والله انه اكبر من مستوى دورينا ومكانه في اعرق الانديه الاوروبيه

والمدرب ذا مكسب كبير للفريق

ياناس ماتعبتو من محاباة اللاعبين على حساب المدربين كل سنه لنا مدرب

بينهي اللاعب الفلاني وبيدمر اللاعب العلاني

قويتو شوكة اللاعب على المدرب ماصدقنا جانا مدرب تكتيكه عالي جداً ومستوى الفريق ثابت ومتصاعد من مباراه للثانيه

لكن البعض سبحان الله تخدعه النتائج وحبه لبعض اللاعبين يخليه يهاجم مدرب مميز كدونيس

اصبرو الرجل والله قاعد يعد فريق قوي جداً والبعض للاسف من جماهير الهلال راح يهدم كل شيء

بمجرد انه يبي خطة او لعب لاعبه المفضل وتسريح لاعب اخر

اقسم بالله العلي العضيم

ان فريقنا حالياً افضل فريق تكتيكياً وادائاً داخل الملعب

وسيكون الافضل بلامنازع واغلب المباريات اللي لعبها الفريق كان هو الاحق بالفوز

فبلاش نقعد نعزف على اسطوانة المدرب في الطالعه والنازله وفي كل موسم نفس الاسطوانه

ما مليتو ياجماهير الهلال

ان المدرب يكون شماعه في كل موسم واللاعبين اللي في الملعب وتضييعهم للفرص السهله مجردين من العقاب والخطأ والمسائله

نصيحه / اتركو المدرب يعمل ولاتكرهوه في عمله والله من فتره ماشفت مدرب بتفانيه في عمله

من خلال حضوري للتمارين وشغله الجبار

تكفون لاتكونون معول هدم

............