|
فترة التوقف مع الغاء عقد المدرب دونيس وهذا راي فى فهد المفرج ! السلام عليكم ورحمة الله وبركاتة بدون شك الهلال حاليا يمر بضروف صعبة بسبب تعالي واستهتار عدد من الاعبين وتخبطات جهازنا الفني دونيس المدرب دونيس ارتكب اخطاء فاضحة ومازال يكابر ويعاند على طريقه اللعب 361 طريقه عقيمة لاتناسب لاعبينا ومازال يرتكب اخطاء فاضحة بالتبديلات مما سبب ضياع كثير من النقاط بالدورى واسييا بتبديلاتة الخاطئة نجمنا محمد الشلهوب اشركة بعض المباريات >محور< وسعود كريرى قلب دفاع وسلمان الفرج محور دفاعي ! الادارة اجتمعت معاه كثيرا لتصحيح اخطائة دون فائدة مباراة يلعب بطريقه 4231 وابدع لاعبي الهلال وهي الافضل ومباريات يلعب بطريقه 361 ويقدم لاعبينا مستوى هزيل وسيئ وهذا لاتناسب قدرات لاعبيينا الدولين والاجانب دونيس اخذت فرصتك وزيادة ولم تصحح اخطائك ومازلت تخسر نقاط كانت فى متناول ايدينا بقناعاتك الفاشلة رحيلك مطلب ضرورى الفترة هذا لانها فترة مفصلية ومهمة فى مسيرة نادى الهلال الدورى واسيا وكاس خادم الحرمين الشرفين وليس لدينا الرغبة بخسارة البطولات بقناعاتك الفاشلة ! ادارة نادى الهلال بقيادة الامير نواف بن سعد نرجوك تلغي عقد المدرب فورا ولاتتعذروا انة باقي 3 اشهر انتهاء الموسم لان حاليا فترة توقف وفرصة لمراجعه الاخطاء والتصحيح لان الفترة القادمة هى الأهم بمسيرة النادى وابرز الحلول لمراجعه وتصحيح الاخطاء اذا رغبتم اسعاد جمهور الملكى وعودة الهلال بقوة ماتبقي من بطولات 1/ الغاء عقد المدرب دونيس فورا وبديلة مساعدة او تكليف مدرب الأولمبي وخاصة ان الاولمبي ضمن البطولة او مدرب وطني اخر الحلول امثال سامي الجابر وحسين الحبشي وعبدالعزيز الخالد ... 2/ اعفاء مدير الفريق فهد المفرج من منصبة وتكليف شخصية قوية ويتمتع بفكر عالي وخبرة فنية واداريه امثال فهد المصيبح او منصور الاحمد او صالح النعيمة او يوسف الثنيان وسبب الاعفاء بسبب عدم الخبرة فهد المفرج وضعف الشخصية لاعبينا مستهترين ويكررون اخطائهم فى الملعب لان ليس لدينا مدير فريق قوى وصارم ويحاسب الاعبين ويعاقبهم وهذا مايحتاجة لاعبي الهلال المستهترين لناديهم ... 3/ وقفة قوية وجادة من رجالات واعضاء شرف النادى وجمهورة الوفي العاشق لنادى الملكى لانهم هم من اسباب بطولات ونجاحات الملكى الهلالي محليا وخارجيا ... من كتاباتي هلالي وكلي ذوق اخوكم ومحبكم / مـــاجــــد |
اخوي ماجد الغاء عقد المدرب في هالفترة صعبة جدا اما عن فهد المفرج فاعطاء الفرصة لغيره افضل منه وجملة تغيير المدرب يحدده نهاية الموسم وانتهاء جميع المسابقات |
إقتباس:
وخاصة حاليا فترة توقف وهي فرصة كبيرة لتصحيح الاخطاء والحلول ذكرتها فوق وشكرا لك |
الحمد لله ان القرارات ماهي في يد بعض الجماهير ولا كان راح موسمنا شوربه باقي سبع جولات على الدوري ويقول غيرو مدرب وبعدين انا شايف حمله على فهد المفرج وشهي اخطاء فهد المفرج عشان تطالبون با اقالته ولا بس مع الخيل ياشقراء |
إقتباس:
|
حليلكم وانتو تردون يجب طرد المندسين خارج المنتدى |
بصراحه ... ماحد دمر رياضتنا الا اصحاب التفكير هذا مع كامل تقديري لك ياصاحب الموضوع انت وانا وغيرنا ليس لنا اي علاقه عما يجري داخل النادي وكيفية تسيير الامور حنا لنا البدايه والنهايه فقط المدرب بدا الموسم دخل كاس السوبر ... حققه ... هذا هدف اول وتم تحقيقه دخل كاس ولي العهد .. حققه .. هذا هدف ثاني وتم تحقيقه دخل الدوري ... لم ينته بعد ... ليس لنا ان نقيمه في هالفتره .. بتقول لي ننتظر الين يروح الدوري ... بقولك كيف عرفت انه راح ؟؟ لاانتهى الدوري وراح وقتها حاسب دونيس .. يمكن يجيبه مانت عالم بالغيب وترا الفرق نقطه دخل اسيا ... يمكن يجيبها لاتحكم وانت لسه ماانتهيت من المنافسه ياجماعه والله هذا قصر نظر بصراحه وسوء كبير في الاداره اسألك بالله ياصاحب الموضوع ... هل انت موظف ؟ او طالب ؟ ولو كنت موظف ... هل كنت مسؤول عن شي في وظيفتك ؟ انا موظف لي سبع سنوات خبره ولله الحمد اذا المدير عطاني مشروع ووقت التسليم بعد شهرين ... مايجي كل دقيقه ينط .. وش سويت .. شلون سويت كذا ... ليه تكتب هذا كذا اذا بيسوي لي كذا ... معناته هو اللي سوا المشروع مو انا نفس الشي مع دونيس ... اذا انت وغيرك كل واحد يفتي برايه قبل تنتهي الفتره المحدده للحكم على العمل عوضا على انك لاتملك المؤهلات اللي يملكها دونيس لتقيمه وتجي تقول اقاله في نص موسم ... بالله هذا حل ؟؟ حتى لو مدربنا كنفارو ... ستعتبر الاقاله اسوء حل ممكن تفكر فيه الاداره شيء ثاني والحمدلله ان نواف بن سعد على هرم الاداره لانه متعقل وعارف كيف تدار الامور |
إقتباس:
اهنئك على ردك الجميل ومشاركتك على راسي فديتك ياغالي الكتاب يبين من عنوانة وانت ياغالي منت افضل من المحللين والنقاد الرياضين ونقدهم فى دونيس غريب امر بعض الهلالين بعد الخسارة امام الاتحاد طالب الادارة بالغاء عقد المدرب وبعد الفوز على النصر بعض الجمهور يمتدحون المدرب ! الهلال يمتلك افضل الاعبين فى المملكة وكل مدرب يتمني يدربهم ولاسف مدربنا مو قادر يوضفهم بالملعب الهلال بدون مدرب قادر على تحقيق الدورى افضل من تخبصات دونيس وشكرا لك يالغالي على المشاركة |
مشكلة البعض أنه يعتقد أن جمهور الهلال فقط من يقراء و يكتب في المنتدى ؟؟؟ المنتدى به المندسين أكثر من الهلاليين الصامتين الأن كل يكتب ليحطم الاعب و الإداري والمدرب و يبني جدار من عدم الثقة بينهم أما المحللين فهم يحكمون على ماضي اللاعب وليس على جهده في التمرين و جاهزية اللاعب بعد الإصابة فيحرك مواقع اللاعبين حسب فهمه وليس حسب جاهزيته في أخر تمرين قبل المباراة من طالب بياسر في أخر مبارة أضاع من الفرص الكثير وكذالك الشمراني وسالم و المدرب يصنع التشكيلة و يصلون إلا المرمى ولكن لا يستطيع الدخول وتسجيل الأهداف بدل اللاعبين 0 المفرج مهامه غير منظورة وجهده يشكر عليه ولا يستطيع أن يدخل في أرض الملعب ليقول للمهاجمين العبوا بجد و دع عنكم الأنانية و الإستعراض و إظهار المهارات الفنية والفلسفة الزائدة التي تتسبب بقطع الكور وتحولها لهجمة مرتدة ويسجل منها أهداف علينا من السهل سب الأخرين لكن من الصعب القيام بعملهم لجهلنا به 0 |
هذا راي ووجهة نظرى وكلامي هذا من حبي وغيرتي لكيان الهلال وجاوبني اخي ووين مدير الفريق فهد المفرج بحكم عملة الادارى عن الاعبين السيئين امثال سلمان وعزوز وسالم وشراحيلي وغيرهم ؟؟ المدير الناجح من يجلس مع الاعبين لوقوف معهم وحل مشاكلهم وتشجيعهم مع التنسيق مع الجهاز الفني لانة صلة الوصل بين الاعبين والمدرب واسعدني مشاركتك اخي |
إقتباس:
هذا راي ووجهة نظرى وكلامي هذا من حبي وغيرتي لكيان الهلال وجاوبني اخي ووين مدير الفريق فهد المفرج بحكم عملة الادارى عن الاعبين السيئين امثال سلمان وعزوز وسالم وشراحيلي وغيرهم ؟؟:ranting: المدير الناجح من يجلس مع الاعبين لوقوف معهم وحل مشاكلهم وتشجيعهم مع التنسيق مع الجهاز الفني لانة صلة الوصل بين الاعبين والمدرب واسعدني مشاركتك اخي |
إقتباس:
تبيني اصدق كلام المحللين والنقاد والا اصدق الارقام اللي جابها دونيس ؟ على فكره المحلل رقم 1 عربيا ... خالد الشنيف ... شوف كلامه عن دونيس https://www.youtube.com/watch?v=SWhy1Pk1J8A بصراحه ماحب استشهد بكلام احد لكن من باب الشي بالشي يذكر الارقام تقول ان دونيس افضل مدرب موجود حاليا ... فلم التغيير كل فريق يصير له دروب ويرجع يتعافى |
اتفق معاك تماما لان امامنا مباريات حسم والمدرب مو كفؤ يكمل مافي امل يفلح يعطيك العافية |
المدرب جيد ويحتاج مناقشة فقط من قبل الادارة المفرج كل مايقال عنه في المنتدى مجرد كلام لاتسنده حقائق او اثباتات على تقصيره انا مع الابقاء على المدرب مع مناقشته في بعض قناعاته ومع بقاء كافة اجهزة النادي لكني مع البحث من الان عن جهاز فني مميز ليبدأ مع الزعيم في المعسكر الصيفي واختيار العناصر الاجنبية والمحلية |
محاولة زعزعة الكيان الهلالي من باب انا هلالي واغار على الهلال اين انتم ياادارة المنتدى اصحوا من غفوتكم لم يتبقى الاالقليل والحرب الاعلاميه والتويتريه تعمل للاطاحه وزعزعة الهلال باسم انا هلالي وغيور على الهلال |
| الوقت المعتمد في المنتدى بتوقيت جرينتش +3.
الوقت الان » 04:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd