|
اثباتات وادله تؤكد ان الدوري السعودي هذا الموسم قوي... وحامي الوطيس.. # مقولة الدوري ضعيف مجرد كذبة لتغطية فشل ذاك النادي....... السلام عليكم نشرو في الاعلام الاصفر وروجو كذبة ان الدوري هذا الموسم ضعيف واسهل دوري ولكن عندما تسالهم وش ترتيب النصر تلجمهم وتلجمهم اكثر بهذه الادله والاثباتات المقنعه ان دوري هذا الموسم دوري قوي 1: من يقول الدوري ضعيف اقسم بالله ماعنده سالفه الدوري السعودي قوي والدليل ثلاث انديه تنافس عليه. والانديه اللي قالو عنها اندية وسط تعطل المتصدرين. # 2:الدوري يكون ضعيف اذا كان فيه فريق متصدر بفارق كبير عن باقي الانديه. الدوري ضعيف كذبه وقدرو يمشونها # 3: محللين mbc احتارو يختارون احسن هدف في بعض الجولات. كل هدف اجمل من الثاني. ويجي من يقول الدوري ضعيف # 4: المباريات تلعب كل ثلاث ايام وضغط عمره ماصار للانديه. ويجي من يقول الدوري ضعيف. بلعكس دوري احترافي وقوي # 5 : هدافين مثل السومه ادواردو الشمراني السهلاوي ايفالو ماعاد يقدرون يسجلون اهداف بسهوله وهذا دليل ان جميع الانديه تلعب بتكتيك ممتاز # ختاما:: كل النصراوين اللي يقوولون الدوري ضعيف ومسوين فاهمين وللاسف مشى معهم بعض الجمهور لانهم حسو ان الهلال الاقرب لتحقيق الدوري فأخترعو هذه المقوله الكاذبه لتغطية فشل النصر اذا كان الدوري ضعيف ليه النصر ماقدر يفوز على الانديه المتوسطه !! النصر اللي مهاجمينه ولاعبينه بالملاين!! ليه الاهلي والهلال والاتحاد راس براس على الدوري واي فريق ينتظر تعثر الاخر كل هذا دليل ان الدوري قوي وحامي الوطيس ولن يحسم الا في اخر جوله... |
الله يعطيكم العافية وبالتوفيق للزعيم الملكي |
وعليكم السلام الشيء الجميل ان الدوري ليس ضعيف بدليل تنافس أكثر من فيق ووجود فرصة لهم الشيء المحبط ان الهلال شكله بيضيعه فقط بتعادلاته مع الفرق المتواضعة الهلال منافس قوي ولكن خمبق في آخر الجولات وتعثر وأعطاهم مجال يلحقونه الاتحاد والأهلي لن يفوتوا تعثر الهلال. لا أعلم هل السبب ضغط المباريات أو عدم تركيز أو تساهل المهم ان الدوري سيشتعل لآخر جولة أتمنى يتعادل أو ينهزم الأهلي الليلة ع الأقل نلحق شوي من اللي فات. |
إقتباس:
السبب طال عمرك السباك دونيس يجب اقالة المفرج اللي قاعد يخدع الجمهور. اجل دونيس افضل مدرب مر على الهلال حسبنا الله على كل منتفع مدرب مريح الاعبين من التمارين البدنيه والاحمال عاجبهم المفرج والاعبين هالوضع والادارة للاسف تستعين بمطبلين لدونيس فقط. غشو الاداره |
تحرك رجال الاهلي وحاسبو المدرب واقالو مشرف الكره وعينو طارق كيال ومبروك الصداره يا اهلي اما رجال الهلال مازالو يتفرجون على حرق اعصابنا 👎👎👎 دونيس تلاعب في سمعة الهلال بعد ماكنا نفوز على الاتحاد بالخسمات صار يهزمنا رايح جاي. والانديه الصغيره تهزمنا وتعطلنا بطولات النفس القصير وبطولة من مباراة وحده خدعتكم بهذا المدرب اللي كان اعتبره محظوظ ولما اشدت المنافسه ظهر على حقيقته |
الدوري قوي أجل ؟ لاتجلس ترقع للفريق الاتحاد اخذنا رايح جاي التعاون جلدنا . الفتح تعادل معنا . وتقول دوري قوي ؟ لو الدوري قوي كان نبدع في الاسيوية ... ع العموم المدرب لا يفقه شيء بالتدريب والقادم راح يكون سيئ وتذكر مشاركتي هذي |
هي اجتمعت دوري قوي و فريقنا تعبان . صحيح فيه تنافس قوي لكن حصلت كم فرصة للهلال انه يوسع فارق الصدارة ولا استغل هذي الفرص . |
إقتباس:
مازلت اكرر الهلال يملك افضل الاعبين والعناصر لكن لايملك المدرب اللي يعرف يوظفهم صح شفنا كيف مدربين الانديه يلعبون بتكتيك عالي ليس استقصاد لهزيمة الهلال او تعطيله ولكن لينجو من الهبوط بلعكس هالامر اذا كان فيه مدرب في الهلال ممتاز سيفكك اي تكتل دفاعي لكن دونيس خيطي بيطي مدرب خربوطه اخذ اكبر من حجمه عشان بطولات النفس القصير والحظ. مدرب الهلال السابق كمبورايه تمت إقالته والهلال متصدر وفايز على الاتحاد والنصر والاهلي والشباب لكن دونيس يعبث ويهزم الهلال ويجيك طبال يقول حاسبو الاعبين هع شي مضحك |
إقتباس:
مـع كامل احترامـي .. انت شخـص متناقض جـداً ولا تميــز ما تكتبــه .. تكتب موضوع عن موسم وكذبه نادي النصـر ثم ترد عليهـم بأن الدوري قوي والفرق تحسنت والدليل صعوبـه التسجيل فيهم وخاصة بالاسماء الي ذكرتهــا وركـز على .. تحسنت الفرق واصبحت اقوى .. ثـم تتداخـل بمستوى الهـلال والمدرب . وتناقضهـا بأن الهلال كان يعطي الاتحاد خمسات .. وكأن الاتحـاد لم يتطور مع الفرق الأخـرى والأهــم قلت بأن هم بالصداره ورأس بـرأس بالدوري .. تيب ما دام الدوري قوي ورأس بـرأس ليه التقليل من الاتحـاد .. وما دام الفرق الصغيره اصبحت أقوى ولديها تكتيك وتريد البقاء بالدوري ليش الزعـل إذا عطل الهــلال نادي آخـر.. وإذا عيـن الأهلي طارق كـيـال .. وش الجديد .. سبق وكان في الأهلـي وخسـر الدوري وآسيــا وولـي العهـد وغيرهــا من البطولات واصبح الأهلـي بالترتيب السادس ولم يشارك في آسيا الموسم الي بعدهــــــا مع البطل [ طارق كيال ] بوجهت نظرك .. دونيــس مدرب بطولات قصيـره .. ليش ما حققها المدربين المميزين الآخريـن الي تمتدحهـم .. مثل الأهلــي العام الماضي وهـذا الموســم وكذلك الاتحاد والنصر مادام انهـا سهلـه بوجهـت نظرك .. مــادام [ المدرب ] سباك وفاشــل .. والهلال يملك افضل اللاعبييـــــــــــــــــن والعنــاصــــر .. تيب وراك تطالب بشطب عبدالعزيز الدوسري وتنسيق شرحيلي .. والهجوم على سلمان الفرج .. والأهــم تقول [ رقـاصــه ] على سالــم الدوسري . بأختصـار .. اذا ما عجبك المدرب تمتدح اللاعبييـن عشان تنقع البعض هنا بأن المدرب سباك .. وإذا ما عجبك اللاعبييـن تسميهـم بمسميات حوراي. بالتوفيـق لك والاستمـرار على هذا الحال من التناقض وبعض من معـك حتى يعـرف الجماهيـر من هـم الي ينتقدوا لأن المثل يقـول [ حبــل الكذب قصيــر ] .. |
إقتباس:
انا هلالي واعرف الهلال الهلال لاعبينه سوبر ستار يقدرون مع مدرب غير دونيس ان يضربون بالخسمه ولما تطور الانديه الصغيره المفروض الهلال متطور اضعاف عنهم الهلال عند لاعبينه الحلول لكن ابتلاهم الله بمدرب جباااان ومتخبط. |
موضوع لي قديم عن دونيس توقعات وكلها للاسف صارت صحيحه. http://vb.alhilal.com/t1201123.html واذا انتقدت الاعبين فهذا لاني اعرف امكانياتهم واذا غلطت وقلت عن سالم **** فهذا لاني صدمت بالمنظر اللي شفته كيف نشد الظهر بهذا! وللعلم المدرب هو سبب انفلات الاعبين المدرب له دور كبير في ضبط الاعب وتقوية شخصيته وعقليته. لان سالم وغيره من الاعبين في نادي كبير ومحترم بختصار صدمة لي ولغيري الله يهديه عزوز محسوب لاعب على الهلال لم اطالب بشطب شراحيلي لكن قلت لازم يحترم الكيان لاتدخل في النوايا بنسبه لطارق كيال اعرف كل اللي قلته. لكن هل يمنع ان تحدث صدمه لاعبين هل يمنع ان تغيير دم فاسد بدم جديد المفرج للاسف مشغول في امور عائليه نحتاج فكر جديد ومدير كره شغله الشاغل الفريق استهتار الاعبين اوزانهم الزايده اصاباتهم المتكرره تدل ان مدير الفريق صنم لايوجه ولايحذر ولايقدم ارشادات ونصايح وخصم علني وتشهير في كل لاعب مستهتر. التشهير افضل علاج لضبط الاعبين |
إقتباس:
مع احترامـي .. لما تقول انا هلالي وأعرف الهلالـ انا لما تكلمت هـل انا بايـن علي انـي وحداوي او مشجع تعاونـي .. مثلاً عشان لا اعرف امكانيات اللاعبييـن والإدارة والمدرب وكيان النادي الهلالـي .. انت تكلمت عـن هذا الموسم وخاصة الدور الثانـي بتطور الفرق واصبحـــــــــت قويـــه وكلامك واضح شطب ما كان عليه بالسابق من نتائج كبيره الي كان يحققها الهلال في الخصـــوم .. فـ اصبحت الفرق اصعـب ومن ضمنها نادي قوي مثل الاتحـاد .. فـطبيعـي الهـلال راح يتعثــر .. نعم الهلال المفترض متطور اكثر من الفرق الصغيره ولكن دائماً من ينكر الشيء او يجحده لا امان لــه .. فلما تركز ع المدرب وتترك الظروف الأخرى فهذا رؤيـه من زاويه ضيقه وتفكير ضيق جداً. علينـا التركيـز في كل الظروف والحكم بعدهـا على المدرب وظروف هالموسم واضح للهلال لا علاقه لهــا بالمـــــــــــــدرب والنتائج التي تحدث. ولما تنتقـد اللاعبييــن وتهاجم البعض بقسوه وثـم تقول [ سوبـر ستـار ] لتقنع نفسك بأن المدرب سبـاك اجــل من هـو المدرب [ البطل ] بالنسبـه لك .. |
إقتباس:
مع احترامـي لك .. هذا ليس بنقــد .. ولا يحق لك أو لـي بوصف لاعبييـن بتلك الاوصاف مهما كان الأمـر وانا لم ادخل بالنوايا لأن شفت وقرأت وليس شرط يكون بالمصطلح شطب ولكن لها معاني كثيره تندرج تحتهـا إلي تذكرها .. حتى انت تعرف مدى الخطى إلي ذكرتـه عن سالم الدوسري [ ولم تعتذر على ما ذكرته ]. وجالس تضع مبررات واعذار لهــا رغـم الخطأ فيهـا. والمدرب [ دونيس ] صارم وانضباطـي بالملعـب والتماريـن بالنسبـه للأشياء الأخـرى ليس لها علاقـه فيها لا المدرب ولا مدير الكـرة .. ولا يوجـد احـد ما يخطــي واذا ستــر الله عيوبنــا ومعاصينـا واخطائنـا بكيف انت تطلب بتشهيـر غيرنـا من اجل عـلاج افضـــل لضبط اللاعبييــن. وتدخـل في أمـور دم فاسـد وغ ــيـره ولا أعلـم ماذا تقصــد فيها. موضوعنا كان واضــح وانت تدخل في أمـور أخـرى أمـا طارق كيال كلامي واضـح انت [ جعلتـه قدوه ] للمدير الفني ولم يغير شيء في الأهلي في مباراة واحده كان اللاعبييـن متحمسيـن للمباراة والصداره .. لأن سبق وكان في الأهلي وكانت نتائجه سيئه ومشاكلـــــ اللاعبييـن في وقتــه كثــيره .. |
في ظل عدم ثبوت الصدارة لأندية ثلاثة قد يدخل معهم رابع دليل قاطع ان الدوري قوي والتنافس على أشدة ولكن فلنرد عليهم بجملة ونقول صدقنا ان الدوري ضعيف فكم ترتيبكم فيه ؟؟ :s2: هذه عليهم لأنهم بلهاء اصلاً اذا كان الدوري ضعيف والفرق ضعيفه وانت مركزك الثامن فهذا يعني انك أضعف من الضعيف وهم كذلك |
إقتباس:
الهلال كان يضرب الاتحاد في عز قوته بالخمسات الاتحاد الان مجرد مخلفات وتجميع لاعبين من انديه اخرى. واجانب سيئين.. اذا تبي اطبل للاتحاد فهذا ماهو منتداهم.. ولاتشكك في حبي واخلاصي ومعرفتي بالهلال اللي مايهاب اي احد انت بدل ماتتفلسف كثير ليه ماتشوف الاحصائيات والنتائج وتقارن الهلال مع دونيس ومع غيره من المدربين اقل شي يارجل نبي نشوف الهلال اللي نعرفه اشتقنا له هو شوط وحدا قدام الاهلي نهائي ولي العهد شفنا الهلال بعدها اختفى ورجع الدونيس يستعبط. الانديه اللي قلتها لاتاكل عيش مع الهلال اذا كان مع مدرب شجاع اما مدرب جبان مايشرفنا.. |
| الوقت المعتمد في المنتدى بتوقيت جرينتش +3.
الوقت الان » 02:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd