المشكلة في الجمهور من 3 مباريات لم يسجل هدف

حس يا جمهور وسجل تراك قاعد تضيع فرص سهل و احترقتوا اعصاب اللاعبين

وش بعد تبغوان بعد

تبغون المدرب يدخل ويسجل عنكم

الهلال الي الخلف الي الخلف يسيرررر.

لماذا يصر على ثلاثة قلوب دفاع مع فريق يعتمد على اقفال منطقته..الهلال يكون اكثر قوة باللعب الهجومي ولنا في نهائي ولي العهد خير مثال...دونيس يقود الهلال للمجهول

لكل من ينتقد لاعبي الهلال

انت مفلس فكريا

لان وبكل بساطه من يختار اللاعبين ومن يوظفهم باماكنهم ومن يعلمهم التكتيك هو المدرب فقط

الهلال يفتقد لعنصر مهم وهو اللعب السريع وكورة اللمسه الواحدة ولكن هذا اللعب لا يجيدها دونيس بسبب فكرة الدفاعي الجبان
الهلال افتقد للوسط والسيطرة والصناعه وهذا يرجع للمدرب
الفرصة المهدرة شيء طبيعي ولكن الغير طبيعي ان تكون الفرص وباب الخصم رجع بتكتل دفاعي ولو نملك كرة سريعه نوصل للخصم قبل تنظيم صفوفه

نقطة مهمه اذا لم اشاهدها في هلال دونيس فيركل هجمه هلالية لا اشاهد في داخلىالصندوق سوى لاعب او لاعبين فقط
فكيف يسجل من وسط 8مدافعين

مدربنا مفلس

اتعجب من بعض الأخوة الذين يدافعون عن المدرب
الذي يحصل في الهلال مكابرة من المدرب واقصد مكابرته على التشكيلة فلو غير بعض قناعاته.
كذلك الادارة من المفترض أن تناقشه على هذا العبث ولا يترك الموضوع هكذا.

انا في الماضي كنت لا أؤمن بمقولة "مندس"
في منتديات الهلال
اما الان وبعد ان قرآت مايكتبه هذا الملك
عرفت ماهو معنى مندس

اطالب بطرد سلمان الفرج وسالم الدوسري وعبدالعزيز الدوسري وياسر القحطاني ويوسف السالم والميدا

سيعود الزعيم تفألوا سيعود بأذن الله لاتقسوا عليهم مهما قصروا فهم بشر يصيبون ويخطئون ويوم لهم ويوم ليس لهم وهذا حال الكرة مهما قاتلت ربما ليست مكتوبه لك وربما سوف تأتي البطولة من الباب الضيق سوف نرى قادم الأيام 4 جولات والعزائم دائرة بين الزعيم والراقي حتى دخل العميد بينهم ولا زالت العزائم تدور
انتظروا ربما تكون النهاية سعيدة وبطريقة خرافية او خيالية فيوجد مباريات مباشرة بينهم فالنتائج تريد ان تكون صعب على الجميع هذا حال الكرة وهذا حال الأثارة الأهلي اليوم الأول وبكرة الثاني والأتحاد الأول وبعد الثاني وكذلك زعيمنا نفس الوضعية دوري عجيب انت تشاهد كل شيئ سهل وانت بالمدرج او خلف التلفاز ولكن داخل الملعب اختلاف كبييييييييييير لا تراه انت بل يراه اللاعبين فقط

نسأل الله التوفيف للزعيم .... الصبر والتحفيز للاعبين والدعاء فقط .... عندهم الكثير يحسون ويعرفون قدركم ياجماهير الزعيم ولكن الحظ والتوفيق كلها بيد الله حتى لو كان المرمى بدون حارس مسألة توفيق واختبار للفريق لتصحيح اوضاعه في قادم الأيام
بطولة دوري + بطولة كأس الملك + بطولة اسيا الله يعينهم ويعطيهم العافية بالصبر والتأني والتركيز والدعم والمسانده وقبل كل هذا توفيق رب العالمين للزعيم وللجميع انه سميع مجيب .....

ودمتم ..

باين التكتيك والدليل لاعبين شارفوا على الاعتزال قاعد يلعبهم في مراكز غير اللي هم متعودين عليها خمسة عشر سنة تقريبا

يعني زين من الشلهوب وكريري اذا قدموا لك مستوى في مراكزهم الاساسيه تروح ترجع كريري للدفاع والشلهوب محور

خاف الله فينا الشلهوب ان شايف هيئته الجسمانيه قادر يقوم بمهام المحور غير الاعبين اللي كانوا مميزين مثل الفرج من افضل الاعبين صار سيئ بفضله

والله العظيم لو اجيب سلبيات هالمدرب يبي لنا يوم كامل واللي يقهرك ما زال شله من الجمهور تمجد فيه اذكروا لنا حسنه وحده فيه

حقق ثلاث بطولات احب اعلمكم البطولات اللي حققها وحده بالحظ والثانيه النصر ما استعد اصلا والثالثه لعبنا مع اندية درجة اولى وثانيه

وبطلعة الروح فزنا والشباب مستواه هابط ولاعبيه مصابين وفي النهائي نزل بتشكيله مميزه لعب شوط ورجع عفس الفريق ولولا لطف الله كان ما حققها

مدري تلعبون على اطفال انتم ولاتشوفون شي غير اللي نشوفه انا ماحصل وشفت الفريق بهالمستوى الفاشل

صحيح احيانا الحظ يوقف ضدك لكن يكون الفريق قدم مستوى وضيع فرص اهداف محققه مو اللي صاير الان حتى الفرص انعدمت

على العموم الله يفكنا عاجلا غير اجل من دونيس ومحبيه يارب

حبيبي الزوري شايل الفريق عدة مباريات
المسألة تنظيم والشهراني افضل ظهير حاليا تبي يجيبوم لك خالد الغامدي ولا عقيل بلغيث ولا سلطان البيشي
ممكن اتفق معك في سلومي عزوزي الميدا لكن البقية نظمهم وتشوف كيف يلعبون
اما تلعب بثلاثة سناترة وترجع لاعبين يسار محاوره وتبي دوري بطولة نفس طويل تحلم

مين اللي يختار التشكيلة ؟
مين اللي يصر على مشاركة الميدا أساسي ويركن الشمراني في الاحتياط ؟
مين اللي يصر على اللعب بسعود كريري مدافع واللاعب محور وأجاد في المحور كلما لعب في مركزه الأصلي ؟
مين اللي دمر فيصل درويش في الاحتياط وعندما أحرقه قصدي لعبه يلعبه في مركز غير مركزه ؟
مين اللي يقنعنا أن عزوز أحسن لاعب في دكة الاحتياط ليتم انزاله في المباريات الأخيرة ؟

دونيس يا صاحبي يعبث بالهلال
دونيس قلناها مراراً وتكراراً مرحلة وانتهت

كم مدرب مر على الهلال ومع هذا الوضع زي ماهو لو تجيبون عشره مدربين يعملون في الهلال مع نوعية هولاء الاعبين مستحيل ان يعود الهلال الذي تفكرون فيه زمن حصد البطولات وتجميع الكؤس انتهى الان حتى متذيل الترتيب يلعب قدام الهلال بكل قوه وبكل خشونه من اجل ان يحصل على 20 الف مكافئه التعادل عاد لو فاز بيجبون للاعبين عقود احتراف ومكافئات لايحلم بها حتى الي يجيب بطوله اصحوا اقسم بالله ان الهلال مستهدف من خصومه .... ومذموم من قبل جماهيره حتى لو جابوا جميع البطولات بيقولون المدرب سباك والاعبين كديش لافرق ثقافه تشبعنا بها لن تتغير ..........