|
سمو الأمير ما زال الوضع بأيدينا ترى يمدينا بسم الله الرحمن الرحيم السلام عليكم ورحمة الله وبركاته نعم سمو الأمير بعد ( توفيق الله ) ترى كل شيئ بأيدينا ويمدينا الدورى بأيدينا أذا فزنا بكل المباريات المتبقيه بغض النظر عما يحصل للفرق المنافسه التأهل للدور الثاني من البطوله الأسيويه بأيدينا أذا فزنا بباقي المباريات بغض النظر عن نتائج الفرق الأخرى كأس الملك ينطبق عليها ما ذكر بعاليه هذا يعني أننا ( بفضل الله ) لا ننتظر فوز فريق على أخر لنحقق ما نريد ولكن كيف يحدث هذا فقط يتم أبعاد ( المدرب ) مدرب يخرج من يبدع ويبقى على من يحرق أعصابنا مدرب لا يجيد التغيير مدرب يعطيك مباراة ويرفع ضغطك بعشر غيرها مما أفقدنا الصداره هنا وهناك من يقول أن المدرب غير مسؤل من المسئول اذا عن من يلعب هذا ويركن ذاك من الذى يخرج هذا ويدخل ذاك سمو الأمير أكرر كل شيئ بعد ( توفيق الله ) بأيدينا وترى يمدينا |
لكي نكون منصفين من يتحمل ما حدث هم اللاعبين فقد أضاعوا فرص لا تضيع ولم يركزوا في أهم أجزاء المباراة علماً أنني لا أتفق مع من يطالب بتغيير المدرب في مثل هذا التوقيت مع أني لا أنكر أنني سبق أن طالبت بتغييره في لحظة إنفعال وغضب أما بلغة العقل والمنطق فالتغيير في مثل هذا التوقيت سلبياته أكبر بكثير من إيجابياته والتقييم المنصف للمدرب يكون في نهاية الموسم ومن قبل الإدارة وليس من قبل الجماهير فهي من تحاوره وتناقشه وتعلم ماهي إيجابياته وسلبياته وفي النهاية بالنسبة لأسيا فسنتأهل بإذن الله أما الدوري فبإعتقادي أن فترة التوقف ستكون مفيدة للفريق وسيعود المصابين ويكتمل الفريق وسنرى الفريق في أفضل حالاته وسنحققه بإذن الله |
إقتباس:
الله يسمع منك وهذا ما يطلبه كل هلالي ولكن أخى الغالي هل كنت راضى عن التغييرات هل كنت راضى بأن يخرج المبدع ويبقى السيئ من المسؤل عن هذا ... وكل هلالي لما ( لاقدر الله ) يطير الدورى وش يستفيد من طرد المدرب بعدها الجرح أذ لم يعالج يتلوث وتزداد خطورته |
بل يتحملها المدرب بخطته العقيمه حتي لو نهاجم مليون سنه من قال ان هذا اليوناني مدرب كرة قدم فقد خدع الهلاليين |
الكل يشترك في الاخطاء ولا الومك فالمدرب دائماً الحلقة الاضعف حتى في الاتحاد طردوا المدرب مع ان من ينظر للاعبي الاتحاد يدرك ان هؤلاء مجرد ارباع وانصاف لاعبين لو جلبت لهم مدرب عالمي مانفعهم لأن الأمر اولاً واخيراً اللاعبين ثم تكتيك وطريقة المدرب ويتحمل المدرب بعض الخسائر لكن ان يقال بصفته هو سبب كل شيء فهذا يعتبر قفز للحقائق هل تذكر نهائي اسيا ؟ الهلال وسيدني ؟؟ عد الان لليوتيوب وتابع ملخص المباراة هجمات بالهبل ضغط متواصل لكن تبى الاشكالية التي كنا ولازلنا نعاني منها وهي من المخلص ؟؟؟ من الذي ينهي الهجمة ؟؟ تسرع وارتباك وضياع تركيز وبلاهه تنوء بحملها الجبال لاعب ينفرد بالحارس وتضيق عليه الأرض بما رحبت فلا ينهيها الا بتسديدها في جسم الحارس !! لاعب تأتيه الكرة في منطقة الجزاء ويضايقه المدافع ويحجب عليه المرمى فتختفي عليه كل حلول الدنيا سهلها وصعبها ولايجد أمامه الا ان يسددها في اللاعب وهو يدرك قبل ان يسددها انها سترتطم بالمدافع؟ هل فكر ان يقف ؟ لا ، هل فكر أن يراوغ ؟ لا ، هل فكر بأي حل قد يشكل خطورة على الخصم ؟ لا لاعب يسدد في مكان ووقت لاينبغي له ان يسدد ياعزيزي ضياع التركيز والتصرف بفكر وذكاء لاعب يفهم الكرة جيداً ضائع خاصة عند لاعبي هجومنا اكثر الكرات التي ترتد امام 18 الخصم عادة تجد لاعبي الوسط ما اكثر الكور التي ترتد وتجد امامها سالم الدوسري ( وياقلب لاتحزن ) تذهب للمدرجات او ترتطم بالمدافع محلوف عليها وعلى أبوها ماتتجه للمرمى إلا نادراً هذه الأخطاء التي تتكرر وهي اس مشكلة الهلال لايمكن بأي حال من الاحوال ان تلقى باللائمة على المدرب ريجي كان سيئاً جداً ولم يضيف للهلال شيئاً بعكس دونيس رأينا سهولة التمريرات ورأينا كثرة تحرك اللاعبين بدون كرة رأينا الهلال يسجل من الركنيات او الفاولات الجانية وهذه كانت من المستحيلات سابقاً رأينا الأظهرة تتسحن اوفراتهم بشكل كبير بل رأينا الأظهرة يصبحوا هدافين مع دونيس دونيس مدرب له اخطاءه لاشك لكن لاننسى ان اللاعبين يتحملون جزء كبير من الخسارة والحل ليس في اقالة دونيس بل الحل في جمع كل هذه الاخطاء وتحميل كل شخص خطأه |
اذا كان اللاعبين ما ادوا المهمة بشكل صحيح فالملام هو السباك اللي اختارهم الان حصل اللي حصل واذا وقعت يافصيح لا تصيح الحل الان تبديل المدرب تستطيع الادارة ان تتفق مع التعاول ليتنازلو ا عن دوميز او نجران او تعطي المهمة لمدرب الاولومبي صبرنت والصبر مر ياحبيبي مذاقة |
طرد المدرب في وسط الموسم لا أؤيدها لكن المطلوب مناقشته والجلوس معه ما يخلون الدرعا ترعى زي ما تدخلوا في المباراة النهائية لكأس ولي العهد شاهدنا هلالا ولا في الخيال المصيبة في الشوط الثاني رجعت حليمة لعادتها القديمة ولعب ب3 سناتر وكدنا نخسر اصبروا عليه وحاسبوه نهاية الموسم |
إقتباس:
جبت الي بخاطري يالطيب والله اني حلمي قوميز مدرب التعاون لو الله يكتب ويفاوضونه يمكن يجي مدرب صح ماهو زي سباكنا امس ليش يطلعع الميداء والميدا هو الي حاشرن الجزيره |
تحويل الخطه من هجوميه الى دفاعيه يكون فقط اذا كان الفارق هدفين او ثلاث ماحدث في الشوط الثاني من تغيرات سبب ارتباك في الفريق ودخول الهدف . اذا ضيع اللاعبين الفرص لاتضيع الفريق بالخوف الزائد بما ان دونيس صار يبدأ بمهاجمين معناها انه سمع من الاداره او تعلم من اخطائة . في كل فريق يجب ان يكون هناك مراكز قويه لكن على حساب الاخرى .. الهلال لايجيد الدفاع .. يجب ان يكون الفريق متوازن الى اخر صافرة |
والله المشكله مو في المدرب ولا في الاعبين الا مع الأسف الجمهور الي صدق يوجد مبررات للاعبين ويطبطب عليهم عشان كذا مانشوف تغير في حالة الاعبين لان الجمهور منقسم ع المدرب هالخلل في الاعبين ماهو مع دونيس فقط بل من سنوات لان لديهم حصانه والهجوم يوجه للمدرب فرص ضايعه جمهور الاعبين مايقدر يفتح فمه بل يشجع عدم جديه وقتال لتسجيل الفرص كانهم يلعبون تمرين ايش تبون المدرب يجي يسجل والا يرجع الاعب مايوقف تسلل لاعبين محترفين ياخذون ملايين مايعرف يوقف صح في مصيدة تسلل غير محكمه الا درعمه منهم والا لاعب يبي يجيب هدف حلو ووقت بدل اضاع بدل مايضيعون كم دقيقه يبون يسجلون اهداف ويحتفلون مافكرو في مصلحة الفريق ولا فينا فكرو في إنجازات شخصيه. وللي جاي يتفلسف تغيير عطيف بسبب الإجهاد ولا حد يستهبل وهو مايفهم كوره ويجلس ينضر ندري عطيف بدنياً مايقدر يلعب مباراه كامله ودخول سواء ناصر ( ناصر طالع من مباراة النصر مرهق وكدمات وما قدم مستوى أصلاً وغاب تمرين بعذر بلا حلطمه يامن جمهور الاعبين)او السالم اجهز لياقياً لضغط ع دفاع ألجزيره واستغلال الهجمات المرتده مع نزول الشلهوب وشفناه بلمباراه الاسيويه في أوزباكستان مع ادواردو بلهدف الثاني وضغطه ع مدافعي الأوزبك اذا ماتوفق اليوم مايعني مشكله في التغيير او في المدرب ولا نتهجم ع السالم لانه مو من نجوم الطبطبه عند الجمهور ( المدرب واضح انه بآسيا يتيح الفرصه لياسر والسالم ولو فاز ماشفنا هالحلطمه )هي ثقافة لاعبين بسبب الجمهور اخر دقايق المباراه ضيع وقت ع أطراف واحتفظ بلكوره ونرفز الفريق المقابل فريق مافيه شي يخسره كله بيطلع لملعبك وجالس تبي تهاجم وتسجيل فرص طول وقت المباراه ماسجلت منها جاي باخر الوقت تبي تهاجم وتسجيل والجمهور يقول نضغطهم ونسجل ع بالكم الفريق جالس بملعبه بنتضرك طبيعي يطّلع ملعبك حتى لو كان فريق بنقالي بلا فلسفه وطبطبه وحلطمه وبتوفيق لعملاق اسيا وزعيمها الهلال الملكي |
كيف نحقق نتائج ايجابيه باستمرار خصوصا مع الفرق الاضعف ويوجد ثلاث لاعبين لا يفقهون باللعب الجماعي ومستهترين !!! سلمان الفرج سالم الدوسري الميدا وين دور دونيس بالحد من سلبية هؤلاء اللاعبين ؟؟!!!!!!! فهد المفرج مبسوط من مهارات هؤلاء اللاعبين غير المفيده للفريق ؟؟!!!!!!!!!! الميدا بالذات غبي جدا !! يضيع جهده ولياقته بسبب هالانانيه , حتى نيمار والله ما سواها ولا مره شفته يفرفر زي الميدا وهو نيمار اللي يملك مهارات جباره . لو الميدا يعرف يستغل مهاراته وجهده بشكل ذكي ويلعب بشكل جماعي والله انه يصير افضل مهاجم اجنبي لعب للزعيم , لكن وين اللي يفهم |
العله الاكبر هو السباك أدونيس فاهم التدوير غلط يخرج مهاجم وينزل مهاجم يخرج محور وينزل محور اسالكم بالله هذا مدرب يغير لاعبين مبدعين وشباب وينزل مكانهم شيبان مثل كريري والشلهوب والسالم يغير عبدالله عطيف ثالث مره وهو لاعب شاب فنان مبدع ضابط ايقاع الوسط ويطلع بدون سبب مقنع |
موضوع في غير وقته ولا له اي هدف غير زعزعه الهلال موضوع من وراه ميول فقراوي تجرع مراره الهزيمه 4 مرات متتاليه زيد الهم والفقر عندك دونـــيـــس أبـــخـــص 1 دونـــيـــس أبـــخـــص 2 دونـــيـــس أبـــخـــص 3 دونـــيـــس أبـــخـــص 4 |
اقول دحدر بس قال ابعاد المدربانت صاحي ع قول الاتراك ( بيك راس انت ) نقيل عشان نرجع للشغل العشوائي مره ثانيه وين نلاقي مدرب بالفتره ذي لو اقالوه وحتى لو لقينا وفرضا نجح كم مباراه وبعدها يخسرلك ثلاث مباريات تقولو عنه سباك اطردوه ورب النعمه جمهور يرفع الضغط كل سنه نفس المواضيع نفس الردود نفس كل شي ماتعرفو غير تطالبو ماتعرفو تدعمو ابداً المدرب من افضل المدربين باسيا حالياً ارقامه تقول كذا مو واحد طامر مثلك ينعته بالسباك عشان خسر مباراه باستهتار لاعبين سواء بتضييع الفرص او بسوء التصرف فملعبك لا يجيني واحد غبي واهبل ويقول اذا اللاعبين ضيعو فهي مسوليه المدرب هم من اختارهم جمله غبيه واللي يصدرها اغبى من الجمله يعني من وين يجبلك لاعبين مثلا اذا هذول اللاعبين بالفريق عندك يخلق لاعبين فين ولا يجيني مدرعم يقولك اطرد نص الفريق وصعد لاعبين الاولمبي مافي رئيس عاقل او مدرب بالعالم يسوي مثل هالتصرف التغيير يتم كل موسم بتصعيد لاعبين الى ثلاث مع تعاقد مع كم لاعب جاهز من الانديه الثانيه هذا في حالة بناء فريق جديد فقعتو مرارتنا كل واحد مسوي مدرب جاي يصارخ هنا روح الملعب وادعم الفريق بحضورك عشان يتوفر لهم فلوس ويقدرو يجيبو لاعبين ومدرب مثل ماتبي جمهور حلطمه ومطالبات نفسي اشوف مدرب يكمل سنتين بالهلال من غير مايطلعو المتحلطمين اقيلو هالسباك |
المدرب له أخطأ لا تصل إلى المطالبة بإبعاده كلنا نسمع المدرب كل مره يصرح أن عطيف وياسر عائدين من إصابة ولا يستطيعون لعب مباريات قوية متتالية وهو جالس يجهزهم باشراكهم في بعض المباريات حتى يكتمل جاهزيتهم . المدرب صرح انه يحتاج محور وصانع لعب ولكن بعض إعلام الهلال ممن لا يملك الفكر الكروي ومعهم بعض الجمهور عند فترة التسجيل وبمجرد تسريب خبر رغبة المدرب في تغيير أحد قلبي الدفاع بمحور أو صانع لعب قامت قيامتهم وهات ياسب في الدعيع والحافظ وجحفلي وشراحيلي وأنهم تكملة عدد ولا يمكن أن يلعب الهلال الا بوجود قلبي دفاع اجانب والآن نجدهم ينتقدون المدرب والإدارة واي شي الا قلبي الدفاع الأجانب حتى أن هدف كواك في نهائي كأس ولي العهد العام لم يتم ذكره بينما إلى الآن يتم سب شراحيلي وأنه سبب فقدان نقاط مباراة الإتحاد وحتى هدف كواك أمام التعاون إلى الآن يتم السب للمدرب ولا يذكر كوارث قلبي الدفاع الاجانب أمام الأهلي والاتحاد وغيرها كلها تلصق بالمدرب بينما لو كان اللاعب سعودي لوجدنا السب كله فيه ولكن انا تعودت ذلك من متابعة بعض من يسمون أنفسهم إعلام هلالي للأسف. الآن أنا ضد تغيير المدرب ايا كان اسمه ولكن الإدارة تتحمل جزء كبير من الخلل بالهلال لأن الأعمى يرى حاجة الهلال إلى محور وصانع لعب اجانب مميزين بل إنه كان بالإمكان تغيير بالفترة الشتوية محور بدل احد قلبي الدفاع وصانع لعب بدل احد المهاجمين وقد سافرت إلى النادي وتكلمت مع نائب الرئيس ولكن للأسف كان الرد اللاعبين ليس أغراض بسوبر ماركت تختار من تريد ! الآن لا نحتاج تغيير مدرب بل نريد ثقة من الإدارة تجعل المدرب يشرك عبدالكريم بصناعة اللعب ومجاهد المنيع أو خلف البقعاوي أو عبدالعزيز الجمعان بالهجوم وحسين القحطاني أو عبدالعزيز الشريد أو سلطان الفرحان أو نواف الزعاقي بالمحور وعند نهاية الموسم يكون تم الاتفاق مع محور وصانع لعب اجانب مميزين مثلا على المضمون لياندرو صانع لعب تشنبوك الكوري ولموشية محور منتخب الجزائر مع بقاء أحد قلوب الدفاع ويتكفل أحد أعضاء الشرف مع الناقور والإدارة بالتعاقد مع سيدو دومبيا مهاجم نيوكاسل المعار من روما بحيث ندخل الموسم المقبل بتكامل خطوط الفريق ولكن للأسف عندما نطرح اسم هنا يقوم جمهور الأندية الأخرى بعرضه على إدارات أنديتهم ويتم التعاقد معه ونحن نقترح كما حدث مع ريفاس وغيره . أتمنى ولو لمره واحده أن يتم التعاقد مع قلب دفاع ومحور وصانع لعب ورأس حربة قوي وهداف بحيث يكون أربعة اجانب لاعب لكل خط ولكن من يقرأ ما يكتبه إعلام الهلال يدرك ان بعض اعلام الهلال يكتب ضد الهلال . |
| الوقت المعتمد في المنتدى بتوقيت جرينتش +3.
الوقت الان » 02:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd