضعف الاهلي لو الاهلي بقوتة وتركيزة كان حسم الدوري من زمان مع السباك دونيس

انبحت اصواتنا من هالمدرب الا ان ادارة الهلال لديه قناعه باستمرارة وان تفوق من السبات الا بعد مالهلال يخسر كل شي

والقادم اسوا مع هالمدرب الا اذا تم مناقشته وارجاع ناصر للمشاركة وتعديل قناعاته وتخبطاته

الاهلي خسر من نجران وقامت الدنيا وقعدت ورجع كيال وتم مناقشه المدرب وتغيير قناعاته بالتشكيل والانضباط والاهلي بعدها فرق ؟

انتم الا اين ذاهبون ياادارة الهلال ياالمفرج هو انت موجود ؟؟

المنتدى انقسم ثلاثة اقسام

جمهور هلالي : وهوالجمهور العقلاني والمنطقي الذي لايكره احد ولايحب يجامل احد
جمهور حواري: وهو الجمهور الذي ازعجنا بلاعب الحواري ناصر
جمهور مضاد لدونيس: وهو الجمهور اللي حاط دونيس براسه لو ينسم الكفر حق باص الهلال قال دونيس السبب

عساك لحقت تداوم اليوم
تحياتي

إقتباس الرسالة الأصلية كتبت بواسطة زعيم ولد زعماء المنتدى انقسم ثلاثة اقسام جمهور هلالي : وهوالجمهور العقلاني والمنطقي الذي لايكره احد ولايحب يجامل احد جمهور حواري: وهو الجمهور الذي ازعجنا بلاعب الحواري ناصر جمهور مضاد لدونيس: وهو الجمهور اللي حاط دونيس براسه لو ينسم الكفر حق باص الهلال قال دونيس السبب عساك لحقت تداوم اليوم تحياتي

اتمنى احترام الجميع من لا يعجبك طرحة او من يخالفك تعتبرة جمهور حواري قمة الاحتكار