لا لازم يحرق اعصابنا بالشوط الاول ونبحث عن التعديل بالشوط الثاني

بالنسبه للاهلي اذا ما طبق دونيس الضغط على حامل الكره في ملعب الاهلي ثق تماما اننا لن نفوز
لان بناء الهجمه للاهلي خطير
سلمان الفرج اصبح نقطة ضعف وكل المرتدات بسببه اتمنى ما يلعب الا اذا كان محور هجومي

الان اغلب الفرق تلعب بالصغط على الفرج وكواك وهذا سبب ارجاع الكره للخلف والحل اما التمرير للاجنحة بكره عالية او رجوع الوسط لفتح مساحات او التشتيت

نحتاج فقط يكون فيه اثنان مهاجمان بدال الخطة الي حفظوها جميع الاندية وهذي مشكلتنا مع المدربين نحتاج مدرب يبتكر خطة جديدة اذا شاف انه عجز امام فريق اخر

مع كوزمين المطور انسى هلال المتعة الهجومية يعود
اقولها وقلتها كثيرا مع كوزمين المطور الجبان ابو مهاجم واحد لن يفوز الزعيم وقت المباريات الكبيرة
لانه بكل بساطة مدرب غبي خطته يعرفها حتى صغار المشجعين ناهيك عن المدربين
لا الوم دونيس بكثر ما الوم شبيه شبيه الريح والابن المطيع المفرج

وجهة نظري عادي لو يلعب بمدافع واحد بس الأهم وجود محورين ..
كريري مع ( سلمان أو عطيف ) لعدم وجود غيرهم للأسف
تشكيلته المعتمد عليها دائماً تُحرج المدافعين وتُجهد الوسط برجوعهم لتغطيّه مع المحور
وذالك على حساب أدوارهم الهجوميه لذالك الخطه نجحت في البدايه
وبعد ما أنكشفت صار الزعيم يعاني في الشوط الأول غالباً
أفضل فريق بالعالم برشلونه معتمد على دور المحاور الرئيسي لذالك هجومه متفرغ لأدواره
يعطيك العافيه وبالتوفيق يا رب للزعيم

صدقني كل مدرب له لاعبه المفضل ، ودونيس لاعبه المفضل تكتيكيا هو الفرج ، انخفاض مستوى الفرج احرج دونيس كثيرا ، وجعله يدخل في صدام قناعات ، ولا خطته مناسبه للهلال ، لو كان هناك لاعب غير الفرج اليوم ، مثل نواف العابد، من بداية اللقاء ، لفاز الهلال على التعاون ،

ارى ان اراد المدرب اللعب بخطته ، ان يلعب بشراحيلي ، وكواك ، وديقاو ،جحفلي ، كريري ،الشهراني ، درويش ، العابد، الشلهوب ، ادواردو ، الشمراني،

وان يركن الفرج بالاحتياط ، وعنده اوراق رابحه ، سالم الدوسري ، وياسر القحطاني ،

وان اراد ان يلعب لاعبه المفضل سلمان الفرج ، ان يغير الخطه حتى تناسبه ، باللعب ب 4/5/1

من خلال اشراك ، شراحيلي ، كواك ، ديقاو ، الشهراني، الزوري ، كريري كمحور دفاعي ، الفرج ،ودرويش ، ،الشلهوب ،ادواردو ، الشمراني ،.

المدرب ممتاز

لكن مشكلته الوحيده هي انه جا للهلال في وقت عجز مالي

والادارة عاجزه عن شراء محور دفاعي صلب يصد الهجمه قبل وصولها للدفاع

مما يجبر المدرب اللعب بثلاثه قلوب دفاع

ولو كان دونيس موجود ايام جريتس و البذخ المالي لكان من انجح المدربين على الدوري السعودي على الاطلاق

*لا انكر ان المدرب له اخطاء قليلة وهو بشر يخطئ... لكن لايلام عن عدم توفير افضل اللاعبين له من قبل الادارة... و بالذات في مركز المحور الدفاعي

لا والله مع احترامي للي يقول عن دونيس ممتاز. ياملوك عنده مشكلة في بناء الهجمه. مايعرف كيف يستغل المرتدات. ماعنده صناعة الأهداف من العمق. شغل اوفرات بس اذا توهق الزوري ركبته شكلها تبغى تفكك من كثر ماهو شغال رفعات. تخبطات من بداية المباراة. تشكيلته رايحه فيها. وتقولون ممتاز

عاد تدري وش رايي؟

أنا كـ مشجع ماعندي والله مشكلة مع أي لاعب في الفريق باستثناء الفرج اللي تراجع مستواه بشكل واضح

اللي ناقص الفريق الجدية في اللعب الجدية يا ناس تكفووووووون العبو كتلة واحدة وهدفكم الفوز.


هذا اللي أرجوه فقط

بكل صراحة

النهائي للاهلي اذا السباك بيستمر بدلاخته

والدوري بيكون للاتحاد كلمة

والاسيوية خلوها للصينيين

المدرب مايفهم صدقوني ولا لقى احد يوقفه عند حده

وناصر يستقصد يضر الهلال بوساخته

الاهلي رايح يلعب بطريقة التعاون تقفيل الاطراف والعب السريع والمرتد خصوصا عنده لاعبين مهاريين اجانب ومحليين في الوسط والهجوم ..!
الهلال الحماس والروح مفقود يحتاج اداري حماسي وقوي مع احترامي للمفرج لكن ضعيف في هالدور ..!!

إقتباس الرسالة الأصلية كتبت بواسطة الولهان 2005 لا والله مع احترامي للي يقول عن دونيس ممتاز. ياملوك عنده مشكلة في بناء الهجمه. مايعرف كيف يستغل المرتدات. ماعنده صناعة الأهداف من العمق. شغل اوفرات بس اذا توهق الزوري ركبته شكلها تبغى تفكك من كثر ماهو شغال رفعات. تخبطات من بداية المباراة. تشكيلته رايحه فيها. وتقولون ممتاز

والاوفرات ماراح تأكله عيش مع معتز واسامة هوساوي

مدرب ماعنده حلول ابدا اذا انشلت الاطراف عنده ينتهي فريقه وينضرب تكتيكه وللاسف مدرب حراس عند الفقر عرف كيف يجاري الاهلي ويضربهم من العمق ويوظف لاعبيه ولولا الحظ لخرج الاهلي بتاريخية في مرماه

هذا المدرب عنييييييد ولايتعلم من اخطاءه وبعد كل مباراة يخرج علينا بتصريح اتحمل مسؤولية الاخطاء طيب لمتى يا يابس الراس !!!!!

زميلي هلالي كندا
يو قريت المدرب ممتاز لميت راسي
العجز المالي الهلال أغى نادي أعضاء شرف ما فيه نادي يملك مثلهم
لكن مبارة التعاول مباراة تفوق فيها الفكر على المال

اذا الهلال يبي يفوز يلعب بالتشكيلة ذي
شراحيلي (يترك منه تفكير خارج الملعب)
الشهراني ديقاو كواك البريك
عطيف (سعود) و الفرج محور هجومي
ادواردوا نواااف سالم دوسري او الشلهوب
القحطاني ( الشمراني يدخله شوط الثاني)
اذا لعب كذا اضمن بعد توفيق الله فوز الهلال على الاهلي غير كذا لا تحلمون بالبطولة
و سلام خير الختام