|
عاجل.. الى الامير نواف بن سعد... لايخدعك تحقيق كأس ولي العهد .. وشيل هالفكره من رؤس الاعبين.....! رساله الى وجه السعد: المدرب دونيس في بطولة ولي العهد قدم عصارة فكره التدريبي ولعب شوط اول خرافي والاعبين كانو في قمة مستواهم لكن هل بطولة ولي العهد اللي تشبع منها الهلال كافيه لتجعل موسمك ناجح؟ ونسيان تحقيق حلم الهلالين بالدوري الغايب منذ خمس سنوات !!! اتمنى ياسمو الامير ان لاتكون بطولة ولي العهد مسكن ويكتفي بها دونيس ولاعبينه بطولة ولي العهد نفس قصير لاترضي طموح الهلالين نبي الدوري ولاغيره ياسمو الامير واثق بالله ثم فيك انك قادر على الفوز فقط " حذر المدرب والاعبين ان بطولة ولي العهد ماهي هدفنا لكنها زيادة خير وزيادة بطولات وصارت ماضي خلاص. للاسف سمعنا نغمه جديده وكلام من بعض الاعبين يكررون " الارهاق وضغط المباريات! على اساس ايش يقولون هالاعذار الاعب مهمته يلعب وبعدين كل شي موفر لهم ومرتاحين وعادي يلعبون كل ثلاث ايام مباراة وش فيها لكن الاعذار هذي ماتمشي ومدري من دخلها برؤس الاعبين لدرجة صدقو انهم فعلا مرهقين!! خدعه نفسيه سخيفه لاتمر عليك اجل وش نقول عن الدوريات الاوربيه اللي كل ثلاث ايام مباراة ولا احد اشتكى من ارهاق ولاغيره. نبي نفس الروح اللي ظهرت في النهائي نبي ثلاث نقاط وتعتبر عن ست نقاط لانها تسوى الكثير في الابتعاد بالصداره. والاعب اللي يقول انا تعبان لو يسمح لايلعب ويعتذر عن المباريات اما تجهيز الاعذار ماتليق في لاعب " في الهلال" لان الهلال وراه جمهور وعنده مشاركات في كل البطولات يعني الاعب اللي ماهو قد هالمسؤليه لايلعب ويخرج من الهلال ويترك الفرصه لمن يتحمل👌👌👌👌 |
المدرب بنفسه قال مهتمين بجميع البطولات والرئيس كذلك .. والهلال إن شاء الله ما يغتر بهالبطولة .. |
كلام سليم اسيا طبعاً بالنسبة لي غاسل يديني منها بس نبي الدوري مثل ماذكرت لنا سنين ما اخذناه ولازم ناخذه يعطيك العافية |
اتفق معك ولي العهد طبعاً لا تكفي وليست الهدف هي من ضمن الأهداف الدوري الاداره والجهاز الفني صرحو بانه من اهم اهدافهم بلاضافه للاسيويه بعد الدوري مع المنافسه ع باقي الأالقاب والحمدالله يسيرون في الطريق الصحيح بطولة سوبر وولي عهد وصدارة دوري ولا زلنا في المنافسه ع بطولة كاس الملك ونقطه خارج ارضك كبدايه جيده وتعليقات الاعبين بعد المباراه الاسيويه تتعلق بلمباراه فطبيعي ان يكون هناك إرهاق وحتى في الفرق الاوربيه مع اختلاف مسافات السفر في اسيا ولهذا تجدهم في بطولات الكأس يرحون الأساسين والتدوير شي طبيعي لا يستنكرونه اما بالنسبه للاعبي الهلال فهذا ليس عذر ولكن حقيقه ولا تنسى اعداد الفرق المنافسه من غرب القاره في الأدوار الثمانيه والاربعه والنهائي يكون اعلى من غيرها في بداية الموسم وكذلك توقفات مسابقاتنا الكثيره مدمر في الإعداد وإعادة الإعداد ومن اكبر المشاكل التي لا نعطيها اهميه. ومع ذلك فتجهيز البدلاء جميعهم في الهلال سيفيد ويحفظ توازن الفريق ان شاءالله وحديث الاعبين فقط يتعلق بهذه الفتره ولك ان تعود الى عدد المباريات والتنقلات فيها في فتره زمنيه لا تتجاوز ثلاثة أسابيع والهلال باْذن سيكون الأفضل في إنهاء موسمهم لانه عمل ع نقطة التدوير من بدري قبل مراحل الحسم التي اقتربنا منها وأقرب توقف راح يكون بعد الجوله سبعه وعشرين ولمده قصيره بسبب المنتخب. وبتوفيق لعملاق اسيا الزعيم الملكي . |
اتفق معك في مضمون طرحك ولكن انا ايضا ضد تضخيم مباراة وحصر الدوري فيها ... وشكرا |
طيب يا ث** الموسم انتهى ؟ عرفت بطل الدوري ؟ بطل كاس الملك ؟ ياليت تقولنا مين بطل اسيا الموسم الجاي بعد ؟ ناس غبيه تستبق الاحداث ما ادري وش فايدة مثل هالمواضيع بهالوقت يا انه يكون فقراوي يبي الجمهور يقلب على مدرب فريقه ثم يقيلونه ويدحدر مستوى الهلال وتبدا المشاكل او انه انسان غبي مع الخيل ياشقرا .. المشكله لو دونيس ماجاب لكم الكاس قعدتوا تصايحون ولو كنت هلالي فعلاً مع اني استبعد لان كل مواضيعك غريبه وكلها مهاجمة المدرب واللاعبين ان كنت هلالي اقولك كلنا نبي الدوري مهب بس انت لحالك بس لا تستبق الاحداث وخل انتقادك بعد نهاية الموسم ناس غبيه تبي دونيس يمشي ويجيهم مدرب مثل ريجيكامب وكومباريه وخذلك صياح |
إقتباس:
عندما لم يردد مثل كلامك، الامير نواف بن سعد ، وصل م ناول موسم له لدور الاربعه في كاس اسيا وكان متاهل لاخر دقيقه ، لكن الله ماكتب، وانظر الى السد حققها ، والاتاحد اخرج قوانزوا الصيني ، التفائل والثقه مع العمل هي من يجلب الانتصار ، الهلال باذن الله سيحققها قريبا ، . |
انا ملاحظ انك كثير انتقادات الامير يعرف ماذا يعمل وهو احرص من الي شغالين انتقادات وضغط على الاداره والاعبين عجيب جماهير الهلال تردد مخططات اللوبي الاعلامي الذي يريد تكريس ان بطوله الدوري لنا سنين مااخذناها هم يريدون ان يكون الدوري ضغط نفسي مثل اسيا وللاسف اننا ننفذ لهم مخططاتهم لماذا لهم 34 سنه لم نسمع برامج تضغط على الاهلي والنصر والاتحاد لماذا الهلال هو من له 5 سنوات لم يحقق الدوري وشغالين على هذه الاسطوانه انتبهوا اي كلمه تصدر من الاعلام ضد الهلال لها معنى وهدف لاتنجرفون وراء مايقولون |
| الوقت المعتمد في المنتدى بتوقيت جرينتش +3.
الوقت الان » 08:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd