|
التعاون فريق كبير كبير والهزيمه منه ماهي عيب.... ولكن ....! بصراحه من المعجبين جدا بفريق التعاون وعمل مدربه جوميز اللي قرا الهلال وعرف يهزمه ولولا سو الحظ كان التعاون فايز باكثر من ثلاث اهداف وهذا من حقه لانه بصراحه يمتلك كل الادوات لمقارعة الهلال وغير الهلال وهزم نادي السد القطري بسته اهداف.. واعتقد ان هزيمة الهلال بنسبه لي كانت متوقعه ولكن تمنيت ان يهزمنا التعاون اقلها بحترام ويظهر الهلال اقلها مثل الانديه الصغيره اللي تلعب على المرتده لكن حتى مرتده زي الناس مافيه!! دونيس يدخل المباريات على عماه بدون اي قراءه للخصم!! معقول لاعبين مثل لاعبين الهلال السوبر ستار لايجدون مدرب يعرف كيف يديرهم!! دونيس المتخبط خدمته الظروف في مبارتين فقط وحقق بطولتين ولكن بعد ماشد الدوري ظهر دونيس على حقيقته انه لايملك " الا طيبته" ماتنفع الطيبه والعدل اللي ازعجونا فيها " الطبالين" الهلال يحتاج تشكليه ثابته يوجد فيها الافضل والجاهز ويستمر عليهم فاهم التدوير غلط هالمدرب الان نريد عودة الهلال ... اللي ظهر امام الفتح والرائد والتعاون ليس الهلال هذا شبح،،، الهلال الحقيقي فقدناه بوجود دونيس اخفا خطورة ادواردو الميدا المتحمس في اول ظهور مع الهلال انتهى حماسه سالم الدوسري الفرج الشهراني العابد كواك ضايعين اخفا نجومية الكعبي اهمال فيصل درويش اللي يلعب كوره سهله وبدون تعقيد وبعرضياته يحسمها اهمال مراقبة اوزان الاعبين اللي زادت بختصار مدرب " دمدمه " ونتائجه تدل انه لايعمل بشكل الصحيح.. وكل ماقرب الدوري من الهلال يبربس ويرفض الدوري... الحل هو بركاش |
الموضوع باختصار ، الهلال لم يكن في يومه ، فرصه الفريق ككل ، ان يبداء بدايه جديده وقويه ، بحصوله على كأس ولي العهد ، والعوده يروح وجلد جديد ، وان شاء الله يفوز الهلال . |
الله يعطيك العافية وبالتوفيق للهلال |
الهلال لم يكن في يومه من قبل ومن بعدالهلال الا ان طقها والحقها مجرد ركض وراء الكرة فقط.وعيون مقفلة. |
ملاحظتي على الموضوع مدرب التعاون عنده ادوات بس ماهي بنفس قوة الادوات عند الزعيم الفرق انه مدرب صاحي ومدربنا ضايع وظف ادواته البسيطه التوظيف الصحيح وخرج بهذا الفريق الجميل ولا قلي ليه مافاز على الاهلي ولا النصر المتهالك ولا الفتح ولا حتى الاندية الوسط حتى هدف ماسجلنا .. فرصة واحد مرسومه وملعوبه ماشفت |
بالعربي وبالمختصر لاعبينا حقين بربسه دشير صايعين ماهمهم الا نفسهم وعقودهم ,,, |
إقتباس:
هذا قذف وتهجم على اللاعبين هداك الله لا تعمم فيهم المتزوج والعاقل والمثابر فيهم الشلهوب وكريري والشهراني والزوري وناصر وياسر وغيرهم من اللاعبين |
إقتباس:
|
المدرب صحيح ماهو سوبر ستار .. لكن حتى بعض الاعبين ماهم الافضل .. الهلال ببساطه فريق فيه لاعبين صغار عاديين .. ماشين بعد الله سبحانه.. بهيبة الفريق + خبرة عدد قليل من الاعبين القداما . دونيس حتى الان ماوصل مرحله المطالبه بالابعاد خصوصا انه يعدل من بعض الاخطاء من مباراة الى اخرى .. اخر مباراة مثلا كانت التشكيله مناسبه قبل البدايه واجمع اكثر المحللين عليها .. مع ملاحظه عدم اشراك العابد اساسي لكن اللي خذلك الاعبين امثال الفرج وكواك وسالم وناصر .. دونيس ماهو موجود داخل مخ ناصر يقول شوت على الباب ولاتعكس دونيس استفاد من ادواردو في مبارايات في الدور الاول .. وفي الدور الثاني عرف الجميع انه هو السوبر ستار الوحيد. ... سوالك حبه مان تو مان ... وببساطه لم يظهر .. مثل عموري مع سعود كريري في ابطال اسيا وفق الله هلالنا دائما وابدا |
حنا ماقلنا شي التعاون فريق متطور وهذا ممتاز اضافه لدوري السعودي لكن احنا عتبانين على فريق بحجم الهلال يكون فريق ضعيف مالعب كره كان حمل وديع هذا مش الهلال لو لعب الهلال لعب ممتاز وانهزم قلنا هاردلك يازعيم لكن انا شفت فريق التعاون يصول ويجول والهلال يتفرج عليهم كانهم يلعبو قدام البرشا هنا العتب واللوم يالحبيب |
إقتباس:
تقليل من الفريق واللاعبين بطريقة لا تعقل ولا تصدق !!!!! خسارة مباراة من اي فريق مهما كان حجمة وتاريخة واردة طالما انك تلعب كورة قدم فهناك فوز وتعادل وخسارة لاعبين الزعيم اجتهدوا ولم يوفقوا لان المباراة ونقاطها الثلاث لم تكن مكتوبة للهلال. التعاون لعب وفق إمكانياتة وخطتهم الرئيسية كانت اللعب على اخطاء لاعبين الهلال ونجحوا في ذلك البعض من جمهور الهلال التأثير الخارجي مؤثر عليهم كثيراً والمقصود بالتأثير الخارجي الاعلام وما يتبعه وخير مثال المعلق المصري والذي حول التعاون الى ريال مدريد او برشلونة !!!! |
الهلال لايستفيد من المرتدات افضل عهد للمرتدات والضرب ب 4 و5 عهد جيرتس وسامي تحس الفريق فيه روح وقوي الان فريق الهلال يملك اساسي واحتياطي قوي لكن دونيس يتخبص |
والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
يجب ان ندرك ان الهلال ليس الفريق الذي لا يهزم وان البطولات كلها للهلال وانه لا يخفق ولا يضعف مستواه ... والفريق الذي يخشى الخسارة لا يفوز فالمصارع الذي يخشى الضربات لا يعزم على الفوز الهلال ان شاء الله بطل الدوري وقفوا معه مشجعين وليس مثبطين |
هذي بركاتكم طالبتو بالغاء عقد الميدا وعبدالعزيز الدوسري وكلنا شفنا الهلال كيف شكله دونيس يلعب بالشكل هذا مكرهآ اخاك لابطل الميدا يحرك لك الهجوم ويزعج الخصم عبدالعزيز الدوسري ماله فايده لاصناعه ولا اهداف بس مفيد للتكتيك يحرك الوسط الله يستر على الهلال قدام الاهلي هجومنآ بيختفي أفضل حل يلعب يوسف السالم مانبيه يسجل بس نبغاه يعمل حركه بمنطقة الخصم التعاون مسك المباراه طول وعرض لأن عنده لاعبين وسط |
| الوقت المعتمد في المنتدى بتوقيت جرينتش +3.
الوقت الان » 11:45 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd