352 ماتصلح يادونيس
 

كتبت مقال بعد مباراة الاتحاد بالدوري ان الهلال امام الاندية الكبيرة يجب تغيير طريقته من 352 الى 451
وطبقها بمباراة الاهلي بالنهائي وكان المستوى الهلال مبهر بالدفاع والهجوم لكن مدربنا وكعادته قام يتفلسف ويرجع للطريقة المندثرة كرويا وكأن هناك غرام وعشق مابين المدرب و352. اليوم صحيح ان فيه عالات واولهم الحارس المتواضع لكن لايبررالانفراديات من نص الملعب
ولولا الله ثم رعونة المهاجم لكانت تكررت ماسات (مباراة الاتحاد 3 صفر اول عشرين دقيقة) وعاد المدرب العبقري بمكافاة الشمراني بوضعه بدكة الاحتياط وكما ذكرت في مقال سابق ايضا بان المدرب هذا نظامه اذا ابدعت بمباراة وبالذات اذا كنت مهاجم مكافاتك دكة البدلاء والله يجيب الخير في قادم المباريات
واخيرا اتمنى من المدرب تغيير 352 الى 451 الى نهاية الموسم ودمتم سالمين

يعني وقفت على دونيس ؟

هذي نفس الخطه اللي فاز بها كثيرا... والا بس موضة كلش براس المدرب؟؟

اللاعبين والحارس دورهم في التعادل اكثر من المدرب.

ياخي هل معجبك مستوى الهلال معجبك الانفرادات اللي بالشوط الاول من يتحملهن هل يعقل ان كواك يلعب وسط في بناية الهجمة ترى ربك ستر بمباراة الرائد لولا اخطاء حكم الراية لكانت كارثة انفرادات بالجملة وكذلك بمباراة التعاون
طيب ليه ماشفناها قدام فريق الاهلي بالنهائي !!! المشكلة والعلة ب352 وبالذات قدام الفرق اللي تندفع قدامك انا معك اللعيبة قصروا وبالذات الحارس وسالم لكن الطريقة والله ماتصلح وبعدين وين الشمراني ياخي مالعب كثير ويوم بدع قدام الاهلي حطيته بالاحتياط !!!!

من شفتك كاتب عن الحارس خالد شراحيلي متواضع .. تاكدت انك مع الاحترام لك ما عندك اي نسبة صحيحة بالتحليل الفني .. وامنياتي جمهور الفوز يرحمون ابجديات عشق كرة القدم التي يحصل بها اخطاء فادحة مثل ما يحصل بها انجازات خارقةة

المفروض يثبة على تشكيلة الاهلي 4231

مواضيع المتحلطمين أصبحت واضحه وروادها من اصحاب نفس المتلازمه أوضح
فنقاش معهم من اصحاب الطرح الرائع والنقد الهادف والفاهمين بوضع الفريق والحريصين
ع تقدم الفريق وحصد المزيد من البطولات مضيعه للوقت وإعطاء الغير مهم
اهميه وتسويق بضاعه كاسده ونقد رديئ لا يتعدى حماس او عاطفه او مراهقة
مشجع.
عندنا مباراه يوم السبت بعد يومين يحتاج له
ستين الف عاشق داعم ليس بينهم متحلطم
ليثبتو الزعيم ان شاءالله في الطريق الى بطولة
الدوري الحصاد بداء فلا وقت للحلطمه
والا الاسيويه ملحوق عليها ان شاءالله
معسكرنا القادم نكون نحضر فيه لدور الثمانيه.

يعني وش تبينا نقول تبينا نمدحه على الباص للمهاجم دون ضغط ولا الكورة اللي تزلق من تحت يده ولا فاول الفتح اللي بنص القول وتجي هدف ولا مباراة التعاون اللي يخش عليه بدال مايضيق عليه الزااوية الهلال يمر بازمة حراس واضحة
شراحيلي مثل السهم مباراة فوق ووحده تحت الله يرحم ايام حسن العتيبي والدعيع بس

يارجال قاعد تفلسف عندنا حتى لو شاف موضوعك نواف بن سعد ماراح يفهم شي (المتلازمة اوضح!!) و(تسويق بضاعة كاسدة) وشي قاعد تحرج على بطيخ !! ياخي عطنا الزبدة شف موضوعي مثلا الغبي والذكي والفيلسوف والسطحي والمتعمق والعالم كله يفهمه ماهو كلامك الله يهداك كله كلام لكن بدون مضمون كلام ضبابي ماتدري هو يسبك ولا يمدحك !! فرجاء اي واحد يكتب لا يقعد يعبر تقول بحصة تعبير يعطينا الزبدة علشان العالم كلها تفهم لان مبدئ بالكلام كلام الحسن بن علي رضي الله عنه (خير الكلام ماقل ودل)
وشاكر مرورك يابطل

مع الأسف إن بعض الجماهير ترفع المدرب إذا فاز وتنزله إذا انهزم .. لابد أن تكون هناك ثقافة الفوز والخسارة والتعادل لدى المشجع الهلالي.. ولا تنسون ضغط المباريات المتتالي..

عموماً الهلال راح يتأهل بإذن الله .. لكن الأهم هو تحقيق البطولة ..

دونيس يتحمل كل شي في هالمباره
يبوي تعبنا من التخبيص كنا زي اللوز مع الاهلي والخطه تمام
والفريق متشربها وواضح ارتياح اللاعبين لها بعد المباراه

تروح ترجع للخمبعه ليه ؟؟

اخوي فيصل انا معك ولست معك ! يعني بين بين ...
إشراك كريري ليبرو أراه خطأ وتمنيت أن يلعب رباعي دفاع ولكن إصابات وإرهاق الميدا وديقاو والعابد وعطيف وناصر والزوري جعلت المدرب يلعب بهذا الشكل
إعادة كواك ليبرو وكريري دفاع أيمن وشراحيلي ايسر أعطت للفريق بعض التنظيم وإشراك عطيف بدل الشلهوب اعطى للفريق تنظيما أكثر. ...
يلام شراحيلي بالهدف الأول ويلام الحكم بعدم احتساب بلنتي الشهراني ويلام ادواردو بضعف مستواه ويلام دونيس بإشراك كريري ليبرو ولكن التعادل جيد قياسا بالظروف .
وشكرا

المشكله واضحة جدا وتكررت مرارا وتكرارا وهي عدم التمركز على قوس الثمانية عشرمن قبل المحاور وتشتيت الكوره اتمنى من دونيس التركيز على هذه الناحيه السلبيه ومعالجتها