|
جمهور الاستراحات والمقاهي !!! السلام عليكم ورحمة الله وبركاته جمهور الهلال في الرياض في كل موسم يثبت لنا انه جمهور نهائيات واسيويه فقط فريقك متصدر وبطل كأس ونشوف المدرج بهذه الحاله الجميع يقول الهلال الاكثر شعبية ف المملكه ولكن هذي المقوله تشاهدها فقط خارج ملعب الهلال وبعد المباراه الجميع ينتقد كيف تنتقد وانت ماتدعم فريقك ولا تسانده ف المدرج احضر وبعدها لك حق الانتقاد اما انك جالس تحت المكيف وتبي تنتقد اقلك اترك انتقادك لك لانحتاج منك اي كلام .... (سلمان الفرج وسالم الدوسري ) الجميع ينتقد دونيس على وضع سلمان كـ محور بس اللي نشوفه ف الملعب غير هذا كله سلمان متعالي على الكوره وهمه الوحيد اسحب ف اثنين ثلاثه لجل الكل يقول عني لعيب ما اقول غير ( الدكه تربي ) اما سالم الدوسري وي سلام على سالم الدوسري لاعب ما ادري ايش جالس يسوي فـ الملعب مهاراته مانختلف عليها بس مو كل شي المهاره تأخير لعب قتل مجهود الفريق تمريرات خاطئه فاشل جدا ف الانهاء يطلع مباراه واحده فقط و10 مباريات سيء جدا ... ادواردو لازم الكل يجلس معاه ويعرف ايش سبب هذا المستوى السيء ف الدور الثاني كأني اشوف ويسلي مره اخرى وشكرا ... |
ذكرتني برئيس نادي يقول للجمهور " أحضر و أنت ساكت "!!! مو معقولة هالكلام فريقي مستواه نازل بشكل مخيف و أحضر و أنذل و أتحطم !! ليش ..!؟ |
ياعزيزي ماعلاقة الجمهور وحضوره بمستوى الفريق؟ الهلال لعب بدون جمهور امام لخويا وكانت من اجمل مبارياته باسيا وهزم لخويا برباعيه .. الشباب لايملك جمهور كبير ورغم ذلك كان منذ ايام فؤاد والمهلل افضل واصعب فريق سعودي وحقق الدوري3 مرات متتاليه.. الهلال حضر له70 الف متفرج امام ذوبهان وخسر وخرج من اسيا وحضر له70 الف متفرج امام سدني ولم ينتصر ولم يحقق البطوله بعيدا عن كوارث نيشمورا... قلتها الف مره...اللاعبين يمثلون 70% من قوة اي فريق فنيا ومعنويا كيف افوز ولاعب مثل سالم الدوسري يضيع الهجمه ولايعرف كيف يعكس كوره ادخل ال18 (حدثت اكثر من مره خصوصا بالشوط الاول) كيف افوز ولاعب مثل الفرج يخطيء مليون مره بالتمرير.. كيف افوز وادواردو ينخفض مستواه كثيرا ولانعلم السبب؟ لانختلف على مستواهم الفني ولكن الفكر كرة القدم قبل الجهد..بعض لاعبي الهلال لايملكون الفكر وكيف يديرون اللعب متى وكيف واين يمررون.. |
والله ماعاد ينفع الحضور مع هالكديش . واذا بتتكلم عن الجمهور . ترى المانيا جلدت البرازيل في عقر دارها ب 8 . وبدون جمهور يذكر جمهور الهلال عقلاني وعارف ان الهلال مستواه مدحدر من ايام سامي الجابر ونص مبارياتنا فوز بالصدفة . وتبيه يحضرر !! انا بالنسبة لي ماراح احضر لين اشوف كديش الوسط برى النادي |
كلام منطقي مقارنه بما حدث الليله سلمان المدرب ما قالك تفلسف ولا مروح و راوغ..! عطيف جالس يغطي هفواتك المميته..! المدرب لا يتحمل اي شيء.. خرج عطيف و زدت الطين بله يا سلمان لاعب دولي لا تعرف عزف وسط الملعب...!! سلمان اليوم لعب تقريباً شبه حر.. و بعد خروج عطيف تم ارجاع سلمان.. و لكن يبدو ان سلمان ماخذها استعباط.. سالم تحرك اخر ربع ساعه و لكن بعد جلطه اصابتنا.. ادواردو عقدك يساوي 48 مليون ريال..! عندما فاوضتك الانديه .. غاب الميدا و غبت معاه.. و هذا يعطي مؤشر بانه يفكر بالرحيل اذا ناوي ترحل ارحل.. بقيمة عقدك نجيب محور و صانع لعب.. بهذا المستوى لو يدرب الزعيم عشرين مدرب لن يفلحون.. انا دائماً اتحاشى الانتقاد للاعبين من مبداء الدعم و اخر الموسم نتكلم و لكن ان يوضع المدرب شماعه فلا .. اللاعبين مجرد ظل لا اكثر.. فهم من يتحملون هذا السوء.. اما بالنسبه للفوز و الخساره و الحضور معليش الي ما يكون مع الزعيم باسواء حالاته فلا يستحق اسم مشجع ملكي.. نعم نحرن و لا نريد الخساره و نريد كل البطولات و لكن سنحضر و سيحضر الزعماء مهما كات النتائج فيكفيني حمل العلم الازرق و لو وقفت لوحدي.. عمر الزعيم ما يرجع الا بجمهوره و عمر البطولات خلفها الجمهور.. و الي ما يبي يحضر يوفر لنا مقاعد.. لسنا كالفقر لكي نقاطع و لسنا مثل اي فريق نقاطع هذا الكيان ملك لنا ان لم نقف خلفه فلا نستحق ان نقول نحن زعماء.. ما حدث اليوم سينعكس على الفريق بالشيء الايجابي و ستهز مشاعر اللاعبين باذن الله و سيرتفع الموج ليكسر كل حاجز.. و سنزيد المدرجات باذن الله هكذا هم الزعماء.. اتمنى استفاقة الزعماء بما بقي في الدوري و سنبقى زعماء المدرج الاول في اسيا و لدي احساس بان الزعيم سيجتاح ما بقي من الدوري هكذا عرفنا الزعيم.. |
بهذا المستوى لن يحقق الهلال اي بطوله قادمه تخبط اكثر من ست مباريات ودونيس نفس الاخطاء |
الجمهور الاعب رقم 12 للي يقول وش فايدة الجمهور وبالنسبه لجمهور الرياض والله جمهور استراحات ومقاهي شوف مباريات الهلال بالغربيه بالشرقيه بالقصيم ياخي مباراه زي هذه تعتبر مباراه مفصليه المفروض من الساعه 5 والملعب فل لكن وش نقوووول !! |
أفضل مباراة لعبها الهلال العام الماضي كانت أمام لخويا وفزنا بنتيجة كبيرة بدون جمهور ولكن هذا لا يعني أننا لا نلوم الجماهير على عدم حضورهم ومعاك حق بس اللي اختلف معاك فيه المستوى الهزيل للفريق ليس بسبب عدم حضور الجماهير بل عدم معرفتهم لأدوارهم في الملعب والفلسفة الزايده وإرجاع الكور ولا يوجد صناعة للأهداف كل هذه الأشياء من يتحملها |
جمور الهلال غير موثره ايجابيا بل مؤثره سلبيا والاعبين يعرفون هذا الشئ . بعض الجماهير متكبره ومتغطرسه لاتريد التعثر ويبغون جميع البطولات وهذا مستحيل يحدث في هذا الزمن اتمنى لعب الماريات بدون جماهير لكي يخف الضغط على الاعبن |
الجمهور ماله حق يطالب بأي شئ وهذا حضوره حضور يفشل قسم بالله وفي مباراه مفصليه جمهور الاتحاد يملأ المدرج وفريقه منهار حتى استعاد عافيته الهلال دائم يفرحنا الموسم في منتصفه وجايب لنا بطولتين وبالأخير نجد الحضور عقيم بس جيدين في الحلطمه بالنسبة لسلمان الفرج فلن اطالبه بشئ ابدا اذا اصر المدرب بأشراكه في غير مركزه غصب يصير محور دفاعي ههه فعلا شر البلية ما يضحك |
جمهور أقل ادارة واقال مدرب دخله الغرور مارس الضغط حتى تسرب الى الادارة التي مارست الضغط على المدرب فدخلنا في صراع خطتنا أحسن من خطتك |
اخر من اشوفه يتكلم عن الهلال جمهور الرياض الي مربض في البيت خلاص بتنثبر في البيت انثبر ولا تتكلم عن الهلال استحوا على وجيهكم الله لا يفضحنا المباراه في الرياض وجمهور الاتحاد اكثر حسبي الله ونعم الوكيل ويالغالي من قاص عليك ان جمهور الرياض المدلل يحضر في النهائيات اتحدااااااااااااااك جمهور الهلال في النهائيات رجال الهلال في كل المناطق الي يسافرون للهلال جمهور الرياض له سنين ما سوى نصف الي سواه جمهور الهلال بالقصيم في مباراه الرائد بالنسبه للي يقولون على دونيس فاشل والله انت الفاشل الي فريق يلحق كور ما نوليك عليهم وش دخل دونيس في لعيبه مدللين يوم فوق ويومين تحت مؤشر الاسهم احسن من مستواهم غثيتوا دونيس بسبب 361 و غيرها الى 451 الي تبونها وش صار امس لعيبه يبيلهم من يطردهم بالملعب يجلدهم جلد بالنسبه لادواردو ضحكوا علينا صانع اللعاب وهو لاعب ولهب حول صناعه الالعاب هداف مثل وسلي وبرزيلي حمار ما يعرف حتى يعدي في نفسه ما يسوى حذاء نفيز والسبب الفريق اذا طاح لا يستطيع ادواردو ان يشيل الفريق لانه يعتمد على الفريق وبدون مهارات |
قد يخفى على الاخوان من خارج منطقة الرياض وضع استاد الملك فهد السيء ووضع الرياض السيء بسبب حفريات المترو وتحويلاته وبهذلته انا حضرت كذا مباراة وانا من خارج الرياض وكرهت الوضع حفريات وتحويلات تدوخك وطرق مقفلة وبالاخير يوم تلقى موقف على بعد كيلومترات تمشي مسافات وكلها صبات ومداخل محفرة وحاله ان لم ينصلح حال استاد الملك فهد لا تأملوا بجمهور والدليل جميع الاندية نفس وضع الهلال ويمكن الهلال بالرياض الافضل من بينهم وضع استاد الملك فهد مزري جدا ولا الوم اهل الرياض |
أسيوية ايش ونهائيات ايش أقسم لك بالله لو يقفلون حدود الرياض قبل اي مباراة للهلال أسيويه او نهائيه إن تشوف العدد مايوصل 15 الف لولا الله ثم المشجعين اللي يجون من 1000 كيلو كان مافيه فرق بين جمهور الهلال والنصر والشباب من عرفت الهلال وانا اقرأ شباب الدلم شباب الرس الطائف حايل الخبر كل جمهور منطقه كاتبين القابهم جمهور الرياض غريب الهلال جنبه وعاجز يروح يشجعه وبخصوص مستويات لاعبينا مانقدر نلومهم ضغط المباريات والاصابات تأثر على الفريق اللي ماعنده البدلاء |
يا وجه استح تبيني احضر من العصر عشان اجي اشوف كتاكيت الهلال يتلاعبون باعصابي ، الفرج يتفلسف ويتعالى ع الكورة ولا سالم العاهة ولا الميدا مخلخل الدفاعات اللي ما غير يعك يعك يعك بالكورة وتضيع ولا الشهراني اللي رفعاته كلها ببطن لاعب الخصم |
| الوقت المعتمد في المنتدى بتوقيت جرينتش +3.
الوقت الان » 01:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd