السلام عليكم ،
أحيي معشوقنا وتؤمنا نادي القرن الآسيوي هلال البطولات
احييكم من القلب للقلب فالهلال في سويداء عيوننا وبياض قلوبنا
أبلغكم تحية وسلام احبائكم أبناء وجماهير نادي السد القطري التي في يوم من الأيام فتحت لكم قلوبها قبل أن تفتح لكم مدرجات ملعبها الموسم ماقبل الماضي للبطولة الآسيوية وليس كثيراً على تؤمنا ومعشوقنا
قبل ماابدا بموضوعي حبيت اقول لكم انه نادي السد علامة بارزة في ذاكرة الرياضة القطرية و واحد من أهم وأكبر الأندية القطرية التي حفرت أسمها بحروف من ذهب في سجل الإنجازات الرياضية القطرية والعربية والدولية ، على مدار تاريخه الطويل الذي صنع فيه الكثير من الإنجازات التي جعلته مفخرة ونموذج مشرف للرياضة القطرية واعتقد هالشي معروف عند كل الخليجيين
للاسف قبل فترة نزلت اخبار في صحفكم الرياضية السعودية ساءت كثيرا من الجماهير السداوية وما كنا لنصدق لولا انها في صحف رسمية كالرياض والجزيرة
وانا شخصيا اعرف كثير من الزملاء والاصحاب من جمهور السد اللي ميولهم هلالية اتضايقوا كثير من هالخبر واللي يقول انه للاسف ادارة نادي الهلال راح تلعب مبارياتها بملعب الغرافة؟؟؟ معقووله الغرااااافة عااااااد واللي الكل يعرف انه ميولهم نصراويه ؟؟
ماادري شنهي الميزه اللي بالغرااافه عشان اداره الهلال تقبل انهم يستضيفونها ويتركون ناديهم الثاني وتؤمهم نادي السد ؟؟؟؟
فلا على مستوى الملعب والتجهيزات والمرافق وكل مايحتاجه الفريق الهلالي خلال فترة اقامته ببيتهم الثاني ، ولا على مستوى الجماهير بين نادي السد ونادي الغراافة؟؟؟ نهائيا مافيه مقارنة ؟؟؟؟ فغريبه مررره من ادارة الهلال؟؟
انا طبعا احترم رئيس ومنسوبي ادارة النادي واحترم قرارهم لكن في ذات الوقت حاجه غريبه والله ؟؟؟؟
الامر الغريب اللي جماهير السد مو فاهمته اكثر انه كيف رئيس الهلال الحالي يوافق على استضافة نادي الغرافة واهو نفسه موقع على تؤمة نادي السد والهلال عام2010 بصفته نائب الرئيس ؟؟؟؟؟؟
اتمنى من ادارة النادي انها تقبل عتب جماهير السد ويكون اهناك اعادة للفكرة ودراستها بشكل أكثر ، وانا بغيت ابلغكم بحكم انه كثير من الزملاء السداويين طرشوني اقولكم رسالتهم وانا واحد منهم . وشكرا لكم على قبول عتبنا اللي اهو اصلن نابع من محبتنا وعشقنا للكيان الهلالي وشكرا مره ثانيه