الحل سهل اي كورة ترجع شراحيلي مفروض يلعبها بقوه الى الاطراف ياتصل الى المهاجم او تخرج اوت هذا الحل ولا يتفلسف على باله ينصع هجمه للفريق وتجي اللمهاجم خصم مقشرة ...

هو اخطأ ولكن انقذ اهداف كانت محققة

المفروض الدفاع ما يرجع الكرة مهما كانت الاسباب

ياخي افضل طلع الكرة ركنية او تماس والا ترجعها للحارس

شراحيلي وكواك قبل مباراة الاهلي قلت الله يستر منهم يرتبكون اذا استلموا كوره والقدم مذهل معهم كل واحد يحرج الثاني

هل الحل في دكت الإحتياط حتى ينضبط

........................

دكة الاحتياط وليست دكت


الحل ياصديقي ان ندعم خالد شراحيلي وكل لاعبي الهلال
حققوا لنا كأس الملك
ثم كأس السوبر
ثم كأس ولي العهد
والان يتصدرون الدوري

ويستهلون المشوار الاسيوي بتعادل خارج ارضهم رغم نقص نصف الفريق

تخيل التعب الذي يلحق بهم والجهد والاجهاد

يلعبون في جدة ثم في الرياض ثم في الشرقية والان سيطيرون ذهابا واياباً لدول اسيوية
كل اربع او خمس ايام مباراة ! تخيل هذا الضغط وهذا العمل

كل هذا تتجاهلونه ؟
ونحن أمام الشاشة نحتسي القهوة وقد مددنا أرجلنا براحة واسترخاء ثم نسلخهم بالسنة حداد !!

ياعزيزي تعامل معهم كما هم ( بشر ) ولاتنسى الظروف ومايقومون به ويبذلونه
لاتتعامل معهم كأنهم الات حينما تخطئ اله بعملها تركنها على الرف !!!


قفوا معهم بحب ودعم


نعم ننتقدهم ليكونوا افضل وليصلحوا الاخطاء لكن لانتعامل معهم كالات مطلوب منها العمل بدقة دون خطأ !؟

إقتباس الرسالة الأصلية كتبت بواسطة طلائع الهلال يعني لما قلت دكة وليست دكت يعني صححت لي باللغة العربية .! طيب صححت اسمك زين ؟!! عجيب غريب تتكلموا باللغة و تصححوا الأخرين و أسماءكم أجنبية .!.! المهم ماعلينا .... لا أحد يطلع عن الموضوع ... بالنسبة لكلامك شبه واقعي ولكن هل تعلم أن الفرق الأوربيه أغلبها تلعب كل 5 أو 4 مباريات ؟! وهل نسيت أو تناسيت ما تسبب فيه شراحيلي في نصف نهائي آسيا العام الماضي ؟!! ياليت الواحد يتعلم من أخطاؤه علشان يبدع و يكون أسد في المباريات ... يعني لاعب يخطيء مرة عادي مرتين نقول يتعلم مرة ثالثة نقول يا الحبيب أنتبه مو كل مرة تسلم الجرة .. بس لو أعد أخطاء شراحيلي ما تنعد ولا تحصى من كثرهم ...!! مرة تسلم الجرة و مرة تروح عليك بطولة .......... والخاسر الأكبر نادي الهلال ..... وبعدين نقول للمبدع و المجتهد الله يعطيك العافية كثر خيرك ما قصرت مثل الشلهوب و ياسر القحطاني و غيرهم ما عمرنا قلنا للشلهوب أنه نكبنا كم مباراة .!!! ولم نقل أنه عالة على الفريق ...!!! فالمجتهد مجتهد مهما فعلت الجماهير من هتافات ضده أو معه ..... لكن لك أن تتخيل أن لاعب يخسرك بطولة مهمة ..!! أو يخسرك مباراة في الدوري مهمة !! وش تسوي ؟؟ و تذكرها بعدين و راح أرسلك رسالة بهذا الخصوص عن الحارس شراحيلي .... بحول الله راح أرسلك و أقولك هاردلك على خطأ شراحيلي ........... ومن قال لك إننا ضد اللاعبين نحن مع اللاعبين متى ما نفذوا تعليمات المدرب و أعطوا صورة رائعة عن اللاعب في أرض الملعب قد يتعثر لاعب بمباراة أو مبارتين لكن أن يتكرر العثرة فهذا محله " دكة " الإحتياط أو الإبعاد معروفة لأغلب الفرق و أضرب لك مثل " خالد عزيز و الجمعان " هؤلاء كانوا قمة عطاءهم ولكن سلوكهم داخل و خارج الملعب غير جيد وغير مفيد ولكن أين هم الآن ؟؟؟؟؟؟؟؟؟؟؟؟؟؟؟!!!! والله العظيم إني لما شفت صدات شراحيلي في الشوط الأول الإنفرادتين للأوزبكي صفقت له وقلت الحارس الفذ راح يأخذ أحسن حارس في آسيا متى ما حافظ على هذا الحس الإبداع للحارس ... ولكن أكررها أخطاؤه الكثيرة تدمره . الله يوفق زعيمنا الهلالي في المحافل و يحقق البطولات بحول الله تعالى ....

أخي حينما اشرت للخطأ الاملائي لم اقصد السخرية بل نحن نتعلم من بعضنا

وانا اتفق معك في كلامك جملة وتفصيلا

لكن اختلف معك من زاوية أخرى
حيث ان بعضنا لايفرق بين النقد والتجريح والمطالبة بطرد اللاعب او معاقبته ! وننسى ان هذا اللاعب هو نفسه من اسعدنا في مباريات كثيرة

انا معك بالنقد البناء الذي يضغط على اللاعبين ويحسسهم بغضب الجمهور لتعديل هذه الأخطاء
ولكن ضد المبالغة في النقد واعتبار ان هذا الخطأ كارثي وهو نهاية المطاف وووو الخ


شكرا لك

لاتزعجونا بعبارة مندس اذا قال لكم احد الصراحة الخارس هذا يبيله كويه على صلعته

اوكي صد كور على عيني وراسي لكن في النهاية طقع في التحيات من كوره بايخه وهدم جهد فريق

الله يعين والحمدلله على كل حال
كان ودنا اليوم الثلاث نقاط ،،،، ولكن الهدايا الهلالية كانت اكبر من النقاط الثلاث

إقتباس الرسالة الأصلية كتبت بواسطة ابو عثمان خ الله يعين والحمدلله على كل حال كان ودنا اليوم الثلاث نقاط ،،،، ولكن الهدايا الهلالية كانت اكبر من النقاط الثلاث

قسم بالله كان الفريق مهيأ له الثلاث نقاط ..
الفريق اللي أمامه لا يستاهل التعادل .. وقهر بهذه الأخطاء تسلب منك النقاط ...

الله يوفق الزعيم الهلالي .....

نار شراحيلي ولا جنة السديري وبنصبر عليه وبنوقف معاه

وهذه اولى مباريات المجموعة والاخطاء فيها يمكن تصحيحها

ومن العيب ان نهاجمهم في الوقت الراهن لأن هنالك استحقاقات

مهمه يجب ان نتريث قليلآ وندعم فريقا ونساعد لاعبين فريقنا

للأستمرار في المنافسات وحصد الألقاب وهذه هي شيمة الزعماء

إقتباس الرسالة الأصلية كتبت بواسطة امير لكن سجين نار شراحيلي ولا جنة السديري وبنصبر عليه وبنوقف معاه وهذه اولى مباريات المجموعة والاخطاء فيها يمكن تصحيحها ومن العيب ان نهاجمهم في الوقت الراهن لأن هنالك استحقاقات مهمه يجب ان نتريث قليلآ وندعم فريقا ونساعد لاعبين فريقنا للأستمرار في المنافسات وحصد الألقاب وهذه هي شيمة الزعماء

معقول يأتي السديري بعد شراحيلي !!!!!
الحارس الثاني بعد شراحيلي الثنيان وهذي غريبة مرت عليك !
السديري كان الهلال سيبعده عن الفريق لكن اللاعب رفض ...
على العموم نشوف المباريات القادمة وخاصة مباراة الاتحاد

مندس يحاول التاثير على الجمهور

إقتباس الرسالة الأصلية كتبت بواسطة جابر النيفاوي مندس يحاول التاثير على الجمهور

واضح من اسمك انك سليم 100%
هههههههههاااي

لاحول ولاقوة الا بالله اذا انتقدت وعلقت قالوا مندسين والله تخلف فعلا ناس تفكيرهم غبي...الا الصدق شراحيلي والله مهو طموح الهلال والله انه قنبله موقوته في حراسة الهلال وعسي الله يستر...اقسم بالله اني هلالي لايجي واحد ويقول مندس

الخطاء يتحمله الجهاز الفني ، المفروض اراحه شراحيلي ، فخالد كان تحت ضغط بجميع مباريات الدوري ، اضافع الى انه هو من شال الهلال بالمباراه النهائيه ، فكان الاولى اراحته ، وعدم ضمه للبعثه بالرياض ، حتى يرتاح ، ويكون جاهز نفسيا و فنيا ، لمباراة الاتحاد، لان الثنيان كان ،المفروض هو من يلعب ، حتى لا تضغط شراحيلي ، او يتعرض لاصابه لاقدر الله قبل مباراه مهمه امام الاتحاد بالدوري ، وللامانه شراحيلي رد هدف محقق وانفراده بالشوط الاول ، وكان حاضر طوال المباراه ، باستثناء الخطاء اللي حصل منه ، فالاجهاد البدني والفكري ، اتضح تاثيره على شراحيلي ، .