وقت جابر عثرات الهلال
اه يا سامي

عنده اخطاءه الكبيره .....
ادواردوا ...كم مره حسم للهلال وانقذه ؟؟
يعني هو الوحيد تقريبا اللي ينقذ الهلال دائما ....
تحطه في الاحتياط ؟

المدرب ساعد الاتحاد والاهلي بنقاط الدوري

بتخبطاته واسلوبه الي جاب المرض للاعبين
العب بطريقه 451 وش خسران دامك جبت العيد
بتشكيلتك الي ترفع الضغط

اه ياسامي كان يضرب اي فريق بالخمسه
ومن بدايه الشوط لاخر شوط الفريق يلعب
ويقدم كوره جميله

مادري بعض الجماهير كيف تفكر

كم مره الفريق وصل باب القادسيه كم فرصه ضيعوها باستهتارهم امام الباب

يجيك ويقولك مدرب اش ذنبه اذا اغلب لاعبينه كذا

الفريق ماسك كوره ضاغط طول المباراة اقل شيء 5 فرص تهديف حقيقيه لم يسجلوها بسبب تعازمهم مين يبي يسجل

رأيي يجب عودة صرامة دونيس مثل ماكانت ببداية الموسم مع اللاعبين ولا ينظر للاسماء اترك ناصر وسالم وامثاله بالدكة وخارج القائمة عشان يعرفون كيف يتعالون ع الكوره ويتفننو بضياعها

ياخي حرقة دم الباب مكشوف كل واحد يرمي الكوره للثاني والمصيبة يضيعوها

السبب الحقيقي هو طبيب النادي .. والمترجم
ولا وش رايكم هالمرة نحطها في المفرج !!

8 يلعبون مع دونيس بنزعة دفاعية ..
كيف تبغى تسجل

ما ادري وين الهجمات اللي تقول عنها .. الا اذا
تقصد مهارات الميدا الخرافية . اللي ازعجونا فيه
ويقولون لاعب تكتيكي .. ع اساس ما احد يفهم كورة

إقتباس الرسالة الأصلية كتبت بواسطة هلالي والباقي اسامي عندما يخسر سامي مباراة او يتعادل طبعا الرد سامي ماعنده فكر تدريب وسامي ماعنده خبره واذا خسر دونيس الاعبين هم السبب ويسحبون رجليهم والغلط عليهم ممكن احد يحل هالمعادله

ياعمي ابر مستفيد من المدرب هو الفرج دايم اساسي وكابتن مرفعهه فووووق وهو ما يستاهل

نظرية المؤامرة نظرية غير مقبولة بل أنه يمكن الرد عليها بسهولة فمن يحدد العناصر التي تشارك أليس المدرب وإن رأى أي خلل من المسئول عن المعالجة أليس هو المدرب لذلك طرح مثل هذه المواضيع إستخفاف بعقولنا مع إحترامي لك أخي الكريم فالأمر ليس كما ذكرت بل أن أكثر من يتحمل ما حدث وسيحدث للفريق إن إستمر هذا العبث هو الإدارة والجهاز الفني الإدارة لسكوتها عن عبث المدرب وطريقته العقيمة والمدرب بإصراره على طريقته في كل مباراة دون قراءة الخصم قبل وأثناء المباراة فمباريات معروف مسبقاً أن الفريق المقابل سيتكتل أمامك فلماذا الإصرار على مهاجم واحد وأين التنويع في بناء الهجمة والكرات الطويلة فأي مدرب في الدوري أصبح يدرك أن بناء الهجمة يبدء من دفاع للإطراف فأصبح الكل يعمد إلى الضغط على دفاع الهلال وتكثيف الأطراف وتكررت في أكثر من مباراة فمن يتحمل ذلك أليس المدرب

إقتباس الرسالة الأصلية كتبت بواسطة هلالي رقم 70.000 اجل البلا من اللاعبين البلى من مدربك السباك يلعب بمهاجم واحد قدام القادسية لمدة 60 دقيقه ولا يستفيد من تغييراته الا اخر المباراة . وعلى باله ان الدوسري المنقذ للمباراة والله دام معك هالسباك ما راح تحقق بطوله نفسها طويل . والجاي راح تشوفه بالاسيويه

راجع مستوايات " الشمراني و الفرج " لتجد كلامي صحيح ....
هناك تضارب في وجهات النظر وربما وصلت الأمور إلى الهواش بين المدرب و الشمراني والكل يعرف ذلك
وإلا لماذا ركن المدرب الشمراني بالإحتياط ؟!؟!؟
بعدها تكون شلة بين اللاعبين لإقالة المدرب ...

مدام الإدارة و الداعمين لا يريدون سامي الجابر على الأقل مدير كرة ....
فقولوا للفريق السلام .........

لاعبين متخاذلين اصلا مع القادسية تفوز بدون مدرب للاسف مفروض اربعة اهداف من الشوط الاول اذا تبي الدوري
لكن مانقول الا حسبنا الله بس

كريري ولا عمري شفته يسجل ولا يصنع ولا يسدد
سالم مكانه في الاولمبي ويخب عليه
الفرج الحمدلله والشكر بس حظ الاعور في ديرة العميان صار نجم الهلال الاول لان مافيه احد ينافسه على المركز اصلا ولا مامنه فايده لا في ناديه ولا في المنتخب
الشهراني مظلوم مع هالاشباه اللاعبين
الميدا حاله حال ويسلي لوبيز ولكن اعذره مدري كيف يتحمل ناصر
ناصر انا مادري ما يخجل الواحد قدام الملايين اللي يتابعون لعبه واحس انه اعطي اكبر من حجمه
ادواردو بارد في الوقت الحاسم ومركزه مادري هو صانع ولا هداف لحد الان
وسط شوربة ولا واحد يسدد على المرمى صح
فاولات وراسيات الواحد ما يقدر يشيل نفسه تخاذل لدرجة ماتتصور
المفرج اظن انك اخذت فرصتك وزيادة بروود وتطنيش وحماس معدوم
المدرب خدمته النتائج والله يستر من الجاي
بس كل هذي المشاكل تنحل بشي واحد وهو الروووووح والحماس والقتاليه وبعدها راح يبين المدرب اذا كان صح او غلط وراح تبين المراكز للاعبين ومن اللي مغطي مركزه صح ومن المتخاذل
في النهاية اتحدى واحد فيكم يعطيني تشكلة الهلال للمباراة القادمة

أستغرب من اللي يقول كم مرة وصلنا قدام المرمى
وإلا اللي يقول الفريق مستحوذ على الكرة
وإلا كلمة الهلال سيطروتملك الملعب طوال المباراة
كل الكلام هذا مايوكل عيش لأن الكرة اهداف
وفيه فرق كبيربين وصول للمرمى دون فعالية تذكر
وبين هجمات خطيرة يتوقع كل من يشاهدها تسجيل هدف
وهذا لايحصل مع الهلال لأن دونيس يصرعلى طريقته بمهاجم واحد
وينتظرلما بعد الدقيقة 60 ليبدأ تبديلاته بعد أن يتسبب الضغط بتسرع اللاعبين وإرتباكهم
دونيس عنيد وعبيط إذا صح التعبيروهومستمربقناعاته حتى وإن خسراللهلال الدوري
وببقى العتب على إدارة الهلال التي لم تمارس صلاحيتها في مناقشة المدرب ومكاشفته بأخطاءه
يوم أمس السبت إنتزع الإتحاد الصدارة من الهلال واليوم الأحد إنتزعها منه الأهلي
بعد تعادل الهلال وبلوغه النقطة ال 41 وفوزالأهلي وبلوغه النقطة 42
ومباريات الإسبوع القادم ستكون سهلة للأهلي والإتحاد فالأهلي مع القادسية والإتحاد مع الوحدة
أما الهلال فستنتظره مباراة صعبة أمام النصر وفي حالة خسارة أوتعادل الهلال سيتراجع للمركزالثالث
وعندها لن يستطيع الهلال العودة للصدارة والمتبقى من الدوري مباريات تعد على اصابع اليد الواحدة
والبركة في قناعات دونيس وصمت وتردد إدارة الهلال الجديدة