|
مع الاسف جمهور الهلال خذل ناصرالشمراني..... ! رساله مهمه لزلزال... السلام عليكم وهاردلك التعادل اللي بطعم الخساره. تتعوض ان شاءالله... والتأهل من دور المجموعات اسهل بكثير من مايتخيل دونيس. لكنه قاعد يرفض صدارة مجموعته مثل مارفض صدارة الدوري. المهم ادخل في الموضوع : >> له يومين يكتبه :cry: .. .. وهو عباره عن موضوع من قسمين: القسم الاول عتب للجمهور والقسم الاخر: رساله لناصر الشمراني واتمنى ان تصل اليه... القسم الاول : وقف جمهور الهلال مع كل لاعبين الهلال في ازاماتهم وانكسراتهم وسوء مستوياتهم وقفات لن ينساها اي لاعب رادوي وقت كانت تشن عليه الحروب كان جمهور الهلال حصن منيع لرادوي الشلهوب وقت ركنه كوزمين موسم كامل في الاحتياط وتراجع مستواه رجعوه جمهور الهلال اقوى القحطاني دعموه حتى وهو في الامارات فرجع وحقق الدوري مع العين.. ولازال جمهور الهلال يدعم ياسر العابد في كل مره يهبط مستواه يرجعه الجمهور اقوى خالد شراحيلي في ازمته وقت ايقاف المنشطات عامين ورجع اقوى الزوري استرجع مستواه بعد الله ثم وقفة الجمهور الهلالي. واخر الوقفات والمسانده كانت مع الميدا اللي بعد صيام عن تسجيل الاهداف بوقفة الجمهور الهلالي رجع وسجل .. والكثير من لاعبين الهلال اللي دايما الجمهور يشيلهم اذا طاحوا. تصاميم ومقالات ورفع معنويات لكن السؤال ماذا قدم جمهور الهلال العظيم للكبتن ناصر الشمراني؟ وحتى الاعلام الهلالي ماذا قدم،؟ نعم لاشي.. في عز هبوط مستوى ناصر الواضح الذي اعجزني وانا ادافع عنه "وربما انا الوحيد اللي ادافع عنه هنا" بينما الجميع يهاجمه من هلالين للاسف وغيرهم. لكن الان اعترف ان ناصر ماهو ناصر ناصر يحتاج الى وقفة " الجمهور الهلالي " الذي صرح في بداية انتقاله للهلال وقال: الان اقدر اقول وراي جمهور عظيم. وافتخر بنا.. لكن للاسف الجمهور العظيم خذل ناصر ولايحميه . نتذكر ناصر فقط وقت يكون الهلال متاخر " ونبي نفوز نردد زلزال مكه" لكن الان الزلزال للاسف اصبح ساكن لايتحرك بسبب الهبوط الحاد في مستواه من بعد نهائي اسيا " ويكذب ويحرف الحقيقه من يقول عبارة هيا تعال كانت السبب الاعب هابط مستواه من قبلها.. الهلالين.. وبعضهم مسوين هوامير تويتر " اللي يغردون بما يعجب اعداء الهلال. امثال *** *** * و ..... و.......و .. اصحاب دخل الاعلانات يعني يكسبون من ورى الاساءه لنجومنا.. وفيه تشابهه كبير في حربهم على سامي والان يحاربون الشمراني بنفس الطريقه.. يتصيدون اخطائه وينتقدونه ويجرحون فيه.. للاسف هم هلالين. ومنهم اعلامين معروفين لن اذكر اسمائهم وحتى لو الهلال فايز يرجعون يبحثون عن اخطا ناصر ويكتبون عنها. " ونسو ان ناصر لاعب من ضمن مجموعه لا افهم لماذا التركيز عليه.. هم هوامير تويتر اللي همهم البحث عن الرتويت والاساءه للاعب وتجريحه.. والعتب يطال الاداره اللي مفروض يعترفون بهبوط مستوى ناصر ويعالجون الموضوع معه ومايتركونه وحيد هذا الاعب كنز كبير رجح كفة الهلال كثير ونفعنا في اكثر مباراة في الموسم الاول والثاني وفي هذا الدوري بعد بمجهوده حقق الهلال فوز ثمين على القادسيه الدور الاول ثلاث نقاط تعادل الهلال مع الفتح في وقت المباراة تتجه الى خسارة الهلال ونقطه مهمه كان في قمة مستواه نهائي كااس ولي العهد وبطولة جديده تدخل خزينة الهلال لكن المقابل من الجمهور لاشي..... ًوفاهمين انك اذا تبي تمدح الميدا لازم تسب ناصر هذا خطا ياهامور الفلس. قالها عبدالله الزوري وصرح فيها لما كان الجمهور يحطمني ومافيه غير سب وتجريح ماكان لي نفس العب.. اقول باذن لله وثقتي كبيره في جمهور الهلال " الواعي" انه يساعد ناصر الشمراني على تجاوز هذه المرحله ويعود الزلزال افضل.. لانصير حنا واعدا الهلال عليه.. القسم الثاني: الان جا عتبي على الشمراني " عتب محب" ولكن سوف اكون قاسي جدا يازلزال نعم انت لم تحمي نفسك من نفسك ياكبتن للاسف وقلتها بنفسك وراي جمهور عظيم لكن هذا سلاح ذو حدين انت تعرف ان الانتقال الى الهلال سوف يكون له ضريبة كبرى واولها ان الهلال محارب من كل مكان والاعب من اول يوم يلبس تشيرت الهلال وشعاره بيكون تحت المراقبه في كل شي وكل حركه منه او ردة فعل يتم تضخيمها رغم ان نفس الحركه سواها غيره ومرت مرور الكرام.... التركيز عليك انت فقط لانك لاعب هلالي.. سنعود للماضي قليلا فقط انت لم تخسر اسيا لوحدك الجميع خسر .. وجميع الاعبين تم استفزازهم لكن كان من المفترض ان تكون مسيطر على كل ردود فعلك واعلم انك تعرضت لمؤامره مع المنتخب ولكن اخطات ياكبتن عندما استجبت وكنت سهل الاستفزاز لكن هذا كله ماضي وانتهى.. الان المدرب لايشركك ويغيرك ليس لانه لايريدك ان تلعب ولكن انت ياكبتن تمر بهبوط في المستوى يجب ان تعترف وتتقبل قرار المدرب بدون اي حركه لانك لو حتى تمتمت بينك وبين نفسك " كتبو عنك قصص وقالوا: ناصر يرفض قرار المدرب ناس يسترزقون المنشيت والرتويت والمتابعين على حسابك. فلا تدع لهم الفرصه.. انت يازلزال مهاجم خطير واسيا كلها اعترفت فيك وتم تتويجك بجائزة افضل لاعب في اسيا وهذا الشي لايحصل عليه اي لاعب عادي.. لكن افضل لاعب في اسيا يجب ان يعرف قيمة نفسه ولاينتهي بسهوله. ويعرف ان العوده يجب ان تكون عن طريق ضبط النفس وعمل كنترول على تصرفاتك لو حتى في الشارع. لان ضبط النفس بداية للعوده للمستوى الجيد. ويجب ان تساعد نفسك وتساعد الاداره والمدرب في ايجاد حل للعوده الى مستواك المعروف.. من ناحية التدريب واللياقه . اثق بعدل الاداره والمدرب معك فأنت تاخذ فرصه في اللعب. فقط انظر الى الامام وانسى الماضي وافتح صفحه جديده مع نفسك اولا ثم مع الجميع مدافعين وحراس الانديه عندما يمنعونك من تسجيل الاهداف فهم يبحثون عن مصلحة انديتهم ولكن اي مدافع اوحارس يمنعك من التسجيل سيكون " افضل مدافع بتاكيد او افضل حارس لانك مهاجم خطير ويحسب لك الف حساب لكن اصبحت مكشوف ياكبتن المهاجم يجب ان يطور من قدراته جرب التسديد من اللحظه التي لاحد يتوقع ان تسدد منها من اي مكان في ال18 وإي طريقه اطلب مساعدة زملائك وساعدهم.. سواريز افضل مهاجم في العالم مر بكل ظروفك وتمت عقوبته وصام عن التسجيل لكن عاد بعد ان طور نفسه وتأقلم مع ميسي ونيمار صنع لهم اهداف وصنعو له نصيحه اخيره: إن الله لايغير مابقوم حتى يغيروا مابأنفسهم . .. .. ابدا التغير من نفسك اولا ياكبتن واول نقطه لتغيير ان تنسى الماضي ... وابدا انطلاقه جديده مع الهلال نريد ان تتوج بهداف القاره وهذا ماهو مستحيل.. استفيد من كل فرصه تحصل عليها.. الجمهور لايتفق ابدا على لاعب حتى الشلهوب برغم اخلاقه تجد له محب وله كارهين.. هي طبيعة البشر اخر نصيحه حصن نفسك باالالتزام باالأذكار اليوميه.. فكل صاحب نعمه محسود وارجع زلزال لايرحم كما عهدناك |
ناصر الشمراني كابتن كبير وهداف وله كامل الإحترام والتقدير لكن مسألة أنه يشوف نفسه نجم الفريق الأول متى مابغيت أزعل زعلت ومتى مابغيت ارضى رضيت هاذي ماهي عندنا ولا يتقبلها جمهور كالهلال الهلال يبي لاعب يحترق من أجل الشعار كما ذكرت في موضوعك طيب الذكر رادوي ياسر والشلهوب وغيرهم نجوم كبار تقبلوا الدكة بصدر رحب الا الشمراني كل مادخل تأنن ونفس وشوت كور فالهوى ولا يمرر لـ الميدا حركاتك ايام نادي الشباب يالشمراني ماهي عندنا أنت في أكبر نادي سعودي وآسيوي لذلك أنتبه لتصرفاتك لأن الجمهور ماهو حضانة يطبطب عليك ويدلعك ويواسيك |
أنا مؤيد لك في موضوعك وأضيف : أن القصور الأكبر كان من الإدارة الهلالية السابقة تجاه ناصر الشمراني تخيل عزيزي .. تحص على جائزة أفضل لاعبفي آسيا ولا يتم تكريمك من ناديك أو حتى إقامة حفل مبسط كنوع من الفرحة والإحتفال !! لنفترض حصل عليها لاعب سعودي _غير هلالي_ .. كيف سيكون التعامل معه من ناديه وجمهوره ؟!! ناصر الشمراني مهاجم قتالي ونوعية نادرة من المهاجمين لايعتمد بشكل كبير على تكتيك المدرب بل على النواحي النفسية والمعنوية وأفضل من تعامل معه هو المدرب سامي الجابر وكلنا نفتكر كيف كان ناصر يحرث الملعب حرثا (في فترة سامي) والسبب هو تصريح سامي عندما قال : ناصر عن خمسة مهاجمين أجانب!! أعزائي .. قفوا مع ناصر وساندوه فروحه وحماسه لن تجدوها في مهاجم آخر!! |
الحسيني: عشان كذا قلت الانتقال الى الهلال سلاح ذو حدين. لكن انك تغض النظر عن انانية الميدا الواضحه والفرديه اللي يلعب فيها وتشتيت الكور واضاعة فرص على الهلال وتشوف ناصر. مشكله كبيره ياهامور |
اسامه الرحيلي: نعم تم الغاء اقامة حفل بمناسبة تتويج ناصر بجائزة افضل لاعب في اسيا. والاسباب غير معروفه لكن الظاهر كانت من ضمن الحرب الداخليه على ناصر بتوجيه خارجي. |
صحيح وقفنا مع الشلهوب و الزوري و ياسر و غيرهم... ممن احترم نفسه و تاريخه و عمره و الأهم احترم الشعار اللي يلبسه و جماهير الهلال ما قصرت و تردد اهزوجة خاصة لناصر في كل مباراة يلعبها تقريباً, و الرد كان التشويح بيده للمدرب و التخبيص في وسط الملعب و عدم التعاون مع زملاءه مع غياب واضح للروح القتالية اللي نعرفها فيه في رأيي ان الجمهور ما قصر معاه, الدور و الباقي عليه ليقف مع نفسه |
إقتباس:
عطني لقطه وحده ظهر. فيها ناصر الشمراني واهان الشعار؟ اي حركه وقت خروجه يسويها اي لاعب لكن ناصر يتم تضخيمها. ورغم كذا عاتبته في الموضوع عليها. لانه يترك فرصه لمن يتصيدون تخيل يارجل ومن المضحك امس ناصر قدام الجزيره مالعب فيه جمهور يسبونه في تويتر. بس كذا لمجرد مع الخيل ياشقرا.. ناصر كان دمه يغلي جنب دونيس لكن اشرك اصحاب الدم البارد.. وفي المؤتمر يعاتب الاعبين.. اذا على اهانة الشعار العابد بيوم من الايام سجل هدف رمى تشيرت الهلال على الارض.. محد تكلم... |
تبي الحق هالمواضيع الي تحط اللاعب تحت المجهر وتلفت الانظار له وتجعله تحت الضغط الي معاه والي ضده والبعض بيتشنج وقد يتضرر اللاعب والفريق لو نتعب انفسنا ونفكر بالموضوع شوي ممكن نستوعب حجم الاستقرار الي ممكن يكون لو ما نحط اسامي اللعيبه بالعناوين شي بسيط تفكر فيه إذا انت فعلا تحب الهلال... ومب مجرد تحب نفسك وتكتب مواضيع بغرض تاجيج النقاشات وزياده عدد مشاركات |
احييك على هذا الموضوع اخوي فعلن ... ناصر يحتاج دعم من الجمهور ووقفة صادقة مع نفسه لمراجعة الحسابات وتلافي الاخطاء |
مشكلتكم لازلتم تؤمنون بالعواجيز سواء ناصر او غيرة ياخوان كرة القدم كرة للشباب اما ان تقول ، نقف مع ياسر او ناصر او كريري واقولها بكل صراحة هؤلاء لاعبين كثر الله خيرهم أعطوا الكثير الكثير والآن هم منتهين ولن يفيدوا الهلال ولا غير الهلال باي شي ، والله لو تقف معهم من اليوم الى سنة نعم لن يفيدون الفريق كسابق عهدهم الاول والدليل ياسر القحطاني في مباراة الامس مع الجزيرة حركة بطيئة وزن زايد الله يعطيه العافية ،، على مدرب الهلال الاستعانة ببعض لاعبين الأولمبي الشباب فهؤلاء هم من يجب الوقوف معهم بقوة وصدق |
إقتباس:
اول خطوه لحل المشكله الاعتراف بوجودها الى متى " نغطي وندمدم" الشمراني مستواه هبط من يوم نهائي اسيا وجته عقوبات كثيره واستفزاز حتى وهو طالع يستلم كأس الملك حتى جلساته مع اصحابه تم تصويرها " عشان قال جده كذا اهلي وبحر" وكانه عمل جريمه.. ورغم هذاا العتب يطاله لانه في غنى عن كل هذا. لكن كل هالامور ماكانت السبب خلف هبوط مستواه الذي بدا مع نهاية مباراة الهلال وسيدني. |
إقتباس:
انت شايف ناصر من العواجيز؟ طيب وش نفعو الشباب الاتحاد فيه يخسر نقاط بسبب استهتار لاعبينه اللي يسمونهم عيال الثانويه |
إقتباس:
عشان كذا المندسين تحت شعار الهلال يحاربونه وهم عشاق الزول خايفين على تحطيم رقم الزول ماجد |
ناصر هو من خذل نفسه للاسف ، اعطيت له الفرصة ولم يستغلها الا في مبارتين |
إقتباس:
نعم ناصر اخذ فرص كثيره ولم يستغلها.. بسبب هبوط مستواه وبدل الجمهور العظيم مايقف معه. يهينه ويسبه.. رغم انه في مباراة نهائي ولي العهد قدم عطا مميز.. |
| الوقت المعتمد في المنتدى بتوقيت جرينتش +3.
الوقت الان » 02:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd